97. Məryəm İlahi xilas niyyəti ilə necə həmkarlıq
edir?
493-494
508-511
Allahın lütfü ilə Məryəm ömrü boyu hər cür şəxsi
günahdan azad olaraq yaşadı. Məryəm – «Lütfə nail
olmuş qızdır» (Luka 1:28), «Tam müqəddəsdir». Mələk
Ona «Haqq-Taalanın Oğlunu» (Luka 1:32) doğacağı
barədə xəbər verəndə O, «imana itaət etməyə» (Rom
1:5) asanlıqla razılıq verdi. Məryəm Özünü bütünlüklə
Oğlu İsa Məsihin Şəxsiyyətinə və işinə həsr edir və bütün
qəlbi ilə İlahi xilas niyyəti ilə bağlanır.
98. İsa Bakirədən doğuldu – bu ifadənin mənası
nədir?
496-498
503
Məna budur ki, İsa yalnız Müqəddəs Ruhun qüdrəti ilə
Bakirənin bətnində kişi iştirakı olmadan dölləndi. İsa –
ilahi təbiətinə görə Səmavi Atanın, insani təbiətinə görə
isə Məryəmin Oğludur. Lakin hər iki təbiətdə Allah
Oğludur və onda yalnız vahid, İlahi Şəxsiyyət var.
99. Məryəm nə mənada «Həmişə Bakirə» adlanır?
499-507
510-511
Bu o mənanı daşıyır ki, Məryəm «Oğul döllənəndə Bakirə
olaraq qaldı, Onu doğanda Bakirə olaraq qaldı, Onu
bətnində daşıyanda Bakirə olaraq qaldı, Ana olanda
Bakirə olaraq qaldı və həmişə Bakirə olaraq qaldı» (müq.
Avqustin). Buna görə Müjdələrdə İsanın bacı-qardaşları
haqqında danışılanda Müqəddəs Yazıların
57
terminologiyasına uyğun olaraq yaxın qohumlarından
bəhs olunur.
100. Məryəmin ruhani analığı nə mənada
ümumdünya xüsusiyyəti daşıyır?
501-507
511
İsa Məryəmin yeganə Oğludur, lakin İsanın simasında
Onun ruhani analığı İsanın xilas etməyə gəldiyi bütün
insanlara şamil edilir. Öz itaətkarlığı ilə Bakirə Məryəm
Yeni Adəm – İsa Məsihlə yanaşı Yeni Həvvadır, insanların
həqiqi Anasıdır. O, ana məhəbbəti ilə insanların lütfdə
doğulmasına və tərbiyəsinə yardım edir. Məryəm Bakirə
və Ana olaraq Kilsənin surətidir, onun ən kamil
təcəssümüdür.
101. İsanın bütün həyatı hansı mənada bir sirdir?
512-521
561-562
Məsihin bütün həyatı – vəhy hadisəsidir. İsanın yer
üzündəki həyatında görünən şeylər Onun görünməyən
sirrinə, ilk növbədə Onun Allah Oğulluğu sirrinə aparıb
çıxarır: «Məni görmüş kəs Atanı görmüş olur» (Yəh 14:9).
Bundan əlavə, xilas tam şəkildə Çarmıxdan və
Dirilmədən hasil olsa da, Məsihin bütün həyatı xilas
sirridir, çünki İsanın etdiyi, dediyi, dözdüyü hər şey
düşkün insanı xilas etmək və onu Allah övladı vəzifəsində
bərpa etmək məqsədi daşıyırdı.
102. İsanın sirlərinə necə qabaqcadan hazırlıq
görülmüşdü?
58
522-524
Bu hazırlıq hər şeydən əvvəl bizim yenidən Advent
dövrünün liturgiyasında duyğulandığımız uzun, çoxəsrlik
gözləntidən ibarətdir. Bütpərəst xalqların ürəyində
oyanmış dumanlı gözləntidən başqa Allah Öz Oğlunun
zühuruna Əhdi-Ətiq vasitəsilə son və ən böyük
peyğəmbər olan Vəftizçi Yəhyaya qədər qabaqcadan
hazırlıq görmüşdü.
103. İncil İsanın doğulması və uşaqlıq sirləri
barədə nə öyrədir?
525-530
563-564
Miladda səmavi izzət körpə zəifliyində üzə çıxır. İsanın
sünnəti Onun yəhudi xalqına mənsubluğunun və bizim
Vəftizimizin rəmzidir. Allahın Zühuru – Xilaskarın, İsrail
Padşahının bütün xalqlara zühurudur; Onun Məbəddə
Həsr Olunması zamanı Şimeonun və Annanın simasında
İsrailin bütün intizarda olanları Xilaskarları ilə görüşə
gəlirlər; Misirə qaçma və körpələrin öldürülməsi Məsihin
bütün həyatının təqiblər altında keçəcəyi barədə xəbər
verir; Onun Misirdən qayıdışı Çıxış barədə xatırladır və
İsanı yeni Musa kimi təqdim edir: O, həqiqi və son
Nicatverəndir.
104. İsanın Nazaretdəki gizli həyatı bizə nə
öyrədir?
533-534
564
İsa Nazaretdəki gizli həyatı zamanı gündəlik həyatın
səssizliyində yaşayır. Bununla da O bizə duadan,
sadəlikdən, zəhmətdən, ailə məhəbbətindən ibarət olan
gündəlik həyatın müqəddəsliyində Onunla ünsiyyətdə
yaşamağa izin verir. Məryəmə və atası adlanan Yusifə
tabeçiliyi Onun Ataya oğulluq itaətinin rəmzidir. Məryəm
59
və Yusif İsanın sirrini imanla qəbul edirlər, hərçənd ki heç
də həmişə Onu anlamırlar.
105. Nə üçün İsa Yəhyadan «günahların
bağışlanması üçün tövbə edib vəftiz olunmanı»
(Luka 3:3) qəbul edir?
535-537
565
İctimai xidmətin başlanğıcını qoymaq və Öz ölümünün
«Vəftizini» qabaqcadan bildirmək üçün O bunu edir,
günahsız olsa da, O, “dünyanın günahını aradan götürən
Allah Quzusu» (Yəh 1:29) idi və Özünü günahkara tay
tutmağa icazə verir. Ata Onu Öz «Sevimli Oğlu» (Mat
3:17) elan edir və Müqəddəs Ruh Onun üzərinə enir.
İsanın Vəftizi bizim Vəftizimizin rəmzidir.
106. İsanın səhrada sınağa çəkilməsi bizə nəyi
aşkar edir?
538-540
566
İsanın səhrada sınağa çəkilməsi Adəmin cənnətdə və
İsrailin səhrada sınağa çəkilməsini yenidən təkrar edir.
Şeytan İsanın, Atanın Ona həvalə etdiyi vəzifəyə
sadiqliyini sınağa çəkir. Yeni Adəm olan Məsih onları əks
etdirir və Onun qələbəsi əzablarının, oğulluq
məhəbbətinin ali itaətinin qələbəsindən xəbər verir. Kilsə
xüsusi tərzdə Dörd Ongünlük (Böyük Oruc) liturgiya
dövründə bu Sirlə birləşir.
107. Məsih tərəfindən elan və təcəssüm olunmuş
Allah Padşahlığına kim girməyə dəvət
olunmuşdur?
541-546
567
İsa bütün insanları Allah Padşahlığına girməyə çağırır.
Hətta ən islahedilməz günahkar da iman gətirmək və
60
Dostları ilə paylaş: |