Özünü «Atanı tanıyan Oğul» (Mat 11:27) adlandıraraq
Atası olan Allahla Öz vahid və əbədi əlaqəsini təsdiq edir.
İsa Allahın «Vahid Oğludur» (1Yəh 4:9), Üçlüyün ikinci
Simasıdır. İsa həvarilərin vəzinin mərkəzi mövzusudur:
həvarilər «Atadan gələn vahid Oğulun ehtişamını» (Yəh
1:14) görmüşdülər.
84. «Rəbb» adı nə məna daşıyır?
446-451
455
Müqəddəs Kitabda bu ad adətən Hökmran Allaha işarə
edir. İsa Özünü Allah elan edir və Öz İlahi səlahiyyətini ilk
növbədə dirilməsi vasitəsilə təbiət, cinlər, günah və ölüm
üzərində hökmə malik olması ilə göstərir. İlk məsihçi
iman iqrarları təsdiq edir ki, Ata Allaha məxsus olan
səlahiyyət, izzət və şərəf İsaya da aiddir: Allah «Ona
lütflə bütün adlardan ali bir ad verdi» (Fil 2:9). İsa –
dünyanın və tarixin Rəbbidir, insanın öz şəxsi azad
iradəsini tabe etməli olduğu yeganə Şəxsdir.
«İSA MƏSİH MÜQƏDDƏS RUHLA DÖLLƏNMİŞ
BAKİRƏ MƏRYƏMDƏN DOĞULDU»
85. Allah Oğlu nə üçün insan oldu?
456-460
Allah Oğlu biz insanlara və bizim xilasımıza görə yəni biz
günahkarları Allahla barışdırmaq üçün Müqəddəs Ruhun
fəaliyyəti ilə Bakirə Məryəmin bətnində bəşər oldu; bunu
ona görə etdi ki, bizə Öz sonsuz məhəbbətini dərk etmək
imkanı versin, bizim üçün müqəddəslik nümunəsi olsun
və bizi «İlahi təbiətə şərik» (2Pet 1:4) etsin.
86. «Allahın bəşər olması» nə deməkdir?
461-463
483
53
Kəlamın Vahid İlahi Şəxsiyyətində İlahi təbiətlə insan
varlığının ecazkar birliyinin sirrini Kilsə «Allahın bəşər
olması» adlandırır. Bizi xilas etmək üçün Allah Oğlu
«bəşər oldu» (Yəh 1:14), həqiqətən də, insan oldu.
«Allahın bəşər olması» inamı məsihçi imanını
fərqləndirən xüsusiyyətdir.
87. İsa Məsih nə cür həm həqiqi Allah, həm də
həqiqi insandır?
464-467
469
İsa Məsih Öz İlahi təbiətinin birliyində qırılmaz şəkildə
həm həqiqi Allah, həm də həqiqi insandır. «Doğulan,
yaranmayan, Ata ilə bərabər olan», Allah Oğlu olan İsa
Allahımız və Rəbbimiz olmaqla yanaşı həqiqi insan və
bizə qardaş oldu.
88. Xalkidon Məclisi (451-ci il) bu barədə nə
öyrədir?
467
Xalkidon Məclisi «Kamil Allah və kamil insan olan
Rəbbimiz İsa Məsihi, həmin Oğulu, həqiqi Allah və həqiqi
insan, dərrakəli can və bədəndən ibarət olan, ilahilikdə
Ata ilə eyni təbiətdə olan, insanlıqda bizimlə bərabər
olan, «günah etməmiş» (İbr 4:15), lakin hər şeydə bizə
bənzəyən Oğulu, əsrlərdən əvvəl Ata tərəfindən İlahi
cəhətdən, bu son günlərdə isə bizlərə və bizlərin xilasına
görə insani cəhətdən Allah Anası Bakirə Məryəmdən
doğulanı» iqrar etməyi öyrədir.
89. Kilsə «Allahın bəşər olması» sirrini necə ifadə
edir?
464-470
479-481
Kilsə bu sirri ifadə edəndə təsdiq edir ki, İsa Məsih həqiqi
Allah və həqiqi insandır, ilahi və insani təbiətə – iki
54
təbiətə malikdir, bu təbiətlər qarışmır, lakin Kəlam
Şəxsiyyətində birləşir. Buna görə İsanın insaniyyətində
hər şey – möcüzələr, əzablar, ölüm Onun qəbul edilmiş
insan təbiəti vasitəsilə fəaliyyətdə olan İlahi təbiətinə aid
edilməlidir.
«Ey ölməz olduğun halda, bizim xilasımıza görə
Müqəddəs Allah Anasından Bakirə Məryəmdən
doğulmağı iltifat edən... Müqəddəs Üçlüyün birliyində
olan, Ata və Müqəddəs Ruhla izzətlənən Allah Kəlamı
Vahid Oğul, bizi xilas et!» (müq. İohann Xrizostomun
Bizans Liturgiyası).
90. Allah Oğlu insan olduqda dərrakəli insan
canına malik idimi?
470-474
482
Allah Oğlu bədən aldı, dərrakəli insan canı ilə
canlandırılan bədən aldı. İnsani dərrakəsi vasitəsi ilə İsa
təcrübədə bir çox şey öyrəndi. Lakin insan olduqda belə,
Allah Oğlu Ata Allah haqqında dərin və birbaşa biliyə
malik idi. İnsanların gizli fikirlərinə nüfuz edirdi və aşkar
etmək üçün gəldiyi əzəli niyyətlərdən tam xəbərdar idi.
91. Bəşər olan Kəlamın iki iradəsi necə üzləşir?
475
482
İsa İlahi və insani iradəyə malikdir. Yer üzündəki
həyatında Allah Oğlu Allah olaraq bizim xilasımız naminə
Ata və Müqəddəs Ruhla birgə müəyyən etdikləri bütün
şeyləri istəyirdi. Məsihin insani təbiəti müqavimət və
qarşıdurma göstərmədən İlahi iradəsinin ardınca gedir
yaxud daha doğrusu, ona tabe olur.
92. Məsih həqiqi insan bədəninə malik idimi?
476-477
55
Məsih həqiqi insan bədənini qəbul etdi və bununla
görünməz Allah görünən oldu. Bu səbəbdən Məsihi
müqəddəs surətlərdə, ikonalarda təsvir etmək və Ona
sitayiş etmək olar.
93. İsanın Ürəyi nəyin rəmzidir?
478
İsa bizi insani ürəklə sevdi və tanıdı. Onun bizim xilasımız
naminə yaralanmış Ürəyi Ataya və hər bir insana olan
sonsuz məhəbbətinin rəmzidir.
94. «Müqəddəs Ruhla dölləndi...», bu ifadənin
mənası nədir?
484-486
Məna budur ki, Bakirə Məryəm Müqəddəs Ruhun
fəaliyyəti ilə kişi iştirakı olmadan əzəli Oğulu öz bətnində
dölləndirdi. Mələk Xoş Xəbər zamanı Ona dedi:
«Müqəddəs Ruh sənin üzərinə enəcək» (Luka 1:35).
95. «... Bakirə Məryəmdən doğuldu»: nə üçün
Məryəm, həqiqətən, Allah Anasıdır?
495
509
Məryəm, həqiqətən, Allah Anasıdır, çünki O, İsanın
Anasıdır (Yəh 2:19,25). Doğrudan da, Müqəddəs Ruhun
fəaliyyəti vasitəsilə döllənən və Ona Oğul olduğu Şəxs
məhz əzəli Ata Allahın Oğludur və Özü Allahdır.
96. «Pak Döllənmə» termininin mənası nədir?
487-492
508
Allah təmənnasız və əzəldən Məryəmi seçdi ki, Öz
Oğlunun Anası olsun. Bu missiyanı yerinə yetirmək üçün
Məryəm paklıqla dölləndi. Bunun mənası odur ki, Allahın
lütfünə görə və İsa Məsihin xidmətləri qabaqcadan
bilindiyi üçün Məryəm döllənmə anından etibarən ilkin
günahdan qorunub saxlandı.
56
Dostları ilə paylaş: |