Lalə HÜseynova qida məhsullarinin hazirlanmasi texnologiyasi
Yüklə 2,44 Mb. Pdf görüntüsü
|
- Bu səhifədəki naviqasiya:
- Qiymələnmiş cücə plov
- Çığırtma plov
- Təndirdə qızardılmış cücə
- Lənkəransayağı qızardılmış qaşqaldaq
- Qızardılmış turac
- Təkrar üçün suallar
Toyuğun içalatı çıxarılır, təmizlənir, ütülür və hazır olunca suda bişirilir. Eyni zamanda yağda meyvə (kişmiş, qaysı qurusu), badam qovrulur və buna ayrıca yağda qızardılmış soğan, habelə zirə qatılır. Yuyulmuş düyüdən, süzmədən bulyonda çəkməplov bişirilib içinə yağ vurulur. Üstünə zəfəran şirəsi tökülür. Suda bişirilmiş toyuq tikələrə doğranır. Süfrəyə verilən zaman düyü təpəcik şəklində boşqaba çəkilir və üstünə qovrulmuş meyvə ilə birlikdə bişirilmiş toyuq əti tikələri qoyulur və yağ tökülür. Bunun üçün plov süzmə üsulla da hazırlana bilər. Onda düyü bulyonda yox, suda bişirilir. Qeyd: plovu süzmədən bişirərkən 1 stəkan düyüyə 2 stəkan qaynar su götürülür. Hər pay üçün burada 200 q toyuq əti, 150 q düyü, 50 q ərinmiş yağ, 1 baş soğan, 10 q badam ləpəsi, 20 q zoğal axtası, yaxud 10 q lavaşana, 50 q kişmiş, 0,1 q zirə, 0,1 q zəfəran, habelə təm üçün istiot, duz götürülür. Qiymələnmiş cücə plov Tükü və içalatı təmizlənib ütülmüş cücə bütöv şəkildə bişirilir, bulyondan çıxarılır, duz, istiot səpilir. Baş soğan bir qədər iri həlqə-həlqə doğranır, qızardılır, içinə kişmiş, nar dənəsi və yaxud isti suda isladılmış zoğal, ya da gavalı qurusu və suda bişirilmiş şabalıd tökülür. Eyni zamanda bir qədər toyuq bulyonu, darçın, istiot və duz əlavə edilib odda 5- 10 dəqiqə vamla bişirilir. Hazır olandan sonra bir hissəsi toyuğun içində, qazanda düyünün altına qoyulur. Adi qaydada düyü bişirilib süzülür, qazana əvvəl toyuq, sonra düyü tökülüb dəmə qoyulur. Süfrəyə verərkən toyuq və soğança ayrı boşqaba çəkilib plov buludunun yanına qoyulur. 217
Hər pay üçün burada 300 q cücə əti, 100 q düyü, 40 q ərinmiş yağ, 30 q kişmiş, 20 q zoğal axtası, 1 baş soğan, nar dənəsi, gavalı qurusu, şabalıd, təm üçün duz, istiot götürülür. Çığırtma plov Çığırtma plov cücədən hazırlanır. Təmizlənib yuyulmuş cücə 35-40 q-lıq tikələrə doğranır, duzlanır və tavada yağ içində qızardılır. Ona yağda qızardılmış soğan, limon turşusu, istiot, zəfəran vurulur, üzərinə çalınmış yumurta töküb sobaya qoyulur. Düyü ayrı bişirilir. Süfrəyə verilən zaman boşqaba təpəcik şəklində düyü çəkilir, yanına hazır çığırtma və bir dilim limon qoyulur, üzərinə qaynar yağ tökülür. Hər pay üçün burada toyuq əti – 800 q, ərinmiş yağ – 160 q, yumurta 4 ədəd, düyü – 600 q, baş soğan – 160 q, limon turşusu – 0,2 q, zəfəran – 0,4 q, duz götürülür. Təndirdə qızardılmış cücə Emal edilmiş bütöv cücəyə duz, istiot vurulur və şişə taxılır. Səthinə xama sürtülür, təndirdə qızardılır. Hazır cücə boşqaba qoyulur, doğranmış pomidor, limon, baş soğan və göyərti ilə bəzədilir.
Qaşqaldaq təmizlənir, istiot və duz vurulur. Üzərinə xama sürtülüb şişə taxılır. Manqalda közərmiş kömür üzərində və ya 218
təndirdə qızardılır. Qızardılmış qaşqaldaq boşqaba qoyulur, yanına pomidor, limon dilimləri, nar dənələri və göyərti düzülür. Hər pay üçün burada 250 q qaşqaldaq, 10 q xama, 50 q pomidor, 15 q limon, 20 q nar, istiot, duz götürülür. Qızardılmış turac Turac təmizlənir, istiot və duz vurulur. Üzərinə xama sür- tülüb şişə taxılır. Manqalda və ya təndirdə qızardılır. Qızardılmış turac şişdən çıxarılıb boşqaba qoyulur, yanına doğranmış baş soğan, pomidor, xiyar və göyərti düzülür.
Övrüştə İçalatı çıxarılmış toyuq yuyulub 30-35q-lıq tikələrə doğra- nır və tavada yağ içində qızardılır və buna qabaqcadan suda isladılıb sıxılmış zoğal və bir qədər şəkər, ya da turş nar qatılaraq təkrar qızardılır. Bunlar hamısı tavada toyuğun yanına düzülüb üstünə istiot, duz səpilərək yaxşıca qarışdırılır və bişirilir. Hər pay üçün burada 200 q içalatı çıxarılmış toyuq əti, 30 q ərinmiş yağ, 100 q zoğal qurusu, 50 q nar dənəsi, 1 baş soğan, 5 q şəkər, habelə təm üçün istiot, duz götürülür. Murğuturş Təmizlənmiş toyuğu 50-60 q-lıq tikələrə doğrayıb üzərinə azacıq su əlavə edir, suyu çəkilənə qədər bişirirlər. sonra tikələri tavada, yağda qızardırlar. Soğanı cəfəri ilə xırda-xırda doğrayıb, 219
yağda qızardır, göyərti qızarana yaxın azacıq şəkər tozu və abqora əlavə edirlər. Sonra ətçəkən maşından keçirilmiş tozu onun üzərinə əlavə edib, hamısını birlikdə azca qızardırlar. Bütün bunları qızardılmış toyuğun üzərinə töküb azacıq su əlavə edir və vam istilikdə 10-15 dəqiqə bişirirlər.
1. Ev quşu və ov quşu suda necə bişirilir? 2. Toyuq, qaz, qırqovul necə qızardılır? 3. Suda bişirilmiş toyuq və onun yumurtalı ağ sousu necə hazırlanır və süfrəyə verilir? 4. Toyuq ətindən urvalı kotlet, şnitsel və Kiyevsayağı kotlet necə hazırlanır və süfrəyə verilir? 5. Toyuğun yeyinti tullantılarından raqu necə hazırlanır və süfrəyə verilir? 6. Toyuq ləvəngisi, Lənkəransayağı fisincan, toyuq çığırtması necə hazırlanır və süfrəyə verilir? 7. Cücə kababı, toyuq kababı necə hazırlanır və süfrəyə verilir? 8. Cücə plov, toyuq plovu, qiymələnmiş cücə plov, çığırtma plov necə hazırlanır və süfrəyə verilir? 9. Təndirdə qızardılmış cücə, Lənkəransayağı qızardılmış qaşqaldaq, qızardılmış turac, övrüştə və murğuturş necə hazırlanır və süfrəyə verilir? 220
Yüklə 2,44 Mb. Dostları ilə paylaş:
|