Ramil Mərzili
78
GÖZÜMDƏN DÜŞƏRSƏN.
Hər yolda bir azdırma var,
Hər yuxuda yozdurma var.
Ürəyimdə " qızdırma" var,
Qorxuram orda bişərsən.
Ömrüm durnalar köşündə,
Yaşayıram bu biçimdə.
Hər damla yaşın içində,
Bitmə, gözümdən düşərsən.
Qəm sevinci əyləyibki...
Gözlər yalan söyləyibki.
Qəlbim sənə neyləyibki,
Hər gün, hər saat deşirsən.
Yoxmu insafın ay gülüm,
Yetməzmi bu qədər zülüm.
Bu gün həyat, sabah ölüm,
Sanma əbədi bəşərsən.
Mən ölləm, sakitləşərsən...
Kimsə bilməsin
79
TƏNHA QADIN.
Sənin adın nədir Qadın?
Nə doğman var, nə də yadın.
Dünyaya yalqızmı gəldin,
Yoxmu anan, ya övladın?
Hanı dərdini bölənin,
Hanı üzünə gülənin?
Olmadımı bu günədək
Nə gedənin, nə gələnin?
Kim yoğurub, yapıb səni?
Kim itirib, tapıb səni?
Duyğular məzarlığından,
Yoxsa kədər qapıb səni?
Sənmisən acımın özü,
Sənmisən həsrətin üzü?
Gözlərin dəryadan dərin,
Kim qurutdu bu dənizi?
Həyat səni yordumu de,
Ümidini qırdımı de.
Bircə gün qapını döyüb,
Sevinc səni sordumu de?
Qazandınmı bircə "uğur"?
Qazandınsa çığır, bağır.
Qovuşdunmu özləminə?
Baxma belə fağır-fağır...
Ramil Mərzili
80
Sənki başdan sona qədər,
Qəm yüküsən məndən betər.
Gir qoluma gedək Qadın,
Bu qədər tənhalıq yetər...
Kimsə bilməsin
81
MÜHARİBƏ UŞAĞI...
Məni bu dünyaya gətirən anam,
Söylə nə itirdin, nələri tapdın ?
Bir çimdik sevincə həsrət ömrümü,
Dərddənmi yoğurdun, qəmdənmi yapdın?
Uşaqlıq görmədim uşaq çağımda,
Savaş od- alovun saçdı hər yana.
Başımı mərmidən yana qaçırıb,
Sənin qucağında gizlədim, ana...
Mən özüm ağrıyam, öz çəkim boyda,
Hər yanım kədərdi, dərddi, qübardı.
Ağrını dünyaya gətirmək üçün,
Başqa bir ağrıya nə gərək vardı ?
Zamansız gəlmişdik dünyaya sanki,
Dünya bizdən, biz dünyadan xəbərsiz.
Mənim yaşıdlarım top qovalarkən,
Topun lüləsiylə oynayardıq biz...
Körpə qəlbimizi sevindirərdi,
Qarğıdan köhlən at, məftildən maşın.
Ay ana, sənin o ağıllı balan,
Bu başsız dünyada itirib başın.
Nə qədər qorxardın biz uşaq ikən,
Sıyrılan dizimiz batanda qana.
İndi böyümüşəm, hər yıxılanda,
Ürəyim qanayır, ürəyim, ana !!!
Ramil Mərzili
82
Yenə də yıxılsam, qanasa dizim,
Bir məlhəm qoyarsan, tapıb yerini.
Gəl sarı qəlbimi, sarıya bilsən,
Unudum dünyanın dərdi- sərini.
Biz savaş görmüşük, savaş oğluyuq,
Bəs
edər bu qədər imtahan, vallah.
Dərdimdə gizləndim, görmədin məni,
Bax indi burdayam, burdayam Allah…
Kimsə bilməsin
83
YƏNİ…
Qəribə bəxtimiz var, yerlə- göylə əlləşən,
Vüsalından yan qaçıb, həsrətiylə birləşən.
Ölümə meydan açıb əzrayılla dilləşən,
Dünya boyda eşqimiz bitdimi yəni?
Bitdi...
Ömrümün günəşiydin ,nədən qüruba endin?
Baxışların lal oldu ,nə danışdın ,nə dindin.
Deyirdin hara baxsam səni görürəm ,indi,
Gözlərindən surətim getdimi yəni?
Getdi...
İçimizdən küləklər əsir,üşüdür bizi,
Kəsir taqətimizi ,yerə gətirir dizi.
İşıq surəti alan əlçatmaz hissimizi,
Ayrılığın yelləri ötdümü yəni?
Ötdü...
Hər gün səni diləyib ,qurban dedim özümü,
Boyun əydim qədərə ,qucaqlayıb dizimi.
Deyəkki, ürəyindən “ qürur “sildi izimi,
Saçlarından əl izim itdimi yəni?
İtdi...
Ramil Mərzili
84
AXI ...
Hardasan ay sulu gözlüm,
Həsrət məni yordu axı.
Bu ayrılıq, bu işgəncə,
Ehh, qəsdimə durdu axı.
Sənki qıymaz idin mənə,
Nə oldu bəs indi yenə ?!
Sənsizlik bir zəli olub,
Damarımı sordu axı ...
Qayıt duyğum, qayıt geri,
Doldur sən olmayan yeri.
Göz yaşlarım inamımı,
Ümidimi qırdı axı ...
Mənim qönçəm, mənim gülüm,
Nolar, vermə mənə zülüm .
Ya da sənsizlik, ya da ölüm,
Hər ikisi birdi axı ...