102
qancdır. Bunsuz Otellonu ifa etmək mümkün deyil. Lakin o nə isə
dərin insani keyfiyyətlərə malikdir... Onun necə dəhşətli hadisələrə
düşdüyünün şahidi oluruq. Ələkbərov ümumbəşəri bir faciə oyna-
mağa çalışmır. Ələkbərovun ifasında mənim üçün əziz olan cəhət-
lərdən biri məhz budur. O, azərbaycanlı olaraq qalır. Onun halı pis
olduqda yalnız orada, Xəzərdə görülməsi mümkün olan təkraro-
lunmaz bir hərəkət edir. Məhz ona görə ki, bu obraz məna etibarilə
sırf milli, emosiya ilə ümumbəşəri əhəmiyyət kəsb edir” (2).
P. Novitski “İzvestiya” qəzetində (30.05.1959) yazır ki; “Nə
qədər ki, Otellonun ürəyinə yara vurulmamışdır, o, heç vaxt ağla-
mırdı. O, həyatında birinci dəfə qorxunc və mərdanə göz yaşları
axıdır. Ələkbərov bu göz yaşlarından qorxmur. Bəlkə də onun yarat-
dığı Otello bütün başqa Otellolardan ən insanpərvəridir, çünki o öz
göz yaşları, kədər və zəifliyi ilə utanıb sıxılmır. Axıtdığı göz yaşları
bəzən acı, istehzalı gülüşlə bitir, bundan sonra isə amansız kin və
qəzəb hissləri alovlanır...”.
“Ələkbərovun Otellosu qüdrət və vüsətə malik olmaqla bəra-
bər, həm də epik bir xarakterlə cilalanmışdı. Onun sadəliyyində əzə-
mət, düşncələrində isə dramatik bir çarpışma var idi...
“Otello” tamaşasından səhnə.
Soldan: Otello – Ə.Ələkbərov, Yaqo – R.Əfqanlı
103
Ələkbərovun yaratdığı Otello Şekspirin yaradıcılığı kimi çox
mənalı, əsrarəngizdir. Onun ifasında böyük bir ürəyin titrəyişi, peş-
mançılıq və kədəri, qəzəb və qətiyyəti duyulur. 1959-cu ildə Azər-
baycan ədəbiyyatı və incəsənəti ongünlüyü zamanı Ələkbərovun
Otellosu barədə məqalə yazan P. Novitski deyir ki. o öz jest və
mimikalarını sanki riyazı hesablamalar əsasında qurubdur. Qeyd
etməliyik ki, bu fikir aktyorun çoxmənalı, həyat qədər təravətli və
çoşqun ifasından hasil olan bir qənaətdir. Doğrudan da Ələkbərovun
səsinin təcəssüm etdirdiyi həyat elə dərin, məntiqli və cazibəli,
nikbin və kədərlidir ki, onu eşidərkən özündə vüqar, qüvvət duyma-
maq və bəzən də kövrələrək kədərlənməmək qeyri-mümkündür. O,
mütəəssir edir və eyni zamanda öz mərdanəliyi, nəcibliyi ilə
tamaşaçıların qəlbində qürur hissi oyadır. Onun pıçıltılarında, sakit-
sakit danışıqlarında etiraz edib həqiqət naminə haray qoparan böyük
bir insan qəlbinin döyüntüləri, qəzəb və kədər hiss olunur. Burada
Ələkbərov hər bir sözə, əsərdəki hər bir fikrə qarşı həssaslıqla ya-
naşır, ona öz yaradıcılıq münasibətini bildirir. Ələkbərov öz isteda-
dının bütün imkanlarını məhz Otello obrazında açmağa nail olmuş-
dur” (2).
V. Rıpsova “Moskovskaya pravda” qəzetində (30.05.1959)
yazır ki; “Onun Otellosu yazıqlıq hissi doğurmur, o, həsəd aparır.
Bu insan təmiz qəlbli, böyük ağlı olan hərbi xadimdir. O, yarımçıq
hiss bilmir, onun sevgisi dəniz kimi əzəmətli, inamı isə sonsuzdur.
Dezdemonanın xəyanət sədası nəinki onu sarsıdır, hətta təhqir
edir...”
“Məşhur rejissor Y. Zavadski yazır ki; “Ələkbərov Otello
obrazını özünəməxsus bir orijinallıqla yaradır. Otello onun özü-
nünküdür. O, ən məşhur Otello ifaçılarındın də məhz bu keyfiyyəti
ilə fərqlənir. Bu, sovet aktyor sənətinin qələbəsi kimi qiymətlən-
dirilməlidir”.” (2).
Ələsgər Ələkbərovun əzəmətli görkəmi, getdikcə alovlanan
nitqi tamaşaçını heyrətə gətirirdi. Otello-Ələkbərov bütün monoloq-
104
larını tamaşaçılara çox gözəl çatdırırdı. Çünki, məlahətli səs, zəngin,
müxtəlif çalarlı intonasiya monoloqların məzmunu ilə həmahəng
səslənirdi.
Ə. Ağayev “Kommunist” qəzetində (16.05.1959) yazır ki; “Ə.
Ələkbərovun oynadığı Otello rolu üzərində son bir neçə ildə
xüsusilə çalışmış, yaradıcılıq axtarışları aparmış və obrazın daha
dolğun və məzmunlu çıxmasına müvəffəq olmuşdur... Otello-Ələk-
bərov indi tamaşanın əvvəlindən axırına doğru inandırıcı və təbii bir
daxili inkişaf keçirən mənəvi cəhətdən getdikcə daha çox yüksələn,
yaqoların, barabansioların mühitindəki iyrəncliklərlə toqquşan və öz
faciəsi ilə dövrün, zamanın ziddiyyətlərini açıb göstərən bir insan-
dır... Ə. Ələkbərov öz oyununda obrazın təmiz məhəbbət hissini,
açıq ürəkliyini, səmimiyyətini ondakı qətiyyət və qəhrəmanlıq sifət-
lərilə, vətəndaşlıq duyğuları ilə çox gözəl əlaqələndirir. Ə. Ələkbə-
rovun danışığında, hərəkətlərində bir təmkinlik vardır, o səhnədə
quru pafos xatirinə ucadan monoloq söyləmir, öz oyununda ümumi
və tam bir ahəng yaratmağa müvəffəq olur”.
Ə. Ələkbərov Otellonu şəxsi faciə kimi yox, hər bir insanın
faciəsi kimi ifa edirdi. O, həmişə Otelloya diqqətlə yanaşaraq, onu
düşünülmüş, bitkin, sanballı obraz səviyyəsinə qaldırmağa nail
olmuşdur.
“O, sevgi və sədaqətə inanan böyük ürəkli, nəcib bir insan
kimi diqqəti cəlb edirdi. Eyni zamanda o, dövrünün yüksək mədə-
niyyətini özündə cəmləşdirən və alovlu bir etiqadla insana inanıb
onu sevən bir humanist idi. Ə. Ələkbərov bu keyfiyyətləri ustalıqla
canlandırdığı kimi, onun məhz ərəb olduğu da geyimində və otu-
ruşunda, hərəkətlərində xüsusi qeyd edirdi... Qüdrətli bir sərkərdə,
dövrünün böyük bir insanı olan Otello-Ələkbərov mərdanə sadəliyi,
paklığı və mehribanlığı ilə diqqəti cəlb edirdi. Ələkbərovun Otel-
losu öz əzəmətli, vüqarı, insanpərvərliyi, səmimiliyi və insana hör-
mət və məhəbbəti ilə, haqsızlığa qarşı bəslədiyi odlu nifrəti ilə diq-
qəti cəlb edir, tamaşaçıların qəlbində nəcib hisslər, bəşəri duyğular
oyadırdı” (2).
Dostları ilə paylaş: |