32
Şəmsini qurtarmaqçün yollar axtarmağa başladıq. S. Rüstəm
də işə qoşuldu.
O zaman opera teatrında Xristafor Martınoviç Arutyunov adlı
direktor müavini işləyirdi. Qirqoryanla da münasibətləri yaxşı idi.
Operada “Şah İsmayıl”ın tamaşalarının birində xəbər tutduq ki,
Qirqoryan tamaşaya baxacaq. Süleyman Rüstəm bütün əhvalatı,
teatrdan qovulan işçilərin günahsız olmalarını Arutyunova danış-
mışdı. Şəmsi üçün düzəldilmiş məktub isə ağ yalan idi. Özü də ayrı-
ayrı adamlar tərəfindən təşkil olunmuşdu.
Qriqoryan razı olmazdı ki, onun görəcəyi işləri başqaları
yerinə yetirsin.
Nə isə o axşam Qriqoryanla həm Arutyunov, həm də Süley-
man Rüstəm baxmayaraq ki, o zaman belə söhbət özü də risk idi,
xeyli söhbət etdilər. Bir necə gündən sonra Şəmsi də, Mirzağa
Əliyev də, Fatma Qədri də, Möhsün Sənani də teatra bərpa olundu”.
Göründüyü kimi bütün bu faciələr teatrın divarları arasında
qalmadı, tez bir zamanda xalq arasında yayıldı. Tamaşaçı Abbas-
mirzə Şərifzadənin-Hamletini, Elxanını, Səyavuşunu; Ülvi Rəcəbin-
Romeosunu, Otellosunu, Aqşinini; Panfiliya Tanailidinin-Fatma-
nisəsini, Şərabanısını, dayəsini bir daha görə bilmədi. Nə idi bunun
səbəbi? Sapı özümüzdən olan baltalar.
Aktyor yoldaşları isə onların böyük sənətini öz ifaları ilə
tamaşaçılara göstərirdilər. Bəs Barat xanım Şəkinskaya necə... Bu
faciəli illərdən sonra o, səhnədə nə sağını, nə solunu, nə də arxasını
gördü. O, Abbasmirzənin ağıllı məsləhətlərini eşitmədi, səhnədə öz
sevgilisi üçün canından keçən Romeo-Ülvi Rəcəbin böyük məhəb-
bətini duymadı, doğma ana kimi qayğı göstərən Panfiliya Tanailidi-
nin nəvazişini hiss etmədi. Lakin buna baxmayaraq Barat Şəkinska-
ya ruhdan düşmədi, vurğunu olduğu sənətində tapdanmış cığırla
getmədi, özünə yeni yol açdı və neçə-neçə aktrisalarıda öz arxasınca
apardı.
33
V FƏSİL
AKTRİSA YARADICILIQ ZİRVƏSİNDƏ
Barat Şəkinskaya teatr sənətində bir epoxadır.
fəlsəfə doktoru İmran Axundov
B. Şəkinskayanın yaradıcılı-
ğında Qərbi Avropa dramaturgiyası
mühüm rol oynamışdır. O, bu mü-
kəmməl əsərlərdə müxtəlif səpgili
qadın obrazları yaratmış və tamaşa-
çıların zövqünü oxşamışdır.
1939-cu il aprel ayının 17-də
teatr Məşhur fransız yazıçısı Onore de
Balzakın “Ögey ana” əsərini Mikayıl
Rəfilinin tərcüməsində A.A. Tu-
qanovun quruluşunda tamaşaya qo-
ydu. Bu tamaşada kiçik yaşlı oğlan
olan Napoleon (Napoleon Bonapartın
uşaqlıq dövrü) obrazını B. Şəkinskaya
ifa etdi. Bu Barat xanımın Tiltildən
(“Göy quş”) sonra ikinci oğlan rolu
idi. Beləliklə, B. Şəkinskaya Azərbay-
can teatr tarixinə ilk travist (oğlan və
kişi rollarını ifa edən aktrisa) aktrisa kimi daxil oldu.
Aktrisanın ifasında Napoleon dəcəl, çevik, son dərəcə çılğın
bir uşaq idi. İyirmi dörd yaşlı yetkin bir aktrisanın oğlan uşağını
yüksək məharətlə ifa etməsi B.Şəkinskayadan son dərəcə böyük is-
B.Şəkinskaya – Napoleon
rolunda
34
tedad və gərgin əmək tələb edirdi. Azərbaycan səhnəsində canlanma
yaradan bu tamaşa Barat xanımın ən böyük uğurlarından biri idi.
1939-cu il dekabr ayının 30-da Səməd Vurğunun ikinci
mənzum dramı olan “Xanlar” A. İsgəndərovun quruluşunda tama-
şaya qoyuldu. Bu tamaşada B. Şəkinskaya Muxdar bəyin ögey qızı,
Xanların sevgilisi Mehriban rolunu ifa edirdi. Aktrisanın ifasında
Mehriban obrazı incə, səmimi bir qız idi. Tamaşaçı B. Şəkin-
skayanın ifasında Mehribanın təmiz məhəbbətinə inanırdı. Tama-
şanın birinci şəklində Barat xanım, Xanlar-Ələsgər Ələkbərova,
Qızyetər-Mərziyə Davudovaya layiqli tərəfmüqabili olmuşdur. B.
Şəkinskayanın Mehribanı sevgilisi Xanlarla görüş səhnələrində son
dərəcə təbii və inandırıcı idi.
M.Hüseyn “Xanlar” tamaşası haqqındakı məqaləsində Barat
Şəkinskaya və Sona Hacıyevanın ifa etdiyi Mehriban rolu haqqında
yazır ki; “Mehriban rolunda Baratla Sonanı da qeyd etmək lazımdır.
Hər ikisi rolunu düzgün anlamış və düzgün də ifa edir. Sonanın
ümumi nöqsanı (müəyyən dərəcədə quruluğu) burada da özünü
göstərməkdədir. Barat son monoloqunu böyük bir həyacanla ifa
edir. Ümumiyyətlə həm Sonada, həm də Baratda bu gözəl qız obrazı
müvəffəqiyyətlidir”.
Barat xanım Mehriban obrazını ifa etməklə Azərbaycan qız-
larının ümumiləşdirmiş surətini yaratmışdır.
B. Şəkinskaya 1939-1940-cı illərdə Məcid Zeynalovun qurulu-
şunda M. Hüseynin “Şöhrət” pyesində Dürdanə (14.04.1939), Ə. Şə-
rifovun quruluşunda Ə.Haqverdiyevin “Pəri cadu” faciəsində Pəri
(27.05.1940), İ. Hidayətzadənin quruluşunda S. Rüstəmin “Qaçaq
Nəbi” mənzum dramında Çimnaz (26.09.1940) rollarını ifa etmişdir.
1940-cı il oktyabr ayının 10-da Ə. Şərifovun quruluşunda M.
H. Təhmasibin “Bahar” pyesi tamaşaçılara təqdim olundu. Bu tama-
şada B. Şəkinskaya Bahar rolunu ifa etdi. Aktrisa gənc azərbaycanlı
qızını, bəstəkar Baharı özünə məxsus sənətkarlıqla ifa edirdi.
B. Şəkinskayanın ifasında Bahar sadə, mehriban, nəcib, qay-
ğıkeş və təvazökar idi. Barat xanımın Baharı qayğılarla əhatə
olunmuş mehriban, ismətli bir qızdır. Bahar-Şəkinskaya yaratmaq,
Dostları ilə paylaş: |