Kimsə bilməsin 1
Yüklə 0,57 Mb.
|
- Bu səhifədəki naviqasiya:
- Kimsə bilməsin
- Ramil Mərzili
Kimsə bilməsin 91
SƏNSİZLƏDİM. Sənsizlədim bu gecə, Fikrim göydə dolaşır. Ruhum sığmır cismimə, İçim çölümdən daşır.
Fikrim, xəyalım yarım. Səbrim göylərdə tarım. Dünənki arzularım Bu gün boyumdan aşır.
Yaman düşdün eynimə, Həsrət damır beynimə. Səni "geyim" əynimə, Bax, ölüm yaxınlaşır...
Ramil Mərzili
92 BİR BƏNDLİK ŞEİRLƏR.
Heç vaxt qurumadı fani dünyada, Gözümün yaşları, alnımın təri. Qəm burulğanını dilə gətirir, Kövrək ürəyimin döyüntüləri. ****
Bu necə sevgidir, bu necə eşqdir, Ağlıma gəlməyən başıma gəldi, İlahi, bu duyğu necə gözəldir. *** Durmadan süzdükcə gözlərimdən yaş, Bəzən düşünürəm sevməyəydim kaş. Sevənlər bucürmü pərişan olur?! Bir günüm cəfasız keçməyir, qardaş. ***
Nə sevinci tapası, Nə dərdi atasıyam. Dərd məndən törəyibdir, Mən dərdin atasıyam. *** Bu ağlı, qaralı rəngsiz dünyada, Gözlərin qarası, günün ağısan. Mən vüsal axtaran qərib yolçuyam, Sən hicran dənizi, həsrət dağısan. ***
İçimi çevirsəm çölə bir anlıq, Bürüyər dünyanı zülmət qaranlıq. O, qədər ağladım, nəhayətində, Gözümdən ovcuma düşdü cavanlıq.
Kimsə bilməsin 93
***
Bəzi gecə sübhə kimi telefondan asılaraq, Xatirələr danışardıq tənhalığa qısılaraq. Bircə kəlmə acı sözçün tərk etdiyin həyatımı, Gülüm, mən sənə verirəm qələm-qələm, varaq- varaq. ***
Mən sənin yolunda şam kimi yanıb, Pərvanətək sevgin üçün uçacam. Hər səhər günəşdən erkən oyanıb, Al şəfəqlərimlə səni qucacam… *** Mən səndə yaşadım eşqi, ay gülüm, Bildim eşq odunda qalanmaq nədir. Mən indi anladım nə imiş zülüm, Sənin yoxluğunla talanmaq nədir. ***
Yuxun şirin olsun ay mələk üzlüm, Yuxun şirun olsun, yat bir az daha. Sənin xəyalını bu ala gözlün, Daşıyır gecədən nurlu sabaha. *** Sənə gətirən yollar, Bir gün aparacaqmış. Sənə uzanan qollar, Fəryad qoparacaqmış. ***
Bu qədər əzablar verdin, İncitdimmi mən də səni? Al bıçağı, yar sinəmi, Özün öldür məndə səni.
Ramil Mərzili
94 ***
Nə olsun daşıyan mənim ruhumdur, Səninçün yaşayır bu bədən, canki. Gecələr alışıb- yanan ulduzlar, Mənim səpələnmiş dərdimdir sanki. *** Bu sevginin məzarı sən, daşı mən, Bu həsrətin gözləri sən, yaşı mən. Ömrümüzü fəsillərə ayırdıq, Yazı, yayı, baharı sən, qışı mən. ***
Fikrimi verdim sənə, Bu gecə səndə qalsın. Sənə qonaq gələsi, Dərdləri yola salsın. *** Xeyrimə işləyən yalanı belə, Mən qalib etmədim doğrularıma. Bir ömrün otuz beş ilin yaşadım, Söykənib qəlbimin ağrılarına. ***
Elə görüşlər var həsrət qoxuyar, Elə görüşlər var dünya boyda yük, Ölən sevgilərə məzarlıq olan, Elə görüşlər var dünyadan böyük. *** Saçlarım qaraydı, ağappaq oldu, Günlərim ağıydı, qaraya gedir. Mənə vermədinmi gəncliyi, Allah, Bəs məndən izinsiz haraya gedir?!
Kimsə bilməsin 95
Bilmədim bu nə işdi, Sükut beynimi deşdi. Yanımdan güllə keçdi, Sənəmi dəydi ömrüm. ***
Gecənin bağrını dəldim, Yenə də sönmür atəşim. Yuxumu yatırdıb gəldim, Gəldim sükutla dərdləşim. *** Bələyib həsrətə getmisən məni, Dörd yanım kədərin sarma- saçağı. Qısılıb yatıram böyüməməkçün, Bələkdən sonrası dərdin qucağı. ***
Bir nöqtənin gəlişindən qorxaraq, Bir nidaya sığınarsan gün olar. Bir vergül qəlbini sevindirərkən, Bir sual daima cavabsız qalar. *** Sevgidən nifrətə yol bircə addım, Məsafə qısadır, getmək nə çətin. Mənim sevgi üçün alışan odum, Çevrildi külünə acı nifrətin … ***
Çalış elə sevil, sən elə sev ki, Orda ayrılığa olmasın meyl. Çünki, dövrümüzdə yaşanan sevgi, Adi şərab qədər təsirli deyil…
Ramil Mərzili
96 ***
Səni gözləməyin intizarını, Daşıya bilməyir, səbrsiz ürək. Keçən dəqiqələr ahu- zarını, Yayır vücuduma, gəlməyin gərək… *** Deyirsən- qəlbimdə gizlənmisən sən, Yalan görməmişəm bu boy- biçimdə. Mən sənin qəlbinə sığmaram, gülüm, Çünki cahan boyda eşq var içimdə… ***
Hisslər təmənnalı, dostluqlar çürük. Yada salmayınca, yada düşmürük … *** Bəlkə xatirənlə qol- boyun yatdım, Baxıram o oyaq, mənsə mürgülü … ***
Bu sevgidən can qopardı, Səndəki daş, məndəki baş. *** Sevgi yaşamaqdır, unutmaq ölüm, Daim sevən ürək bilki, mətindir. Sevginin mənası əzabdır, gülüm, Unutmaq sevməkdən daha çətindir.
Yüklə 0,57 Mb. Dostları ilə paylaş:
|