98
olan bir rəhbər idi. Ona görə də aktyor bu mürəkkəb xarakterli ob-
raz ilə tamaşacıların qəlbinə yol tapa bilmişdir.
“Bu tamaşada Ə. Ələkbərov, vətən və xalqın məhəbbəti hər
şeydən üstündür, onun səadəti naminə insan həyatını belə əsirgəmə-
məlidir-fikrini ifadə edir, tamaşaçılarda nəcib hisslər oyadırdı. Bir
qədər sonra isə hiylə və riyakarlıqla aldanıldığını dərk edib, qanun-
suz qərarının əzabını çəkən Cavanşirin xəzan dövrü başlanırdı.
Ələkbərov Cavanşirin həyatı sona çatdığını saralmış varlığında,
kədərli səsində, qəmli gözlərində və taqətdən düşmüş hərəkətlərində
ifadə edirdi. O, yeganə və sevimli oğlunu qətiyyən yaddan çıxara
bilmədiyi üçün tez-tez onu xəyalı ilə danışır (16-cı şəkil), ömrünün
mənasızlığını, özünü məzəmmət edərək peşman olduğunu ürəklərə
od salan bir dillə söyləyirdi. Burada aktyor bir atanın dəhşətli fa-
ciələr qarşısında diz çöküb gücsüz-taqətsiz qaldığını ustalıqla can-
landırırdı. Öz qüvvət və qüdrəti ilə şöhrət tapmış əzəmətli, vüqarlı
Cavanşir-Ələkbərov törətdiyi günahsız faciə qarşısında sanki didilir,
mənliyi parçalanır. O, düzəlməsi qeyri-mümkün olan bu cinayətin
dəhşətini xatırladıqca taqətdən düşür, müvazinətini itirir və mehri-
ban bir ata nəvazişi ilə fəryad edirdi. Onun bu fəryadında göz yaş-
ları, təəssüf, peşmançılıq və yalvarış duyulurdu. Aktyor Cavanşıirin
bu keyfiyyətlərini yüksək bədiilik və emosionallıqla yaratdığından
tamaşaçıların hissinə, şüuruna, fəal surətdə müdaxilə edirdi” (2).
1957-ci ilin noyabr ayında teatr Moskvada keçirilən Ümumit-
tifaq teatr festivalında “Cavanşir” pyesi tamaşacılara göstərildi və
Ə. Ələkbərov Cavanşir obrazına görə Ümumittifaq teatr festivalının
laureatı oldu. Moskva tamaşacıları tərəfindən böyük rəğbətlə qarşıla-
nan bu tamaşadan sonra Y. Zavadski, N. Hikmət, V. Komissarjevski
Ə. Ələkbərovu təbrik edərək onu dövrün ən böyük faciə aktyoru
adlandırdılar.
V. Komissarjevski “Pravda” qəzetində (03.12.1957) yazır ki;
“Ələkbərovun Cavanşir rolundakı son dərəcə təmkinli və sərt ifası
onun bizim səhnəmizin ən yaxşı faciə aktyorları sırasına çıxarmaq
üçün kifayətdir ”.
99
Tamaşa bitdikdən sonra böyük türk şairi N. Hikmət səhnə ar-
xasına gəlib, Ə. Ələkbərovu təbrik edərək, qucaqlayıb dedi; “Ələs-
gər qardaş, sizin yaratdığınız Cavanşir obrazı qorxmaz bir sərkərdə,
zəkalı dövlət başçısı olmaqla bərabər, qartal kimi cəsurdur” (2).
Sonra N. Hikmət “Teatr” jurnalında (1958, № 1, s.100 ) yazırdı;
“Bu tamaşada baş rolu ifa edən Ə. Ələkbərov öz sənətkarlığı ilə
məni sevindirdi”.
1959-cu il aprel ayının 25-də A. İsgəndərov “Otello” tama-
şasını yeni quruluşda tamaşaya qoydu və yenə də Ə. Ələkbərov baş
rolu, Otellonu ifa etdi.
M. Allahverdiyev “Ədəbiyyat və incəsənət” qəzetində
(25.04.1964) yazır ki; “Ələkbərov bu ölməz obraz üzərində yara-
dıcılıq axtarışlarını daim davam etdirmişdir. Onun 1959-cu ildə
Moskvada keçirilən Azərbaycan incəsənəti və ədəbiyyatı ongünlü-
yündə ifa etdiyi Otello göstədi ki, Ələkbərov həmişə obrazın həyatı
və düşüncələri ilə yaşayan qüdrətli aktyordur. Ə.Ələkbərov
Moskvada tamaşaçılarının qarşısında Otellonun bütün arzu və istək-
lərini yüksək bir bədiiliklə canlandırdığı üçün hərarətlə qarşılandı...
SSRİ xalq artisti Ə. Ələkbərov Otello obrazı ilə tamaşaçıların
qəlbinə, şüuruna yol tapmış, estetik hisslər, nəcib duyğular aşılamış,
Şekspirin insana, həyata olan məhəbbətini bütünlüklə ifadə etməyə
nail olmuşdur ”.
1959-cu il may ayının 22-dən 31-nə qədər Azərbaycan Dövlət
Dram Teatrı Moskvada Azərbaycan Ədəbiyyatı və İncəsənəti Deka-
dasında iştirak etdi və mayın 26, 29, 31 “ Otello ” tamaşası Vax-
tanqov teatrının binasında göstərildi.
L. Bədirbəyli yazır ki; “Təkrarsız sənət möcüzəsi-Otello rolu
aktyorun yaradıcılığında əsl sənət zirvəsi idi. Otello-Ələsgər istər
tərəf-müqabillərini, istərsə də tamaşacıları öz ardınca aparmaq
qüvvəsinə qədər yüksəlirdi.
Tamaşaçı onunla sevinir, gülür, onunla birlikdə kədərlənir,
göz yaşı axıdırdı. Odlu temperamenti, güclü və məlahətli səsi insanı
heyran edərdi. Tamaşanın son pərdəsində Dezdemonanı boğan səh-
nədə, gah pıçıltı, gah da ürəkləri yandıran fəryadla söylədiyi son
100
monoloq zamanı göz yaşları üzümə yağış kimi axırdı. Ələsgər Otel-
lonu böyük şövqlə, ilhanla sənətin ecazkar qüvvəsinə gətirib
çıxaranda
tamaşaçı da,
iştirakçılar da
səhnəni və
aktyoru unudur, həyatın özü kimi həyati bir lövhə alınırdı...
Ə.Ələkbərov – Otello rolunda
101
Dünyanın bir çox ölkələrində Otello rolunda çıxış etmiş məş-
hur erməni aktyoru Papazyan bu rolu türk dilində oynayırdı... O,
böyük fəxarətlə qeyd etdi ki, “dünyanın bir çox ölkələrində bu rolun
ifaçısı olmuş və ifaçılar, otellolar görmüşəm, fəqət Ələsgərin Otel-
losu bənzərsiz və ən düzgün həllini tapmış Otellodur. Əsl Şekspir
Otellosuna əhsən” ”(5).
“Ələkbərovun 1959-cu ildə Moskvada keçirilən Azərbaycan
incəsənəti və ədəbiyyatı ongünlüyündə Ə. Ələkbərovun ifa etdiyi
Otello bir daha göstərdi ki, o, daim obrazla yaşamış ... ifaçılıq
sənətini daha da gücləndirmişdir.
Ələkbərov Moskva tamaşaçıları qarşısında Otellonun bütün
arzu və istəklərini bacarıqla canlandırdığı üçün son dərəcə hərarətlə
qarşılandı. Tamaşa sona çatdıqdan salonda: “Sağ ol, alovlu Otello,
əhsən, Ələkbərov”,- deyə tamaşaçılar sevinclə səslənir və ondan
razı qaldıqlarını bildirirdilər.
Tamaşanın müzakirəsində Ələkbərovun Otellosunun bədii
dəyərindən, obrazlı təbiətindən bəhs edən SSRİ Teatr Cəmiyyətinin
üzvü F. P. Bandarenko demişdi: “... Xorovanın Otellosu daha mər-
danə, cəngavər və güclüdür. Txapsayev öz fərdi imkanlarının vasi-
təsilə Otellonu bir qədər lirik və yumşaq təbiətli yaradır. Ələkbə-
rovda isə geniş qəlb, yumşaqlıq, cazibədarlıq, sevgi və nə isə böyük
bir sadəlik var. Xüsusilə birinci hissədə... Dezdemonanın onun yanı-
na gəlməsini söyləyərkən və Senatda monoloq danışması çox gö-
zəldir. Burada onun özünəməxsus üslubu, cizgiləri və rəngarəng bo-
yaları var. Bu, lazımlı və sağlam bir palitradır.
Bundan əlavə, müzakirədə M. B. Korabelnikov tamaşanın ro-
mantik səpkisindən danışarkən Ələkbərovun Otellosunu xüsusilə
bəyəndiyini göstərirdi. O dedi: “Mən Otellonu 12 və 14 teatrda
müxtəlif aktyorların, o cümlədən Xorova və Txapsayev kimi birinci
dərəcəli aktyorların ifasında görmüşəm... Məhrum Morozov danışır-
dı ki, bu əsər kədərli mavr haqqında povestdir. Ə. Ələkbərov Otel-
lonu məhz belə oynayır... O inanır. Ancaq eyni zamanda o, qısqanc-
dır. Bunsuz rolu oynamaq olmaz. O, adi insan qısqanclığı qədər qıs-
Dostları ilə paylaş: |