İNKİŞaf – MƏQSƏDİMİZDİr biRİNCİ Kİtab
Yüklə 2,17 Mb. Pdf görüntüsü
|
- Bu səhifədəki naviqasiya:
- M a r k R i v k i n
- İ l h a m Ə l i y e v
- V i t a l i İ q n a t e n k o
- BİRLƏŞMİŞ MİLLƏTLƏR TƏŞKİLATI BAŞ MƏCLİSİNİN 58-ci SESSİYASINDA
- BİRLƏŞMİŞ MİLLƏTLƏR TƏŞKİLATI İQAMƏTGAHINDA JURNALİSTLƏRƏ MÜSAHİBƏ 23 sentyabr 2003-cü il S u a l
- S u a l: Sentyabrın 24-də Baş Məclisin sessiyasında çıxışınız olacaqdır. Çıxışınızın əsas məqamlarını deyə bilərsinizmi C a v a b
- S u a l: Cənab Baş nazir, Siz yəqin ki, buraya gələndən bəri Klivlendlə əlaqə saxlamısınız. Bir xəbər deyə bilərsinizmi C a v a b
84 M a r k R i v k i n (Gürcüstan Dövlət Teleradio Şirkətinin “Vestnik” proqramının Baş redaktoru): Hörmətli İlham Heydəroviç, bilirsiniz ki, Qusman istisna olmaqla, Bakıda bir çox qonaqlarınız arasında mən bir qədər imtiyazlı vəziyyətdəyəm. Mən Sizin ölkənizlə təxminən 400 kilometr həmsərhəd olan məmləkətdə yaşayıram. Biz Azərbaycanda nələr baş verdiyini gözəl bilirik, Siz də Gürcüstanda nələr olduğunu çox yaxşı bilirsiniz. Mən Azərbaycan prezidenti möhtərəm Heydər Əliyev ilə dəfələrlə görüşmüşəm. O, heyrətamiz insandır, mən son dərəcə şad və xoşbəxtəm ki, Gürcüstan onu çox ciddi şəkildə dəstəkləyir. Biz hamımız bunu gözəl bilirik. Ölkələrimiz arasında heyrətamiz münasibətlər var və elə talelərimiz də oxşardır, gələcəyimiz də birdir. Həyata keçirdiyimiz qlobal xarakterli layihələr də bizim gələcəyimizdir. Biz sizə inanırıq, siz də bizə inanırsınız. Gəlin bundan sonra da belə yaşayaq, çünki bu, bizi firavan və ədalətli həyata gətirib çıxara biləcək yeganə yoldur. Onu da demək istərdim ki, Gürcüstanda çoxlu azərbaycanlı yaşayır və onlar bu gün ölkəmizdə gedən prosesləri dəstəkləyirlər. Gürcünü qonaqpərvərliklə təəccübləndirmək çətindir, nə bilmək olar, konqres nə vaxtsa Gürcüstanda da keçiriləcəkdir. Buna baxmayaraq, düzünü deyim ki, mən Azərbaycanda gördüyüm qo- naqpərvərliyə heyran qaldım. Sonda təkcə bir şeyi demək istəyirəm. Mən Azərbaycanda baş verənlərin hamısını Gürcüstan ictimaiyyətinin mühakiməsinə çıxaran insanam. Ölkənizin Tbilisidəki səfiri ilə aramızda dostluq münasibətləri var, sizdə nə baş verirsə, hamısını dərhal efirə çıxarıram. Demək istəyirəm ki, bu gün Slavyan Universitetində gördüklərim məni valeh etdi. Sözün düzü, sizə həsəd apardım. Gəlin topladığınız təcrübədən birlikdə istifadə edək və onu Gürcüstana da aparaq. Mənim ölkəm Sizin atanıza pərəstiş edir, Sizi sevir. Bu mənada, Sizin təcrübənizdən bəhrələnməyə şad olardıq. Sağ olun. İ l h a m Ə l i y e v: Xoş sözlərə görə sağ olun. Doğrudan da, xalqlarımızı və ölkələrimizi qarşılıqlı münasibətlərin tarixi birləşdirir. Müstəqil Gürcüstan ilə müstəqil Azərbaycan arasındakı sıx qardaşlıq və dostluq, təşəkkül tapmış və indi də yaranmaqda olan səmimi münasibətlər iki qonşu ölkənin necə əməkdaşlıq edə biləcəyinə nümunədir. Bəzən qonşular öz aralarında heç də yaxşı münasibətdə olmurlar. Lakin, indiki halda, Gürcüstanla Azərbaycanın münasibətləri sübut edir ki, qonşuların münasibətləri qarşılıqlı məhəbbətə və dostluğa əsaslana bilər. Bizim üçün çox vacibdir ki, Gürcüstan uğurla inkişaf etsin. Biz bunu dostlar kimi, elə bir ölkə kimi istəyirik ki, Gürcüstanı onunla çox böyük beynəlxalq enerji layihəsi birləşdirir. Biz bir-birimizlə bağlıyıq və təklikdə bizim üçün çox çətin olar. Ona görə də biz bunu birlikdə məhz bu cür davam etdirməliyik. Fürsət düşmüşkən, Gürcüstandakı bütün dostlarımıza ən xoş arzularımı bildirirəm, onlara əmin-amanlıq, xoşbəxtlik, uğurlar və firavanlıq diləyirəm. Biz, öz tərəfimizdən, bir-birimizə kömək üçün əlimizdən gələni əsirgəməyəcəyik. Sağ olun. V i t a l i İ q n a t e n k o: İlham Heydəroviç, bizə vaxt ayırdığınıza görə təşəkkür edirəm. Biz Sizə böyük uğurlar arzulayırıq. İ l h a m Ə l i y e v: Səmimiliyə, mehribanlığa, məhəbbətə görə sizə təşəkkür etmək istəyirəm. Bilirsiniz ki, bütün bunlar qarşılıqlıdır. Başa düşürəm ki, hər il Bakıda konqres təşkil etmək çətin olar, hərçənd bizim belə beynəlxalq tədbirlər keçirmək təcrübəmiz var. Məsələn, götürək bizim hamımızın sevimli televiziya oyunu olan “Nə? Harada? Nə vaxt?” oyununu. Ötən il bu oyunun ilk dünya çempionatı keçirildi və biz təşəbbüs irəli sürərək onu Bakıda təşkil etdik. Onu bizim Gənclər, İdman və Turizm Nazirliyi, Milli Olimpiya Komitəsi keçirdi. Elə həmin il mən “Nə? Harada? Nə vaxt?” oyunu üzrə ikinci dünya çempionatını da bizdə keçirmək təşəbbüsünü irəli sürdüm və bu çempionat, təxminən bir ay əvvəl uğurla keçirildi. Ümidvaram ki, üçüncü çempionat da Bakıda olacaqdır. Yəni, bizim təcrübəmiz var, amma bunu sizin təşkilatınızla etmək daha çətin olacaqdır. Əgər çətinliklər olarsa, əlaqə və ünsiyyətlərimizin bu formatda davam etdirilməsi üçün hər hansı formalar axtarıb tapa bilərik. 85 BİRLƏŞMİŞ MİLLƏTLƏR TƏŞKİLATI BAŞ MƏCLİSİNİN 58-ci SESSİYASINDA Nyu-York 22 sentyabr 2003-cü il Azərbaycan Respublikasının Baş naziri İlham Əliyev BMT Baş Məclisinin 58-ci sessiyasında keçiriləcək ümumi müzakirələrdə iştirak etmək üçün sentyabrın 22-də ABŞ-ın Nyu-York şəhərinə gəlmişdir. Sentyabrın 23-də Azərbaycan Respublikasının Baş naziri İlham Əliyev Amerika Birləşmiş Ştatlarının prezidenti Corc Buş, Xorvatiyanın prezidenti Stipe Mesiç, Türkiyə Respublikasının Baş nazirinin müavini, xarici işlər naziri Abdullah Gül, İranın xarici işlər naziri Kamal Xərrazi, ABŞ-ın Dövlət katibi Kolin Pauell ilə görüşmüşdür. 86 BİRLƏŞMİŞ MİLLƏTLƏR TƏŞKİLATI İQAMƏTGAHINDA JURNALİSTLƏRƏ MÜSAHİBƏ 23 sentyabr 2003-cü il S u a l: Bu gün keçirdiyiniz görüşləri necə qiymətləndirirsiniz? C a v a b: Görüşlərimi çox yaxşı qiymətləndirirəm. Xüsusilə, İranın xarici işlər naziri cənab Xərrazi ilə keçirilən görüşü. Biz bir çox məsələyə toxunduq, iki ölkəni maraqlandıran mövzular ətrafında fikir mübadiləsi apardıq. Ölkələrimiz arasında münasibətlər hazırda yüksək səviyyədədir. Xüsusilə, Azərbaycan Respublikasının prezidenti cənab Heydər Əliyevin İrana rəsmi səfərindən sonra bir çox sahələrdə irəliləyiş müşahidə olunur. Enerji mübadiləsi məsələsində ikitərəfli əməkdaşlıq bizi xüsusilə qane edir. Biz bunu genişləndirmək istəyirik. Xəzər dənizinin hüquqi statusunun müəyyənləşdirilməsi üzrə də danışıqlar gedir. Ümidvarıq ki, nəticələr də olacaqdır. S u a l: Sentyabrın 24-də Baş Məclisin sessiyasında çıxışınız olacaqdır. Çıxışınızın əsas məqamlarını deyə bilərsinizmi? C a v a b: Əlbəttə, bu haqda sabah daha yaxşı öyrənə bilərsiniz. Amma əsas məqam budur ki, Azərbaycanın ən ağrılı problemi – Ermənistan–Azərbaycan, Dağlıq Qarabağ münaqişəsi haqqında danışacağam. Bu, Azərbaycanın ən mühüm problemidir. Biz ümidvarıq ki, BMT– dörd qətnamə qəbul edən təşkilat bundan sonra öz səylərini daha da gücləndirəcəkdir. Hər halda, biz buna inanmaq istəyirik. Düzdür, bu qətnamələrin heç bir real təsiri olmadı, işğalçı dövlət bunlara məhəl qoymadı. Amma, hər halda, beynəlxalq hüquq normaları var. Əgər bu təşkilat qətnamələri qəbul edibsə, gərək çalışsın ki, onlar həyata keçirilsin. S u a l: Cənab Baş nazir, Siz yəqin ki, buraya gələndən bəri Klivlendlə əlaqə saxlamısınız. Bir xəbər deyə bilərsinizmi? C a v a b: Bəli, əlaqə saxlamışam. Bu gün də danışmışam. Xəbərlər çox yaxşıdır. Cənab Prezidentin müalicəsi davam edir. Bərpa prosesi uğurla gedir. Mən özüm bir neçə gündən sonra Klivlendə gedəcək və cənab Prezidentlə görüşəcəyəm. Yüklə 2,17 Mb. Dostları ilə paylaş:
|