Türk Dünyası Gənc Tədqiqatçılar dərnəyinin Araşdırmaları
№1(1) 2017
64
başa çatdırılmış, Rusiya tarixçilərinin bir qisminin “imperiyanın xa-
rici sərhədlərinin formalaşmasının başa catması” kimi qələmə vermə-
yə çalışdıqları hadisələr nəticəsində region Rusiyanın nüfuz dairəsinə
daxil edilmişdi. 1917-ci ildə Rusiyada monarxiyanın devrilməsindən
sonra hakimiyyətə gələn bolşeviklərin millətlərə “öz müqəddəratları-
nı təyin etmə hüququ” verəcəkləri haqda vədlərinə baxmayaraq,
1917-1922-ci illərdə bu dəfə də sovet Rusiyası regionun ikinci işğa-
lını gerçəkləşdirilmişdi. Və beləliklə, 1991-ci ildə SSRİ-nin dağılma-
sına qədər Mərkəzi Asiya regionu dünya dövlətləri üçün bağlı regio-
na, ümumiyyətlə hər cür geosiyasətdən uzaq bir əyalətə çevrilmişdi.
1991-ci ildə SSRİ-nin dağılması ilə isə onun bu mahiyyətində
dəyişikliklər baş verməyə başladı, region böyük dünya dövlətlərinin
maraqlarının kəsişdiyi mühüm mərkəzlərdən biri oldu. Amerikalı po-
litoloq Z.Bjezinski ele hesab edir ki, bütünlükdə Avrasiya regionuna
təsir imkanlarına görə Mərkəzi Asiya regionu Qafqaz və Əfqanıstan-
la birlikdə “Avrasiya Balkanları” hesab oluna bilər (1, s.161-195).
Belə ki, əslində bütün dünyada qüvvələr balansının necə olmasına
Mərkəzi Asiya dövlətlərində hadisələrin hansı istiqamətdə inkişaf et-
məsinin əhəmiyyətli dərəcədə təsiri ola bilir. Öz növbəsində, dünya-
nın aparıcı dövlətlərinin, həmçinin region dövlətlərinin xarici siyasət
fəaliyyətləri Mərkəzi Asiyada baş verən proseslərə təsir edən mühüm
amillərdən biridir.
Dünya sosializm sisteminin və SSRİ-nin süqutunun beynəlxalq
münasibətlərə təsiri böyük oldu - İkinci dünya müharibəsindən sonra
yaranmış beynəlxalq münasibətlər sistemi dağıldı və beynəlxalq mü-
nasibətlərin tarixində yeni keçid dövrü başlandı. Birqütblü beynəl-
xalq münasibətlər sistemi yarandı - Amerika Birləşmiş Ştatları yega-
nə super gücə çevrildi. Soyuq müharibədən hərbi və iqtisadi cəhətdən
güclü dövlət kimi çıxan ABŞ yeni yaranmış geosiyasi boşluqlarda öz
təsirini gücləndirmək, üstünluk əldə etmək istiqamətində fəaliyyətini
genişləndirdi. ABŞ-ın bu siyasətini xarakterizə edən əsas nəzəriyyə-
lər yarandı (3; 4; 5). Bunun qarşılığında isə beynəlxalq arenada qlo-
ballaşma adlanan və Qərbin mənafeyinə cavab verən yeni bir siyasi
strategiyanın formalaşması mərhələsi başlandı. Həmçinin Yeni dünya
Türk Dünyası Gənc Tədqiqatçılar dərnəyinin Araşdırmaları
№1(1) 2017
65
Düzəni ABŞ-ın idarəçiliyində olan bir sıra beynəlxalq təşkilat və itti-
faqların strukturunda dəyişikliyi zəruri edirdi. Bu baxımdan BMT so-
yuq müharibədən sonra ümumi təhlükəsizlik mexanizminin yenidən
canlandırılması məqsədilə 1992-ci ildə XXI əsrdə sülh və inkişafa
yönələn “Sülh Gündəmi strategiyasını” (6) meydana qoydu. 31 yan-
var 1992-ci ildə BMT Təhlükəsizlik Şurasının dövlət və hökumət
başçılarının keçirilən görüşündə yeni beynəlxalq şərtlərin ortaya çıx-
dığı qeyd edilərək Beynəlxalq sülh və təhlükəsizliyin davamlı inkişa-
fı yolunda razılaşma əldə edildi.
ABŞ öz liderliyini NATO çərçivəsində də ortaya qoydu. NATO-
nun quruluş sənədində deyilirdi ki, bu ittifaq yalnız üzv ölkələrdən
birinə hücum olacağı təqdirdə hərəkətə keçə bilər. Amma SSRİ-nin
dağılmasından sonra NATO-nun fəaliyyətində yeni istiqamətlər for-
malaşmağa başladı. NATO-nun 1991-ci il tarixli London Deklarasi-
yası ilə açıqlanan və Yeni Strategiya Konsepsiyası kimi tanınan bu
konsepsiya milli suverenliyi dünya düzəninin təməl nöqtəsi olmaq-
dan çıxardı. NATO-ya görə Avropanın təhlükəsizliyinə hədə olaraq
bir sıra yeni ünsürlər meydana çıxıb: etnik münaqişələr, sosial-iqti-
sadi çatışmazlıqlar, nüvə silahının yayılması, ərazi müdaxilələri.
Bunlar da NATO-nun yeni müdaxilələr etməsini şərtləndirir. NATO
1999-cu ildə Vaşinqtonda keçirilən yubiley sammitində Yeni Stra-
tegiya çərçivəsində ümumi təhlükəsizliyi qlobal səviyyədə həyata ke-
çirəcəyini ehtiva etdi.
Mərkəzi Asiyada yeni yaranmış dövlətlər də milli maraqların-
dan çıxış edərək yeni şəraitə uyğun olaraq beynəlxalq aləmdə özlə-
rinə aid yerlərini tutmağa çalışırdılar. SSRİ-nin dağılması ilə yaran-
mış dövlətlər yeni bir siyasi və iqtisadi sistemə daxil olmuşlar. Ümu-
miyyətlə SSRİ-in dağılmasından sonra həm Mərkəzi Asiyada, həm
də onun hüdudlarından kənarda çoxları belə hesab edirdilər ki, bu
dövlətlərin gələcək inkişaf yollarının seçilməsində İslam amili mü-
hüm rol oynayacaq. Belə ehtimallar eşidilməyə başlanmışdı ki, Mər-
kəzi Asiyada Türkiyənin dünyəvi İslamı ilə İranin radikal İslamı ara-
sında kəskin mübarizə olacaq. Lakin bu ehtimallar özünü doğrult-
madı. Bu isə öz növbəsində digər bir fikri bir daha təsdiq etdi; geopo-
Türk Dünyası Gənc Tədqiqatçılar dərnəyinin Araşdırmaları
№1(1) 2017
66
litika beynəlxalq münasibətlər sistemində mühüm rol oynayır, yəni
ölkələrin fiziki coğrafiyası, yerləşdikləri coğrafi məkan onların digər
dövlətlərlə siyasi, iqtisadi və digər əlaqələrin qurulmasında daha çox
önəm verilən amillərdir, nəinki etnik, yaxud dini, mədəni yaxınlıq.
Ümumilikdə belə bir fikir mövcuddur ki, region uğrunda XIX
əsrdə Rusiya ilə Böyük Britaniya arasında getmiş “Böyük oyun” gü-
nümüzdə yeni aktorların əlavə olunması ilə müasir qaydada yenidən
bərpa olunmuşdur. Hazırda region uğrunda geosiyasi mübarizə bir tə-
rəfdən ABŞ, digər tərəfdən Rusiya, Çin, qismən Türkiyə, İran, həm-
çinin İran, Pakistan, Hindistan və Avropa Birliyi ölkələri arasında
getməkdədir. Mərkəzi Asiyanın postsovet dövlətlərinin inkişafı mə-
sələləri nəzərdən keçirildikdə regionalizm prinsipi diqqəti cəlb edir,
yəni region ölkələrini özlərinin spesifik siyasi-iqtisadi siyasətləri olan
Avrasiya materikinin əsas mərkəzləri arasında yerləşmiş vahid geosi-
yasi məkan kimi nəzərdən keçirmək mümkündür.
Regiondakı nüfuz bölgüsünü aydın görmək üçün onları ayrı-
ayrılıqda nəzərdən keçirmək lazımdır. Rusiya və Çin tarix boyu re-
gionda çox mühim təsir gücünə malik olublar (7). SSRİ-in dağılma-
sından sonrakı ilk illərdə Rusiyanin regiona marağının zəifləməsinə
baxmayaraq, o, hər zamankı kimi bu dövrdə də Mərkəzi Asiyanı Av-
ropa ilə birləşdirən həlqə olmuşdur. Avropadan Mərkəzi Asiyaya və
əksi istiqamətdə edilən heç bir cəhd Rusiyanın iştirakı olmadan
mümkün deyil. Rusiya Mərkəzi Asiyada özünün prioritet marağı
kimi Əfqan-İslam amilinə qarşı mübarizəni göstərir. Bundan başqa
Rusiya regionun enerji daşıyıcılarının nəqli məsələsində maraqlı ol-
duğunu açıq şəkildə nümayiş etdirir. Bildirir ki, regionun neft-qaz
ehtiyatlarının mənimsənilməsində, boru ixrac kəmərlərinin inşa olun-
masında, istismarında, nəqlində iştirak edən digər dövlətlər kimi, re-
gionda iştirak onun üçün də iqtisadi məsələdən daha çox siyasi məsə-
lədir, daha çox regionda mövcud vəziyyətə nəzarət baxımından əhə-
miyyətlidir. Bir sıra qərb ekspertləri SSRİ dağıldıqdan sonra Ruisya-
nın regionda əvvəlki nüfuza malik olmadığı haqda fikirlərini təsdiq
etmək üçün region dövlətlərinin 1992-ci ilin yanvarında ATƏT-in
üzvü olduqlarını, NATO ilə əlaqələrini inkişaf etdirməkdə maraqlı
Dostları ilə paylaş: |