Salatın Əhmədli
171
anasının gözlərinin yaşı yanağını isladıb. O, Xəyal
görməsin deyə kalağayısının ucu ilə gözünün yaşını
qurudar, özünü də bir az şən göstərərdi.
Anasının əlindən hər iş gəlirdi. Və onu da çox
sonralar bildi ki, anasının gördüyü işlərin hamısı do-
lanışıq üçün imiş. Beləcə, anası çalışırdı ki, Xəyal ata-
sızlığın gətirdiyi kasıbçılığı görməsin, duymasın. Son-
ralar anası da həyatdan köçdü. Anasından yadigar
qalan xalçanı qohumları satıb xərclik üçün Xəyala
verdilər. Xəyal yenicə bitirdiyi orta məktəblə vidalaşıb
böyük şəhərə gəldi. Bir vaxt doğulduğu kəndin, elə öz
evlərinin yaxınlığından keçən çay da axarı ilə onun
gəldiyi böyük şəhərin özünü dövrələyən nəhəng üm-
mana qovuşurdu.
…Tələbəlik illərinin çətinlikləri, oxuya-oxuya
işləmək, hər ilin özü onun üçün bir ayrıca həyat mək-
təbi oldu. Və onu da bildi ki, elə bu şəhərə insan-lar
ölkənin müxtəlif tərəflərindən gəlib yığışıb. Hərə bir
arzu, istək arxasınca qanadlanıb uçub bu şəhərə. Çox-
ları da bu şəhərdə isti yuva qurmaq, özünə bir
həmdəm tapmaq arzusunda olur. Kiminsə istəyi hələ
yoldadır, kimsə də xəyallarının qanadlanıb uçduğu
yerlərdə həmdəmini axtarır və nəhayət, hansı ürəkdəsə
Salatın Əhmədli
172
istəklərinə uyğun bir dünya görür. Bu dünyanın özünə
qovuşub onda yaşamaq arzusu qarşısıalınmaz bir
qüvvəyə çevrilir. Xəyal da beləcə…
O qızı görən kimi tanıdığını hiss elədi. Nə olsun
ki, ömründə ilk dəfə idi görürdü. Çox da ki, o qızın
gəldiyi yer başqa bir çayın sahili idi. Nə bilmək olar?
Bəlkə, elə onların da çayları, evləri, həyətləri, yolları,
cığırları Xəyalın qoyub gəldiyi yerlərə bənzəyir?
Bəlkə, elə ona görə o qız da Xəyalın isti baxışları
altında gözlərini xumar-xumar süzdürürdü. Bəlkə,
təsadüfən deyildi, hər axşamtərəfi eyni küçədə rast-
laşmaqları? Və nəhayət, əvvəlcə qısaca salamlaşmalar
sonralar uzun-uzadı şirin söhbətlərə çevrildi. Beləcə,
tamam ayrı-ayrı tərəflərdən gələn çayların qovuşduğu
kimi, onların da yolları qovuşdu. Bir-birini tapdıq-
larına görə sevindilər.
…Evləndilər. Ailə də böyüdü, ev də aldılar. Elə
aldıqları evdəcə böyüyən uşaqlar bir-birinin ardınca
pərvazlanıb uçdular da.
Və bir gün… o gözəl dünyanın rəngi dəyişdi.
…Xəyal tək-tanha oturmuşdu. Bilgisayarın ekranı
bayaqdan sönmüşdü. Yuxuda olduğunu, yatdığını,
yoxsa, dərin düşüncələrin cəngəlliklərində azıb
Salatın Əhmədli
173
qaldığını… bilmirdi. Çünki özü də hərəkətsiz idi. İndi
Xəyal üçün az qala otuz il bundan əvvəlki zaman
təzədən qayıtmışdı. O, yenə atasız, anasız və
həmdəmsiz idi.
Belə olanda ona qəlbən təckinlik verən otuz illik
ömür-gün yoldaşının albomlarını vərəqləyir, ondan
qalan xatirə şeylərin hər birinə diqqətlə, bəlkə, neçənci
dəfə baxır, nədəsə bir xatirə axtarır, nədəsə ona bir şir-
inlik gətirəcək hər hansı bir əhvalatı yada salmaq
istəyirdi. Birdən gənclik illərinə aid olan, indiyə qədər
diqqətini çəkməmiş, yazılı tərəfi alboma yapışdırılmış
bir kağız parçası gördü. Dörd qatlanmış və artıq
demək olar ki, qat kəsmiş və bir qədər də saralmış
kağız parçasını götürüb açdı. Xətti yaxşı tanıyırdı.
Yazılı kağız parçasının altında imza yox idi, tarix də
yazılmamışdı. Amma elə ilk cümlələrdəncə bunun bir
məktub olduğu və həm də elə onun özünə ün-
vanlandığı aydın görünürdü.
…Gəl, əzizim, …yox, sən hələ tələsmə. Yaşa
yaşadığın dünyada, nə qədər bacarırsansa, yaşa. Çünki
sənin haqqın var bu dünyada yaşamağa. Atanın da
qalan ömrü sənin payına düşür, ananın da. Elə mən də
qalan ömrümü halallıqla sənə bağışlayıram. Ancaq nə
Salatın Əhmədli
174
vaxt ki, bu şəhərdə, bu dünyada yaşamaqdan bezdin,
usandın, qocalığın əzabları sənin yaxandan yapışıb əl
çəkmədi, hiss elədin ki, daha bu dünya səninki deyil,
bu dünya sənə yaddır, onda gəl. Gəl mənim yanıma, o
yerə ki, məni yola salmısan. Hüznlü, kədərli baxış-
larınla mənimlə o geri dönməyən yolun başlan-
ğıcında ayrılmısan, orda səni gözləyəcəm. Sən nigaran
qalma, əlbəttə, mən sənin göndərdiyin yerdə deyiləm.
Elə sənin istəyincə oradan göylərə uçmuşam. O uzaq
göylərdən sənə baxıram.
Üzüdönük
insanlardan,
yersiz
şikayətlərdən,
mənasız anlaşmalardan bezikib, yorulub, usanıb sənin
xəyallarını özünə çəkəcək bir dünya arzulayanda
gələrsən. Biz birgə qalxarıq göylərə, elə indi mənim uca-
lığından baxdığım ənginliklərə. Burda kimsə kimsəyə
mane olmur. Axşamın aydınlığında üzü göylərə tərəf
boylan, sonsuz sayda ulduzlar görəcəksən. Sənə ən
yaxın, ən parlaq olanı mənəm. Bizim heç kəslə işimiz
olmayacaq. Bilirəm, bu dünya sənə qənim kəsilib. Ye-
timliyin, küskünlüyün, intizarın payını qədərincə al-
mısan. Atadan, anadan, doğma yerindən, yurdundan
gözün doymayıb. İndi də məni həyatdan alan tale,
əslində, səndən alıb. Bəlkə də, indi özün də hiss edirsən
Salatın Əhmədli
175
ki, daha bu yetimliyin, bu intizarın sonu yoxdur. Sənin
kədərsiz sevincin olmadığı kimi, elə mənim də sənsiz
sevincim yoxdur. Gəl, buradan, uca göylərdən bu dün-
yaya təzədən baxaq. Çayboyu uçarıq üzüyuxarı, bir vaxt
sənin gəldiyin yerlərə tərəf. Ruhumuzla, xəyalımızla o
çay qırağındakı kənddə, ata ocağının yerində təzədən bir
dam-daş tikərik. Xəyalımızla, ruhumuzla tikərik. Hər
şeyi sənin arzularına uyğun təsəvvür edərik. Evimiz də
böyük olar, eyvanı da sənin istəyincə qurarıq. Qoy
evimizin çoxlu pəncərələri olsun, aynaları par-par
parıldasın, günəş hər tərəfdən bizim evimizə düşsün.
Axı ömrümüz boyu yaşadığımız evimiz sənin ürəyincə
olmadı. Balaca bir küncə qoyduğun yazı masan da azad-
lığa çıxar. O yazı masasının arxasında ruhun qələmini
həmişə əldə saxlayar. İstədiyin kimi yazıb-yaradarsan.
Bilirəm, indi yenə pəncərəni bərk-bərk bağlamısan. Axı
küçədən keçən maşınların hay-küyü səni yorur, istəyincə
yazıb-yarada bilmirsən. Havan da çatmır.
Əzizim, yəqin ki, yadından çıxarmamısan, hərdən
sən işləyəndə mən hay-küylə içəri girirdim, sənə mane
olurdum, səni işdən ayırmaq istəyirdim. Bir qədər
dincəlməyini istəyirdim. Sən də əsəbiləşirdin. Təklik
istəyirdin, şikayətlənirdin ki, məni yazmağa, yarat-
Salatın Əhmədli
176
mağa qoymursan. Amma sən bilmirdin ki, həkimlər
mənə tapşırıb ki, səni qoruyum, həddən artıq işləməyə
qoymayım. Özünü üzməyəsən. Amma indi mane ol-
mayacam. Axı sən də ruh olacaqsan, mən də ruham.
Onda səsim də çıxmayacaq. Sən yazıb-yaradacaqsan,
mən də sənə baxacam. Heç sənin xəbərin də olmaya-
caq. Açıq pəncərədən uçub çay qırağına enəcəm.
Gümüşü çayın sahilləri boyu yamyaşıl vadini do-
lanacam, əl-ayaq dəyməyən yerlərdən dağ nanəsi,
acıtərə yığacam. Anan kimi sac asıb fəsəli bişirəcəm.
Ananın təndirinə od atacam. Bişirdiyim çörəklərin bir
üzü qızaracaq. Sən də gülüb deyəcəksən ki, hardan
bilirdin ki, anam da çörəkləri belə bişirirdi. Bir əlimi
çənəmə dayaq edib sənə baxacağam, doyunca,
istəyincə baxacam. Yaxına gəlib qollarımı boynuna
salacağam.
Saçlarını
sığallayıb,
başını
sinəmə
çəkəcəm. Axşamı, günbatanı gözləyəcəm…
Sən işdən ayrılmaq istəyəndə elə sənin istəyincə
qoşalaşıb çay qırağına enərik. Budaqlarını çaya
endirmiş söyüdlərin altında oturarıq. Yaşıl çəmənliklər
bizim xalımız olar. Sən çayı yenidən o tay-bu taya
üzərsən. Mən də sayaram, neçə dəfə üzüb keçdin.
Amma yox, özünü yorma, tez qayıt, birdən dünya
Dostları ilə paylaş: |