104
nağılını korlayacaq. Bu nağıla yaxşı hazırlaşmaq üçün mənə
ikinci görüşümüzə kimi möhlət verin. Təyyar nə «hə» dedi, nə
də «yox». Təyyarın müəllimə acığı tutmuşdu. Bura nağıl
danışmaq yeridirmi?! Gəmi səfərə çıxmalıdır, bu başlayıb
çərənləməyə! Müəllim təsirli bir çıxış eləmək istəyirdisə,
sözlərini qabaqcadan ölçüb-biçməli idi. Axı, o müəllimdir, hamı
yaxşı danışmağı, tutarlı sözləri, hikmətli ifadələri müəllimlərdən
eşidib öyrənməli deyilmi?! Müəllim ki, sözü uc-uca calaya
bilməyəndə, danışığının əvvəl axırını fikirləşməyəndə ona nə
deyəsən?! Təyyarın narazı, töhmətli baxışları müəllimə təsir
etməmiş olmadı. Müəllimin alnında muncuqlanan tər, sifətinin
qızarması onun utandığını göstərdi. Tələbə qızların biri
müəllimə pıçıldadı:
– Başınızı bəlaya saldınız. Müəllim qızın sözünə xəfif bir
təbəssümlə cavab verib öskürdü: – Hörmətli dənizçilər, siz
dənizdə qərq olanı xilas edib nəcib iş gördüyünüz qədər də
inadkarsınız. Dənizçilərlə mənim bu günə qədər heç bir
yaxınlığım olmayıb. Dəniz qəhrəmanlarını mənə kitablar
tanıdıb. Bu əlbəttə qiyabi tanışlıqdır. Təkcə bugünkü
görüşümüzlə də mən sizi tanıya bilmərəm. Bizim mənalı
görüşlərimiz qabaqdadır. Yəqin ki, mən sizin macəralarla dolu
fantastik həyatınızın bir çox cəhətlərini öz gözlərimlə görəcəm.
Bu adi bir maraqdan doğan arzu deyildir. Məni bu səhərdən bəri
özünə çəkən fədakarlığınıza bütün qəlbimlə vurulmuşam.
Məqsədim bədiilikdən məhrum olsa da dünən gecəki təsadüfə
bir sənədli əsər yazmaqdır. Mən bayaq dedim ki, cızma-
qaraçıyam. Bu arzu məni dəfələrlə sizin gəmiyə gətirəcəkdir.
Söz yox ki, boş vaxtlarımda da sizinlə səfərə çıxacam. Sahildən
baxanda çox gözəl görünən dənizin sərt, əsəbi üzünü, dalğaların
dəhşətli qaçış və nəriltisini öz gözlərimlə görüb, öz qulaqlarımla
eşitməsəm təhlükə qarşısında qalan, siz həyat verdiyiniz o iki
nəfər tələbəmizin başı üzərini alan ölümün amansızlığına
oxucunu inandıra bilmərəm. Sənətkar qələminin qüdrəti onun
təsvir etdiyi həyata nə dərəcədə bələd olmasından asılıdır.
105
Srağagün təcili yardım stansiyasında növbətçi idim. Məni təcili
ağır xəstə yanına çağırdılar. Xəstə ikitərəfli sətəlcəm idi.
Qızdırması qırxı keçirdi. Amma o sağlam adam kimi şən idi.
Özü də mənim yardım göstərməyə getməyimdən narazı qaldı.
Vəziyyətdən anladım ki, həkim çağırılmasından onun xəbəri
yoxdur; bu qayğını ondan xəlvət arvadı göstərib. O dənizçi idi.
Mən nə qədər dil tökdümsə də onu inadından döndərə bilmədim.
Bir dənə ağbaşla özünü tamam-kamal sağaldacağından danışırdı.
Mən ondan soruşdum ki, dənizçilərin hamısımı belə inadkardır?
O dedi:
– Ümumiyyətlə hə. Anadangəlmə də xasiyyət olarmı?!
Dənizçilərdəki bu tərsliyi, – əslində inadkarlığı – dənizin qaba
rəftarları doğurur. Dənizçi kobud və inadkar olmasa kortəbii
qüvvələrin törətdiyi fırtınaların, qasırğaların qoynunda yaşaya
bilməz. Babamın nağılı da belə bir qorxmaz adamla öz
kölgəsindən ürkən qorxağın təsadüfi yol yoldaşı olub
söhbətləşmələrindən danışır. Müsafirlər keçmiş günlərin birində
piyada kəndə gəlirlərmiş. Minik yox imiş. Çox gedəndən sonra
yorulub otururlar. Oturanacan onların söhbəti zəmanənin
gərdişindən gedirmiş. Dincəlməyə başlayanda xurcunlu kişi
müsahibinin harada işlədiyi ilə maraqlanır.
– Dənizdə. – Dənizdə? – Bəli, dənizdə. – Rəhmətliyin oğlu,
camaat düz yerdə başını zorla salamat saxlayır, sən də gedib
özünə ucuz ölüm tapmısan. Dənizçi gülür: – Ölüm hər yerdə
var. Xurcunlu kişi mömincəsinə deyir:
– Əlbəttə Allahın altından heç yana qaçmaq olmaz. Ancaq
bir var əcəl
– Allah əmri, bir də var kəlləmayallaq – yan dəmirik. –
Romantik həyatdır – deyə dənizçi xatırladığı bir hadisəni
xurcunlu kişiyə nəql edir. Dənizçi hissə qapılıb matros
vəzifəsində işlədiyi gəminin fırtına zamanı yolunu azaraq su altı
qayalara çırpılıb dağıldığını, gəminin tədriclə batmağa
başladığını, dənizçilərin dağ boyda dalğaların oynaşdığı dəniz
üzərində kiçik bir qayığın ümidinə necə qaldıqlarını bütün
106
təfərrüatı ilə danışdıqca xurcunlu kişi titim-titim titrəyir. Qalxıb
yollarına davam eləyəndə o ayaqlarını yerə yavaş basa-basa
yeriyir. Sanki bu anacan tapdalayıb incitdiyi torpağın qədr-
qiymətini indi bilir, yerin şikayətini indi eşidir, köhnə
günahlarının bağışlanmasını mütiliklə ondan xahiş edir. Dənizçi
onun qorxaqlığına gülür: – Səni dənizə haçan aparım? Xurcunlu
kişi səksənir, yoldan yana sərpir, kənara çıxıb daşlı cığırla çox
qorxaq, torpağa olan böyük bir ehtiramla yeriyir. O ayaqlarını
yerə elə ehtiyatla qaldırıb qoyur ki, elə bil yol boyu düzülmüş
yumurtaların sıx cərgəsi arasından keçir, əgər birini basıb
sındırsa Sibirə göndəriləcəkdir. Dənizçi xurcunlu kişini
dolamağa başlayır: – Şəhərə qayıdan kimi sənin adını dənizə
yazdıracam. Dalınca qaradovoy göndərib səni gəmidə işlətməyə
aparacaqlar . Xurcunlu kişi qayıdıb dənizçini qucaqlayır,
ağlayır, yalvarır ki, bir inəyim var, mənlə gedək, onun boğazına
çatı salıb sənin yedəyinə verəcəm, amma sənə and verirəm
Allaha mənim adımı ora yazdırma. Dənizçi qəhqəhə çəkməkdən
özünü zorla saxlayıb onu inandırmağa çalışır: – İnəyin mənim
nəyimə lazımdır. Mən burada deyiləm, kəndə ona görə gəlirəm
ki, sənin kimilərin adını öyrənib qaradovoya xəbər verim. Bu
xəbərçiliyim üçün mən yüz tümən qızıl alacam. Xurcunlu kişi
huşunu itirib yıxılır. Bizim ölümün ağzından diri çıxan
tələbələrimizin danışdığına görə sizin Qəzənfər də şir ürəkli,
aslan cəsarətli bir dənizçidir. Qəzənfərin ki nicat dairəsi götürüb
dənizə atılmasını, xeyli məsafəni üzüb onların köməyinə necə
gəlməsini söyləyəndə mən üzünü görmədiyim bu dəniz
pələnginin şücaətinə heyran qaldım. Təyyar, müəllimin gözünün
qabağına balaca bir kağız tutdu. Təyyar orada bu sözləri
yazmışdı: «Müəllim, yükü boşaldıb qurtarmışıq, maşın hazırdır,
gəminin bir saat səmərəsiz dayanması dövlətə doqquz min ziyan
vurur. Mümkünsə qısa danışın.» Müəllim göz qapaqlarını
endirməklə «baş üstə» – deyib qırmızı lentin üzərinə ağ hərflərlə
«Əsl xilaskar» nidası nəqş edilmiş böyük gül çələngini
qucağından götürdü. – Möhtərəm dənizçilər, tələbə və
Dostları ilə paylaş: |