həqiqətlərdən öz inamını aldığı vahid iman əmanətini
təşkil edirlər.
15. İman əmanəti kimə verilmişdir?
84, 91
94, 99
İman əmanəti həvarilər tərəfindən bütövlükdə bütün
Kilsəyə verilmişdir. Allah xalqının hamısı Müqəddəs
Ruhun dəstəyi ilə və Kilsənin Müəllimliyinin
istiqamətləndirilməsi ilə fövqəltəbii iman hissi vasitəsilə
İlahi Vəhyi qəbul edir və onu daha da dərindən anlayır,
öz həyatında daha da kamil şəkildə tətbiq edir.
16.
İman əmanətini əslində olduğu kimi kim
şərh etməlidir?
85-90
100
İman əmanətini əslində olduğu kimi yalnız canlı Kilsə
Müəllimliyi, yəni Petrusun Varisi, Roma Yepiskopu və
onunla vəhdətdə olan yepiskoplar şərh etməlidir. Allah
Kəlamına xidmətdə möhkəm həqiqət ruhuna malik olan
Müəllimlik İlahi Vəhyin tərkibindəki həqiqətlərin ifadəsi
olan ehkamları müəyyən etməlidir. Bu səlahiyyət
həmçinin Vəhylə aşkar şəkildə bağlı olan həqiqətlərə də
aiddir.
17.
Yazı, Rəvayət və Müəllimlik öz aralarında
bir-biri ilə necə bağlıdır?
95
Onlar bir-biri ilə elə sıx bağlıdır ki, biri digəri olmadan
mövcud ola bilməz. Müqəddəs Ruhun fəaliyyəti altında
onların hamısı birlikdə və hər biri özünə görə insanların
xilasına təsirli şəkildə xidmət edir.
Müqəddəs Yazı
25
18.
Müqəddəs Yazı nə üçün həqiqəti öyrədir?
105-108
135-136
Allahın Özü Müqəddəs Yazının müəllifidir. Buna görə də o,
Allahdan ilhamlanmış adlanır və xilasımız üçün zəruri
olan həqiqətləri səhvsiz öyrədir. Müqəddəs Ruh,
həqiqətən də, insanları – Onun bizə öyrətmək istədiyi hər
şeyi yazıya alan müəllifləri ilhamlandırmışdır. Lakin
məsihçi imanı «kitab dini» deyil, Allah Kəlamının dinidir
və «yalnız yazılan və lal söz olmayıb, əksinə, zahir olan
və canlı Kəlamdır» (müq. Bernard Klervoslu).
19.
Müqəddəs Yazını necə oxumaq lazımdır?
109-119
137
Müqəddəs Yazını Müqəddəs Ruhun yardımı ilə, Kilsə
Müəllimliyinin rəhbərliyi altında üç meyara görə oxumaq
və şərh etmək lazımdır: 1) Bütün Yazının məzmununa və
birliyinə diqqət yetirilməsi; 2) Yazının canlı Kilsə
Rəvayətində oxunması; 3) İmanın həmahəngliyinə, yəni
iman həqiqətlərinin öz aralarında əlaqəsinə diqqət
yetirilməsi.
20.
Yazı kanonu nədir?
120
138
Yazı kanonu – Həvari Rəvayətinin Kilsəyə tanımağı icazə
verdiyi müqəddəs kitabların tam siyahısıdır. Kanon
Əhdi-Ətiqin 46, Əhdi-Cədidin isə 27 kitabını özündə
birləşdirir.
21.
Əhdi-Ətiq məsihçilər üçün hansı əhəmiyyətə
malikdir?
121-123
Məsihçilər Əhdi-Ətiqə həqiqi Allah Kəlamı kimi ehtiram
göstərirlər: onun bütün kitabları Allahdan ilhamlanmışdır
26
və dəyişməz dəyərini saxlayır. Onlar Allahın xilas edən
məhəbbətinin tərbiyəvi himayəsinə şəhadət edir. Onlar
ilk növbədə Kainatın Xilaskarı olan Məsihin zühurunu
hazırlamaq üçün yazılmışdır.
22.
Əhdi-Cədid məsihçilər üçün hansı
əhəmiyyətə malikdir?
124-127
139
Əsas Şəxsiyyəti İsa Məsih olan Əhdi-Cədid bizə İlahi
Vəhyin son həqiqətini öyrədir. Onda olan dörd İncil –
Matta, Mark, Luka və Yəhya İncili İsanın həyat və təlimi
barədə birinci dərəcəli şəhadət olmaqla bütün Müqəddəs
Yazının məğzini təşkil edir və Kilsədə nadir mövqe tutur.
23.
Əhdi-Ətiqin və Əhdi-Cədidin vəhdəti nədən
ibarətdir?
128-130
140
Yazı vahidlik təşkil edir, çünki Allah Kəlamı vahiddir.
Allahın xilas niyyəti birdir, hər iki Əhd eyni dərəcədə
Allahdan ilhamlanmışdır. Əhdi-Ətiq Əhdi-Cədidə
hazırlıqdır, Əhdi-Cədid isə Əhdi-Ətiqin həyata keçməsini
başa çatdırır: onlar bir-birlərinə aydınlıq gətirirlər.
24.
Kilsə həyatında Müqəddəs Yazının rolu
nədən ibarətdir?
131-133
141-142
Müqəddəs Yazı Kilsə həyatını ruhlandırır və
möhkəmləndirir. Onun övladları üçün Yazı – iman qalası,
ruhani həyatın qidası, mənbəyi, ilahiyyatın və rəhbər
vəzinin ürəyidir. Zəburçu «Sözün hər addımım üçün
çıraqdır, yollarıma işıqdır» deyir (Zəb 119:105). Buna
görə də Kilsə Müqəddəs Yazını tez-tez oxumağa çağırır,
27
çünki «Yazını bilməmək Məsihi tanımamaq deməkdir»
(müq. Yeronim).
Üçüncü fəsil
İNSANIN ALLAHA CAVABI
İman edirəm
25.
İnsan Özünü aşkar edən Allaha necə cavab
verir?
142-143
İlahi lütflə dəstəklənən insan iman itaəti ilə cavab verir,
yəni kamil Həqiqət olan Allah tərəfindən dəstəklənərək
özünü tamamilə Onun ixtiyarına verir və Onun həqiqətini
qəbul edir.
26.
Müqəddəs Yazıda kim iman itaətinin baş
şahididir?
144-149
Belə şahidlər çoxdur, amma ikisi xüsusilə fərqlənir:
sınağa məruz qalıb «Allaha iman edən» (Rom 4:3), Onun
çağırışına həmişə qulaq asan, buna görə də «bütün
imanlıların atası» olan İbrahim və bütün həyatı boyu
iman itaətini kamil bir tərzdə həyata keçirən Bakirə
Məryəm: «Fiat mihi secundum Verbum tuum – qoy mənə
Sənin dediyin kimi olsun» (Luka 1:38).
28
27.
İnsan üçün Allaha iman nə deməkdir?
150-152
176-178
Bu, Allaha etibar edərək və Onun aşkar etdiyi bütün
həqiqətləri mütləq şəkildə qəbul edərək Allahın Özünə
bağlanmaq deməkdir, çünki Allah Həqiqətin Özüdür. Bu,
üç Simada Vahid olan Allaha – Ata, Oğul və Müqəddəs
Ruha iman etmək deməkdir.
28.
İmanın əsas xüsusiyyətləri nədən ibarətdir?
153-165
179-180
183-184
İman həlimliklə istəyən hər kəsə mümkün olan Allahın
təmənnasız bəxşişidir; bu, xilas üçün zəruri olan
fövqəltəbii fəzilətdir. İman aktı insan əməlidir, yəni
Allahın hərəkətə gətirdiyi insan iradəsinin hökmünə görə
İlahi həqiqəti azad qəbul edən insan şüurunun əməlidir.
Bundan əlavə, iman konkretdir, çünki Allah Kəlamına
əsaslanır və «məhəbbətlə» fəaliyyətdədir; iman daim
Allah Kəlamına itaət və dua sayəsində artır. Artıq indi o
bizə səmavi sevinci dadmaq imkanı verir.
29.
Nə üçün iman və bilik bir-birinə zidd deyil?
159
İman dərrakədən yüksəkdə dayansa da, imanla bilik
arasında heç zaman ziddiyyət ola bilməz, çünki iman da,
bilik də öz başlanğıcını Allahdan götürür. Məhz Allah
insana həm dərrakə ziyasını, həm də imanı bəxş edir.
«İman et ki, dərk edəsən, dərk et ki, iman edəsən» (müq.
Avqustin).
Biz iman edirik
30.
Nə üçün iman şəxsi əməl olmaqla yanaşı,
eyni zamanda Kilsə əməlidir?
29
Dostları ilə paylaş: |