Qobiliyatlarning tabiiy shartlari.
Har bir kishida tug‟ma layoqat
nishonalari, ya‟ni miyaning oliy nerv faoliyatining analizatorlarining o‟ziga xos
xususiyatlari bor bo‟ladi, binobarin, kelgusida biror qobiliyatni rivojlantirishga
bo‟lgan muayyan moyillik ana shunga bog‟liqdir. Tabiiy anatomik-fiziologik
layoqat nishonalari qobiliyatlarning fiziologik asosini tashkil etadi. Keyinchalik
qobiliyatga aylanadigan layoqat nishonalarining majmui kishining iste‟dodi
deyiladi. Lekin bu tabiiy layoqat nishonalari muvaffaqiyatli faoliyatning to‟la-
to‟kis shart-sharoiti bo‟la olmaydi. Layoqat nishonalarini rivojlantirish kerak, bu
esa faoliyat jarayondagina ro‟y berishi mumkin. Layoqat nishonalari ko‟p
qiymatlidir, yana tegishli sharoitlar mavjud bo‟lganda, faoliyatga qarab layoqat
nishonalari asosida turli qobiliyatlar rivojlanishi mumkin. Masalan, yaxshi eshitish
va ohangni sezish qobiliyati mavjud bo‟lganda bir kishi kompozitor, ikkinchisi
yaxshi ijrochi, uchinchisi yaxshi dirijyor, to‟rtinchisi musiqa tanqidchisi va
hokazolar bo‟lib yetishmog‟i mumkin. Qulay sharoitlar mavjud bo‟lganda ayrim
kishilarda qobiliyatlar juda erta rivojlanadi. Odatda musiqa va tasviriy san‟atga
148
bo‟lgan layoqat ancha ertaroq paydo bo‟ladi. Masalan, M.I. Glinka 3-4 yoshidayoq
shunday o‟yinni juda yoqtirgan: u ovoz chiqaradigan turli buyumlarni (mis,
tog‟oracha, kostryulka) yog‟och bilan chalgan. Bunda kattalarni hayron
qoldiradigan darajada ohangdosh tovushlar paydo bo‟lganki, ularni eshitish
maroqli edi. Keyinchalik bu bola buyuk kompozitor bo‟lib yetishdi. Biroq shunday
ham bo‟ladiki, kishilar bolalikda favqulodda qobiliyatlarini namoyon qilganlar-u,
biroq katta bo‟lgach, ulardan mahrum bo‟lganlar. Lekin bunday hollar nisbatan
kam uchraydi.
Qobiliyatlar faoliyat davomida rivojlanadi. Qobiliyatlarni rivojlantirishning
birinchi sharti - faoliyatga bo‟lgan ehtiyojni tarbiyalashdir. Mehnatga bo‟lgan
ehtiyojni tarbiyalash uchun ishga qiziqish va unga odatlanish katta ahamiyatga
egadir.
Qobiliyatlar shaxsning boshqa sifatlari bilan chambarchas bog‟langan.
Kishining talantli ekanligi ma‟lum darajada uning psixik jarayonlari, shuningdek,
ko‟pgina psixik xususiyatlarining rivojlanish darajasiga bog‟liq bo‟ladi. Ayrim
qobiliyatlarni rivojlantirishda tegishli bilish jarayonlarining yuqori darajada
bo‟lishi hal qiluvchi rol o‟ynaydi. Masalan, musiqachi uchun eshitish, rassom
uchun ko‟rish idroklari katta ahamiyatga ega. Kishi o‟z qobiliyatlarini
rivojlantirish bilan shug‟ullanar ekan, bu rivojlanish quruq maqsaddan iborat bo‟lib
qolishi kerak emas. Asosiy vazifa jamiyatning munosib, foydali a‟zosi bo‟lib
yetishishdan iboratdir.
Shaxs kasbiy shakllanishining o„zmaxsulligi va anglay olishining muhim
omili uning kasbiy mehnatda ma‟no topishidadir, o„
z
kasbiy xayotini
loyihalashtirish, mas‟uliyat bilan kasb, mutaxassislik va ish-joyini tanlash borasida
qaror qabul qilishdadir. Albatta, bu muhim kasbiy muammolar shaxs oldida butun
xayoti davomida paydo bulaveradi. Shaxs esa, doimo o„zgarib, rivojlanib turadi.
Demak, uning rivojlanishini turli bosqichlarida kasbiy anglash muammolari
turlicha hal etiladi. Kasblar olamida o„
z
o„rnini to„g„ri tanlash, o„z ijtimoiy kasbiy
rolini kasbiy mehnatga jamoaga va o„ziga bo„lgan munosabatini anglay olishi
inson xayotining muhim komponentlari bo„lib qoladi. Gohida kishi kasbdan
149
o„zoklashib, undan og„irlik seza boshlaydi unda o„z kasbiy xolatidan qoniqmaslik
xissi paydo bo„ladi. Shuningdek, insonlarda majburiy xolatda kasb
(mutaxassislik)ni va ish joyini almashtirish xollari gohida uchrab turadi.
Ta‟kidlash mumkinki, shaxs oldida doimo undan kasbga bo„lgan
munosabatni aniqlash, gohida o„z kasbiy yutuqlarini tahlil etish, kasb tanlovi yoki
uni almashtirish qarorini qabul qilish, kar`erani aniqlash va korreksiyalash boshqa
kasbga xos bo„lgan masalalarni hal etishni talab etadi. Kasbshunoslikda barcha bu
muammolar kompleksi kasbiy aniqlanish deb tushuniladi. Tabiiyki, bunday
murakkab psixologik xodisa psixologiya fanida yagona to„g„ri ta‟rifga ega bo„lishi
mumkin emas. Shaxsda kasbiy shakllanish konsepsiyasini tadqiqotchi psixologlar
tomonidan turlicha tushuntirib berilgan.
A.Maslou konsepsiyasi bo„yicha, inson takomillashib borishiga, o„zini
namoyon etishiga bo„lgan intilishi aks etadi. Uning konsepsiyasida “Aniqlanish”
tushunchasi “O„zini namoyon etish” tushunchasi yaqin atama sifatida e‟tirof
etiladi.
P.G.Shedrovskiy “Aniqlanish” insonning o„zini o„zi o„z individual tarixini
yaratish qobiliyati sifatida, o„zligini aniqlay olishida ko„radi.
Ye.A.Klimov kasbiy anglashni batafsil tahlil etib, uni “psixik
rivojlanishining,
nimadir
foydali
ishni
qiluvchilar”
professionallar
hamjamiyatining to„laqonli ishtirokchisi sifatida o„zini shakllantirishning muhim
ko„rinishidir. Kasbiy anglash bo„yicha Ye.A. Klimovning fikri qadrli hisoblanadi.
Uning fikricha, oson va qisqa muddatli hisoblangan kasb tanlovi aslida “lahza
qo„shuv butun kelgusi xayot” formulasi asosida amalga oshiriladi.
Shaxsda rivojlanish yo„llaridan avval turli mehnat sohalariga ma‟lum
munosabat, ko„p kasblar xaqida tasavvur va o„z imkoniyatlarini baholash, ijtimoiy-
iqtisodiy vaziyatda to„g„ri yo„l tutishi kasb tanlovining “zaxira variantlari” va
navbatdagi kasbiy anglash ichki tayyorgarlikka xos bo„lgan boshqa ko„p narsalar
xaqida tasavvur shakllangan bo„ladi.
Ye.A. Klimovning fikrini mantiqiy jihatdan umumlashtirib quyidagicha
ta‟kidlash mumkin. Kasbiy anglash kasbiy tanlovining bir lahzali akti bo„lib
150
qolmaydi va tanlangan mutaxassislik bo„yicha kasbiy tayyorgarlik yakuni bilan
tugatilmaydi, balki u butun kasbiy xayoti mobaynida davom etadi.
Ushbu konsepsiyaning muhim jihati shundaki, bunda kasbiy anglash
tahliliga tizimli yondoshuv qo„llaniladi, ammo tadqiqot muammosining faqatgina
erta yoshlik yoshi bilan chegaralanishi konsepsiyasining evrestik imkoniyatlarini
cheklaydi.
Kasbiy va shaxsiy anglash N.S. Pryajnikov tomonidan olib borilgan
izlanishlarning predmeti hisoblanadi. Uning konseptual yondashuvi quyidagilardan
iborat:
Adabiyotlar tahlili, amalga oshirilgan tajriba - eksperimentlar tadqiqot N.S.
Pryajnikovga kasbiy shakllanishning nazariyasi va amaliyotini boyitish imkonini
beradi. Kasbiy anglash shaxsning boshqa muhim sohalarida o„zini namoyon eta
olishi bilan uzilmas aloqasini doimo ta‟kidlagan xolda, u shunday yozadi. “Kasbiy
anglashning mohiyati aniq madaniy-tarixiy vaziyatda bajariladigan ish va butun
xayot mazmunini mustaqil va anglangan xolda topishdadir”.
Shaxsning kasbiy anglashi bo„yicha o„tkazilgan tahlilini umumlashtirib, bu
jarayonning asosiy nuqtalarini ajratishimiz mumkin:
1.
Kasbiy anglash - individning kasblar olamiga va tanlangan aniq kasblar olamiga
nisbatan bo„lgan tanlovi munosabati.
2.
O„z xususiyatlar va imkoniyatlarini, kasbiy faoliyat talablarini va ijtimoiy-
iqtisodiy sharoitlarni hisobga olgan xolda kasbiy anglash yadrosi hisoblanadi.
3.
Kasbiy anglash butun kasbiy xayoti davomida amalga oshiriladi, shaxs doim
o„zgaradi, o„z kasbiy xayotini qayta anglaydi va kasbida o„zini namoyon etadi.
4.
Shaxs kasbiy anglashning dolzarblashuvi, turli voqealar, yani umumta‟lim
maktabini, o„quv yurtini tugatish malaka oshirish, yashash joyini almashtirish,
attestatsiya, ishdan bo„shash va hokazalar bilan anglanadi.
5.
Kasbiy anglash shaxs muhim ijtimoiy - psixologik yetukligini tavsifi
hisoblanadi.
Shaxs kasbiy anglashini tadqiq etib, N.S.Pryajnikov uning quyidagi
mazmunli - protsessual modelini asoslab berdi:
151
1.
Ijtimoiy foydali mehnatning qadr-qimmatini va kasbiy tayyorgarligining
zaruriyatini anglashning qadriyatli, ma‟naviy asosi.
2.
Ijtimoiy-iqtisodiy vaziyatda o„z yo„nalishini topish va tanlanadigan
faoliyatni kelajakda rivojlantira olish.
3.
Kasbiy mehnat olamida umumiy xolda o„z yo„nalishini aniqlay olish va
kasbiy maqsadni ajrata olish.
4.
Yaqin oradagi kasbiy maqsadlarni keyingi maqsadga eltuvchi yo„llar va
vositalari sifatida aniqlash.
5.
Kasbiy o„quv yurtlari va ish o„rinlariga muvofiq kasblar va
mutaxassisliklar xaqida ma‟lumot berish.
6.
Kasbiy maqsadlarga erishishni murakkablashtiruvchi to„siqlar xaqida
tasavvurga ega bo„lish, shuningdek, mo„ljallangan rejalarni amalga oshirishga qo„l
beruvchi o„z fazilatlarini bilish.
7.
Anglashning asosiy varianti bo„yicha muvafaqqiyatsizlikka uchragan
xolda, tanlov zaxira variantlarining mavjudligi.
8.
Shaxs kasbiy istiqbollarining amaliy yuritilishini boshlanishi va
mo„ljallangan rejalarni doimiy ravishda korrektirovka etish.
Shaxsning o„zini namoyon eta olish imkoniyatlarini tahlil etib,
N.S.Pryajnikov kasbiy anglash bo„yicha yettita turini taklif etadi:
1.
Ma‟lum bir mehnat vazifada o„zini anglash. Bu anglash turi
bajarilayotgan faoliyat doirasida o„zini namoyon eta olishini nazarda tutadi. Ishchi
o„z faoliyat mazmunini ayrim mehnat vazifalarini sifatli bajarishda ko„radi
(masalan, konveyrda ishlash paytida). Tanlash erkinligi va inson xarakatlarining
diapazoni minimal darajada aks etishi bilan belgilanadi. Ko„p ishchilarga bu bir xil
va bir maromda ishlash yomon ta‟sir etadi. Shuning uchun ishlab chiqarish
tashkilotlari bunday ishlarni bajariladigan ishlar turini almashtirish hisobiga
qo„shimcha vazifalar bilan boyitishga xarakat qiladilar. Ammo shuni ham
ta‟kidlash lozimki, ayrim kishilar bunday mehnatdan rohatlanadilar.
2.
Ish o„rnida o„zini anglash turli xil vazifalar bajarishni nazarda tutadi. Ish
o„rni ma‟lum xuquqlar va topshiriqlar mehnat vositalarini o„z ichiga oluvchi
152
cheklangan ishlab chiqish muhiti bilan belgilanadi. Bajarayotgan faoliyat doirasida
o„zini namoyon eta olish imkoniyati birinchi xolatda yuqoriroq bo„lishi mumkin.
Aniq ish joyini almashinuvi mehnat sifati va samaradorligiga yomon ta‟sir etadi va
ishchining qoniqmasligini keltirib chiqaradi.
3.
Mutaxassislik bosqichida o„zini anglash turli ish o„rinlarini sezilarsiz
almashinuvini nazarda tutadi va shu ma‟noda shaxsning o„zini namoyon eta olish
imkoniyatini kengaytiradi. Masalan, avtotransport xaydovchisi avtomashinalarning
turli rusumini boshqara oladi.
4.
Kasbda o„zini anglash turi bo„yicha ishchi mehnat faoliyatida bir - biriga
yaqin kasblarni o„zlashtira olishi nazarda tutiladi. Ma‟lumki, kasb bir qancha bir-
biriga yaqin mutaxassislarni birlashtiradi. Shuning uchun avval anglash turiga
nisbatan bunda ishchi nafaqat ish o„rnini, balki mutaxassisliklarni ham tanlaydi.
5.
Xayotni o„zini o„zi anglash turi kasbiy faoliyatdan tashqari o„zini xordiq
chiqarishi, majburiy ishsizlik va hokazolar. Mazmun jihatdan bunday fikr
insonning xayot tarzini tanlashi xaqida bormokda. Ta‟kidlash kerakki, ko„p kishilar
xayot mazmunini kasbdan tashqaridagi faoliyatda ko„rishadi.
Xayotni anglash nafaqat insonning u yoki bu ijtimoiy rollarini bajarishini
balki xayot tarzini tanlashini ham nazarda tutadi. Bunday xolda kasb ma‟lum xayot
tarzini yuritish vositasi bo„lishi mumkin.
6.
Murakkabroq tur - shaxs o„zini anglashi. Bu tur xayotda o„zini
anglashning oliy ko„rinishi bo„lib, bunda inson vaziyat va o„z xayotining egasi
bo„ladi. Bunday xollarda shaxs kasb va ijtimoiy rollardan ajralib turadi. Inson
ijtimoiy rolni egallabgina qolmay, balki yangi rollarni yaratadi va kaysidir
ma‟noda xattoki ijtimoiy-psixologik mezon yaratish bilan shug„ullanadi va
atrofdagi odamlar u xaqida yaxshi muxandis, shifokor, pedagog deb gapirib
qolmasdan, balki takrorlanmas shaxs deb ta‟riflashadi. Aytish mumkinki, shaxs
o„zini anglashi bu o„ziga xos “Men tarzini” topishidir doimo shuni rivojlantirib
atrofdagi odamlar orasida tasdiqlashdan iboratdir.
7.
Nixoyat eng murakkab tur - shaxsning madaniyatda o„zini anglashi
(shaxs o„zini anglashning oliy ko„rinishi sifatida). Bunda kaysidir ma‟noda
153
insonning ijtimoiy abadiyligi to„g„risida gapirishga imkon beruvchi “o„zini boshqa
odamlarda davom etishi”ga yo„naltirilgan ichki faollik seziladi. O„zini anglashning
oliy turi shaxsning keng ma‟noda tushuniladigan madaniyat rivojlanishiga
qo„shgan hissasida namoyon bo„ladi. (ishlab chiqarish, san‟at, ilm, din).
Yukorida berilgan o„zini anglashning xar bir turida N.S.Pryajnikov
shartli
ravishda inson o„zini namoyon etishining besh bosqichini ajratadi. Bosqichlarni
ajratish mezoni sifatida inson tomonidan mazkur faoliyatni ichki qabul kilinishi va
unga bo„lgan ijodiy munosabatining darajasi bilan belgilanadi.
Bajariladigan faoliyatni agressiv qabul qilmaslik (destruktiv bosqich).
Tinch yo„l bilan mazkur faoliyatni chetlab o„tishga intilish.
Mazkur faoliyatni namuna, shablon ko„rsatma asosida bajarish (passiv
daraja).
Faoliyat
sub‟ektining
malakasi
kasbiy
yetuklikning
muhim
ko„rsatkichlaridan biri hisoblanib, u o„zining funksional imkoniyatlari va
extiyojlarini kasbiy talablar bilan muvofiqlashtiradi. Bu ko„rsatkich kasbiy “Men-
konsepsiyasi”ning o„ziga xosligini anglatadi. Yoshlik davrida, ayniqsa, kasbiy
yetuklik bosqichida “Men-konsepsiyasi” xar tomonlama boyitiladi, bir tomondan-
xayot va faoliyatning o„zgaruvchan talablari, ikkinchi tomondan esa, o„zini o„zi
baholashning shakllanishi ro„y beradi. A.A.Reanning ta‟kidlashicha, yetuklik
davrida “Men-konsepsiyasi” kasbiy faoliyat ta‟sirida, ko„pgina maxsus
konsepsiyalarning namoyon bo„lishi hisobiga shakllanadi. Ular reallashib,
professional mahoratning usishi bilan bog„liq ravishda rivojlanib boradi. Shaxs
asta-sekinlik bilan o„z imkoniyatlarini namoyon qiluvchi maqsadlarni tanlashda
o„ta sinchkov va ishning natijasiga mas‟uliyat bilan yondashadigan bo„lib boradi.
“Shaxsning ahloqiy qoidalar va ayniqsa, muhim shaxsiy qadriyatlar doirasida
o„zini o„zi faollashtirish” Men- konsepsiyasining tub mohiyatiga singib boradi.
Kasbiy yetuk shaxslarda ularning o„zlari xaqidagi ma‟lumotlarga
asoslangan xolda o„zini o„zi baholashning kognitiv komponentlari kuchayib
boradi. O„zini o„zi baholashning emotsional komponenti esa, biroz cheklanadi.
Mutahassisning o„zini o„zi baholashini ko„p qismi uning ichki etalonlariga
154
yo„naltirilgan bo„ladi. Shaxsda o„ziga nisbatan ongli, real munosabatlarning
namoyon bo„lishi emotsiyalarni boshqarishga olib kelishidan dalolat beradi. O„zini
o„zi baholash umumiy xarakterga egadir.
Kasbiy o„zini o„zi baholashni o„zini o„zi baholash professional mahorat va
kompetentlik darajasida aks ettiriluvchi shaxsning o„zini mehnat sub‟ekti sifatida
baholashi bilan bog„liq operatsional faoliyat aspektlariga va shaxsiy sifatlarni
“Men-mutahassisman” konsepsiyasi bilan mutanosibligini baholashda aks
ettiriluvchi shaxsiy aspektlarga ajratish mumkin.
O„zini o„zi kasbiy baholashda faoliyat natijalari va mutahassisning shaxsiy
potensial baholari ko„rib chiqiladi, birinchisida mehnat yutuqlaridan qoniqqanlik
darajasi aks ettirilsa, ikkinchisida shaxsning o„z imkoniyatlarini baholash va
shaxsning o„z kuchiga ishonganlik darajasi ko„rib chiqiladi. O„zini o„zi
baholashning past ekanligi mutahassisni yetuk yoki “yetuk emasligi”dan dalolat
bermaydi. O„zini o„zi baholash negizida pozitiv motivatsion o„zini o„zi
rivojlantirish yotadi va shaxsning ijtimoiy, kasbiy muvaffaqiyatlari bilan
korreksiyalanadi.
Mehnat insonning mavjudligi va taraqqiyoti uchun xizmat qiluvchi muhim
shartlardan biri hisoblanadi. Mehnat ijtimoiy muhitni, sub‟ektning faoliyatda
shakllanishi va uning extiyoji, maqsadi, qadriyatlari tizimi hamda xayot
mazmunini anglash vositasidir. Mehnat faoliyati jarayonida inson psixikasi
namoyon bo„ladi va rivojlanadi, shu bilan bir qatorda inson shaxs sifatida
shakllanib, uning yangi qirralari ochilib boradi.
Shaxs va faoliyatning murakkab hamda ko„p qirrali aloqalari shaxsning
psixik boshqaruvi, shaxs xarakterini determinatsiyalovchi funksiyalar va
to„zilishlarning o„ziga xos hususiyatlari, shuningdek, faoliyatning vaqt va makon
kabi boshqa maxsus tavsiflari bilan shartlangan. Bu shaxs - faoliyat tizimi
munosabatlar
dinamikisini
ta‟minlaydi, ya‟ni o„zaro ko„nikish, shaxs
komponentlari va faoliyatga adaptatsiyasida namoyon bo„ladi. Bu jarayon nafaqat
shaxsning psixik komponentlarining faollashishi, faoliyat maqsadi, vazifalari va
mazmunini adekvat ta‟minlash tizimini shakllanishi bilan cheklanib qolmasdan,
155
shu bilan bir qatorda shaxsning alohida sifat va o„ziga xos jihatlarining shakllanishi
bilan muvofiq ravishda kechadi.
Shaxsning faoliyat xarakteri bilan bog„liq ravishda rivojlanish jarayoni
qator shaxsiy va faoliyat omillarini o„ziga xosligidan kelib chiqadi. Bu taraqqiyot
shaxsning aniq, tipik xayotiy va kasbiy sharoitlarda adekvat hamda ishonchli
xarakatlarini ta‟minlashga, faoliyatni jadallashtirish uchun zarur bo„lgan shaxs
tuzilishi va barqaror sifatlarning shakllanishiga yo„naltirilgan bo„ladi. Ma‟lumki,
maqsadga yo„naltirilgan xulq-atvor birinchi navbatda, kasbiy faoliyat uchun shaxs
taraqqiyotini stimullashtiruvchi tashqi faoliyat va ijtimoiy omillar hamda shaxs
hususiyatlarining o„zaro ta‟sirida namoyon bo„luvchi mehnat sub‟ektining sifatlar
tizimini yuzaga kelishi va shakllanishi, aniq xulq-atvor va faoliyat shakllari uchun
xos bo„lgan shaxs hususiyatlarini shakllanish vaziyatlari bilan tavsiflanadi. Shu
bilan bir vaqtda, shaxsni faoliyatga jalb qilinganligi, uning maqsad va vazifalarini
amalga oshirishga bo„lgan ustanovkalari, sub‟ektning mehnat jarayoniga shaxsning
psixologik hususiyatlari orqali aniqlanuvchi yuqori imkoniyatlarni tadbiq qilish
malakasi va mazmuniga moslashishi, ko„nikishiga intilishi bilan bogliqdir.
Shaxs va faoliyatning o„zaro aloqasi va o„zaro ta‟siri jarayoni dinamik
xarakterga ega bo„lib, bu jarayon psixologiyada
Dostları ilə paylaş: |