İnsan və təbiət silsiləsindən
Yüklə 2,82 Kb. Pdf görüntüsü
|
5 Hər şeyi müəyyən edən Allahdır, hər şeyi bilən Odur. Çünki hər şey Onundur, O əbədi varlığındır. İnsan Allahın ona verdiyi qədər müəyyənedici varlıqdır. İnsan dərk edir və dərk olunur. İnsan özünü və ətrafını dərk edir. Bu dərketmə zamanı özünün mənasını aşkarlayır. Lakin bu aşkarlama qismən həyata keçir. İnsan özünü tam şəkildə aça bilməz. İnsan siqnallardan ibarətdir. Orqanizm məlumatlar sistemindən təşkil olunur. 6 GİRİŞ: İnsan fövqtəbiətin və təbiətin nəticəsidir. Buna görə də baza olaraq (cismani və ruhi olaraq) onlardan təşkil olunub, eləcə də ayrıca bir məxluqat kimi onları düşünür və nəticə ünsürü olaraq təbiətə təsir göstərə bilir. İnsan təbiət elementlərinin məcmusundan ibarət olan canlı, hərəkətdə olan kompozisiyadır. Təbiət elementlərinin sintezini yaradan vahid bir “istehsal” ünsürüdür. Bu baxımdan da təbiətə təsirlər etmək iqtidarında olan varlıqdır. İnsan özünü, təbiəti, kainatı, fövqtəbiəti (burada hər şeyin sahibi olan Uca Allahı) düşünə bilmək qabiliyyətinə malikdir. Allah insana onu (Allahı) düşünə bilmək üçün müəyyən qədər (kimisində çox, kimisində isə az dərəcədə) düşüncə bəxş edib. Bu düşüncələr məhz insanın fizioloji –bioloji quruluşundan və ruhi mövcudluğundan meydana gəlib. Düşüncələrin az və ya da çox olması insanın fərqli potensialından, fərqli quruluşundan, fərqli beyin formasından meydana gəlib. Allah bütün məkanlardadır və məkanın özüdür. İnsanlar və digər canlılar da məhz Allahın daxilindədirlər və Ondan əlamətdirlər. Allah insanlarda, bütün canlılarda, biz hesab etdiyimiz cansız aləmdə müəyyən qədər özündən əlamət verə bilər, öz sirrini duyğu orqanlarında-gözdə, qulaqda, dadbilmədə müəyyən qədər aça bilər. İnsan Allahı onun qismi əlamətləri ilə dərk edir, çünki Onun daxilindədir, Ondan bir parçadır. İnsan bütövü və tərkibi, strukturu, yarımstrukturu, sistemi, yarımsistemi (bunların hamısı elə vahiddir, müəyyən ölçülü və birləşik olan bütövlərdir) vahidlərlə düşünür. Vahid mikro (kiçik), makro (böyük) və sonsuz ölçüdə olur. Ən kiçik və ən böyük olanlar, sonsuzluqlar haqqında düşünmək insana xasdır. İnsan düşüncələri elementlər və onların birləşmələrindən yaranan müxtəlif 7 ölçülü sistemləri düşünmək qabiliyyətinə malikdir. İnsanlar həmçinin makronu da tərkib etibarilə düşünürlər. İnsanların potensialları buna imkan verir. Beyin zərrəciklərdən ibarət olduğundan obyekti kiçik hissələr üzrə düşünə bilmək qabiliyyətinə malikdir. İnformasiyaları qəbul edir, emalını həyata keçirir. Emal sintez və analizdən ibarət olur. Analiz insanın ardıcıl düşüncələrini və hərəkətlərinin istiqamətlərini formalaşdırır. Analiz seçmə və ayırdetmə funksiyasıdır. Beyinin ən kiçik ölçüsü ən kiçik ətraf obyekti düşünmək üçün imkanlar yaradır. Beyinin mürəkkəb funksiyası isə müxtəlif istiqamətli sadəliklər birləşmələrini düşünmək, əlamətləri ayırd etmək qabiliyyətinə sahib olur. Beyinin birləşdirici və ayırıcı funksiyası məhz ətraf aləmi düşünmək üçün imkanları meydana gətirir. Ətraf aləmin obrazlandırıcı xassəsi düşüncələrin artmasını təmin edir. Ətraf aləmin əksini beyində təmin edən enerjidir. Burada aktiv enerji olan Günəşin və digər ulduzların rolu böyükdür. İnsan düşüncələri daha çox aktiv enerji mənbəyində artır. Çünki, aktiv enerji mənbəyi siqnal mübadiləsini, sintezi və analizi gücləndirir. Aktiv enerji xarici təsirlərdən qəbul olunan enerjidir. Həmçinin daxildəki passiv enerjidir. Əlamətlər daha çox Günəş enerjisinin obyektə düşməyindən bilinir. Enerji obyekti canlandırır, sürtünmə yaranır və səthin əlamətləri beyində siqnallarla əks olunur. İnsanların duyğu orqanları bu baxımdan Günəş işığında daha çox işləyir. Belə qəbul edək ki, aktiv enerji obyektin siqnallarını duyğu orqanları vasitəsilə daha tez beyinə qəbul edir. Fəlsəfə və elm, eləcə də din kainat və təbiət, insanlar və digər canlılar haqqında kifayət qədər fikir bildirib. Fikirlər bir çox hallarda məxsusi olsalar da, nəticələr etibarilə universal məzmunda olub. Bu da o mənanı verir ki, insanların düşüncələri həm də universal mənbədən 8 qidalanır. Universal enerji hər bir fərdə ötürülür. Fərdlər isə fərqli əsaslarla, fərqli ölçüdə bu enerjini qəbul edirlər. Elm aşkarlama yolu ilə normalar və qaydalar yaradıb, prinsiplər formalaşdırıb. Araşdırma modellərini meydana gətirib. Mənim qələmə aldığım əsər isə heç də tam yeniliklərdən ibarət deyil. Sadəcə olaraq, özünəməxsus dərketmənin izahıdır, ifadələrlə bildirilməsidir. İfadələr beyinin analizindən ortaya çıxan fenomendir. Əl və ayaq göstərişləri, danışmaq insanların daxili siqnallarının və ətraf mühitlə əlaqələrindən meydana gələn siqnalların ifadə olunmasının təzahürüdür. Əlamətləri ayrıd etmək və ifadə etmək qabiliyyəti də məhz beyinin çevirmə və analiz etmək funksiyası ilə əlaqəlidir. İnsan sağlamlığının baza əsasları onun təbiəti dərindən düşünməsindədir. Düşüncələrdən əldə olunan nəticələr faydalar verir. Sağlamlıq üçün lazım olan minerallar və maddələr təbiətdən əldə olunur. İnsan ümumiləşmiş ali məxluqdur və xaliqin, yəni yaradanın təcəssümüdür. İnsan ali şüur səviyyəsi ilə digər canlılardan fərqlidir. İnsan məhz müəyyən olunmuş (insanın özü üçün müəyyən olan) ali məxluqdur. Ancaq ola bilər ki, insana müəyyən olmayan məxluqlar da olsun. Mövcudluğun bu forması insanlara məlum deyil. Ya da, qismən bəzi insanlara məlumdur. Xaliq tərəfindən insanlara müəyyən əlamətləri görsədilir. Belə ehtimal etmək olar ki, insanlarla digər canlılar arasında siqnal aləmi var. İnsanlarla heyvanlar və bitkilər arasında, heyvanların və bitkilərin öz aralarında bağlılıq mövcuddur. Hər bir insanın digər insanlarla, bitkilərlə, heyvanlarla, o cümlədən insana məlum olamayan, gözə görünə bilməyən məxluqatla siqnal bağlılığı var. Çünki, insan və digər canlılar vahid kainatda, təbiətdə, vahid enerji sistemində yaşayırlar. İnsanlar digər aləmlə universal Yüklə 2,82 Kb. Dostları ilə paylaş:
|