62
əzəldən olmasa da, münaqişənin genişlənməsi prosesinə uyğun olaraq tədricən dəyər
münaqişəsi xarakteri almasındadır. Buna görə də Şimali İrlandiya çıxılmazından qurtulmağın
mümkün yolu olaraq münaqişənin nizamlanmasını, yəni onun latent mərhələyə keçməsini hesab
etmək olar. Münaqişənin nizamlanması prosesində nə onun iştirakçıları, nə münaqişə predmeti
və obyekti, nə də ziddiyyətlər aradan qaldırılmır. Münaqişə tərəflərinin əsas səyləri münaqişə
predmeti və obyekti ətrafında münasibətlər sisteminin dəyişdirilməsi üzrə konstruktiv qarşılıqlı
fəaliyyət istiqamətinə yönəlir”
186
.
Şimali İrlandiyada sülh sazişindən bəhrələnməyən yoxdur, amma baş verənlərlə razı olmayan az sayda insan
var. Bu insanlar müxtəlif seçkilərdə namizədliklərini irəli sürüblər, amma seçici dəstəyi əldə edə bilməyib və
seçilməyiblər. Onlarla nə etməli – düşünmək üçün daha bir vacib mövzu. “Bu insanları təcrid etmək olmaz,
onların öz fikirlərini ifadə etmək haqqını tanımaq lazımdır. Hamısının dinc və siyasi həyatda iştirak etmək
imkanı olmalıdır. Vakum yaranmamalıdır. Silahlı insanlar vakumu zorakı mübarizə ilə doldururdular”, – sabiq
baş nazir Berti Axern bizə danışırdı.
İnsan haqları və imkan bərabərliyi, həmçinin bərpaedici ədalət: Amerikanın “Atlantik Filantropiya” Fondunun
idarə rəisi Padrayq Kuerkin fikrincə, Şimali İrlandiya üzrə hazırkı məqamın əsas vəzifələri bunlardan ibarətdir.
İctimai xadim və gənclərin işləri üzrə mütəxəssis, loyalist fəal Reymond Laveri bizimlə söhbətində əsas
problemlə bağlı öz təsəvvürünü aydın şəkildə anlatdı: “Biz problemin bir hissəsiyik, amma problemin həllinin
bir hissəsi olmaq istəyirik. Burada kimin yaşadığı deyil, kimin yaşayacağı haqda düşünmək lazımdır”
187
.
İctimai xadim və Proqressiv Yunionist Partiyasının rəhbəri, loyalist silahlı təşkilatının və Şimali İrlandiya
Assambleyasının sabiq üzvü Billi Hatçinson: ”Həmçinin mentaliteti tərk-silah etmək lazımdır. Silah özlüyündə
pis şey deyil, əgər pis əllərə düşmürsə”.
Əgər gələcəyə köklənsək, gələcək nəsillər divarlar olmadan yaşasınlar deyə, təhsil sistemində islahatlar
aparmaq çox vacibdir. Benjamin Mellon Qarabağın “Analitikon” jurnalında dərc olunan məqaləsində sülhə
doğru irəliləməkdə təhsilin nə rolu ola bilər istiqamətində fikir yürüdür.
“Birincisi, təhsil siyasəti və təcrübəsinin əhalinin daimiləşdirilməsinə öz töhfəsini verməsi faktını
dürüst dəyərləndirmək lazımdır. Əsasında milli tədris proqramlarının tərtib olunduğu model
həmin bu modelin təbliğ etdiyi biliklər, bacarıqlar və anlayışlar məcmusunda mühüm əhəmiyyət
kəsb edir. Təhsil sistemlərinin islahatları zamanı tarixi və daha müasir münaqişlərlə bağlı
müəyyən fənnlər çox ciddi diqqət mərkəzində saxlanılmalıdır. Şimali İrlandiya situasiyasında
sülhməramlı təhsilin təşəbbüs və ya proqramlarının rəsmi qəbul edilmiş tədris proqramlarının
elementlərilə əlaqələndiyinə dair misallar az deyil. Bu cür tədris proqramları metodologiyada
dəyişə bilir, amma bütünlükdə onlar münaqişənin nizamlanması, cəmiyyətin vəhdətinin
möhkəmləndirilməsi və barışığın təşviqi bacarıqlarının inkişafında fokuslanıb. Müəyyən
proqramlar tolerantlığın möhkəmləndirilməsinə, digərləri isə gənclərə icmadaxili birlik
imkanlarının təqdim edilməsinə köklənib. Bəzən onların hədəfi transsərhəd dialoqu və görüşlərin
(bir çox hallarda informasiya və kommunikasiya texnologiyalarının vasitəsilə) təşkili olur ”
188
.
Rusiyalı alim A.Matsnev “Etno-siyasi münaqişələr: təbiəti, tipologiyası və nizamlama yolları” başlıqlı elmi işində
daha bir məqama diqqət yönəldir. Onun nəzər-nöqtəsinə görə, Olster münaqişəsinin sosial-siyasi səbəbləri
186
V.A.Avksentyev, Etik konfliktologiya: elmi paradiqmanın axtarışında, Stavropol, 2001, s. 210.
187
Müəllifin Reymond Laveri ilə müsahibəsi, iyin 2013-cü il (Belfast).
188
B.Mellon
, Münaqişə və sülhün dərsləri,
TheAnalyticon, iyul 2013-cü il URL:
http://theanalyticon.com/?p=3506&lang=ru#more-3506
63
sırasında tarixən yaşanmış ədalətsizliklərin doğurduğu kin və irland millətinin milli qürur hissinin zədələnməsi
mühüm rol oynayır. O, etnopolitoloq E.Kissin “millətçilik və insan haqlarının uyğunluğu uğrunda gedən
mübarizədə siyasi institutlatın çərçivəsinə sığmayan həlledici bir elemet var. Onun mahiyyəti mədəni və sosial
problemlərin güzəştsiz tənqidi analizinin həyata keçirilməsinin vacibliyindən ibarətdir”
189
.
Bütün bunlar yalnız zamanın yeni tələbləri deyil, həm də KİV üçün yeni mövzulardır. Bu mövzuların
işıqlandırılması üçün yeni yanaşmalar gərəkdir. Amma yəqin ki, ən əsası bu deyil. Həmsöhbətimiz olan
jurnalistlərdən birinin dediyi kimi: “Biz iğtişaşları necə səylə işıqlandırırıqsa, sülhü də o cür səylə
işıqlandırmalıyıq”.
Nəticələr
Cəmiyyəti münaqişə və onun nizamlanması ilə bağlı yaxşı məlumatlandırmaq lazımdır, sülh prosesi
zamanı KİV-in əlçatan olması maneə deyil, danışıqlar prosesinin məxfiliyisə ağlabatan həddə
saxlanılmalıdır.
KİV münaqişənin nizamlanması üçün səmərəli mexanizm ola bilər, faktları vicdanlı işıqlandırmaqla sülh
prosesinə öz töhfəsini verə bilər. KİV-in nizamlama prosesi üzərində müəyyən nəzarətinin olması çox
vacib məsələdir. Amma mass-medianın əsas missiyası cəmiyyəti operativ və qərəzsiz
məlumatlandırmaqdan ibarətdir.
KİV-in öz missiyasının yerinə yetirə bilməsi üçün xüsusi siyasi, iqtisadi və digər şərtlərin olması
lazımdır. Münaqişələrin qarşısının alınmasında, uğurlu həllində və sülhün təminatında KİV-in rolunu
onun işini müəyyən edən və onda öz əksini tapan ümumi sosial şərtlərdən çıxış edərək
dəyərləndirmək olar. Müstəqil KİV institutunun mövcud olması çox önəmlidir. KİV-in öz missiyasını
yerinə yetirə bilməsi üçün iqtisadi və siyasi cəhətdən azad olmalıdır. Siyasi müxtəliflik iqtisadi
müxtəlifliyin zəmanəti ola bilər ki, bu da öz növbəsində KİV resurslarının diversifikasiyasına şərait
yaradar.
Söz azadlığı olmadan cəmiyyətin demokratikləşməyi mümkün deyil, buna görə də KİV demokratiyanın
mühüm elementidir və onun dəstəklənməsi vacibdir.
Dialoq münaqişənin nizamlanması və cəmiyyətin inkişafı üçün, həmçinin KİV öz missiyasını həyata
keçirə bilsin deyə, əlverişli özülün olması üçün mütləq şərtdir. Dialoq çoxsəviyyəli ola bilər və
olmalıdır, bütün səviyyələrdə KİV-in rolu mühüm və əvəzedilməzdir.
KİV ictimai diskussiyaların təşkilatçısı və ictimai rəyin moderatoru ola bilər və olmalıdır.
İnformasiya sahəsinin müxtəlif seqmentləri münaqişənin nizamlanmasında fərqli rollara və spesifikliyə
malikdir. Həm müsbət, həm də mənfi mənada ən təsiredici alət televiziyadır. Radionun sakit və
konstruktiv dialoq, müzakirələr üçün potensialı daha çoxdur. Yeni media, sosial şəbəkələr ən
demokratik yollarla vətəndaş iştirakını təmin edir, amma özündə çox sayda yeni tələblər gizlədir.
İctimai rəyin moderatoru qismində KİV siyasi elita və cəmiyyət arasındakı haçalanmanın aradan
qaldırılmasına kömək edə bilər və etməlidir.
189
A.Mantsev, Etno-siyasi münaqişələr: təbiəti, tipologiyası və nizamlama yolları, Sosial-siyasi jurnal, M., 1996,
№4, s.53.