Məhəmməd Hadi və mətbuat
305
Göründüyü kimi, M. Hadi “Tərəqqi” qəzetində əsərlərini çap
etdirməmişdən xeyli əvvəl qəzet onu təbliğ etmiş, haqqında
yazılanlara səxavətlə yer ayırmışdı. Qeyd etdiyimiz kimi, M. Hadi
“İzhari-şükran və ixtari-lazım” məqaləsini onun kitabını oxuyub
yüksək qiymətləndirənlərə təşəkkür kimi qələmə almışdır. Həm
yuxarıdakı yazılarda, həm də M. Hadinin məqaləsində söhbət
“Firdovsi-ilhamat” kitabından getdiyindən, burada bir məsələni
qeyd etmədən keçinmək olmaz. M. Hadinin ilk çap olunmuş
kitabı olan 231 səhifəlik “Firdovsi-ilhamat” 1908-ci ildə Bakıda,
“Kaspi” mətbəəsində nəşr olunmuş və bu nəşrə müəllifin özü
“İfadeyi-məxsusə” adlı iki səhifəlik ön söz yazmışdır. Bu ön sözdə
tərəqqinin alim və ədiblərin qələmləri ilə yanaşı, sərvətlilərin
himməti (himəmi-əğniya - İ.Q.) ilə də bağlı olduğuna önəm verən
ədib yazır: “Bu gün vətənimizdə parlayan az-çox ziyalar bu iki
mətləədən ərzi-tələt etmişdir. Malla və qələmlə maarif yolunda
çalışan, həmiyyətməndani-vətən olanlardan xüsusilə Hacı
Zeynalabdin Tağıyev həzrətləri şayani-təqdirdir. Bu zat maarif
yolunda göstərdiyi iqdamati-cahanpəsəndanəsilə başqalarına
nümuneyi-imtisal olmuşdur desək, mübaliğə deyildir. Hələ asari-
maarifməndanəsindən olan “Qızlar məktəbi”dir ki, bu gün ağuşi-
nazəninində o vətən şükuftələri pərvərişyabi-kamal oluyor.
Məşairül-ileyhin himməti yalnız buna münhəsir qalmamışdır.
“Kaspi”, “Həyat”, “Füyuzat”, “Təzə həyat” məsəllü cəridələrin
intişarına da bədəli-himmət və müqəddərat buyurmaqla mətbuati-
islamiyyəyə böyük xidmətlər göstərmişdir. O, bir çox kitab və
risalənin təb və nəşrinə vasitə ola gəlmişdir. Bunun biri də şu
əlinizdə bulunan “Firdovsi-ilhamat” əsəri-acizanəmdir. Bu da o
cənabi-himmətin
bir novşüküfteyi-gülüdür ki, rahiyəyab
oluyorsunuz”(377, 3-4).
Adını yuxarıda çəkdiyimiz məqaləsində kitabını təqdir edən
oxucularına minnətdarlıq edən müəllif bildirir ki, o, yaxın
zamanlarda “Şükufeyi-irfan” namı ilə bir çiçək daha gülzari-
millətə təqdim edəcək və etmək üzərədir” (264, N 86). Amma
şairin adını çəkdiyi bu kitab nə o zaman, nə ondan sonrakı illərdə
İslam Qəribli
306
oxuculara təqdim olunmadı və yalnız 1914-cü ildə “Şükufeyi-
hikmət” adlı bir kitabça nəşr olunaraq oxucuların ixtiyarına
verildi.
M. Hadinin “Pərdə dalında nələr varmış?” adlı məqaləsi
1909-cu ildə Sultan Əbdülhəmid rejiminə qarşı yönəlmiş Türkiyə
inqilabını alqışlamaq niyyəti ilə qələmə alınmışdır(267, N 126).
Müəllif bildirir ki, neçə illərdən bəri Türkiyənin üzərindən asılan
istibdad pərdəsi bir işarə ilə, yəni inqilabın başlanması ilə açıldı
və açılan kimi də türk millətinin nəyə qadir olduğu üzə çıxdı.
Avropalıların məzlum, hürriyyətin nə olduğunu anlamayanlar
kimi qəbul etdikləri türklər barədə nə qədər yanlış düşüncədə
olduqları bəlli oldu.
Müəllifin aşağıdakı cümlələrinə diqqət edək: “İngilislərin
məşhur qəzetəsi “Tayms” deyir ki, “Türkiyədəki hicabi-istibdad
açılar-açılmaz nə gördük? Rolunu ifaya mühəyya bulunan mahir,
müdrik aktyorlar, şöylə aktyorlar ki, səhneyi-hürriyyətdə
oynadıqları rolları ilə bütün cahan mədəniyyətinin şiddətli
alqışlarına məzhər oldular”(267, N 126 ).
“Qadına bir vətəndaş kimi, vətənə gözəl meyvələr bəxş
edən kimi baxan Hadi”nin(439, 41) bu məqaləsində maraqlı
cəhətlərdən biri də odur ki, türk kişiləri ilə bərabər türk
xanımlarının da inqilaba töhfələr verməsindən ürək dolusu
danışılır və Xalidə Saleh adlı qələm sahibinin göstərdiyi hünər bir
qəhrəmanlıq kimi xarakterizə olunur. İstibdadın kəsif və qaranlıq
pərdələrini yırtmaqda bu xanımın yazılarının müstəsna rol
oynamasından fərəhlə danışan müıllif yazır: “ İstibdadın qaranlıq
və kəsif pərdəsi açılandan bəri müşairilehanın səhneyi-mətbuatda
göstərdiyi iqtidari-qələmiyyə, məharəti-təhririyyəsi ilə oxucularını
kəndisinə məclub etmişdir.
...İstanbulda nəşr olunan bir qaç qəzetə və cəridələr bu
möhtərəmə xanımın qələminə cövləngahi-təhrir olmuşdur.
Xüsusən “Mühiqi-risaləsi” və “Tənin” cəridələrini təzyin ediyor,
bundan sonra nəsli-axirimizə ağuşi-irfan açacaq belə xanımları
gördükcə insan nə qədər sevinir, nə qədər şad oluyor. Biz də o
Məhəmməd Hadi və mətbuat
307
lövheyi-məkşufeyi-hikməti Qafqaziyadan alqışlayırız”(267, N
126).
M. Hadinin ən dəyərli və irihəcmli elmi-publisistik
əsərlərindən biri də “Əsri təcəddüd və iki qüvvə”məqaləsidir.
“Tərəqqi” qəzetinin doqquz nömrəsində silsilə şəklində dərc
olunan bitməmiş, yaxud qəzetdə tam şəkildə dərc olumnamış bu
əsər( sonuncu, 30 iyul 1909-cu il, 170-ci nömrədə belə bir qeyd
var: “Mabədi var”) mütəfəkkir sənətkarın Şərq ölkələrində - İran,
Türkiyə və Azərbaycanda baş verən hadisələrlə bağlı elmi-tarixi
düşüncələrindən ibarətdir(269, N 145, 146, 149, 150, 153, 154,
155, 158, 170). Bu əsərində insanları zülm və əsarətdən qurtulmaq
üçün əməli fəaliyyətə səsləyən M. Hadi əsarətin özünün nədən
ibarət olduğunu və nələrdən törəndiyini tədqiq edərkən belə bir
qənaətə gəlir ki, bu müdhiş bəlanı törədən mühitdir və əsarətin özü
də biri digərini tamamlayan iki növdən ibarətdir. Bunlardan biri
cismani, yəni maddi əsarət, digəri isə ruhani, yəni mənəvi
əsarətdir. Bu iki qüvvənin birliyinin təzahürü olan əsarətdən
qurtulmağın başlıca yolunu dünyada baş vermiş və verməkdə olan
inqilabi dəyişikliklərdə görən mütəfəkkir son illərdə Şərq
ölkələrində baş verənləri nəzərdən keçirərək yazır: “ Bu son
zamanlarda aləmi-islamın afaqi-mənəviyyatında böyük bir inqilab
və təcəddüd hökmfərmadır”(269, N 145) . Müəllifə görə islam
aləminin mənəviyyatı üzərində “qat-qat yığılıb təkasüf etmiş olan
səhabeyi-müzlimeyi-istibdadı dağıtmaq və bu afaqın saf və bərraq
çöhrəsini parlatmaq” məhz bu inqilab və inkişafın nəticəsində
mümkün olacaqdır. Bu hərəkatlardan yalnız islam aləmindəki
hakim millətlər deyil (hakim millətlər deyəndə M. Hadi müstəqil
dövlət quruluşuna malik olan İran və Türkiyəni nəzərdə tutur – İ.
Q.), “Qafqaziya, Hind, Misir , Cəzairdə təhti-məhkumiyyətdə
yaşayan başqa müsəlman millətlərinin də” bəhrəmənd
olacaqlarına ümid edən müəllifin fikrincə, Şərq insanı maddi və
mənəvi əsarətdən azad olmayınca, Şərqdə əmin-amanlıqdan,
tərəqqi və təkamüldən danışmaq əbəsdir. M. Hadinin qənaətinə
görə insan birdəfəlik başa düşməli və “bu naqabili-inkar qəziyyəni
Dostları ilə paylaş: |