KitabxanaşÜnasliq
KİTABXANAŞÜNASLIQ VƏ İNFORMASİYA
Yüklə 1,64 Mb. Pdf görüntüsü
|
| 58
KİTABXANAŞÜNASLIQ VƏ İNFORMASİYA №1 (22) 2017 böyük şəxsiyyətlərinin bütün dünyaya tanıdılmasıdır. Bu məqsədlə təşkilat ümumtürk tarixinin mühüm hadisələrinin, türkdilli ölkələrin dil, ədəbiyyat, mədəniyyət və incəsənətinin inkişafına əhəmiyyətli töhfələr vermiş görkəmli şəxsiyyətlərin ildönümlərinə həsr olunmuş yubileyləri, xatirə gecələrini və digər kütləvi tədbirləri təşkil edir. TÜRKSOY-un məqsəd və vəzifələri çərçivəsində beynəlxalq elmi konfransların, simpoziumların, diskussiyaların və s. keçirilməsi də mühüm yer tutur. YUNESKO 1994-cü ili dahi Azərbaycan şairi və mütəfəkkirinin şərəfinə “Məhəmməd Füzuli” ili elan etmiş və ölməz sənətkarın anadan olmasının 500 illik yubileyini ümumdünya miqyasında geniş şəkildə və yüksək səviyyədə keçirməyi qərara almışdı. Respublikamızda dahi şairin və əbədi məhəbbət tərənnümçüsünun anadan olmasının 500 illik yubileyinə hazırlıq işlərinə isə həmin qərarın elan olunduğu vaxtdan xeyli əvvəl başlanılmışdı. Azərbaycan xalqının ümummilli lideri Heydər Əliyev “Məhəmməd Füzulinin anadan olmasının 500 illiyi haqqında” 16 mart 1994- cü il tarixli fərmanından sonra isə bu sahədə görülən işlər yenidən nəzərdən keçirilmiş və ulu şairin ölməz adına layiq yubileyin təşkili üçün lazım olan bütün tədbirlər müəyyən edilmişdi. Elə həmin il dahi Azərbaycan şairi M əhəmməd Füzulinin 500 illik yubiley şənliklərinə məhz Türkiyədə başlanılması türkdilli ölkələrin bir araya gətirilməsi üçün gözəl şərait yaratdı. Bu, türk dünyası mədəniyyət və incəsənət xadimləri arasında ədəbi-mədəni əlaqələrin genişləndirilməsinə təkan verdi. Daha sonra yubiley şənlikləri Bakıda 1996-cı ilin noyabr ayında TÜRKSOY beynəxalq təşkilatının VIII toplantısı ərəfəsində davam etmişdir. Belə ki, noyabrın 6-da günün I yarısında Azərbaycan Milli Elmlər Akademiyasının Rəyasət Heyətinin İclas salonunda türk dünyası yazıçılarının III qurultayı, günün II yarısında isə Rəşid Behbudov adına Dövlət Mahnı Teatrında TÜRKSOY beynəlxalq təşkilatının VIII toplantısı keçirilmişdir. Hər iki tədbirdə iştirak edən ulu öndər çox dərin və mənalı nitq söyləmişdir. TÜRKSOY beynəxalq təşkilatının VIII toplantısında ümummilli liderimiz öz nitqində xüsusən TÜRKSOY təşkilatını artıq beynəlxalq aləmdə öz yeri olan bir təşkilat kimi dəyərləndirmişdir. Onun 3 illik fəaliyyətinə yüksək qiymət verən ulu öndər bu təşkilatın ötən dövrdə böyük yol keçdiyini, yaxşı nailiyyətlər əldə etdiyini və onun böyük gələcəyi olduğunu həm türkdilli dövlətlərə, həm də dünyaya nümayiş etdirdiyini qeyd etmişdir [11, s.13-18]. Dahi Azərbaycan şairi və mütəfəkkiri Məhəmməd Füzulinin anadan olmasının 500 illik yubileyinə Azərbaycan Milli Kitabxanası da öz töhfəsini vermişdir. Belə ki, Milli Kitabxana tərəfindən “Məhəmməd Füzuli əsərlərinin nəşri” adlı biblioqrafik göstərici (tərt. Fazil Məmmədov, elmi red. Yüklə 1,64 Mb. Dostları ilə paylaş:
|