21
Kitabxanaçı: Mikayıl Müşfiq uşaqları çox sevirdi. Onların
xoşbəxt yaşamalarını ürəkdən arzu edirdi. Elə buna görə də onlar
üçün maraqlı əsərlər yazıb-yaradırdı.
Müşfiq zamanəmizin ən
dəyərli, sevilən uşaq şairi kimi də ədəbiyyat tariximizdə iz
qoyub. Şairin “Şəngül, Şüngül, Məngül” mənzum nağılı,
“Kəndli və ilan” mənzum nağılı, “Qaya” poeması uşaq
ədəbiyyatımızın nadir incilərindəndir. M.Müşfiqin uşaqlar üçün
yazdığı “Coğrafiya”, “Məktəbli şərqisi”, “Zəhra üçün” şeirləri
də maraqlıdır. Şairin zəngin ədəbi irsinə şeirdən tutmuş
poemayadək (“Çoban”, “Mənim dostum”, “Qaya”, “Sındırılan
saz”, “Səhər”, “Azadlıq dastanı”) lirik növün əksər janrları
daxildir. Şair bu əsərlərdə həyati lövhələrini, insanların mənəvi
aləmini inandırıcı şəkildə açıb. Uşaq oxucularını adətən dörd
qrupa bölürlər: bağça yaşlı uşaqlar, azyaşlı məktəblilər, orta
yaşlı və böyük yaşlı məktəblilər. Aydındır ki, bu bölgünün hər
birinə aid yazılan əsərlər öz məzmunu, səviyyəsi və bədii dili
etibarilə fərqlənir. Bu isə sənətkardan həssaslıq, uşaq
psixologiyasına yaxından bələd olmaq, onu incəliklərinə qədər
duymaq və s. kimi keyfiyyətlər tələb edir. Azyaşlı uşaqlar üçün
yazılmış “Şəngül, Şüngül, Məngül” mənzum nağılı şairin ən
qiymətli, ən maraqlı uşaq əsərlərindən biridir. Ona görə də bu
əsər uşaqların dərin məhəbbətini qazanmış, əldən-ələ gəzən
kitablar sırasındadır. Həm də xalqımız içərisində uzun
zamandan bəri yaşayan bu nağılı yazılı ədəbiyyatımıza poeziya
dili ilə gətirən Mikayıl Müşfiq olmuşdur. Ümumiyyətlə,
düşünmədən demək olar ki, M.Müşfiqin uşaqlara həsr etdiyi
əsərlər uşaq ədəbiyyatımızın ən yaxşı əsərləri sırasındadır.
Mikayıl Müşfiq klassik ədəbiyyatımıza qırılmaz tellərlə
bağlı olan şifahi xalq ədəbiyyatı qaynaqlarından qidalanan,
öyrənən bir sənətkardır. Hələ uşaqlıqda
şifahi xalq ədəbiyyatı ilə
tanış olmasında şairə nənəsi Qızqayıt böyük təsir göstərmişdir.
Həmin qadının sinəsi Azərbaycan xalq nağılları, atalar sözü,
bayatılar, zərb məsəlləri, laylalar ilə dolu idi. O, bildiklərini
istəkli nəvəsinə danışmağı sevərdi. Olsun ki, “Şəngül, Şüngül,
22
Məngül” nağılını da şair ilk dəfə nənəsindən dinləmiş, uzun
zaman onu hafizəsində saxlamış, vaxtı çatanda şairi öz uşaqlıq
həyəcanlarını, ana keçinin acgöz qurda qələbəsi ilə doğan
sevincini balaca dostları ilə bölüşdürmək fikrinə gətirib
çıxarmışdır.
Hər sabah, gün doğar-doğmaz,
Qaranlığı boğar-boğmaz,
Кеçi yatağından durub,
Şəngülün halını sorub,
Şüngülə nəzər salardı,
Məngüldən öpüş alardı.
Qapıları gülə-gülə
Bağlayıb çıхardı çölə.
Mənzum nağılda qayğıkeş keçidən, onun balaları Şəngül,
Şüngül, Məngüldən, yırtıcı qurddan, rüşvətxor qazıdan və
zəhmətkeşlərin tərəfində dayanan dəmirçidən danışılır. Keçi və
dəmirçi ədalətin, qurd və qazı isə zülmün timsalı kimi
səciyyələndirilmişdir. Əsərin sonunda həqiqət zülmə qalib gəlir.
Qurddan intiqam alan keçi qürurla ona deyir:
Balalarımı yeməyəydin,
Vay qursağım deməyəydin.
Keçinin balaları
Şəngül, Şüngül, Məngülün özlərinə məxsus
xüsusiyyətlərlə verilməsi müəllifin böyük müvəffəqiyyəti
sayılmalıdır. Şair Şəngülü balaca dostlarına belə təqdim edir: Bir
yaşındadır, gözləri qara və tükü buruq-buruq, buynuzları yenicə
çıxmışdır, buxağında qotazları var.
Şüngül isə oxucunun gözləri qarşısında belə canlandırılır:
Şüngülün gözləri nərgiz,
Sanki dünyadan xəbərsiz.
Gecə-gündüz oynaqlardı,
Anasını qucaqlardı.
Yuxa tükü bəyaz, yumşaq,
23
Qulaqları sanki zambaq.
Alnındakı qaşqa gözəl,
Yoxdu bundan başqa gözəl.
Məngülün isə səciyyəvi cəhətləri müəllifin təsvirində belədir:
Təpəldir, ayağında cəkili var, nazlıdır, yumşaq tükü
ala-buladır, özü də başqa bəladır – yaman nadincdir.
Çəpişlərin bu şəkildə bir-birindən fərqlənməsi balaca
oxucuların yadında möhkəm qalır. Və əsərin təsir gücünü
qat-qat artırır.
Əsərdə yerinə düşən təbiət təsvirləri, ustalıqla çəkilən gözəl
lövhələr diqqəti cəlb edir. Müəllif kənd axşamını böyük ustalıqla
təsvir edir:
Qaş yenicə qaralırdı,
Günəş solur, saralırdı.
Şövqü düşürdü dağlara,
Çəkilirdi uzaqlara.
Ağ buludlar dəstə-dəstə,
Göy üzündən dağlar üstə
Yüngül kölgə salırdılar,
Parçalanıb qalırdılar.
Şairin sevilən əsərlərindən biri olan “Şəngül, Şüngül,
Məngül” əsasında hazırlanmış səhnəciyi sizlərə təqdim edirik.
Öncə səhnə əsərə uyğun olaraq hazırlanır. İştirakçılar
canlandırdıqları obrazlara uyğun paltarlar geyinirlər. Onlar
növbə ilə səhnəyə yaxınlaşaraq poemadan hissələr deməyə
başlayırlar.
Tədbirin sonunda iştirakçılar mükafatlandırılır.
Konfrans – Kitabxanada keçiriləcək ənənəvi tədbir forması
kimi “Müşfiq yanğısı, Müşfiq fəryadı” adlı konfrans da keçirilə
bilər. Konfransa tarixçi və tədqiqatçılar, ədəbiyyatşünaslar və
ümumilikdə müşfiqsevərlər dəvət edilə bilər. Səhnəyə yön alan
kitabxanaçı hər kəsi salamladıqdan və şair haqqında məlumat
verdikdən sonra sözü iştirakçılara verir.