Kimsə bilməsin
107
Qələmi boşuna yormamaq hər şairə nəsib ol-
mur, xüsusən də gənc qələmdaşlar arasında.
Ramilin qələminin bu mənada bəxti yavərdir.
Onun şeirləri incə poetik mətləbi, estetik biçimi,
ürəyədoğmalığı, ruhi-mənəvi çırpıntıların təh-
təlşüur izahı olmaqla uğurlu yaradıcılıq dilem-
masıdır. Məsələn, son vaxtlar yazdığı “Sən yox-
san” şeirinə köklənsək, asanlıqla duymaq
mümkündür ki, onun eşq təşnəsinin obyekti,
eləcə də subyekti öz personalizm formulundan
çıxıb, artıq qəlbində dolunay bir eşqin "imtaha-
nı" başlayıb. Yəni bu sevgidə ünvan (sən yox-
san) ruhsallaşıb, insan olmaqdan çıxıb. Əsər ilk
baxışda hansısa qadına həsr olunan sevgi
şeirinə bənzəsə də, əslində, əsl şairanə şəkildə
qəlbinin dərinliyindəki ideallaşmış (ilahiləşmiş)
eşqin "gilənar çiçəyi"dir. Hər bənddəki üçüncü
misra sinkretik şəkildə danışır zatən. Məsələn,
Bu günümün fotosu bu, əzizim,
Həsrət də var, kədər də var, sən yoxsan.
***
Ürəyimin özəyində yaşayan,
Nisgil də var, dözüm də var, sən yoxsan.
***
Saatların nə önəmi mənimçün,
Gündüz də var, gecə də var, sən yoxsan.
***
Üç hissəylə bütövləşir həyatım,
Yaşam da var, ölüm də var, sən yoxsan...
Ramil Mərzili
108
Qələmdaşımın bir parça da xarakterini iz-
har edim sizə. Həmişə gözlərindən gülür. Bu,
onun diqqət mərkəzində olmaq ehtirasından
qaynaqlanır. Sevilmək eşqi var həddi-hüdudu
olmayan. Adam təpədən dırnağa eşqə aşiqdir.
Bircə saat sevgisiz yaşasa, on il qocalar sanki.
Əbəs yerə gilənar çiçəyi demirəm ona. Qəlbin-
dəki sevdası gilənar çiçəyi ənbərindədir. Sev-
dasına sadiqliyi də çiçəyin bəyazlığından kod-
laşıb. Nə qədər zarafatcıl olsa da, kişiyanə bir
utancaqlığı da var. Məktəbli kimi gözlərinə qə-
dər qızarır utananda. Hələ də içində böyümə-
yən, yarımçıq qalan uşaqlığı yaşayır. Ondandır
utanmaq duyğusunu mühafizə etməyi. Bir də
tərs və küsəyəndir. Bu da mayalandığı ocağın,
yurd yerinin təsiridir. Torpağını itirdiyinə görə
bir göynərti də var canında- sevdiklərini qoru-
maq, qanadları altında saxlamaq çılğınlığı. Eşqi
böyük olanların qorxusu da böyük olur misalı.
Öz diliylə desək, ayaqları altında onu göyə qal-
dıran kədər yatır bir yığın...
Bütün kədərinin, qəminin sevgi, sevinc ol-
ması diləyilə şeir yolçuluğun mübarək, şair!
Kimsə bilməsin
109
Rüfət Axundlu
(Şair, AYB, DGTYB
üzvü, Prezident
təqaüdçüsü).
Bəzi insanlar var
ki, bizlərə yaxın ol-
salar da və hələ üstə-
lik yaradıcı olsalar da
belə, özlərini yaxşı
mənada təsdiqləməyi
bacarmayıblar. Sıradan biri kimi ətrafımızda
var-gəl etmədədirlər.
Lakin bəzi insanlar da var ki, özün də hiss
etmədən gündəlik həyatına daxil olur və ən
önəm kəsb edən şəxslərdən birinə çevirilir. Xü-
lasə, şəxsən mənim üçün, hətta inanıram ki, bir
çoxları üçün dediyim önəm kəsb edən kəslər-
dəndir Ramil Mərzili.
Ramil Mərzili, tam əminliklə deyə bilərəm
ki, özünə və sözünə güvəniləcək biridir. Onun
insani keyfiyyətləri yaradıcılığını, yaradıcılığı
isə insani keyfiyyətlərini tamamlayır.
İlk dəfə Ramillə Gənc Ədiblər Məktəbində
tanış oldum. Və o gündən bəri bu tanışlıq bö-
yük dostluğa çevirildi. Özünü özümə, sözünü
sözümə, ruhunu ruhuma yaxın hiss edirəm Ra-
milin.
O, yaradıcılığı müxtəlifliyi və rəngarəngliyi
ilə seçilən qabaqcıl gənclərdəndir. Şeirlərində
özünəməxsusluq, ruhsallıq ve üslub açıq şəkil-
də özünü göstərir.
Ramil Mərzili
110
Ramil Mərzili haqda çox fikir söyləmək
olar. Lakin hədd deyilən bir amil olduğunu nə-
zərə alıb çox da uzun uzadı yazmaq fikrimdən
daşındım sadəcə...
Həə əziz oxucular, Ramilin qarşınızdakı
kitabını diqqətlə oxuduqca mənim nə qədər
haqlı olduğumun şahidi olacaqsınız...
Kimsə bilməsin
111
Vəfa Mürsəlqızı
(Şairə, AYB üzvü,
Prezident təqaüdçüsü,
Mahmud Kaşğari
mükafatı lauriyyatı).
Əslində yazmağın
ən çətin variantı öz
hislərini
yazmaqdır.
İnsan öz içindən çıxa
bilsə dünyanın dolaşıq labirintindən çıxmış
kimidir. Yazmaq bir az da üşüməkdir. Qələmin
çırpı, duyğularının işə atəş olub səni isitmək
məqamına çatana qədər üşümək. Birini unut-
dum, yazmaq böyüməkdir. Öz qabığını çatladıb
özündən böyük olmaq. Ramil Mərzili ədəbiy-
yatda yavaş-yavaş böyüdü. Və elə bir an gəlib
çatdı ki, qabığını çatlada bildi. Ramilin şeirlə-
rinə ədəbi nöqteyi nəzərdən baxsaq onun yara-
dıcılığı iki hissəyə bölünür. Dünyanın gerçək
üzünü gördüyü andan əvvəlki və sonrakı döv-
rə. İkinci dövrdəki Ramil, birinci dövrdəki Ra-
milin şeirlərinə ədəbi nöqteyi nəzərdən gülsə
də, onlardakı saflığı heyrətlə seyr edir.
Ramilin şeirləri birdən dəyişdi, birdən fəlsə-
filəşdi və bu dəyişim onu göz önündəcə böyüt-
dü. Bu şeirlərin hər biri daxilində bir insanın
özünün özü ilə apardığı mürəkkəb polemikanı
daşıyır. Qəmə köklənmiş şeirlərin çoxusunda
gənc adamın bəlkə də dilinə gətirə bilmədikləri
var.
Dostları ilə paylaş: |