Kimsə bilməsin
47
GÜNAHKAR DODAQLAR.
Hökm eləyər hisslərinə, xəfif- xəfif, incə- incə,
Sənə təslim olmamışdan səni qul eləyər öncə.
Sanarsanki bir fidandı, ya yeni açılmış qönçə,
Nə qədər gözəl olurmuş Allah, günahkar
dodaqlar,
Ən böyük rəsm əsəridi vallah, günahkar
dodaqlar.
Danışanda söz səyriyər, kəlmələr saralar, solar,
Bəzən gözün saatlarca titrəyən dodaqda qalar.
Ruhunu da incitmədən min dərdə, möhnətə
salar,
Toxunduqca səni səndən alar günahkar
dodaqlar,
Ömrün boyu yaddaşında qalar günahkar
dodaqlar.
O dodaqlarda ararsan varlığını, mənliyini,
O dodaqlarda taparsan şadlığını, şənliyini.
"Hallandırıb" kəşf edərsən "yerliyini",
"yönlüyünü",
Bir baxarsan səcdədəsən, pirdi günahkar
dodaqlar,
Ən böyük savablarınla birdi günahkar
dodaqlar...
Ramil Mərzili
48
KƏDƏRİ GEYİNİB GƏLDİM.
Atım yerlərə dizimi,
Toplayım ayaq izimi.
Yollardan yığım gözümü,
Baxışlarım tapdanmasın...
Qəm yükünü əyləyirəm,
Bilmirəmki, neyləyirəm.
Soyuq sözlər söyləyirəm,
Dilimdə kəlməm yanmasın...
Neqativdi bütün "testlər",
Qəlbim ancaq səni istər.
Mənə elə ürək göstər,
Qayğılardan usanmasın...
Bağrımın başını dəldim,
Ruhum öldü, mən dincəldim.
Kədəri geyinib gəldim,
Qəm özün "nəsə" sanmasın !!!
Kimsə bilməsin
49
GECƏ OLMAQ İSTƏYƏNİM.
“Gecə olmaq istəyənim”,
Bəlkə günəşə də baxaq?
Öz içimizdə dustağıq,
Bir gün içimizdən çıxaq.
Bu dünyaya başqa gözlə,
Başqa təlatümlə baxaq.
Dönək həsrətli baxışa,
Gözlərdən könülə axaq.
Bu gecənin ayından da,
Ulduzundan da bezmişəm.
Arzularım yerlə birdi,
Bilmədən əzib keçmişəm.
Gunəşim ol bircə günlük,
Qızınım sənin istinə.
Ver saçlarının qoxusun,
Qoyum bağrımın üstünə.
Öz içimizdə dustağıq ,
Bəlkə içimizdən çıxaq.
“gecə olmaq istəyənim”
Bir gün günəşə də baxaq.
Ramil Mərzili
50
MƏNİ ŞEİR- ŞEİR UNUDAN QADIN.
Məni şeir- şeir unudan Qadın,
Səni sətir- sətir anıram axı.
Sənsizlik bağrımı oda bələyib,
Gecə də, gündüz də, yanıram axı.
Həsrətin nə qədər böyükmüş, Ömrüm,
Nə yerə sığmayır, nədəki göyə.
Yolunun üstündə ağaca döndüm,
Bircə yol səninlə görüşüm deyə...
Ruhum bədənimdə girovdu sanki,
Günlər aya verir, ay ilə məni.
Dünyam, hara baxsan məni gör deyə,
Barı gözlərində dəfn elə məni.
Mənə "mənsizliyə alış" deyirsən,
O iki kəlmədə nələr var, bilsən...
Göz yumub ölməkdən daha acıdır,
Ay gülüm, sən mənim içimdə ölsən.
Sənsizlik bağrımı oda bələyib,
Gecə də, gündüz də, yanıram axı.
Məni şeir- şeir unudan Qadın,
Səni sətir- sətir anıram axı...
Kimsə bilməsin
51
PAYIZ…
Yenə ayrılıqlar mövsümü gəlir,
Yenə qızıl payız, yağan yağışlar.
Həsrətdən çatılmış qaşların altda
Yenə dolmuş gözlər, islaq baxışlar.
Susuz torpaqtəki çatlaq qəlbimdə,
İlahi, bir hiss var, məndən çox böyük.
Çəkib aparmağa gücüm də yetmir,
Mən bu hissə yükəm, bu hiss mənə yük.
Yolumu payızdan salmasın deyə,
Küsmüşəm mən daha ayaq izimdən.
Budaqdan tökülən yarpaqlartəki
Düşür arzularım bir- bir gözümdən.
Bu payız həsrətin sarıb ruhumu,
Solumdan aşağı, sağdan yuxarı.
Varmı elə zirvə, ay insafsızım,
Sinəmə çəkdiyin dağdan yuxarı?!
Ramil Mərzili
52
SEVMƏDİNMİ MƏNİ HEÇ?
Dərdim özümdən böyük, altında əzilirəm,
Buludtəki doluram, gözümdən süzülürəm.
Sonuncu ümid olub, əlimdən üzülürəm,
Belə olmamalıydı,
Ay qəlbimi qıranım !!!
Ömrümüz qovhaqovda, ömrümüz qaçhaqaçda,
Oğulsansa bu boyda zülmətə işıq saç da.
Mayası sevgi olsa çiçək də açar daşda.
Sevmədinmi məni heç,
Ay qəsdimə duranım ?!
Buydumu sənin sevgin, vurdun məni arxadan,
Sənin yoxluğun qədər nə var məni qorxudan?!
Gedimmi, getməyimmi, bezdim sual-
sorğudan.
Qərarsızlıq pis şeymiş,
Ay ruhumu yoranım !
Kimə inanım Allah, kimə inanım daha,
Puç olmuş arzuların astarı üzdən baha.
Sənə arxa söykəyib girdim mən bu günaha.
Qəlbimki ovcundaydı,
Kürəyimdən vuranım !..
Dostları ilə paylaş: |