112
zikrindən yayındırmasın! Hər kəs bunu etsə (zikr et məsə),
belələri əsil ziyana uğrayanlardır” (
əl-Munafiqun, 9).
Hər bətndə bir şeytan var:
Şeytanını edam eylə.
Hər bətndə bir heyvan var:
Heyvanını adam eylə.
Adsız qul yox,
əzəl ad qoy,
Ömrün boyu özəl ad qoy,
Ölsən
yenə gözəl ad qoy,
Qeyri miras bədnam eylər.
Dünya malına uyanların Allahı-malın əsil Sahibini unut-
ması, zikr etməməsi bir gerçəklikdir. Bu baxımdan ayədə
övlad mal ilə eyniləşdirilir. Yəni onun istək və tələbat la rına
uymaq da zikrdən uzaqlaşdırır. Allah-Təalanın buyur duq-
larını etmək, yasaqladıqlarını da etməmək zikrdir. Övlad
və onunla bağlı məsələlər valideynin qəlbini məşğul, daha
dəqiq desək, işğal etdikdə orada Allaha yer qalmır. Qəlb
Onu unudur. Onu unutmaq Onun əmr və yasaqlarını da
xatırlamamaqdır.
Ən böyük təhlükə də budur. Çünki unudulan heç nə
itirmir, itirən ancaq unudandır.
“Allahı unutduqlarına görə,
Allahın da onları özlərinə unutdurduğu kimsələr kimi
olmayın. Fasiqlər elə onlardır” (
əl-Həşr, 19)
.
Nəfsini qurd, canavar bil;
Rəbbindən tut, Havadar bil.
Bu dünyanı
dörd divar bil;
Nə döşəmə, nə dam eylə.
İnsanlar qaçmadıqca,
Nöqsanlardan qaçmadıqca,
Asanlardan qaçmadıqca,
Çətinliklər davam eylər.
113
Ana da, ata da, övladın dünyasından çox axirəti üçün
çalışmalıdırlar. Bu zaman öz Axirətləri üçün də çalışmış
olurlar.
Lakin övladdan fərqli olaraq, valideynlər, xüsusən də
analar Allahı unutduran deyil, xatırladan varlıqlardır. Hə-
disdə buyuruldu:
“Kəbəyə baxmaq ibadətdir, anayaataya
baxmaq iba dətdir, Allahın Kitabına baxmaq iba dətdir.”
Göründüyü kimi, valideynlərin üzünə baxmaq Allah-
Təalanın evinə və Kitabına, yəni Kəbəyə və Qurana bax-
maqla eyni tutu lur. Başqa cür ola da bilməz. Çünki yer
üzündə şükrə layiq olan yeganə məxluqa iltifat və itaət
yerdə də, göylərdə də şükrə layiq olan yeganə Xaliqə iba-
dət sayılır.”
“Ataya itaət Allaha itaətdir. Ataya asi olmaq
Allaha asi olmaqdır” (
hədis)
. Hər bir ibadət isə, öncədən
qeyd etdiyimiz kimi, zikrdir, Allahı xatırlamaqdır. Məbudu
unudan ibadət edərmi? Vali deynə sayğı həm də elə bir
ibadətdir ki, bu zaman övladın mömin olması tələb edil-
diyi halda ana-atanın imanlı, yaxud iman sız olması əhə-
miyyət daşımır. “
Üç şey var ki, onların heç birində heç kimə
güzəşt yoxdur: 1) müsəlman da olsa, kafir də olsa, onunla
bağlanan əhdə vəfada; 2) müsəlman da olsa, kafir də olsa,
anayaataya ehtiram və ehsanda; 3) müsəl man da olsa,
kafir də olsa, əmanətə sədaqətdə” (
hədis)
.
Mömin doğur hər cür ana,
Hər doğuş bir ibadətdir.
Çıx bətnindən,
gir qoynuna,
Hər ağuş bir ibadətdir.
Hər böyüyə şəfqətlə bax,
Onlar
baxan riqqətlə bax,
Dikəlməyən bir qəddlə bax,
Hər baxış bir ibadətdir.
114
Yolçu, bu yol ağrılıdır,
Çox ananı o ağladır
Bu yol yalnız yuxarıdır –
Hər yoxuş bir ibadətdir.
Valideynə bağlılıq tam olmalı, təkcə maddi deyil, mə-
nəvi əlaqələri də əhatə etməlidir. Yoxsa ibadət sayılmaz.
Maddi tələbatları ödəməklə iş bitməz. Bunu müxtəlif qu rum-
lar, yad kimsələr də edir. Övladdan umulan, ilk növbədə,
mənəvi ehtiyacların ödənilməsidir. Bu isə dün yəvi olan heç
bir şeyi ana və atadan üstün tutmamaqla mümkün olur.
İbrət
Həzrət Fatimə binti Musənna 12-ci əsrdə yaşamış xa nım
vəlilərdəndi. Xurma budaqlarından tikilmiş bir komada
qalırdı. Onun haqqında Muhyiddin Arabi həzrətləri yazır:
“Hüzuruna məndən başqa kimsənin girməsinə müsaidə
etməzdi”. “Nə üçün yalnız ona izin verirsiniz, başqalarına
müsaidə etmirsiniz?” deyə sorulduqda buyurdu: “Başqa-
ları yanıma gəldikləri zaman yarım olaraq gəlirlər. Yəni
özləri gəlirlər, fəqət qəlbləri işlərinin, dünyalıqlarının, evlə-
rinin, ailələrinin yanında qalır. Ancaq Muhəmməd ibn
Arabi mənim övladımdır. Gözümün nurudur. Yanıma gəl-
diyi zaman tam gəlir. Oturduğu zaman tam oturur. Digər-
ləri kimi geridə bir şey buraxmaz.
Düşüncələri, qəlbi geridə
qalmaz”.
Gündən-günə gözəlləşən bu fani dünyada yaxşı ata,
yaxşı ər olmaq hər oğulun işi deyildir. Fəqət yaxşı oğul
olmaq daha zordur. Bu bir həqiqətdir ki, valideyn nə qədər
pis olsa da, onun ucbatından övlad lənətlənməz: “Allah
flan kəsin balasına lənət etsin” deyən çoxmu? Amma bir çox
valideynlər pis övlada görə qarğış hədəfi olarlar. “Allah
filankəsi əkənə lənət etsin! “ deyənlər azmı?
115
Ha öyünsək, bir şey məlum:
Nə
yer cənnət, nə biz məsum.
Fəqət ana, o pakdan pak,
Zalimini sevən məzlum.
Hədis
Rəsulullah (
salləllahu aleyhi vəsəlləm) buyurdu: “Atasına
söyənə Allah lənət etsin! Anasına söyənə Allah lənət etsin!”
Dedilər: “Ey Allahın Rəsulu! İnsan da ana-atasını söyərmi?
Buyurdu: “Kişi filankəsin atasını söyər. O da qayıdar bunun
atasına söyər. Kişi filankəsin anasını söyər, o da qayıdar
bunun anasını söyər”.
Dünya kimin anasısa,
Yetim qalır, tənha olur.
Dünya kimin sonasısa,
Susuz qalır, təşnə olur.
Dünya kimin atasıdı,
Bu ən böyük xətasıdı.
Dünya kimin qudasıdı,
Şeytan ona yeznə olur.
Yaxşısansa minnət etmə.
Yamansansa sənət etmə.
Kafirə
də lənət etmə,
Bəlkə əhli-tövbə olur.
Ey Allah yolçusu! Bu yolçuluğunda ilk kövrək addım-
larını atmağı bacardınsa, yəni anana-atana həqiqi övlad ola
bildinsə, onda daha sabit qədəmlərə keçmək, yəni Rəbbinə
gerçək qul olmaq zamanı gəldi. Zatən övladlığın özü də
bəndəliyə daxildir. Çünki Haqq yol yol Sahibinə səmimi
qulluqdan başqa bir şey deyildir.
Yolçu yolda gərək!