21
RUMINİYA RESPUBLİKASININ PREZİDENTİ
TRAYAN BESESKUNUN AZƏRBAYCANA
İŞGÜZAR SƏFƏRİ
Prezident sarayı
21 avqust 2008-ci il
Azərbaycan prezidenti İlham Əliyevin və Rumıniya pre-
zidenti Trayan Beseskunun təkbətək işçi səhər yeməyi olmuşdur.
Söhbət zamanı bildirildi ki, Azərbaycanla Rumıniya ara-
sında ikitərəfli münasibətlər uğurla inkişaf edir və əlaqələrin
möhkəmlənməsi regional əməkdaşlığın genişlənməsinə xidmət
edir. Qarşılıqlı münasibətlərin bundan sonra da möhkəm-
lənəcəyinə əminlik ifadə olundu.
Dövlət başçıları qarşılıqlı maraq doğuran məsələləri mü-
zakirə etdilər.
22
AZƏRBAYCAN VƏ RUMINİYA
PREZİDENTLƏRİNİN GENİŞ TƏRKİBDƏ
GÖRÜŞÜ
Prezident sarayı
21 avqust 2008-ci il
Azərbaycan prezidenti İlham Əliyevin və Rumıniya
prezidenti Trayan Beseskunun nümayəndə heyətlərinin iştirakı
ilə geniş tərkibdə görüşü olmuşdur.
İ l h a m Ə l i y e v: Hörmətli cənab Prezident!
Hörmətli qonaqlar!
Mən Sizi Azərbaycanda səmimiyyətlə salamlayıram,
ölkəmizə xoş gəlmisiniz!
Sizin səfəriniz bizə imkan verdi ki, ikitərəfli münasibətləri
və bölgədə gedən prosesləri geniş şəkildə müzakirə edək.
Rumıniya ilə Azərbaycan arasında mövcud olan yaxın və dost-
luq əlaqələrini nəzərə alaraq, təbii ki, biz çox səmimi fikir
mübadiləsi aparmışıq. İkitərəfli münasibətlərimiz çox sürətlə
inkişaf edir və yüksək səviyyəli qarşılıqlı səfərlər bunun əyani
sübutudur. Gündəliyimiz çox genişdir, buna həm siyasi,
iqtisadi, mədəni, həm də enerji sahəsindəki əməkdaşlıq daxildir
və biz yaxın tərəfdaşlar kimi, bütün istiqamətlərdə fəaliyyət
göstəririk.
Əlbəttə ki, bütün birgə layihələrimizi xüsusilə enerji
sahəsində uğurla davam etdirmək və başa çatdırmaq üçün
bölgədə sabitlik olmalıdır. Bölgədə yaşanan gərginlik bizi çox
narahat edir. Bu baxımdan Sizin səfəriniz həm ikitərəfli
münasibətlərin gələcək inkişafı üçün, həm də bu bölgədə gə-
23
ləcəkdə əməkdaşlığın, təhlükəsizliyin möhkəmlənməsi üçün çox
önəmlidir.
Bir daha xoş gəlmisiniz!
T r a y a n B e s e s k u: Cənab Prezident, çox sağ olun.
Olduqca çox mühüm bir vaxt çərçivəsində məni qəbul
etdiyinizə görə, ölkənizə işgüzar səfərə gəldiyimə görə Sizə
minnətdaram.
Cənab Prezident, mənim Bakıya gəlməyim, Sizinlə gö-
rüşmək istəyim məhz onunla bağlıdır ki, Azərbaycan bu region-
da mühüm əhəmiyyətə malikdir. Azərbaycanın bu əhəmiyyəti
regional proseslərdə tutduğu çox düzgün mövqeyindən irəli
gəlir. Bu həmçinin onunla bağlıdır ki, Azərbaycan bu gün bütün
Avropa İttifaqının, o cümlədən Rumıniyanın enerji siyasətində
vacib rol oynayır. Əminəm ki, bu meyarları, eyni zamanda,
ikitərəfli münasibətlərimizin olduqca yüksək səviyyədə
olmasını nəzərə alaraq, biz belə vacib məsələlərlə bağlı bu
görüşümüzü mütləq keçirməli idik.
Cənab Prezident, bu gün səhər Sizinlə apardığımız danışıqlar
bir daha onu göstərdi ki, biz bir çox mühüm məsələlər üzrə –
təhlükəsizlik və enerji sahəsində eyni, oxşar mövqeyə malikik.
Bu da, yəni bizim fikirlərimizin üst-üstə düşməsi hər iki ölkənin
bu sahədəki rolunu gücləndirir.
24
AZƏRBAYCAN VƏ RUMINİYA
PREZİDENTLƏRİNİN BƏYANATLARLA
ÇIXIŞLARI
21 avqust 2008-ci il
Geniş tərkibdə görüş başa çatdıqdan sonra Azərbaycan
prezidenti İlham Əliyev və Rumıniya prezidenti Trayan Besesku
mətbuat üçün birgə bəyanatlarla çıxış etmişlər.
Azərbaycan prezidenti İlham Əliyevin bəyanatı
Hörmətli cənab Prezident!
Hörmətli qonaqlar!
Xanımlar və cənablar!
Cənab Prezident, mən ilk növbədə Sizi və nümayəndə
heyətinin bütün üzvlərini Azərbaycanda səmimiyyətlə salam-
layıram. Ölkəmizə xoş gəlmisiniz!
Sizin səfərinizə çox böyük əhəmiyyət veririk. Mən bilirəm
ki, Siz bu günlərdə çox gərgin fəaliyyətdəsiniz, bu bölgəyə səfər
edirsiniz. Əlbəttə ki, Rumıniya kimi ölkənin dövlət başçısının
bölgədə yaşanan böhranlı vəziyyətlə bağlı atdığı addımlar çox
müsbət qiymətləndirilir.
Biz bu gün ikitərəfli münasibətləri geniş şəkildə müzakirə
etdik və bir daha məmnunluq ifadə etdik ki, Rumıniya–
Azərbaycan münasibətləri çox sürətlə inkişaf edir, bu əlaqələr -
dostluq zəminində qurulubdur. Rumıniya Azərbaycanın dövlət
müstəqilliyini tanıyan ilk ölkələrdən biri olmuşdur və o vaxtdan
bu günə qədər bütün sahələrdə əməkdaşlıq inkişaf etmişdir.
Bizim qarşılıqlı səfərlərimiz, müxtəlif dövlət və hökumət
üzvlərinin səfərləri, artan iqtisadi imkanlar, enerji sahəsində
apardığımız danışıqlar və nəzərdə tutulmuş praktik addımlar,
25
əlbəttə ki, əməkdaşlığımızı daha da gücləndirir. Siyasi
münasibətlər çox yüksək səviyyədədir. Biz bunu həmişə qeyd
etmişik. Mən bu gün də qeyd etmək istəyirəm ki, Rumıniyanın
bütün prinsipial mövqeyi, xüsusilə bölgədə mövcud olan
münaqişələrlə bağlı prinsipial mövqeyi bizdə, Azərbaycanda
çox yüksək qiymətləndirilir.
Beləliklə, çox möhkəm zəmində, siyasi əlaqələrin möhkəm
olduğu halda, əlbəttə ki, birgə layihələrin icra olunması da
asanlaşır. Biz indi enerji sahəsində əməkdaşlığın yeni
mərhələsindəyik. Bildiyiniz kimi, Rumıniya ilə Azərbaycan
arasında bu sahədə əməkdaşlıq davam edir və biz yeni layihələr
haqqında fikirləşirik. Xəzər dənizi–Qara dəniz əməkdaşlığının
möhkəmləndirilməsi işində birgə səylərimizi davam etdiririk.
Rumıniya–Azərbaycan əməkdaşlığı Xəzər dənizi–Qara dəniz
əməkdaşlıq məsələlərinə çox böyük töhfədir. Deyə bilərəm ki,
bir çox hallarda həlledici məsələdir.
Enerji təhlükəsizliyi məsələləri son illər ərzində gündəlikdə
idi. İndi bu məsələlər daha da ciddiləşir. Həm enerji
daşıyıcılarının nəqlinin şaxələndirilməsi məsələsi daha da
ciddiləşir, həm də enerji infrastrukturunun təhlükəsizliyinin
təmin olunması məsələləri ön plana çıxır. Azərbaycan öz
tərəfindən üzərinə düşən öhdəliklərini yerinə yetirir. Bizim
enerji siyasətimiz bölgədə sülhün, təhlükəsizliyin, əmin-
amanlığın və dostluğun möhkəmlənməsinə yönəldilibdir. Bu
uğurlu enerji siyasəti həm ölkə iqtisadiyyatı üçün çox böyük
dəstəkdir, həm də bizim xarici əlaqələrimizin inkişafında
mühüm rol oynayır. Biz bütün enerji təşəbbüslərimizin uğurla
davam etdirilməsi üçün gələcəkdə də əlimizdən gələni edəcəyik
və Azərbaycanın iqtisadi maraqlarını təmin etməklə, Avropanın
enerji təhlükəsizliyinin təmin olunması üçün səylərimizi davam
etdirəcəyik.
Bütün bu başlanmış layihələri uğurla davam etdirmək və
yeni layihələri başlamaq üçün bölgədə sabitlik olmalıdır.
Bölgədə sabitliyin mövcudluğu başlıca şərtdir. Əlbəttə ki, son
günlər ərzində Gürcüstanda yaşanan olaylar bizi çox narahat
Dostları ilə paylaş: |