52
PAYTAXTDA YENİ YOL QOVŞAQLARINDA
TİKİNTİ İŞLƏRİNİN GEDİŞİ İLƏ TANIŞLIQ
26 avqust 2008-ci il
Azərbaycan prezidenti İlham Əliyev avqustun 26-da Bakı
şəhərində nəqliyyat sisteminin təkmilləşdirilməsinə dair tədbirlər
planının icrasına uyğun olaraq, Əzizbəyov dairəsi – Heydər Əliyev
Beynəlxalq Aeroportu avtomobil yolunda həyata keçirilən
yenidənqurma və tikinti işlərinin gedişi ilə tanış olmuş, paytaxta
yeni gətirilmiş sərnişin avtobuslarına baxmışdır.
Dövlətimizin başçısı əvvəlcə avtomobil yolunun metronun
«Əzizbəyov» stansiyasından Sabunçu dairəsinədək olan hissə-
sində işlərin gedişi ilə maraqlandı. Nəqliyyat naziri Ziya Məm-
mədov məlumat verərək bildirdi ki, tikinti işlərinə 2007-ci ilin
mart ayında başlanılmışdır və bu ilin dördüncü rübündə başa
çatdırılacaqdır. Yolun ümumi uzunluğu 13,2 kilometr, Sabunçu
dairəsinədək olan hissə 12 zolaqlı, oradan hava limanına qədər
olan hissə isə 8 zolaqlı olacaqdır. Asfalt - beton örtüyün qalınlığı
27 santimetr, hərəkət zolaqlarının eni isə 3,75 metrdir. Bu da ən
müasir beynəlxalq standartlar səviyyəsindədir.
Dövlətimizin başçısı Sabunçu dairəsində uzunluğu 127 metr
olan yeni körpünün tikintisi ilə də tanış oldu. Avtomobil
yolunda hərəkətin tənzimlənməsi üçün yol kəsişmələrində
müxtəlif səviyyəli yolötürücülərinin tikilməsinin əhəmiyyəti
vurğulandı. Bildirildi ki, bir neçə yerdə olacaq bu yol-
ötürücüləri nəqliyyatın istənilən istiqamətdə hərəkətinə şərait
yaratmaqla yanaşı, həm də tıxacların aradan qaldırılmasında
mühüm rol oynayacaqdır. Yol boyu 6 yerüstü və 1 yeraltı
piyada keçidinin tikilməsi də nəzərdə tutulur. Prezident İlham
Əliyev tikinti işlərinin vaxtında və yüksək keyfiyyətlə görülməsi ilə
əlaqədar müvafiq tövsiyələrini verdi. Sonra dövlət başçısı
53
Əzizbəyov dairəsi – Heydər Əliyev Beynəlxalq Aeroportu
avtomobil yolunda digər yol qovşağının tikildiyi yerə gəldi.
Prezidentə yol qovşağının texniki göstəriciləri barədə də məlumat
verildi. Bildirildi ki, bu ərazidə uzunluğu 97 metr olan yeni körpü
inşa edilir.
Prezident İlham Əliyev avtomobil yolunda növbəti yol qov-
şağının, kanal üzərində yeni salınan körpünün tikinti işlərinə
baxdı, müvafiq tapşırıqlarını verdi.
Dövlətimizin başçısına Heydər Əliyev prospektində 5 kilo-
metrlik yol boyunca yaradılacaq yaşıllıq zolağı və işıqlandırma
sistemi barədə də məlumat verildi. Azərbaycan prezidenti
şəhərimizə xüsusi yaraşıq verəcək yaşıllıq zolağının yüksək
zövqlə, ən müasir tələblər səviyyəsində salınmasını tövsiyə etdi.
Prezident İlham Əliyev sonra Heydər Əliyev prospektində
dəmiryol körpüsü olan hissədə yolun təhlükəsizliyinin təmin
edilməsi və oranın estetik baxımdan yenidən qurulması ilə
əlaqədar görülən tikinti və bərpa işləri ilə də tanış oldu.
Daha sonra Hökumət evinin qarşısına gələrək paytaxta yeni
gətirilmiş sərnişin avtobuslarına baxdı. Dövlətimizin başçısına
məlumat verildi ki, Almaniya istehsalı olan yeni avtobuslar ən
müasir beynəlxalq standartlara cavab verir. Ən son texniki
nailiyyətlərin tətbiq edildiyi və uzunluğu 11,8 metr olan
avtobusların 38 oturacaq yeri vardır. Hər biri ilə 98 sərnişin
daşımaq mümkündür. 15 illik zəmanətlə alınan avtobuslarda
istilik sistemi ən müasir tələblər səviyyəsindədir.
Azərbaycan prezidenti yeni avtobuslarla yaxından tanış
oldu, sərnişinlərin rahatlığı üçün bundan sonra da hər cür
şəraitin yaradılması ilə bağlı göstərişlərini verdi.
54
BAKI METROSUNUN YENİ TİKİLƏN
STANSİYALARI İLƏ TANIŞLIQ
27 avqust 2008-ci il
Azərbaycan prezidenti İlham Əliyev avqustun 27-də Bakı
metrosunun yeni tikilən «Nəsimi» və «Azadlıq prospekti»
stansiyaları ilə tanış olmuşdur.
Prezident İlham Əliyevə məlumat verildi ki, «Nəsimi» stansi-
yasının davamı olaraq çəkilən xətt ilin sonunadək digər stansiya
ilə birləşdiriləcəkdir. Metropolitenin yeni stansiyalarının çəkilməsi
ilə bağlı layihələr də vardır. Bu layihələr, ilk növbədə şəhərdaxili
şəbəkənin genişləndirilməsini və paytaxt əhalisinin tələbatının tam
ödənilməsini nəzərdə tutur. Ölkəmiz müstəqillik qazandıqdan
sonra ilk tikilən «Nəsimi» stansiyasının inşası bütünlüklə yerli
mütəxəssislərə tapşırılmışdır. Gələcəkdə metronu Sumqayıta qədər
uzatmaq nəzərdə tutulur. Perspektivdə Badamdar və Günəşli
yaşayış massivlərinə metro xətlərinin çəkilməsi planlaşdırılır.
Son tamamlama işlərinin aparıldığı «Nəsimi» stansiyası ilə
tanışlıq enerji blokundan başladı. Daha sonra prezident İlham
Əliyev stansiyanın platforması ilə tanış oldu.
Bakı Metropolitenində ən müasir avadanlıq ilk dəfə məhz bu
stansiyada quraşdırılmışdır. Tikintisinə 2006-cı ildə başlanmış
stansiyanın ağır hidrogeoloji şəraitdə inşa olunmasına bax-
mayaraq, işlər vaxtından tez yerinə yetirilmişdir. Stansiyada ilk dəfə
olaraq qatarların hərəkətinin tənzimlənməsi və texniki nəzarət
kompyuterləşdirilmişdir. Stansiya işə düşdükdən sonra burada 251
nəfər işlə təmin olunacaqdır. «Memar Əcəmi» stansiyasından «Nə-
simi» stansiyasına qədər xəttin uzunluğu 2660 metr, yeni stansiyada
platformanın uzunluğu 102, eni 18 metrdir. Dörd çıxışı olan
stansiyada eskalatorlar quraşdırılmışdır.
Dostları ilə paylaş: |