178
zamanlarda, 50–100–200 ildən sonra, bütün əsrlərdə Türkiyə və Azərbaycan, iki
qardaş ölkə daim bir-birinin
yanında olacaqdır.
Bu parka Heydər Əliyevin adının verilməsi çox rəmzi xarakter daşıyır. Deməliyəm ki, Azərbaycanın
ümummilli lideri Heydər Əliyev meşələrə, yaşıllığa daim böyük diqqət göstərmişdir. Onun təşəbbüsü ilə
Azərbaycanın bütün bölgələrində meşələr, parklar salınmışdır. Həmin parklar bu gün də Azərbaycanımızı
gözəlləşdirir və onun adını daşıyır. O bir dəfə çıxışları zamanı demişdir ki, ağacları kəsməyin, ağacları əkin,
bilin ki, ağacları kəsəndə, elə bil, mənim qolumu kəsirsiniz. Bu gün bu parkı görəndə mən düşünürəm ki, bir
neçə il
sonra bu fidanlar böyüyəcək, qollu-budaqlı olacaq, şəhərinizi gözəlləşdirəcəkdir.
Beləliklə, Heydər
Əliyevin xatirəsi burada da yaşayacaqdır.
Əziz qardaşlar, Azərbaycanın prezidenti kimi, Heydər Əliyevin varisi kimi, davamçısı kimi mən sizə
ürəkdən minnətdaram. Siz Heydər Əliyevin xatirəsinə böyük hörmət göstərirsiniz. Azərbaycanımıza böyük
məhəbbət göstərirsiniz. Mənə, Azərbaycanın
prezidentinə, mənimlə Türkiyəyə rəsmi səfərə gəlmiş bütün
nümayəndə heyətinin üzvlərinə böyük qonaqpərvərlik göstərirsiniz.
Mən sizin hamınızı bir daha salamlayır, Azərbaycan xalqının ən xoş arzularını çatdırıram. Əmin olduğumu
bildirirəm ki, qardaş xalqlarımız, ölkələrimiz bundan sonra da əl-ələ verib irəliyə doğru uğurla gedəcəklər.
Təşəkkür edirəm.
* * *
Sonra prezident İlham Əliyev və xanımı Mehriban Əliyeva parkda xüsusi olaraq Azərbaycandan gətirilmiş
ağac əkdilər. Respublikamızın rəhbəri mərasim iştirakçıları ilə xatirə şəkli çəkdirdi.
179
TÜRKİYƏ BÖYÜK MİLLƏT
MƏCLİSİNDƏ NİTQ
14 aprel 2004-cü il
Azərbaycan Respublikasının prezidenti İlham Əliyev Ankaraya rəsmi səfərinin ikinci günü Türkiyə
Böyük Millət Məclisinə gəldi.
Türkiyə parlamentinin sədri Azərbaycan rəhbərini böyük hörmət və ehtiramla qarşıladı.
Sonra prezident İlham Əliyev ilə TBMM-in sədri Bülənd Arınç arasında görüş oldu. Dostluq və mehribanlıq
şəraitində keçən görüşdə ölkələrimiz arasında ikitərəfli əməkdaşlığın perspektivləri müzakirə olundu,
parlamentlərarası əlaqələrin inkişafına və bir sıra digər məsələlərə dair fikir mübadiləsi aparıldı.
Hörmətli Türkiyə Böyük Millət Məclisi!
Hörmətli millət vəkilləri!
Hörmətli xanımlar və cənablar!
Əziz dostlar!
Türkiyə Böyük Millət Məclisinin qarşısında çıxış etmək mənim üçün böyük şərəfdir.
Bu şərəfi mənə
verdiyinizə görə, sizə öz minnətdarlığımı bildirmək istəyirəm.
İkinci gündür mən Türkiyədə rəsmi səfərdəyəm. Artıq, demək olar ki, bu səfər çox uğurlu keçib və
apardığımız bütün danışıqlarda, söhbətlərdə bir daha əmin olduq ki, Türkiyə ilə Azərbaycan arasında dostluq,
qardaşlıq münasibətləri davam edir, inkişaf edir, güclənir. Bu münasibətlər Azərbaycan üçün prioritet məsələdir.
Bildiyiniz kimi, Azərbaycan öz dövlət müstəqilliyini əldə etdikdən sonra onu ilk tanıyan Türkiyə olmuşdur.
O illərdən sonra bütün dövrlərdə Türkiyə daim Azərbaycanın yanında olmuş,
Azərbaycana arxa-dayaq
olmuşdur. Biz bunu çox yüksək qiymətləndiririk və ümid edirik, əminik ki, bundan sonra bizim qardaş
ölkələrimiz daim bir-birinin yanında olacaqlar. Bizim gücümüz bizim birliyimizdədir. Türkiyənin gücü
Azərbaycanın gücüdür, Azərbaycanın gücü Türkiyənin gücüdür.
Azərbaycan son 12 ildə, müstəqilliyini əldə etdikdən sonra çox çətin yollardan keçmişdir. Ölkəmiz
müstəqilliyin ilk illərində böyük təhlükələrlə üzləşmişdir. Ermənistan tərəfindən Azərbaycana qarşı aparılan
təcavüzkar siyasət Azərbaycanın torpaqlarının bir hissəsinin itirilməsi ilə nəticələnmişdir. Üstəgəl, daxildə
vəziyyət qeyri-sabit idi. Beləliklə, Azərbaycan çox böyük fəlakətlərlə üz-üzə qalmışdı. 1993-cü ildə xalqın
tələbi ilə Azərbaycanın ümummilli lideri Heydər Əliyev rəhbərliyə qayıdandan sonra ölkədə vəziyyət tədricən
normallaşdı və Azərbaycan bu böhran içindən çıxa bildi.
Sizə deyə bilərəm ki, 1993-cü ildən 1996-cı ilə qədər Azərbaycanda daxili ictimai-siyasi vəziyyət çox gərgin
idi. Bir neçə dəfə dövlət çevrilişinə cəhdlər olmuşdu, vətəndaş müharibəsi başlanmışdı. Azərbaycanda qeyri-
qanuni silahlı birləşmələr özbaşınalıq edirdi. Əlbəttə, bütün bu xoşagəlməz halların qarşısını almaq üçün böyük
səylər sərf olunmuşdur.
Demək olar ki, Azərbaycanda sabitlik 1996-cı ildə yaranmışdır. O ildən başlayaraq, bu
günə qədər ölkəmiz inkişaf edir, öz potensialını gücləndirir və iqtisadiyyatımız da inkişaf edir.
1996-cı ildən 2003-cü ilə qədər orta hesabla bizim iqtisadiyyatımız ildə on faiz artmışdır. Keçən ilin ümumi
daxili məhsulun artımı – iqtisadiyyatın əsas göstəricisi – 11 faiz olmuşdur. Azərbaycanda son yeddi il ərzində
inflyasiya 2–3 faiz təşkil edir. Adambaşına düşən xarici sərmayələrin həcminə görə Azərbaycan keçmiş sovet
cümhuriyyətləri arasında liderliyi saxlayır və son illər ərzində ölkəmizə 17 milyard
dollar sərmayə
qoyulmuşdur.
Azərbaycanda iqtisadi islahatlar uğurla aparılır. Özəlləşdirmə proqramı həyata keçirilir. Torpaq
özəlləşdirilibdir. Sənaye müəssisələri özəlləşdirilir, xidmət sektorunun, demək olar ki, hamısı özəlləşdirilibdir.
Bu gün ümumi daxili məhsulda, Azərbaycanın iqtisadiyyatında özəl sektorun payı 74 faizdir. Bu onu göstərir ki,
Azərbaycanda bazar iqtisadiyyatı prinsipləri öz əksini tam tapmışdır. Ölkə bazar iqtisadiyyatı əsasında
inkişaf
edir və biz əminik ki, bu, gələcəkdə də Azərbaycana böyük fayda, mənfəət gətirəcəkdir.
Eyni zamanda, bizim siyasətimiz sosialyönümlü siyasətdir. Baxmayaraq ki, Azərbaycan artıq yeni bir
sistemdə yaşayır, kommunist sistemindən yeni sistemə keçid dövrünü yaşayır, ölkədə sosial ədalətə böyük
diqqət göstərilir. Bizim büdcəmizin əsas məxaric hissəsi məhz sosial məsələlərin həllinə yönəldilibdir.
Maaşların, pensiyaların,
təqaüdlərin, digər sosial müavinətlərin ödənilməsi və artırılması bizim hökumətimiz
üçün prioritet məsələdir.
Siyasi islahatlar uğurla aparılır. Azərbaycan müasir, dünyəvi dövlətdir. Azərbaycanda demokratikləşmə
prosesi uğurla gedir. Ölkəmiz insan haqlarının qorunması istiqamətində böyük uğurlar əldə etmişdir,
ümumbəşəri dəyərlərə çox sürətlə yiyələnir. Eyni zamanda, dünya sivilizasiyasına öz dəyərli töhfələrini