379
I BEYNƏLXALQ HƏMZƏ NİGARİ SİMPOZİUMU | Amasiya
NƏTICƏ
Bizə elə gəlir ki, yuxarıda qeyd etdiklərimizin tarixi-fəlsəfi mahiyyətini dərk
etmək üçün, istər Azərbaycanda, istərsə də Türkiyədə milli şüurumuza yeridilən
və indinin özündə də bu və ya digər formada yaşadılan saxtalaşdırılmış tarixdən,
ədəbiyyatdan, qeyri-milli ideyadan deyil, vahid bir millətin min illiklər boyu qoru-
yub saxladığı və yaşatdığı milli tarixdən, milli fəlsəfi fikirdən, milli ədəbiyyatdan,
milli ideyadan çıxış etməliyik. Çünki vahid türk fəlsəfəsini, türk tarixini, türk dini-
fəlsəfi düşüncə sistemini, türk ədəbiyyatını və s. mənimsəmədən, onun tarixi-fəlsəfi
mahiyyətinə varmadan heç vaxt türkçülüyün bütün türklər üçün hansı əhəmiyyət
kəsb etməsini də, dərk edə bilmərik. Başqa sözlə, ayrıca götürülmüş bir ölkənin
(Azərbaycan, Türkiyə, Qazaxıstan, Özbəkistan, Tatarıstan və b.) fəlsəfəsi, tarixi,
ədəbiyyatı, mədəniyyəti və s. ilə yanaşı, ümumi türk fəlsəfəsi, türk dini-fəlsəfi dün-
yagörüşü, türk mədəniyyəti, türk ədəbiyyatı, türk tarixindən də bəhs olunmalı, tədris
edilməlidir. Ancaq bu halda türk dövlətlərində, o cümlədən ötən əsrin sonlarında
keçmiş SSRİ-nin tərkibindən çıxaraq yenicə müstəqillik əldə edən ölkələrin gənc
nəsilləri, sözün həqiqi mənasında türkçülüyü - türk kimliyini, türk mədəniyyətini,
türk fəlsəfəsini, türk tarixini və s. daha dərindən və yaxından anlamış olacaqlar.
İstifadə olunmuş ədəbiyyat
1. AĞAOĞLU Ə. (2007), Seçilmiş əsərləri. Şərq-Qərb, Bakı.
2. AKÇURAOĞLU Y. (2010), Türkçülüyün tarixi. Qanun, Bakı.
3. AXUNDZADƏ M.F. (2005), Əsərləri. Üç cilddə. III cild. Şərq-Qərb, Bakı.
4. BAKIXANOV A.A. (1951), Gülüstani-İrəm. Azərnşər, Bakı.
5. BAYKARA H. (1992), Azərbaycan istiqlal mübarizəsi tarixi. Azərnşər, Bakı.
6. GÖKALP Z. (1991), Türkçülüyün əsasları. Maarif, Bakı.
7. HÜSEYNZADƏ Ə. (2007), Seçilmiş əsərləri. Şərq-Qərb, Bakı.
8. HÜSEYNOV Ş. (2007), Mətbu irsimizdən səhifələr. Çənlibel, Bakı .
9. RƏSULZADƏ M.Ə. (1990), Əsrimizin Səyavuşu, Çağdaş Azərbaycan ədəbiyyatı,
Çağdaş Azərbaycan tarixi. Gənclik, Bakı.
10. ZƏRDABİ H. ƏKİNÇİ – 1875-1877. (2005), Şərq-Qərb, Bakı.
380
I BEYNƏLXALQ HƏMZƏ NİGARİ SİMPOZİUMU | Amasiya
381
I BEYNƏLXALQ HƏMZƏ NİGARİ SİMPOZİUMU | Amasiya
HƏMZƏ NIGARININ MÜRIDI HACI MAHMUD ƏFƏNDI
Faiq NƏSİBOV
*
Xülasə
Qazaxın Aslanbəyli kəndinin qədim qəbiristanlığında Hacı Mahmud Əfəndi türbəsi
yerləşir. Bu türbə xalqın öz oğluna bəslədiyi böyük hörmətin, məhəbbətin rəmzidir.
Hacı Mahmud Əfəndinin dördbucaqlı türbəsi ornament və kitabələrlə
bəzədilmişdir. Türbə geniş və möhkəm hərəmin (hasarın) içərisindədir. Türbədə iki
qəbir yerləşmişdir. Sol qəbir Hacı Mahmud Əfəndi Qaraniyə (1250-1313) (1835-
1896), o biri isə onun məsləkdaşı və yaxın dostu olan Seyid Yasinə (?-1309) (?-1892)
məxsusdur.
Hacı Mahmud Veysəl Qarani oğlu 1835-ci ildə Qazaxın Aslanbəyli kəndində
anadan olub. İlk təhsilini atasından alan Hacı Mahmud, sonralar bir müddət Şəkidə
zahiri və batini elmləri, fars və ərəb dillərini öyrənir. 1870-ci illərdə Hacı Mahmud
Əfəndi Türkiyənin Amasiya şəhərinə gedir və orada nəqşbəndiyyə təriqətinin şeyxi
Mirhəmzə Seyid Nigarinin tələbəsi olur. Seyid Nigarinin Türkiyə, Azərbaycan, Gür-
cüstan və Dağıstanda çox sayda müridi olmuş, və o, onlardan bir neçəsini xəlifəlik
adına layiq görmüşdür. Xəlifələrdən biri də Hacı Mahmud Əfəndi olmuşdur.
Hacı Mahmud Əfəndi sonralar öz doğma Aslanbəyli kəndinə dönür. Burada elmi
bilikləri təbliğ etmək üçün mədrəsə tikdirir. Xalqın böyük rəğbətini qazanmış, bütün
elin həm mənəvi atası, müəllimi, həm də himayədarı olmuş Hacı Mahmud Əfəndi
insanların maddi və mənəvi problemlərinin həllində vasitəçi olurdu. Çar hökuməti
onu Rusiyaya sürgün etmək istəsə də, sonralar xalqın qəzəbindən ehtiyatlanaraq
ona müsəlman ölkələrinin birinə köçməyə icazə vermişdir. Türkiyəyə yola düşən Hacı
Əfəndi, müəllimi Mirhəmzə Seyid Nigarinin artıq vəfat etdiyini xəbər tutur. Hacı
Mahmud Əfəndi Qarani sevimli müəllimə ehtiram əlaməti olaraq Azərbaycandakı
müridlərin yardımı ilə Amasiya şəhərində Mirhəmzə Seyid Nigarinin dəfn olunduğu
yerdə türbə və böyük bir Came (məscid) tikdirmişdir.
Hacı Mahmud Əfəndi 1896-cı ildə dünyasını dəyişdi və Aslanbəyli kəndində dəfn
edildi. Məzar daşında “Ya Allah, Ya Seyid Nigari, Ya Həzrət Mövlanə” sözləri və Həmzə
Nigarinin qəzəllərindən parçalar həkk olunmuşdur. Dünyasını dəyişdikdən sonra da
Hacı Mahmud Əfəndinin minlərlə sevənləri və ziyarətçiləri olub. Hal-hazırda məzarı
Azərbaycanın tanınmış ziyarətgahlardan biridir. Hacı Mahmud Əfəndinin türbəsi və
müsafirxanası dövlət tərəfindən qorunan abidələr siyahısına daxildirlər.
Abstract
There is a famous tomb in the ancient cemetery of the Aslanbeyli village in the
Gazakh district. This is a tomb of Hadji Mahmud Effendi who had great esteem of the
people not only in Gazakh but also far beyond the district borders.
A square shaped tomb of Hadji Mahmud Effendi has decorated with ornaments
and old inscriptions. The tomb is surrounded by a broad and strong fence. There are
* BP şirkətində Layihə Rəhbəri, Tədqiqatçı