İslam Qəribli
118
şair dünyanı özünə vətən, insanları qardaş sayaraq bildirir ki,
məhəbbət nəğmələrini oxumağı bülbüldən öyrəndim. Könül
quşumun səmalarda pərvaz edib şən nəğmələr oxuması səbəbsiz
deyil, çünki: “Deyil süflayə mail, etilapərvazdır ruhum”.
Sonrakı kitablarında da heç bir dəyişiklik edilmədən çap
olunan(377, 379; 106-108, 52-53) bu əsərində şair bildirir ki,
“Xəyalım hürr, can sərbəst, fikrim laübalıdır”. Bu səbəbdən də
bülbül bahar çağında gülüstan eşqi ilə şövqə gəlib “tərənnümsaz”
olduğu kimi, mən də gözəllikllərdən zövq alaraq nəğmələrimi
ötməkdəyəm.
Bəzi məqamlarına toxunduğumuz yuxarıdakı sətirlərindən
göründüyü kimi, bu əsər ruhu etibarı ilə şairin həmin illərdə
yazdığı digər əsərlərdən fərqlənir. Şeirin son beytlərinin birində
şair belə bir misra işlədir: “Mən ol mərdi-süxəndanəm ki, sönməz
məğzi-nəvvarım”. Mərdliyə, fədakarlığa çağırış M. Hadi
poeziyasının aparıcı xətlərindən biri olduğundan, o, burada da
ənənəsinə sadiq qalmış, qəsidə formalı əsərində də həməsrlərini
mərd, mübariz olmağa səsləmişdir.
“Təxəttüri-mazi” (“Keçmişin xatırlanması” - İ. Q.)
sərlövhəsi altında “Bir zaman, ah ki, bir tair idim azadə, Əcəba,
kim məni saldı bu xərabəbadə” misraları ilə başlanan səkkiz
beytlik şeir ictimai məzmunlu bir qəzəldir(167, 283-284). Yeri
gəlmişkən qeyd edək ki, bu şeirin ilk variantı “Həyat” qəzetində
“Elmi-əbdanə bir nəzər” silsilə məqaləsinin tərkibində də dərc
olunmuşdur(133, N 183). Sonrakı kitablarında da özünə yer
alan(377, 379; 102-103, 54) qəzəldə şairin lirik qəhrəmanı bildirir
ki, qəm və qüssənin nə olduğundan xəbərsiz bir şəxs kimi aləmləri
seyr etməkdə ikən hər şeydə gözəllik axtarırdım. Bir gün:
Hürr uçarkən məni seyd eylədi Ģəhbazi-qəza,
Ġndi dərqeydi-cəfayəm qəfəsi-dünyadə.
Qəm nədir bilməyərək hürr yaĢardım, heyhat,
DüĢməmiĢ olsa idim saheyi-qəhrabadə(167, 283).
Şair elan edir ki, qəm dünyasına düşəndən sonra ömür
qayığım (zövrəqçeyi-ömür) tufanlar qarşısında tab gətirməyərək
Məhəmməd Hadi və mətbuat
119
batacaq və bu zaman hər tərəfə boylansam da, imdada yetən
tapılmayacaq. Bitməz-tükənməz ələm və qüssələrin əlindən
fəryadə gəlsəm də, köməyim olmayacaq, çünki zaman azad
yaşamaq arzusunda olan insanın halına müvafiq deyil.
Jurnalın bu nömrəsində “Təxəttüri-mazi” (“Keçmişin xatırl-
anması”) şeirindən sonra 22 beytlik bir şeir də dərc olunmuşdur.
Altında yazılma tarixi 1325, 20 may kimi göstərilən üç hissəlik
şeirin hər hissəsi beytlər şəklində məsnəvi formasaında
qurulmuşdur(167, 283-284). “Firdovsi-ilhamat”da bu şeiri müəllif
“Təxəttüri-mazi”dən ayıraraq “Ulduzlara” adı ilə çap
etdirmiş(377, 103-104) və şeir sonrakı kitablara da bu adla
salınmışdır(379, 55-56). Ulduzlara xitabən: “Ey aləmi münəvvər
edən cürmi-afitab”,- misrası ilə başlanan şeirdə şair ulduzların
səmaları gözəlləşdirdiyindən, onların asimanda sərbəst dövr
etmələrindən bəhs edir. Müəllifin nəzərlərində ulduzlar bir canlı,
insan kimi görünür və şair ulduzlardan soruşur:
Kövkəblər! Ey səmanı müzəyyən qılan nücum,
EtmiĢmidir o yerlərə də seyli-qəm hücum?
Sizlərdə də bəĢər kimi qəddar varmıdır,
Qan tökməyə həris, sitəmkar varmıdır?
..Əxtərlər! Ey ziyaları titrək sitarələr,
Baziçə eyləmiĢmidir sizi də pənceyi-qədər?(167, 284)
Şeirin üçüncü hissəsində şair elan edir ki: “Cahan sərasər
meydani-cəngi-fitrətdir”. Bu səbəbdən də “Qəmin əlindən, İlahi,
ürək dönüb qanə”,- deyən müəllif arzu edir ki, kaş qanadım olaydı
və elə bir imkansız yerə uçaydım ki, orada bu dünyada
gördüklərimdən əsər-əlamət olmayaydı.
Doqquz bəndlik müxəmməs formalı “Bükayi-təbiət”
(“Təbiətin ağlaması”) adlı(168, 296-298) şeirin ikinci bəndinin 4-
cü, üçüncü bəndinin 1-ci misrasının yerində nöqtələr qoyulmuş,
çox ehtimal ki, həmin misralar senzorun göstərişi ilə siyasi
cəhətdən uyğun bilinməyərək mətndən çıxarılmışdır. Yazılma
tarixi “30 mayıs” kimi göstərilən və “Məhəmməd Hadi” imzası ilə
jurnalda dərc olunan bu şeir heç bir dəyişiklik olmadan “Firdovsi-
İslam Qəribli
120
ilhamat”(377, 47-49) və sonrakı kitablarda çap edilmişdir( 379,
381; 59-60, 67-68).
“Bəxti-namərdanəmizdən ruzgar ağlar bizə”, - misrası ilə
başlanan şeir bütünlüklə keçmişi şərəfli, indiki vəziyyəti
qarmaqarışıq
olan
musəlman
dünyasına
xitab
kimi
düşünülmüşdür. Şairin təsvirində müsəlman dünyasının haqqı
əlindən alınmış, “kürreyi-ərzə bütün əcanib (əcnəbilər, qeyri-
millətlər - İ. Q.) hökmran” olmuş, millətpərvərlərin qəlbi qana
dönmüş, elə bir vəziyyət yaranmışdır ki:
Qəbri-pakində Rəsuli-kirdgar ağlar bizə(168, 296).
“Peyğmbərimiz
Rəsuli-əkrəmin
qəbrində
halımıza
ağlaması” tezisinin irəli sürülməsi, əslində şairin bütün hiss və
həyəcanlarının ifadəsidir və bundan betəri ola bilməz ki,
müsəlmanlar hüquqlarını tələb etmək üçün ayağa qalxmasınlar.
Müsəlmanların belə bir acınacaqlı vəziyyətə düşmələrinin
səbəbi nədir? M. Hadiyə görə səbəb elmsizlik, keçmişin gözəl
adətlərindən, islamiyyətin qayda-qanunlarından üz çevirmə,
qəflət, tənbəllik və intibaha- tərəqqiyə həvəsin olmamasıdır ki,
bunun da nəticəsində:
ġimdi yalnız namı qalmıĢ bizdə insaniyyətin,
Ümməti-mərhumədə yox ruhu mövcudiyyətin,
Öylə mövtayız ki, əshabi-məzar ağlar bizə(198, 298).
“Diriykən ölüyük və o dərəcədə fəna vəziyyətdəyik ki,
halımıza ölülər ağlayır”. Bu, artıq üsyandır. Yatmış vicdanları
oyatmaq üçün M. Ə. Sabir satirası, M. Cəlil gülüşü qədər, bəlkə
ondan da ziyadə bir çağırışdır ki, bundan da nəticə çıxarmamaq
korluq və bədbəxtlikdən başqa bir şey deyil.
M. Hadi ən çılğın, əsəbi, ən bədbin anlarında belə,
ümidsizliyə qapılan sənətkarlardan olmamışdır. Tərki-dünyalıq
onun yaradıcılıq amalı ilə daban-dabana zidd olan anlayışdır.
Kədər notları üzərində qurulmuş bu şeirin də sonluğu mübarizə
əzmi ilə tamamlanır. Sədi Şirazinin “Dər təriqət dəm nəmibayəd
qədəm bayəd qədər” (“Təriqətdə söz yox, əməl, iş lazımdır”)
misrasını şeirə salan şair qələm qardaşlarını, məslək sahiblərini
Dostları ilə paylaş: |