|
Ixtisas: Azərbaycan dili və ədəbiyyat müəllimliyiAƏT ƏN YENİ M 13 20223
AƏ
T
M 1
3
eksperimentçi şeir, eləcə də modernist və avanqard şeirlər yaşarılığında bu gün də israr
edir. Sadəcə özünü təsdiq etmə, yaxud tükətmə faktoru ilə. Bu gün modernist deyə təsnif
olunan şeir 1960-1980-ci illərin poetik məkanında eksperiment səciyyəsi ilə seçilirdi.
Zamanı gəldi, özünü təsdiq etdi, R.Rzanın poeziyada sərbəst gəzişmələri sərbəst şeiri
stimullaşdıran zəminə çevrildi, V.Səmədoğlunun psixoloji yaşamları bütöv bir
tendensiyaya yol açdı. Bu gün həmin poeziyadan ənənəvimi deyə bəhs olunmalıdır, yoxsa
modernist şeir deyə?! Hər dövrün öz yeniliklər sırası var. Müstəqillik dönəminin yeniliyi
Avropa modernist cərəyanlarının poeziyaya axını, tətbiqi, təbliği formasında gəlirdi.
Önəmli olan bütün uğursuz cəhdlərə, Qərb cərəyanlarına ifrat meyillərinə baxmayaraq,
müstəqillik dönəminin poeziyasının öz keçmişi, gələnəkləri ilə üzvi bağlılığında, zəmin
aldığı fəlsəfi-psixoloji notlara qədər yeni xarakterli şeir olmasındadır. Ən azı, bu
poeziyada lirik subyektin yaşamları, keçib-gəldiyi gerçəklər, fəci yaşantılar sırası, içinin
təbəddülatları, əzabları başqadır və ədəbiyyata yeni bir dünyanın İnsanı kimi qədəm
qoyur. Ədəbiyyat bütün hallarda yeni İnsanla təzələnir.
2.
Ənənəvi mövzulara yeni baxış.
1990-cı illərdən başlayaraq poeziyamızda
elə imzalar oldu ki, öz poetik yaşamları ilə “geriyə qayıdış”ın ən yaxşı nümunələrini
yaratmaqla bahəm, həm də gələcək şeirin inkişaf trayektoriyasının cızılmasına səbəbkar
oldular. Bütün dövrlərdə poeziya müxtəlif nəsillərin birgəliyinin, məcmusunun təzahürü
olaraq bütöv və mütəşəkkil görünə bilir. Müstəqillik dönəminin müasir poeziya
palitrasının yaranmasında da bütün nəsillərdən olan fərdlər iştirak edir. Əlbəttə, bu iştirak
bir qism şairlərin ənənəvi-realistik, lirik-romantik üslubda yazdıqlarını dəyər qismində
prosesə qatmağı, bir qisminin isə zamanla uzlaşmağa can ataraq poetik güclərini,
nəfəslərini yeni ritmə kökləməsilə əyaniləşib.
Yeni dövrdə ənənəvi üslubda yazılan poeziya nümunələrinin bədii təsvir
predmetləri bunlar oldu:
➢
Tanrı, məşhər günü, səmavi düşüncələr insanın təklikdən, tənhalıqdan təcrid olunub
ali mütləq həqiqətə çatmaq üçün üz tutduğu müqəddəs mehrablardır;
➢
azadlıq, hürr duyğuları, müharibə ovqatı, vətənpərvərlik ideyalarının təbliği
şeirimizin patriotik qolunu səciyyələndirən başlıca amillərdir;
➢
ağac, quş, kəpənək, çiçək, daş paklıq və təmizlik rəmzi kimi mənalanan simvollardır;
➢
ənənəvi sevgi, məhəbbət mövzuları.
Yaşlı nəsildə həyata daha çox retrospektiv baxış, nostalji hissi güclüdür. Yenə də
kənd həsrəti, yurd itgisi ağrıları, ailə-məişət qayğıları, adi, gündəlik həyatın yaşantıları,
sosial-siyasi problemlərin təsviri və s. hisslər burada aparıcıdır. Şeirlərin adları belə bunu
deyir: «Nostalji» (Ç.Əlioğlu), «Retro» (S.Məmmədzadə) və s. “İşimdən, gücümdən gəl
qoyma məni,/ Məndə vaxt hardandı, söz güləşdirəm./ Yaş o yaş deyil ki, payız şum əkib,/
Yazda başaq yığam, boş küləş dərəm”.
Gənc şairlərdə isə zaman daha çox “indi” şəklində təzahür edir. Bu şairlərin içindən
keçdikləri (keçirdikləri) zamanın üzləşdirdiyi fəci və dramatik situasiyalar, yaşatdığı
|
|
|