58
FEVRAL. 2012. № 12
www.uluturk.info
İradə Zərqan
qılıncı” adlandırırlar.
“İnsan daima İlahi Həqiqəti dərk etməyə
can atsa da, bu yolda qazandığı biliklər onu
məqsədinə yalnız bu və ya digər dərəcədə
yaxınlaşdırır. Çünki insanın idrak və
fəaliyyətləri məhduddur. Yalnız Allah hər
cəhətdən mütləq kamilliyə malikdir, insan
ağlının məhsulu olan hər hansı bir təlim
həqiqəti tam mənasında ifadə edə bilməz.”
Qəzaliyə görə Qurani-Kərim - birbaşa, düz,
insan zəkasının məhsulu olan elmlər isə
dolayı yolla Allahın dərkinə aparır. Dolayı
yolda azmaq asan olduğundan insan Qurani-
Kərimə əməl etməlidir. Deyilənləri həyata
keçirmək, reallaşdırmaq üçün isə “böyük
cihad” gərəkdir.
Qəzali “Ey oğul”
əsərində cihad
mövzusunda fikrini əsaslandırmaq üçün
yazırdı: “Qurani-kərimdə buyurulur: İnsana
ancaq öz əməli, öz zəhməti qalar!” “Hər kim
Rəbbinə qovuşmağı umursa, saleh bir əməl
işləsin”. Qəzali “Ey oğul” əsərində Quranın
19-cu surəsinin “Onlar ki, namazı zay etdilər,
şəhvət ardına düşdülər, Biz onları cəhənnəmə
atacağıq: ancaq tövbə edib imana gələn və
saleh əməl işləyənlər müstəsna. Məhz bunlar
zərrə qədər halları enməyərək cənnətə
girəcəklər” ayətlərinin cihada açıqlama
olduğunu qeyd edir. O, fikrini əsaslandırmaq
üçün daha sonra hədisə müraciət edir: “İslam
dini beş təməl üzərində qurulmuşdur: Allah-
dan başqa yaradıcı olmadığına, Muham-
məd(s)in Allahın qulu və rasulu olduğuna
şəhadət etmək, namaz qılmaq, zəkat vermək,
ramazan orucunu tutmaq, imkan daxilində
Həccə getmək”. Deməli, cihad – Allahın
buyurduğu iman-əməl vəhdətidir.
Qəzali həmin əsərində iman və əməl, nəfs
tərbiyəsi, ibadət və itaət mövzularının
təhlilindən, sufilər - Şibli (714-773), Əbu Əb-
durrahmən Hatəm b. Alkan (…-851) və onun
müəllimi Şakik Bəlhinin kəlamlarını, ümu-
miyyətlə mürşid-mürid münasibətlərini şərh
etdikdən sonra aşağıdakı nəticəyə gəlir:
“Dünya üçün orada alacağın müddət çalış,
axirət üçün orada qalacağın müddət və
cəhənnəm atəşi üçün də ona dözə biləcəyin
(səbr edəcəyin) qədər günah et”. O, fikrini
belə açıqlayır: “Bəzi insanlar şərəf və izzəti
başqalarının mal-mülkünü zorla almaqda,
zülm və qan tökməkdə görürlər. Mən Allah-
təalanın “Allah nəzdində ən şərəfliniz - təq-
vası üstün olandır” ayətini düşündüm,
Qurani-Kərimin gerçəkliyinə sarsılmaz
imanla təqvanı seçdim, qalan zənn və iddi-
aların boş olduğunu anladım”. Qəzali bu
nəticəyə əsərlərində adlarını çəkdiyi 600-dən
yuxarı məşhur alim və mütəfəkkirin müdrik
kəlamlarını düşünüb, öz şəxsi təcrübəsində
sınadıqdan sonra gəlmiş, Qurani-Kərim
həqiqətini bir daha etiraf etməli olmuşdur.
“Qurani-Kərim”in müxtəlif dillərdəki tər-
cümələrində “cihad” kəlməsinin əsas mətndə
deyil, daha çox savaş, vuruş bəyanlarında -
tərcüməçinin
izahlarında,
mötərizədə
yazıldığının şahidi oluruq. Quranda “cihad”
kəlməsinin işləndiyi ayələrdə, hətta ölüm təh-
lükəsi anında belə “Allaha təvəkkül”, “Allah-
dan
çəkinmə”,
“axirəti
düşünmə”,
ümumiyyətlə, ən fövqəladə vəziyyətdə də tə-
cavüz etməmək, başqa yol tapmaq tövsiyə ol-
unur.
Dinin özəyi imandır. İman inama bağlıdır.
Qurani-Kərimdə isə deyilir: “Rəbbin
diləsəydi, hamı iman edərdi. O halda sənmi
onları məcbur edəcəksən?!”. Deməli, nəinki
dünyəvi işlərdə, hətta dində məcburiyyət
təqdir olunmur. Paradoksal haldır ki,
məxluqatı yaradan, aldığı nəfəsin, yaşadığı
mülkün sahibi olan Allah-təalanın rəva
bilmədiyini, bir-biri üzərində heç bir haqqı
59
FEVRAL. 2012. № 12
www.uluturk.info
İmam Qəzalinin “böyük cihadı”
olmayan insanlar edir, hətta buna “dini rəng”
də verirlər. Əslində Musa(ə)nın hikmətini
Fironun hakimiyyət metoduna dəyişmiş
yəhudilər, İsa(ə)nın humanistliyini Sinedrion
kahinlərinin amansızlığına dəyişmiş xristian-
lar, Muhamməd(ə)in yüksək əxlaqını lay-
iqincə təmsil etməyən müsəlmanlar nə qədər
yanıldıqlarının fərqində deyillər. “Rəbbim,
onları bağışlar, zira nə etdiklərini bilmirlər”
(İncil Lukaya görə). İsa(ə)nın son nəfəsdə
dediyi bu kəlmələr bəşəriyyəti ayıltmalıdır,
çünki “əməllər insanın imanından xəbər
verir”. İslam dini isə buyurur ki,
“Bilmədiyin
şeyin ardına düşmə”. Hədisdə deyilir:
“Zənn
etməkdən çəkin, zira zənn fitnəyə səbəbdir”.
Qəzali yazır: “Sui-zənn edib dostundan
olma”. Çünki subyektiv qərar dünyada
düşmənçilik toxumu səpən amildir. Cəmiy -
yətdə baş verən bir çox fəlakətlər insanın
təbiəti, yaxud konkret hadisəni doğru dəyər-
ləndirməməsindən, sui-zənn etməsindən irəli
gəlir. Bu cəhətdən Qəzalinin aksioloji
görüşləri ayrıca bir tədqiqat mövzususudur.
Qəzalinin əsərlərində cihad anlyışı dözüm-
lülük prinsipinə zidd deyil, biri-digərini
şərtləndirir. O, təriqətlərin tədqiqinə həsr et-
diyi “Qırx əsas” əsərində müxtəlif məzhəb
və təriqətlərin qədər və iradə məsələlərinə
münasibəti haqqında yazır: “Qədər və iradə
- xam ayaqların sürüşdüyü bir mövzudur”.
“Onlara deyilir ki, Allahın buyurduğu ilə
əxlaqlanın. Sükut edin”. “Qədər Allahın sir-
ridir. Onu araşdırma. Kim qeyb aləminin əs-
rarını bilmək istəsə - sevgi, məhəbbət, ixlas
və doğruluqla peyğəmbərlərin yoluna
düşsün. Nübüvvətin əsrarını bilmək istəyən -
təzim və həya ilə Allahın əmrlərinə uysun,
nəfsi ilə cihad etsin”.
Göründüyü kimi, Qəzali ibadəti hissi
idrakın davamı, məntiqi idrakın təməli hesab
edir. O, istər cihad etmək, istərsə də dözüm-
lülük nümayiş etdirməkdə insanın xarak-
terini, elm və etikasını diqqətə çəkir. Yenə də
Qəzalinin “cihad” haqqında düşüncələrinə,
o cümlədən “elm almaq – ibadət, elm öyrət-
mək – cihaddır” fikrinə qayıdırıq. Cihad –
təmiz niyyətə, ali məqsədə, real elmi-əməli
nəticəyə yönəlmiş fədakar fəaliyyətdir. Bu
amilləri nəzərə almadan, hər hansı kortəbii
müqaviməti, terroru, yaxud müharibəni cihad
adlandırmaq üçün düşünmək lazımdır.
Bütün bu mətləblərdən sonra imam-
larımızın, Mənsur Həllacın (858-922), Nəi-
minin (1339-1394), Nəsiminin (1369-1417)
və digər fədailərin “ölümsüzlük” sirri,
təsəvvüfdə, o cümlədən, Qəzali dünya görü -
şündə “cihad” anlayışının izahı müəyyən
qədər aydınlaşır. Deməli, cihad – dünyanın
rəzilliklərindən ucada durmağa cəhddir, in-
sanların primitiv “hücum”, yaxud “müdafiə”
üsullarından tamam fərqli, ali, müqəddəs bir
amaldır, Qurani-Kərimə sidq ilə əməl – in-
sanın təfəkkür ilə, düşünərək etdiyi bəndəlik,
Allaha yer üzərində əsl varislik missiyasıdır.
Nəzərimizcə, cihad “dişə – diş” deyil, “dişə
– baş” münasibəti tələb edən bir anlayışdır
və müasir dövrdə yeni fəlsəfi nəzər tələb
edən mövzudur.