56
“Britaniyalıların əksəriyyəti Şimali İrlandiyada baş verənlərlə bağlı təhrif olunmuş baxışı
bölüşürlər, – deyə o yazır. – Bu ona görə baş verir ki, onlar oxuduqlarına inanırlar. Əlbəttə,
layiqli istisnalar da baş verirdi, amma reportajların analizi açıq-aydın təhrif modelini ortaya
çıxarır. Bilərəkdən və ya bilməyərəkdən xəbərlər mütəmadi olaraq Britaniya isteblişmentinin
ehtimallarına və mühakimələrinə haqq qazandıracaq şəkildə təqdim olunurdu və bilavasitə
Britaniya hökumətlərinin maraqlarına xidmət edirdi”
170
.
Makkannın bildirdiyə görə, IRA-nı tələsik şəkildə heç bir dəlil-sübutsuz təsəvvür edilə biləcək bütün mümkün
vəhşiliklərdə günahlandırmaq tendensiyası göz qabağında idi. Britaniya mətbuatı IRA-nı heç bir mövcud fakta
əsaslanmadan təsvir edirdi, bu da mətbuat və ordu arasındakı xüsusi münasibətdən qaynaqlanırdı. Makkan çox
sayda misallar gətirir. Onlardan biri – Belfastda 17 aylıq Ancela Hallaxer və Derridə 14 yaşlı Annet
Makqaviqanın həlak olması. IRA-nın hər iki qolu bu insidentlərlə bağlılıqlarını inkar edirdi. Ancela Hallaxerlə
bağlı hadisə katolik rayonunda baş vermişdi, buna görə də qətlin respublikaçı irlandlara rəğbət bəsləyən
birilərinin işi olduğunu ehtimal etmək (ancaq sadəcə ehtimal etmək) məntiqli ola bilər. Amma bunu qəti
bildirmək üçün faktlara da ehtiyac vardı.
Amma Makkannın yazdığı kimi:
“IRA əsas düşmən olaraq müəyyən ediləndən sonra faktların dəqiqləşdirilməsi qayğısı harasa
yox olub getdi. IRA tərəfindən törədilmiş kütləvi qətllər, soyğunçuluq, zorbalıq, IRA üzvlərinin
qatil-uşaqlar yetişdirməsi haqda hekayələr və s. – bütün bunlar repressiv tədbirlərə haqq
qazandırmağa xidmət edirdi. Məhz elə bu əsasla özünü Britaniyanın liberal ictimaiyyətinin
vicdanı hesab edən “Gardian” tam xeyirxah motivlərlə internləşmə təcrübəsini dəstəkləyə bilirdi.
Bu cür hekayələr sayəsində Britaniya hökuməti məlum siyasəti yürüdə bilirdi”
171
.
Bəs katoliklərə rəğbət bəsləyən İrlandiya mətbuatı və KİV-i qüsursuz idimi, onlar zamanın əsas problemlərinə
adekvat reaksiya verə bilirdilərmi? Sosial-Demokrat və Leyborist Partiyasının üzvü, sülh prosesində vasitəçi və
partiyanın o zamankı rəhbəri Con Xyumun həmkarı Denis Hoqi maraqlı hadisə danışır:
“Danışıqlar prosesində kritik məqam ortaya çıxanda və bununla bağlı Xyum ABŞ prezidenti Bill
Klintonla görüşəndə, “
Irish News
” qəzeti bu çox önəmli görüşə orta səhifələrində bir neçə
abzaslıq yer ayırdı, birinci səhifədə isə “Şinn Feyn qərargahının partladılması təhlükəsi” başlıqlı
material verdi. Məsələ isə ondan ibarət idi ki, Şinn Feyn lideri Cerri Adamsın cangüdənlərindən
biri yaxınlıqda şübhəli maşın görmüşdü”
172
.
Müqəddəs Cümə vaxtı və ondan əvvəl
60-cı illər vətəndaş haqları uğrunda hərəkatlara münasibətdə əlverişli zaman idi, bir KİV Belfasta öz
müxbirlərini göndərirdi. Katolik rayonlarında reportyorlara və fotoqraflara yaxşı münasibət göstərirdilər. KİV
“ehtiyatlı səlibçi” kimi tanınan Terens O`Nili dəstəkləyirdi. Hadisələrin kobud təhrif olunması halları, demək
olar ki, mövcud deyildi. Həmin Makkannın bildirdiyi kimi, müəyyən dövrdə Derridə “Mirror”un 12 müxbiri
işləyirdi. Onların çoxunun əsl vəziyyət barədə məlumatlara çıxışı yox idi. Onlardan bəziləri şəhərdə dolaşaraq,
insanlardan onları diskriminasiya qurbanları, ya da gecəqonduların katolik məzhəbinə ibadət edən işsiz
sakinləri ilə tanış etməyi xahiş edirdilər. Amma vətəndaş haqları uğrunda kampaniyanın xoşməramlı
işıqlandırılmasına baxmayaraq, elə bu mərhələdə istənilən zorakılıq aktına görə IRA-nı günahlandırmaq
170
Eamonn McCann,
The British Press and Northern Ireland.
URL:
http://cain.ulst.ac.uk/othelem/media/mccann72.htm
171
Yenə orada.
172
Denis Hoqi
ilə müsahibə, 24 iyun, 2013-cü il, (Belfast)
57
tendensiyası başlamışdı. Məsələn, ehtimal olunurdu ki, O`Nilin istefaya getməsilə nəticələnən terror aktlarına
görə IRA məsuliyyət daşıyır, amma yenə də məsələnin işıqlandırılması daha ölçülü-biçili və nəzakətli idi.
Klemm Makkartni göstərir ki:
“Şimali İrlandiyada diskriminasiya ittihamları yerli administrasiyanın üzərinə düşürdü, Britaniya
hökuməti isə deyə bilərdi və deyirdi k, bu məsələlər yerli hakimiyyətə həvalə olunub və onun
səlahiyyətləri xaricindədir. Beləliklə, London mətbuatı öz hökumətini tənqid etmirdi, hərçənd
özünə sual edə bilərdi ki, Britaniya hökuməti bu vəziyyətin inkişaf etməyinə niyə imkan verib?
173
.
İmonn Makkann iddia edir ki:
“Әsl, davamlı və sistemli təhriflər Britaniya əsgərləri küçələrə çıxandan sonra başladı. 1970-ci
illərin ortalarına doğru qoşunlar katolik təriqətli fəhlə sinfinin məskunlaşdığı rayonlarla, demək
olar ki, mütəmadi münaqişədə olduğu dövrdə qəzetlərin əksəriyyəti artıq xəbər dərc etmirdi;
onlar praktiki olaraq təbliğat alətinə çevrilmişdilər. Bəzi insidentlərə göz yumulur, digərləri isə
şişirdilirdi. Yarıhəqiqətlər danılmaz fakt kimi təqdim olunurdu. Britaniya mətbuatının rəyincə,
əsgərlər zorakılığa qadir deyildilər, amma qarşı tərəfə, “qiyamçılara” qarşı münasibət tam
fərqliydi”
174
.
İmonn Makkann maksimum obyektiv olmağa çalışır:
“Mətbuatın real vəziyyəti tanınmayacaq dərəcədə təhrif etdiyini vurğulamağımız o demək deyil
ki, Britaniya əsgərlərinə qarşı durmaq üçün küçələrə çıxanların davranışı liberalların xoşuna gələ
bilər. Əlbəttə, yox. /.../ Amma Şimali İrlandiyada baş verənlər haqda yalnız mətbuatdan
məlumat ala bilən britaniyalıların böyük əksəriyyəti artıq bunlar haqda şəxsi fikrini formalaşdıra
bilmir – mətbuatda bu məsələnin işıqlandırılması bu dərəcədə birtərəfli aparılırdı”
175
.
Vətəndaş haqları uğrunda hərəkat başlayandan sonra Britaniyanın dövlət siyasətinin mərkəzi istiqaməti Şimali
İrlandiyanın “demokratikləşdirilməsi” oldu.
“Britaniyanın Respublikaya yatırdığı investisiyanın həcminin çoxalması, İrlandiyanın cənubunun
ticarət tərəfdaşı kimi önəminin artması nəticəsində əvvəlki hökumətlərin ənənəvi mövqeyi
təhlükəli dərəcədə köhnəlmiş oldu. Anqlo-irland münasibətləri tarixində ilk dəfə idi ki, imperiya
hakimiyyəti üçün “narıncılarla” (protestantlarla) yaşıllar (katoliklər) arasında balans yaradılması
çox vacib olmuşdu. Bu, dərhal Şimala qarşı münasibətdə Britaniyanın siyasətində özünü göstərdi
və mətbuatda öz əksini tapdı. Mətbuatda vətəndaş haqlarını müdafiə edən çox sayda
məqalələrin yer alması və katoliklərin mövqeyinin daha çox işıqlandırılması bununla izah oluna
bilər.”
176
Denis Mürrey Müqəddəs Cümə danışıqları və sülh proseslərinin mətbuatda necə işıqlandırılması haqda maraqlı
hekayələr danışır:
”Stormontda, nəhayət, avtoparkda kabinetləri, portativ tualetləri və s. olan KİV mərkəzi
yaradıldı. Qərara alındı ki, KİV-i danışıqlar prosesindən çıxarsınlar, amma onları danışıqlar
173
Müəllifin Klem Makkartni ilə müsahibəsi, 26 iyun 2013-cü il (Belfast).
174
E. McCann, op. cit.
175
E. McCann, op. cit.
176
E. McCann, op. cit.