112
Dializ
– bədən kütləsinin < 70 kq;
– periton membranın qənaətbəxş diffuziya və UF sürəti.
Sonuncu parametr individual olaraq standart testlərlə əvvəlcədən
qiymətləndirilir.
4.3.Dializin fi zioloji prinsipləri
Dializ bir məhlulda (A) həll olmuş maddələrin başqa məhlula (B)
yarımkeçirici membran vasitəsi ilə keçməsi hesabına onun tərkibinin
dəyişməsidir. Sxematik olaraq özündə dəliklər olan yarımkeçirici
membranı pərdə kimi təsəvvür edək. Molekulyar kütləsi kiçik
olan (su və onda həll olan maddələr) hər iki məhlulda pərdənin
dəliklərindən maneəsiz hər iki tərəfə keçə bilir və onların tərkibi
eyniləşir, amma böyük molekul kütləli maddələr (zülal) dəliklərdən
keçə bilmir və onların konsentrasiyası ilkin vəziyyətdə olduğu kimi,
dəyişiksiz qalır.
Membranın dəliklərindən maddələr iki yol ilə – diffuziya və
ultrafi ltrasiya (konveksiya) vasitəsi ilə keçirlər.
Diffuziya molekulların braun hərəkəti zamanı membranın dəliyinə
düşməsi nəticəsində baş verir (şəkil 4.2). Diffuziya prosesinin sürəti
molekulların qatılığı qradientindən (osmotik təzyiq), molekulyar
kütləsindən, ölçüsündən və onun hərəkət sürətindən asılıdır. Hər
bir molekulun məhlulda hərəkət sürəti onun kütləsinə əksmütənasib
olur. Molekulyar kütlə əksər halda maddənin molekulunun ölçüsü
ilə düz korrelyasiya edir.
Diffuziyaya təsir edən faktorlar həmçinin membranın qalınlığı,
onda olan dəliklərin miqdarı və onun hər hansı bir tərəfi ndə “ikincili
membranın” əmələ gəlməsidir.
Şəkildən göründüyü kimi diffuziya braun hərəkəti nəticəsində,
ultrafi ltrasiya (konveksion transport) zamanı molekulların hərəkəti
hidrostatik və osmotik qüvvənin təsiri altinda baş verir. Kiçik
molekulyar kütləli maddələr yarımkeçirici membrandan keçirlər.
113
Fəsil 4. Hemodializ
Şəkil 4.2. Diffuziya prosesi (yuxarıda) və ultrafi ltrasiya (aşağıda).
Kiçik molekulyar kütləsi olan maddələr membrandan keçirlər
Ultrafi ltrasiya (UF)
yarımkeçirici membrandan molekulların
transportunun ikinci mexanizmidir. Bu zaman su molekullarının
membrandan keçməsi hidrostatik və ya onkotik təzyiqin hesabına
baş verir. Su membrandan keçdikdə özü ilə başqa kiçik molekullu
maddələri də keçirir. UF membranın hər iki tərəfi ndə olan hidrostatik
təzyiq fərqinə görə, membranın qalınlığına görə fərqlənir və
ultrafi ltrasiya koeffi sienti ilə xarakterizə olunur.
Hemofi ltrasiya və hemodiafi ltrasiya. Dializ prosesində UF
həll olmuş maddələrin kənar edilməsində əsas rol oynadıqda ona
hemofi ltrasiya deyilir. Əgər UF hemodializlə kombinə olunursa, ona
hemodiafi ltrasiya deyilir.
114
Dializ
Zülal ilə birləşmiş maddələr HD ilə kənar edilə bilmir, ona görə
bu məqsədlə hemosorbsiya (qanın kömür kolonkalardan keçirilməsi)
plazmaferez aparılır.
Həll olmuş maddələrin dializator vasitəsi ilə çıxarılması
A. Diffuziya
Hemodializ konturu. Dializatorda yarımkeçirici membranın bir
tərəfi ndə qan, digər tərəfi ndə dializ məhlulu olur. Dializ məhlulu
təmizlənmiş suya natrium, kalium, kalsium, maqnezium, xloridlər,
bikarbonat və qlükozanın əlavə olunması ilə hazirlanir. Dializatın
daim yenilənməsi və qanın sirkulyasiyası qan ilə dializat arasındakı
konsentrasion qradienti daima maksimal yüksək səviyyədə saxlayır
(şəkil 4.3).
Şəkil 4.3. Qan dializatorda bir istiqamətdə, dializ məhlulu başqa istiqamətdə
hərəkət edir. Hidrostatik təzyiq dializatın daxil olduğu yerdə maneə yaratmaqla
yaradılır. Qan və dializat borusunda manometrin tipik yeri göstərilir. Dializat
xəttində maneə qeyd olunmuşdur. Bu şəkildə göründüyü kimi, transmembran
təzyiq 300 mm c.süt. bərabərdir.
115
Fəsil 4. Hemodializ
Qanın dializatorda təmizlənməsi.
Dializatordan çıxan qanda
azot mübadiləsinin son məhsullarının miqdarı dializatora daxil
olan qandan az olur. Məsələn, dializatora girişdə karbamid 100 mq/
dl olduqda, çıxışda 25 mq/dl olur. Dializatorun fəaliyyətini yaxşı
xarakterizə etmək üçün onda xaric edilən ziyanlı maddələrin miqdarı
dializatordan axan qanın hərəkət sürətinə vurulur və dəqiqədə
müəyyən maddədən tam təmizlənmiş qanın hipotetik miqdarı təyin
edilir. Yuxarıda göstərilən misalda karbamidin azalması 75%-dir.
Qanın hərəkət sürəti 200 ml/dəq olduqda dəqiqədə 150 ml qanın
karbamiddən tam təmizlənəcəyi məlum olur (0,75×200).
Yuxarıda qeyd olunduğu kimi, qan sadə məhlul kimi götürülür,
amma əslində bu belə deyildir. Qan 200 ml/dəq hərəkət etdikdə
plazmanın axını 140 ml/dəq, eritrosit axını 60 ml/dəq olur (Het=30%
olduqda). Dializatorun giriş və çıxışında təyin olunan maddələrin
konsentrasiyası ancaq həmin maddənin qan plazmasında olan
konsentrasiyasını göstərir. Sidik cövhəri üçün isə qanda eritrositlərin
olması problem yaratmır, çünki karbamid sürətlə eritrositlərə və
əksinə diffuziya edir. Amma kreatinin, fosfat və başqa molekullar
plazma ilə eritrosit arasında sürətli ekvilibrasiya edə bilmədiyi üçün
onların konsentrasiyası eyni olmur, odur ki, plazma göstəricilərinə
hesablanmış klirens tam qanın təmizlənməsini əks etmir.
Qanda olan sudakı sidik cövhərinin klirensinə (K
W
) təsir edən
faktorlar.
Dializ zamanı qandakı sidik cövhərinin klirensinə təsir edən
göstəricilər qanın cərəyan sürəti, dializatın cərəyan sürəti və
dializatorun effektivliyidir. Dializatorun effektivliyi dedikdə
dializatorun keçiricilik səviyyəsi, dializ səthinin sahəsi, membranın
qalınlığı, membranda olan dəliklərin ölçüsü və dializ məhlulu ilə
qanın maksimal kontaktı kimi faktorlar nəzərə alınır.
Kütləkeçiriciliyi koeffi sienti K
O
A.
Məlum dializatorun hər
hansı bir molekul üçün keçiriciliyi kütlə keçiricilik (K
O
A) kimi
daimi göstərici ilə ifadə olunur. K
o
A qanın və dializatın cərəyan
Dostları ilə paylaş: |