bu sirr dərkedilməz idi. Bu sirr İsa Məsih tərəfindən aşkar
edildi və bütün başqa sirlərin mənbəyini təşkil edir.
46. İsa Məsih Atanın sirri haqqında bizə nə aşkar
edir?
240-242
İsa Məsih bizə aşkar edir ki, Allah yalnız kainatı və insanı
yaratdığına görə deyil, həm də ən əvvəl əbədi olaraq
daxilində Öz Kəlamı, «izzətinin əksi və mahiyyətinin tam
surəti» (İbr 1:3) olan Oğulu törətdiyinə görə «Atadır».
47. İsa Məsih tərəfindən bizə aşkar edilmiş
Müqəddəs Ruh Kimdir?
243-248
Müqəddəs Üçlüyün üçüncü Siması olan Allahdır, Ata və
Oğul ilə vahid və bərabərdir. O, «Atadan çıxır» (Yəh
15:26), başlanğıcı olmayan bir başlanğıc olduğu halda
trinitar həyatın mənbəyidir. Ata Onda verdiyi əbədi
ənama görə Müqəddəs Ruh həmçinin Oğuldan (Filioque)
gəlir. Ata və təcəssüm etmiş Oğul tərəfindən göndərilən
Müqəddəs Ruh Kilsə üçün «hər həqiqətə» (Yəh 16:13) yol
göstərir.
48. Kilsə trinitar imanını necə ifadə edir?
249-256
266
Ata, Oğul və Müqəddəs Ruh – bu Üç Simada Vahid olan
Allahı iqrar edərək Kilsə trinitar imanını ifadə edir. Üç
İlahi Sima Vahid Allahdır, çünki Onların hər biri vahid və
bölünməz İlahi təbiətin dolğunluğuna bərabərdir. Bir-biri
ilə münasibətdə olduqları üçün Onlar bir-birlərindən real
şəkildə fərqlənir: Ata Oğulu törədir, Oğul Ata tərəfdən
törəyir, Müqəddəs Ruh Ata və Oğuldan gəlir.
49. Üç İlahi Sima necə hərəkət edir?
41
257-260
267
Onlar Öz varlığında bir-birindən ayrılmazdır, İlahi Simalar
həmçinin hərəkətlərində də ayrılmazdır: Üçlüyün
hərəkəti vahid və birdir. Allahın ümumi hərəkətində isə
hər Şəxs Üçlükdə ona məxsus olanı göstərir.
«Ey Allahım, Sənə səcdə etdiyim Üçlük... mənim qəlbimi
həlim et: Öz səmalarına bənzər et, sevimli evinə çevir və
Özünə istirahət yeri et. Qoy Səni heç vaxt tərk etməyim,
qoy burada olum, bütünlüklə, imanda oyaq olum, ibadət
edim, bütün varlığımı Sənin həyatverici hərəkətinə
verim» (müq. Elizabet, rahibə)
50. «Allah hər şeyə qadirdir» ifadəsi nə məna
daşıyır?
268-278
Allah Özünü «güclü-güdrətli» (Zəb 25(24):8), Onun üçün
«mümkün olmayan şey» (Luka 1:37) olmayan Kəs kimi
aşkar etdi. Onun hər şeyə qadir olması ümumdünya
xasiyyəti daşıyır, əsrarəngizdir və məhəbbət naminə heç
nədən dünyanı və insanı yaratmasında izhar olunur, lakin
ilk növbədə Onun Oğlunun bədəndə gəlməsində və
dirilməsində, övladlığa qəbul etmə və günahları
bağışlama ənamında özünü göstərir. Buna görə də Kilsə
dua edərək «hər şeyə Qadir və əbədi» («Omnipotens
Sempiterne Deus...») Allaha müraciət edir.
51. «Başlanğıcda Allah göyləri və yeri yaratdı»
(Yar 1:1) ifadəsi nə üçün vacibdir?
279-289
315
Çünki yaradılış – xilas haqqında bütün İlahi niyyətlərin
əsasıdır; yaradılış Allahın hər şeyə qadir olan və müdrik
məhəbbətini göstərir. Yaradılış Öz xalqı ilə Vahid Allahın
əhdinə aparan ilk addımdır; bu, zirvəsi Məsih olan xilas
42
hekayəsinin başlanğıcıdır. Yaradılış insanın öz mənşəyi və
məqsədi barədə fundamental sualına ilkin cavabdır.
52. Dünyanı kim yaratdı?
290-292
316
Ata, Oğul və Müqəddəs Ruh – dünyanın vahid və
ayrılmaz başlanğıcı. Lakin yaradılış işini xüsusilə Ata
Allaha aid edirlər.
53. Dünya nə üçün yaradıldı?
293-294
319
Dünya Allahın izzəti üçün yaradıldı. Allah Öz
xeyirxahlığını, həqiqətini, gözəlliyini izhar etmək və
bildirmək istədi. Yaradılışın son məqsədi ondan ibarətdir
ki, Öz izzəti və bizim bəxtiyarlığımız üçün Allah Məsih
vasitəsilə «hər şeydə hər şey» (1Kor 15:28) ola bilsin.
«Allahın izzəti canlı insandır, insanın həyatı isə Allahı
görməkdir» (müq. İriney).
54. Allah kainatı necə yaratdı?
295-301
317-320
Allah kainatı azad olaraq, müdrikliklə və məhəbbətlə
yaratdı. Dünya bir ehtiyacın, kor taleyin yaxud təsadüfün
səmərəsi deyil. Allah heç nədən (ex nihilo: 2Mak 7:28)
yaxşı təşkil olunmuş və rifahlı dünya yaratdı. Allah bu
dünyaya münasibətdə sonsuz dərəcədə transsedentdir,
yəni O həmişə bu dünyadan üstündür. Allah yaradılışının
həyatını qoruyur, Öz Oğlu və Müqəddəs Ruh vasitəsilə
43
həyatı qoruyub saxlayır, hərəkət etmək üçün bacarıq
verir və əməlləri həyata keçməyə doğru aparır.
55. İlahi Qəzavü-qədər nədir?
302-306
321
İlahi Qəzavü-qədər Allahın məxluqlarını Özünün dəvət
etdiyi son dərəcədə kamilliyin son həddinə doğru
apardığı göstərişlərdən ibarətdir. Allah Öz niyyətinin baş
müəllifidir. Lakin bu niyyətin həyata keçirilməsinə görə O,
yaratdıqlarının əməkdaşlığından istifadə edir. Eyni
zamanda Allah yaratdıqlarına azad hərəkət etmə və
bir-biri üçün səbəb olmaq ləyaqətini verir.
56. İnsan Allahın Qəzavü-qədəri ilə necə
əməkdaşlıq edə bilər?
307-308
323
Allah insana əməllər, dualar və əzablar vasitəsilə
əməkdaşlıq etmə imkanlarını verir və onun azadlığına
hörmət edərək bu barədə ondan hətta xahiş edir və
insanda «Öz xoş məramına istək, həm də bunun üçün
fəaliyyət göstərəsiniz deyə» (Fil 2:13) hərəkət yaradır.
57. Allah hər şeyə Qadirdirsə və hər şeyi bilirsə,
nə üçün hələ də şər mövcuddur?
309-310
324, 400
Bu qədər həm acı, həm də sirli suala yalnız bütöv
məsihçi imanı cavab verə bilər. Allah heç cür – nə dolayı,
nə də bilavasitə şərin səbəbi deyil. O, şərin sirrini insan
günahı və bütün digər şərlərin kökü olan böyük mənəvi
şərə qalib gəlmək üçün ölən və dirilən Oğlu İsa Məsihdə
açıqlayır.
58. Nə üçün Allah şərə imkan verir?
44
Dostları ilə paylaş: |