19
Milli Qəhrəmanlar
Mübariz Əhmədov
1963-1992
YANV
AR
Mübariz Əlizadə oğlu Əhmədov
1963-cü il yanvar ayının 1-də Sabi-
rabad rayonunda dünyaya göz açmış-
dır. 1969-cu ildə burada orta məktəbə
getmişdir. 1980-ci ildə Azərbaycan
Pedaqoji Dillər İnstitutuna daxil ol-
muş, üçüncü kursda oxuyarkən hərbi
xidmətə çağırılmışdır. 1985-ci ildə or-
dudan tərxis olunmuşdur. 1988-ci ildə
Meydan hərəkatının iştirakçısı olmuş-
dur. Erməni basqınçıları Azərbaycan
torpaqlarına hücum etməyə başlayanda
Mübariz yenicə yaranan özünümüdafiə
batalyonuna ilk yazılan könüllülərdən
olmuşdur.
Mübariz Ağdamda rota komandiri
kimi döyüşlərə girmişdir. Daha sonra
isə Dovşanlı, Qazançı, Əsgəran, Pir-
camal, Aranzəmin, Xanabad, Şuşa və
digər kənd və şəhərlərimiz uğrunda
gedən döyüşlərdə göstərdiyi igidliyə
görə adı dillər əzbəri olmuşdur. 1991-ci
ildə Müdafiə Nazirliyi ona Türkiyədə
hərbi təhsil almağı tövsiyə etmiş, la-
kin vətəninə, dövlətçiliyimizə, xalqına
bağlı olan Mübariz döyüşməyi üstün
tutmuşdur. Onun son döyüşü 1992-ci
il sentyabrın 24-ü oldu. Abdal-Gülablı
kəndini erməni faşist dəstələrindən
təmizləyən zaman qəfil partlayan
mərmi Mübarizin həyatına son qoydu.
Azərbaycan Respublikası Prezi-
dentinin 16 sentyabr 1994-cü il tarixli
203 saylı Fərmanı ilə Əhmədov Mü-
bariz Əlizadə oğlu ölümündən sonra
“Azərbaycanın Milli Qəhrəmanı” fəxri
adına layiq görülmüşdür.
Sabirabad rayonunun Qaratəpə kən-
dindəki Şəhidlər Xiyabanında dəfn
edilmiş, Sabirabad rayonunda büstü
qoyulmuşdur.
Ə d ə b i y y a t
Azərbaycan Respublikasının Müdafiə Nazirliyinin hərbi qulluqçularına “Azərbaycanın Milli Qəhrəmanı” adı verilməsi haqqında:
[Əhmədov Mübariz Əlizadə oğlu – sıravi –Azərbaycan Respublikasının suverenliyinin və ərazi bütövlüyünün qorunmasında, Vətənimizin
torpaqlarının erməni işğalçılarından müdafiə edilməsində gedən döyüşlərdə qəhrəmanlıqla vuruşaraq göstərdiyi şəxsi igidlik və şücaətə,
öz müqəddəs əsgəri və xidməti borcunun yerinə yetirilməsində göstərdiyi misilsiz xidmətlərinə görə]: Azərbaycan Respublikası Preziden-
tinin Fərmanı, 16 sentyabr 1994-cü il //Azərbaycan.- 1994.- 21 sentyabr.- S.1.- (Ölümündən sonra).
Əhmədov Mübariz Əlizadə oğlu //Azərbaycanın Milli Qəhrəmanları: biblioqrafiya /Azərbaycan Milli Kitabxanası; tərt. ed. H.Həmidova.-
Bakı, 2008.- S.50.
Əhmədov Mübariz Əlizadə oğlu //Azərbaycan müəllimi.- 2016.- 16 yanvar.
Əlili, İ. Əhmədov Mübariz Əlizadə oğlu //Əlili İ. Vətənin cəsur döyüşçüləri.- Bakı, 2015.- S.19-20.
Əsgərov, V. Əhmədov Mübariz Əlizadə oğlu //Əsgərov V. Azərbaycanın Milli Qəhrəmanları.- Bakı, 2005.- S.46.
Seyidzadə, M. Əhmədov Mübariz Əlizadə oğlu //Seyidzadə M. Milli Qəhrəmanlar zirvəsi.- Bakı, 2010.- S.74.
1
55
illiyi
Milli Qəhrəman
20
Milli Qəhrəmanlar
Muxtar Qasımov
1958-1992
YANV
AR
Muxtar Cahid oğlu Qasımov 1958-
ci il yanvar ayının 10-da Beyləqan
rayonunun Kəbirli kəndində ana-
dan olmuşdur. 1974-cü ildə Ağdam
şəhər 5 saylı məktəbi bitirmişdir. Elə
həmin il Nəriman Nərimanov adına
Azərbaycan Dövlət Tibb İnstitutuna
daxil olmuşdur. Tibb təhsilini başa vur-
duqdan sonra işləmək üçün təyinatla
Xankəndinə yola düşmüşdür. Orada
işləyərkən ermənilər arasında separa-
tizmin, millətçi ünsürlərin təbliğinin
şahidi olmuşdur. Müxtəlif təzyiqlərə
baxmayaraq işinə davam etmiş, milliy-
yətindən asılı olmayaraq insanlara tib-
bi yardım göstərmişdir. 1988-ci ildə
vəziyyət nəzarətdən çıxandan və kiçik
qarşıdurmalar baş verəndən sonra Ağ-
dama qayıdıb hospitalda həkim kimi
çalışmışdır.
Ağdamda gedən bütün döyüşlərdə
yaralıları xilas etmək üçün qəhrəmanlıq
göstərmişdir. Xocalı faciəsindən son-
ra isə həyatını tamamilə cəbhəyə
bağlamışdır. 1992-ci ilin iyun ayın-
da Aranzəmin, Pircamal, Ağbulaq
kəndlərinin azad edilməsi uğrunda
gedən döyüşlərdə həkim kimi öz bi-
lik və bacarığını nümayiş etdirmişdir.
1992-ci il iyul ayının 16-da Naxçı-
vanlı kəndi uğrunda gedən döyüşlərdə
xidməti borcunu yerinə yetirərkən
həlak olmuşdur.
Azərbaycan Respublikası Preziden-
tinin 5 fevral 1993-cü il tarixli 457 say-
lı Fərmanı ilə Qasımov Muxtar Cahid
oğlu ölümündən sonra “Azərbaycanın
Milli Qəhrəmanı” fəxri adına layiq gö-
rülmüşdür.
Bakı şəhərindəki Şəhidlər Xiyaba-
nında dəfn edilmişdir.
Ə d ə b i y y a t
Azərbaycan Respublikasının Müdafiə Nazirliyinin hərbi qulluqçularına “Azərbaycanın Milli Qəhrəmanı” adı verilməsi haqqında: [Qa-
sımov Muxtar Cahid oğlu – tibb xidməti kapitanı – Azərbaycan Respublikasının suverenliyi və ərazi bütövlüyünün qorunmasında, dinc
əhalinin təhlükəsizliyinin təmin edilməsində şəxsi igidlik və şücaət göstərdiyinə görə]: Azərbaycan Respublikası Prezidentinin Fərmanı,
5 fevral 1993-cü il //Azərbaycan Respublikası Ali Sovetinin Məlumatı.- 1993.- №3.- S.11.- (Ölümündən sonra).
Əsgərov, V. Qasımov Muxtar Cahid oğlu //Əsgərov V. Azərbaycanın Milli Qəhrəmanları.- Bakı, 2005.- S.116.
Qasımov Muxtar Cahid oğlu //Azərbaycanın Milli Qəhrəmanları: biblioqrafiya /Azərbaycan Milli Kitabxanası; tərt. ed. H.Həmidova.-
Bakı, 2008.- S.116.
Milli Qəhrəmanlar haqqında sənədli filmlər təqdim olunub: [Mədəniyyət və Turizm Nazirliyinin təşkilatçılığı ilə rejissor Rəşad Qa-
sımovun Milli Qəhrəman Muxtar Qasımovdan bəhs edən “Vətən sevgisi” sənədli filminin şəhidin məzunu olduğu Azərbaycan Tibb
Universitetində göstərilməsi haqqında] //Mədəniyyət.- 2015.- 4 dekabr.- S.7.
Seyidzadə, M. Qasımov Muxtar Cahid oğlu //Seyidzadə M. Milli Qəhrəmanlar zirvəsi.- Bakı, 2010.- S.119.
10
60
illiyi
Milli Qəhrəman