119
vacibdir.
Fitoterapiyaya maraq təsadüfi deyil. Buna zəruri səbəb dərman xəstəliyi
problemidir. Mürəkkəb dərman ağırlaşmaları zamanı xəstələrdə adətən davamlı
böyrək funksiyası pozgunluqları qalır. Kimyəvi terapiya əsas olmadığı hallarda da
istifadə oluna bilir. Fitoterapiyanın kimyəvi terapiya üzərində bir sıra üstünlükləri
vardır. Adətən dərman bitkiləri təkamüldə bitkilərin hüceyrəvi quruluşunun
kimyəvi strukturu ilə insanınkındakı oxşarlıqla əlaqədar orqanizmə fizioloji təsir
göstərir. Kimyəvi yolla sintez olunmuş dərmanlar
çox hallarda orqanizm üçün yad
hesab olunur, yüksək aktivliyə malikdirlər, lakin mürəkkəb molekul strukturlarını
kəskin pozurlar, bəzən isə daha da aktiv canlı hüceyrə üçün toksik hesab olunan
birləşmələrin yaranmasına səbəb olurlar. Fitoterapiyanın üstünlüklərindən biri də
orqanizmə müalicəvi təsirin genişliyidir, belə ki, dərman bitkiləri kimyəvi
tərkiblərinə görə çox zəngindirlər. Dərman bitkilərinin müalicəvi təsiri onlarda
insan orqanizminə daxil olan zaman bu və ya digər fizioloji effekt verən bioloji
aktiv maddələrin olması ilə əlaqədardır. Bitkilərdə olan alkaloidlər, vitaminlər,
fitonsidlər, efir yağları, mineral duzlar, fermentlər kimi kimyəvi maddələr-
maddələr mübadiləsinə, orqanizmin bütün orqan və sistemlərinin funksional
vəziyyətinə
müsbət təsir edir, onun müqavimətini artırır.
QN-in uzunsürən gedişi ilə əlaqədar çox hallarda qaraciyərin, mədə bağırsaq
traktının funksional pozğunluğu müşahidə olunur, orqanizmdə allergik fon
yüksəlir, böyrəklərin funksional qabiliyyəti enir. Bununla əlaqədar olaraq
orqanizmə əks təsiri minimal, müalicəvi təsiri isə aydın olan bitki tərkibli
maddələrin təyin olunması məqsədəuyğun hesab olunur.
Adətən onlar əks təsir
göstərmirlər
və xəstələr tərəfindən yaxşı mənimsənilirlər.
Uzun illər ərzində tərəfimizdən hətta kimyəvi terapiyanın lazımi nəticə
vermədiyi hallarda uşaqların dərman bitkiləri ilə müalicəsi sahəsində müəyyən
təcrübə toplanılmışdır. Bir qayda olaraq fitoterapiya kimyəvi müalicənin effekt
verməməsi və ya az effekt verməsi ilə əlaqədar stasionar müalicə dövründə təyin
olunur.
Xəstəliyin gedişini nəzərə alaraq fitoterapiya təyin olunan zaman biz
120
kimyəvi terapiyanın tez dəyişdirilməsinə çalışmırdıq. Kimyəvi dərmanların tam
kəsilməsi davamlı klinik laborator remissya
zamanı fitoterapiyanın daim
aparılası, kəsilmə sindromu və hematuriyanın olmaması məqsədilə verilən dərman
bitkiləri müalicə sxeminə daxil edilməsi zamanı baş verir.
Bütün xəstələrə fitoterapiya aşağıdakı bitkilərlə başlanılır: boymadərən,
qarğıdalı saçağı, dazıotu, gictikan, cəfəri, qarağat yarpağı, bağayarpağı, kalendula,
tozağacı yarpağı, albalı saplağı, yemişan çiçəyi, biyan kökü və.s.
Təkrari kurslar
1-1,5 ay ərzində residiv əleyhinə müalicə və xəstəliyin kəskinləşmə ehtimalı çox
olan yaz-payız aylarında interkurrent xəstəliklərin qoşulmaması məqsədilə aparılır.
Paralel olaraq da yanaşı gedən xəstəliklərin müalicəsi aparılmalıdır.
Nəticədə qeyd etməliyik ki,
qlomerulonefritli xəstələrin xüsusən də xronik
formalarda fitoterapiyası təqdirə layiq hesab olunur, çünki, fitoterapiyadan
nefrologiyada ümumi istifadə olunan müalicə metodları nəticə vermədikdə və
kimyəvi müalicənin əks təsirlərini aradan qaldırmaq məqsədilə istifadə etmək
mümkündür.
Xəstəliyin erkən mərhələlərində fitoterapiyadan istifadə onun
effektivliyini daha da artırır.Dərman bitkiləri xəstəliyin kəskin dövründə bazis
terapiya
və sağalma, reabilitasiya dövründə müalicənin əsas metodu ola bilərlər.
Daha məqsədəuyğun olaraq keçirilmiş qlomerulonefrit
xəstəliyindən sonrakı 6-12-18-24 aylarda uşaqların gündüzlər olmaqla
qospitilizasiyası aprılmalıdır. Uşaqların hər gecə ailəsi ilə birgə olması
onların emosinal vəziyyətinin yaxşılaşmasına və deməli müalicəsinə
müsbət təsir göstərir. Gündüz stasionarında yaz-payız dövrü üçün
planlaşdırılır və keçirilmiş respirator infeksiyalardan sonra yarana
biləcək ağırlaşma və kəskinləşmələri vaxtında aşkar etməkdən ötrü
müyinələr aparılır. QN keçirmiş xəstələrin dispanser qeydiyyatı və
aparılan müşahidələr onu göstərir ki, uşaqlarda nefropatiyalar daha çox
anasının hamiləliyi nefropatiya ilə ağıraşarsa, həmçinin az çəki ilə
doğulanlar, tez-tez xəstələnən, dizembriogenez əlamətləri olan uşaqlarda
rast gəlinir. Belə uşaqlar böyrək patologiyasına görə risk qrupuna aid
edilməlidirlər.