57
Usinin` ha`mmesi iyun` ko`terilisinin` jen`ilisine alip keldi. Bul ko`terilis
proletariattin` revolyutsiyaliq gu`resinin` tariyxina qaharmanliq bet bolip kirdi.
1848 jilg`i dekabr`de monarxiyaliq ta`reptari shahzada Lui Napoleon Bonapart
prezident bolip saylandi. Og`an burjuaziyaliq toparlar menen diyxanlar dawis berdi.
Lui Napoleon o`zine qa`wipli adamlardi tyur`malarg`a taslawg`a buyriq berdi.
Parijde 10 min`lag`an respublikashilar barrikadalarg`a shiqti. Biraq a`skerler
ko`terilisti bastirip tasladi.
1848 jilg`i revolyutsiyanin` ta`jiriybesinen kelip shig`atug`in tag`i bir juwmaq
rabochiy klass ushin diyxanlar menen revolyutsiyaliq awqamnin` za`ru`rliginen
ibarat, al burjuaziya diyxanlardi sol waqitta proletariatqa qarsi paydalang`an edi.
Frantsiyadag`i 1848 jilg`i burjuaziyaliq demokratiyaliq revolyutsiya respublikanin`
bekkemleniwine alip kelmedi ha`m rabochiy klasstan qoriqqan burjuaziyanin`
kontrevolyutsiyalig`inin` aqibetinde jen`iliske ushiradi. Sonin` menen bur waqatti
proletariat ele pisip jetilispegen ha`m jen`iske erisiw ushin jetkilikli da`rejede
sho`lkemlespegen edi.
Germaniyada kapitalizmnin` rawajlaniwina en` basli kesent keltirgen na`rse
feodalliq ta`rtipler boldi. Frantsiyada ha`m Germaniyanin` basqa da ko`pshilik
ma`mleketlerindegi
sheklenbegen
monarxiya
sanaat
penen
sawdanin`
rawajlaniwindag`i tiykarg`i qarsilik boldi. Germaniyadag`i 1848-1849 jillardag`i
revolyutsiyanin` kelip shig`iwi sebepleri mine usilardan ibarat edi. Burjuaziyaliq
milliy
ma`mleketke birlesiw
ha`m
feodalliq ta`rtiplerdi saplastiriw eldi
revolyutsiyaliq jol menen qayta o`zgertiwdin` basli ma`seleleri boldi.
1848-1849
jillardag`i
revolyutsiyanin`
qarsag`inda
nemets
burjuaziyasi
revolyutsiyashil emes edi, izine xaliqti ertiwge qoriqqan, o`z xalqina satqinliq
etiwden ha`m dvoryanliq, ha`m monarxiyaliq ha`kimiyat penen kelisiwden
qaytpaytug`in edi. Ha`mmeden de burin rabochiylar jarli o`nermentshiler mayda
burjuaziya menen intellegentsiyanin` revolyutsiyaliq keyiptegi toparlari, feodalliq
boysiniwshiliqlardin` saliqlardin` ha`m qarizlardin` astinda qalg`an mayda diyxanlar
g`ana revolyutsiyani alg`a ilgerilete aliwi mu`mkin edi. Biraq bul ku`shler
sho`lkemlespegen ha`m eldin` siyasiy pitran`qilig`inin` aqibetinde ko`binese bo`lek-
bo`lek bolip bas ko`terip shig`atug`in edi.
Frantsiyadag`i siyaqli 1847 jilg`i ekonomikaliq krizis jumissizliqqa ha`m is
haqinin` to`menlewine alip keldi, al aldin`g`i jillardag`i zu`ra`a`tsizlikler aziq-awqat
zatlarinin` qimbatlawina sebepshi boldi. Usinin` barlig`i xaliqtin` joqshilig`in ha`m
apatshilig`in og`ada keskinlestirdi.
1847 jildin` ba`ha`rinde Berlinde, ashliqtan jutag`an alaman xaliq nan ha`m
paliz-o`nimleri satilatug`in du`kanlardi qiyratip, jabilg`an nanlar menen konfetlerdi
tartip aldi barip turg`an reaktsioner ha`m xaliqqa jen`illik beriwge qarsi miyrasxor
shahzada Vil`gel`mnin` sarayinin` aynalarin sindirdi. Germaniyanin` qubla-
batisindag`i ashirqag`an diyxanlar arasinda ko`teriliske shig`iwg`a shaqiriqlar taraldi.
1848- jildin` basina kelip Germaniyada revolyutsiyaliq jag`day payda boldi.
Revolyutsiyanin` o`rti alisiw ushin tek ushqin kerek edi. Frantsiyadag`i fevral`
revolyutsiyasi haqqindag`i xabar usinday ushqin boldi.
58
Da`slepki revolyutsiyaliq bas ko`terip shig`iwlar Germaniyanin` qubla-batis
jag`inda ju`z berdi. Sebebi bul jaqtag`ilar Parijdegi revolyutsiya haqqinda
ha`mmeden burin esitken edi.
Tez arada revolyutsiyaliq ha`reket prusslardin` qaramag`indag`i jerlerge de o`tti.
Sanaat en` jaqsi rawajlang`an Reyn provintsiyasinin` bas qalasi Kel`nde rabochiylar
menen o`nermentshiler ratushani qorshap alip reformalardi talap etti. 1848 jildin` 18
mart ku`ni keshke qaray Berlin barrikadalar menen talandi.
Rabochiylar menen o`nermentshiler jen`iske eristi, biraq olar sho`lkemlespegen
edi. Parijdegi siyaqli ko`terilistin` na`tiyjesinen ortasha liberal` burjuaziya
paydalandi.
Prussiyanin` polyaklar jasap atirg`an shig`is iyeliklerinde milliy azatliq ha`reketleri
baslandi. 1848 jildin` ba`ha`rinde Poznan` provintsiyasinda Pol`sha milliy azatliq
ko`terilisi baslandi. Prussiya a`skerleri ko`terilisshilerdi ayawsiz qiyratti. Ko`teriliske
shiqqan diyxanlar jazalandi ha`m awillarg`a ot berildi. Pruss burjuaziyasi Pol`sha
jerlerin Prussiyanin` eziwi astinda uslap turg`isi keldi.
1848 jildin` aprelinde G`Jan`a Reyn gazetasiG` shig`a baslag`an edi. Bul
gazetanin` maqseti revolyutsiyashil rabochiylarda ha`m izbe-iz revolyutsiyashil
demokratiyalardi biriktiriw edi.
Prussiya monarxiyasi Germaniyadag`i en` ku`shli armiyag`a iye edi ha`m ol kishi
German ma`mleketlerinde revolyutsiyalardi tunshiqtiriwshilardin` rolin atqardi.
Revolyutsionerlerdi quwdalawlar ku`sheydi, G`Jan`a Reyn gazetasiG` basip
shig`ariw toqtatildi.
Germaniyadag`i 1848-1849 jillari tamamlanbag`an burjuaziyaliq –demokratiyaliq
revolyutsiya ju`z berdi- G`Frantsiyadag`i 1789- jilg`i ha`m Germaniyadag`i 1848
jilg`i burjuaziyaliq demokratiyaliq ko`terilis birinshi jag`dayda aqirina shekem
jetkerildi, al ekinshisinde jetkerilmedi-birinshi jag`dayda respublikag`a ha`m toliq
azatliqqa shekem bardi. Ekinshisinde monarxiya menen reaktsiyani qulata almay-aq
toqtap qaldi.
Revolyutsiyaliq basli ha`reketke keltiriwshi ku`sh rabochiylar, o`nermentshiler
mayda diyxanlar edi. Revolyutsiyanin` jen`iliwinin` sebebi rabochiy klass
sho`lkemlespegen ha`m jetkilikli da`rejede pisip jetilispegen. Diyxanlardin` tiykarg`i
ko`pshiligi pomeshiklerge qarsi ko`terilip shiqpadi. Liberal` burjuaziya siyasiy
qorqaqliq etti ha`m batil bolmadi.
XVIII a`sir Frantsiyasinda revolyutsiyalardin` barisinda feodalizmnin` barliq
sarqitlari derlik joq etildi. Germaniyada pomeshiklerdin` u`stemliligi saqlanip qaldi,al
el siyasiy jaqtan pitiran`qi, burjuaziya geypara reformalarg`a g`ana erise aldi.
Germaniyadag`i 1848-1849 jillardag`i revolyutsiya jen`ilis penen tamam boldi.
1848-1849 jillardag`i revolyutsiya Italiyadag`i Avstriyag`a qarasli jerlerdi g`ana
emes Italiyanin` ma`mleketlerin de qamtip alg`an edi. Onin` kelip shig`iw sebepleri
de Germaniyadag`i revolyutsiyanin` sebepleri menen uqsas edi. Siyasiy
bo`lsheklengen mayda patshalardin` zulimlig`i, dvoryanlardin` ha`kimshiligi,
chinovnikler menen pomeshiklerdin` biybastaqlig`i, diyxanlardin` pomeshiklerge
g`a`rezsizligi bulardin` ha`mmesi kapitalizmnin` bunnan bilay rawajlaniwina irkinish
boldi. Burjuaziyanin` narazilig`i ha`m xaliq massalarinin` g`a`zebin barg`an sayin
ku`sheytti, olardi revolyutsiyag`a iytermeledi.