195
XX əsrin sonunda Azərbaycan Respublikasının prezidenti Heydər Əliyevin Böyük İpək yolunun yenidən
dirçəldilməsi ideyasını irəli
sürməsi bütün dünyada, xüsusilə də Böyük İpək yolu üstündə yerləşən ölkələrdə
ciddi maraqla qarşılandı. Bu məqsədlə 1998-ci ilin sentyabrında Bakıda 33 dövlətin və Avropa Birliyinin iştirakı
ilə beynəlxalq konfrans keçirildi; TRASEKA proqramı çərçivəsində nəzərdə tutulan Asiya–Qafqaz–Avropa
ticarət dəhlizinin – Böyük İpək yolunun bərpasının və onun imkanlarından hamılıqla bəhrələnməyin vacibliyi
qeyd olundu. – 81–86,89,198,226,227,228.
67. İslam İnkişaf Bankı (İİB) – Beynəlxalq maliyyə institutu. İİB-nin əsası 1973-cü ilin dekabrında Ciddədə
keçirilən müsəlman ölkələri maliyyə nazirlərinin konfransında qəbul olunmuş bəyannaməyə əsasən qoyulmuşdur.
Bank islam, şəriət qaydalarına riayət edən ölkələrə maliyyə yardımı göstərir. Bankın 55 üzvü var. Azərbaycan Res-
publikası İslam İnkişaf Bankının 1991-ci ildən üzvüdür. – 81.
68. Avropa Birliyi (AB) – 1951–57-ci illərdə yaranmış üç Qərbi Avropa inteqrasiya təşkilatının ümumi
adı (Avropa İqtisadi Birliyi – AİB, Avropa Kömür və Polad Birliyi – AKPB, Avropada Atom Energetika
Birliyi – (AAEB). AB ümumi prinsiplərin müəyyən edilməsindən birgə fəaliyyətə qədər
bir neçə mərhələ
(Avropa İnvestisiya Bankının, Avropa Regional İnkişaf Fondunun – vahid valyuta qəbul etməsi – AVRO)
keçmişdir. Mühüm mərhələ Vahid Avropa Aktının (1986–1987-ci ildən qüvvəyə minmişdir) qəbul edilməsi
olmuşdur. 1967-ci ildə rəhbər orqanların birləşməsindən sonra – AİB, AKPB və AAEB – Avropa Birliyi –
1993-cü ildə isə Avropa Şurası yarandı. – 85,86,126,133,
135,186,187,190,193,194,199,223,226,227,261,300,305,306, 312,313,314,315,316,342.
69. ABŞ Dövlət Departamenti – ABŞ-da 1789-cu ildən Xarici İşlər Nazirliyi funksiyasını həyata keçirən
əsas xarici siyasət idarəsi. Dövlət katibi başçılıq edir, prezidentin və Konqresin hazırladığı xarici siyasi xətti
həyata keçirir. – 86.
70. Qazaxıstan, Q a z a x ı s t a n R e s p u b l i k a s ı
– Avroasiyanın mərkəzi hissəsində dövlət. Sahəsi
2724,9 min km
2
, əhalisi 16 679 min nəfərdir. Paytaxtı Astana şəhəridir. Dövlət başçısı – prezident,
qanunverici
orqanı birpalatalı Ali Sovetdir. – 87–122,134,193,319.
71. Nazarbayev Nursultan, N u r s u l t a n
A b i ş o ğ l u (d.1940) – Qazaxıstanın dövlət və siyasi xadimi.
1979-cu ildə Qazaxıstan MK-nın katibi, 1984-cü ildə Qazaxıstan Ali Sovetinin sədri, Nazirlər Sovetinin sədri, 1989–91-
cı illərdə Qazaxıstan KP MK-nın Birinci katibi. 1990-cı ildə həm də Ali Sovetin sədri, 1991-cı ildə Qazaxıstan
SSR-in
prezidenti və 1991-ci ilin dekabrından Qazaxıstan Respublikasının prezidentidir. – 87–122.
72. OPEK (Neft ixrac edən ölkələrin təşkilatı) – 1960-cı ildə yaradılmışdır. Tərkibinə İran, İraq, Venesuela,
Küveyt, Səudiyyə Ərəbistanı, Qətər, İndoneziya, Əlcəzair, Nigeriya, Ekvador, Qabon daxildir. Mənzil-qərargahı
Vyanadadır. – 88.
73. Astana ( 1961-ci ilə qədər Akmolinsk, 1961–92-ci illərdə Selunoqrad, 1992–98-ci illərdə Akmola) – Qazaxıstan
Respublikasının paytaxtı. – 91–120.
74. Lev Qumilyov, Lev Nikolayeviç (1912–92) – görkəmli rus tarixçisi və coğrafiyaşünası,
tarix və coğrafiya
elmləri doktoru. İnsanların və etnosların biososial kateqoriyalarının elmini yaratmış, etnogenezlərin bienerji
dominantlarını kəşf etmişdir. Qədim türk və monqol xalqları haqqında dəyərli tədqiqatları var. 1930–50-ci illərdə
repressiyaya uğramışdır. – 93–99.
75. Mahmud Kaşqari, Mahmud ibn əl-Hüseyn ibn Məhəmməd əl-Kaşqari – XI əsr Orta Asiya alimi,
filoloq və folklorçu. Məşhur «Divani-lüğat it-türk» (1072–74) əsərinin müəllifi. Əsərdə türk dillərinin
fonetika və morfologiyası, dialekt xüsusiyyətləri haqqında qiymətli məlumat verilmişdir. 8000-ə yaxın leksik
vahidi əhatə edən «Divan»da 26 türk dilindən
nümunə verilsə də, əsas lüğət materialı 2 ədəbi dildən
toplanmışdır. Birincisi müəllifin ana dili olan şərq türkcəsi (xaqaniyyə türkcəsi), ikincisi oğuz türkcəsi; bunu
Azərbaycan ədəbi dilinin yazıyaqədərki inkişaf mərhələsi hesab etmək mümkündür. «Divan»ın sonuna əlavə
edilmiş xəritə Mahmud Kaşqari dövründə türkdilli xalqların yaşadığı ərazilərin təsvirini verən ilk xəritədir. –
93.
76. Birləşmiş Millətlər Təşkilatı (BMT) – müasir dünyanın ən nüfuzlu beynəlxalq təşkilatı. Qərargahı
Nyu-York şəhərindədir. Əsas vəzifəsi beynəlxalq sülhü və təhlükəsizliyi qorumaq və möhkəmlətmək, dövlətlər
arasında əməkdaşlığı inkişaf etdirməkdir. BMT-nin Nizamnaməsi 1945-ci il iyulun 26-da
San-Fransisko
196
konfransında 50 dövlətin nümayəndəsi tərəfindən imzalandı və 1945-ci il oktyabrın 24-də qüvvəyə mindi. Ha-
zırda BMT-yə 198 dövlət daxildir.
BMT-nin əsas orqanları Baş Məclis, Təhlükəsizlik Şurası, İqtisadi və İctimai Şura, Qəyyumluq Şurası,
Beynəlxalq Məhkəmə və Katiblikdir.
Azərbaycan Respublikası 1992-ci ildən BMT-nin üzvüdür. – 101,108,223,261.
77. İslam Konfransı Təşkilatı (İKT) – 1969-cu ildə yaradılmışdır. Müsəlman ölkələrinin çoxunu birləşdirir.
Nizamnaməsinə görə İslam Konfransı Təşkilatının fəaliyyəti müsəlmanların həmrəyliyinin möhkəmlənməsinə,
üzv-dövlətlər arasında əməkdaşlığa yönəldilmişdir. İqamətgahı Ciddədədir (Səudiyyə Ərəbistanı). Azərbaycan
1991-ci ildən İKT-nın üzvüdür. – 101,105.
78. İqtisadi Əmək Təşkilatı, İqtisadi Əməkdaşlıq və İnkişaf Təşkilatı (İƏİT) – 1961-ci ildə yaradılmış
dövlətlərarası iqtisadi təşkilat. İƏİT-in məqsədi inkişaf etmiş ölkələrdə iqtisadi siyasətin koordinasiyası və qəbul
edilmiş proqramların inkişafına kömək etməkdir. 1974-cü ildən İƏİT tərkibində Beynəlxalq Enerji Agentliyi
fəaliyyət göstərir. Mənzil qərargahı Parisdədir. – 105.
79. Yeltsin Boris Nikolayeviç (1931–2007) – Rusiyanın siyasi və dövlət xadimi. 1991–2000-ci illərdə
Rusiya Federasiyasının ilk prezidenti olmuşdur. – 108.
80. M i x a i l S a a k a ş v i l i, Mixail Nikolozoviç (d.1967) – 2003-cü ildən Gürcüstan Respublikasının
prezidenti. 2000–2001-ci illərdə Gürcüstanda Ədliyyə naziri olmuşdur. Vahid Milli Hərəkat partiyasının sədri,
«məxməri inqilab»ın liderlərindən biridir. – 123–147,183–184.
81. Şröder Ç e r h a r d (d.1944) – Almaniyanın ictimai və siyasi xadimi. 1980-cı ildən
Almaniya
Bundestaqının üzvü, 1990–98-ci illərdə Aşağı Saksoniya vilayətinin nazir-prezidenti, 2000–06-cı illərdə
Almaniyanın federal kansleri olmuşdur. – 127.
82. Corc Buş (d.1946)
– ABŞ-ın 43-cü prezidenti (2000-ci ildən). ABŞ-ın 41-ci prezidenti Corc Herbert
Buşun oğludur. 1968-ci ildə Yel universitetini (incəsənət, tarix bakalavrı), 1975-ci ildə isə Harvard universitetini
(incəsənət magistri) bitirmişdir. «Speaktrum-7 Enerci Korporeyşn» firmasının yaradıcısıdır. 1994-cü ildən Texas
ştatının qubernatoru olmuşdur. Respublikaçıdır. – 127,298.
83. Türkiyə Cümhuriyyəti – Qərbi Asiyada və Avropanın cənub–şərq kənarında dövlət. Sahəsi 780,6 min
km
2
, əhalisi 78 mln. nəfərdir. İnzibati cəhətdən 67 ilə (vilayətə) bölünür. Paytaxtı Ankara şəhəridir. Dövlət
başçısı prezident, Ali qanunvericilik orqanı Türkiyə Böyük Millət Məclisidir. –
135,140,186,193,195,197,250,251,253,258,295–297, 298–306,311,322,323–356.
84. Mirzə Fətəli Axundov (1812-1878) – böyük Azərbaycan yazıçısı, dramaturq, materialist – filosof. Axun-
dov Azərbaycan ədəbiyyatı tarixində pyesləri və fəlsəfi əsərləri ilə tanınmışdır. 1850–55-ci illərdə yazdığı altı
komediya ilə Azərbaycan və bütün Şərq ədəbiyyatında realist dramaturgiyanın əsasını qoymuşdur. – 145.
85. Mixail Fradkov (d.1950) – Rusiya dövlət xadimi. 2004–2007-ci illərdə Rusiya Federasiyasının Baş
naziri. 2007-ci ildən Rusiya ƏKİ-nin direktorudur. – 148.
86. 8 mart Beynəlxalq qadınlar günü – iqtisadi, ictimai və siyasi bərabərlik uğrunda mübarizədə qadınların
beynəlxalq həmrəylik günü. Beynəlxalq qadınlar gününün bayram edilməsi Klara Setkinin təklifi ilə 1910-cu
ildə sosialist qadınların 2-ci Beynəlxalq konfransında (Kopenhagen) qərara alınmışdı. İlk dəfə bayram 1911-ci
ildə bir sıra Avropa ölkələrində keçirilmişdir, Azərbaycanda isə 1917-ci ildən qeyd edilməyə başlanmışdır. –
149–150.
87. «Əsrin müqaviləsi» – 1994-cü ilin sentyabrın 20-də Bakıda «Xəzər dənizinin
Azərbaycan sektorunda
«Azəri», «Çıraq» yataqlarının dərinlikdə yerləşən hissəsinin birgə işlənilməsi və hasil olunan neftin pay şək-
lində bölüşdürülməsi» haqqında dünyanın 11 ən iri neft şirkəti ilə bağlanmış müqavilə. – 156.
88. Tunis, Tunis Respublikası –Şimali Afrikada dövlət. Sahəsi 164,2 min km
2
, əhalisi 9 milyon nəfərdir.
Dövlət başçısı prezident, qanunverici hakimiyyət Nümayəndələr palatasına (parlament) məxsusdur. Paytaxtı
Tunis şəhəridir. – 160.