86
Azərbaycan tarixinin qəhrəmanlıq səhifəsi
Sadiq Həsənov, Göyçay rayonunun Qaraməryəm kəndinin sa-
kini: “Erməni qırğınını mən görmüşəm. Onda mən uşaq idim. Yurd
yerimiz qəbiristanlığın aşağısında, çayın üst tərəfində idi, Aşağı Qa-
raməryəmə gedən yolun alt tərəfində. Çay kənarı üzümlüklərimiz və
tut ağaclarımız var idi. Dağın ətəklərində bostan yerimiz vardı, yemiş
əkirdik. Dədə-babadan mal-qara saxlayan olmuşuq. Dədəmin əl də-
yirmanı var idi. O, dəyirmanda Aşot (erməni) nökərçilik edirdi. Tək
yaşayırdı. Acından ölməsin deyə dədəm ona çörək verirdi. Sonradan
ermənilərin kəndə hücumu haqqında səs yayıldı. Nənəm mal-qaranı
damdan açıb buraxmışdı. Bizi də ot tayasının arasında gizlətmişdilər.
Balaca qardaşım az yaşlı olduğu üçün ağlayırdı. Nənəm gözümü-
zün qabağında onu yerə buraxdı. O, iməkləyə-iməkləyə uzaqlaşan-
da nənəm onu qorumaq üçün ağır kilimin altında gizlətdi. Ermənilər
camaatın dam-daşını yandırıb-dağıdırdı. Getsin o günlər, gəlməsin.
Qardaşım kilimin arasında ölmüşdü. Kəndin qırılan camaatı çox
oldu. Yurdumuz elə viran qaldı ki, sonra kəndə yaxın yerə köçdük.
Nuru Paşa olmasaydı bütün camaat qırılardı. Onlar Törə dağı is-
tiqamətindən hücuma keçmişdilər. O vaxt ermənilər indiki “Avarlı
tala” deyilən ərazidə kərpic kəsilib, kirəmit düzəldilən yerdə mövqe
tutmuşdular. Həmin yeri Nuru Paşanın 60 nəfərlik dəstəsi top ata-
raq dağıtmışdı. Ermənilərin texnikası sıradan çıxarılmışdı. Sonradan
həmin vurulan maşının dağılmış “rama”sını mənim əmim, kəndin
mollası və hesabdarı Quliyev Bəşir Ocaqqulu oğlu gətirib çayın üs-
tünə körpü kimi istifadə edib. Sadıq dayı deyirdi ki, ermənilər kənd-
dən qarət etdikləri qızıl və zinət əşyalarını samovara yığıb aparıblar.
Apara bilmədikləri qənimətin bir hissəsini Çərmədil dağlarında atıb
getmişdilər.”
(Həsənov Sadiq Mirabdulla oğlunun söylədiklərini Ş.M.Saabov adına
Qaraməryəm kənd tam orta məktəbinin tarix müəlliməsi Quliyeva Nahidə
təqdim edib)
87
Göyçay döyüşləri (iyun-iyul 1918-ci il)
Eldar Əliyev, Göyçay rayonunun Qaraməryəm kəndinin sakini:
Türkiyənin hərbi naziri Ənvər Paşanın qardaşı Nuru Paşa Azərbay-
canı erməni qırğınından qurtarmaq üçün, Gəncəyə gəlmişdi. Əvvəl-
cədən məlumat toplamışdı ki, Bakı Soveti ordusunun tərkibində 12
min erməni döyüşcüsü var. Ona görə də Nuru Paşa 14 min könüllü
əsgər toplamışdı. Onlar Gəncə istiqamətindən Bakıya doğru getmə-
yi planlaşdırmışdılar. Bığırda Qarayazı ilə Qaraməryəm arasında,
Kürtmaşı, Aşıqbayramlı, Quşencə dağlarının ətəyində ermənilərlə
döyüşərək onların üzərində qələbə çalmışdılar. Qaraməryəmdə 200
nəfərlik erməniyə qarşı Nuru Paşanın rəhbərlik etdiyi 60 nəfərlik türk
əsgəri Törə dağından enərək indiki Acıdərə adlanan ərazidə qanlı dö-
yüş keçirmişdilər. Yenə də erməniləri məğlub etmişdilər. Yerli cama-
atdan da kömək edən olmuşdu. Nuru Paşa 14 min könüllüdən 4 min
şəhid vermişdi. Şamaxı ətrafındakı Acıdərə düzündəki döyüşlərdə
daha çox itki verdikləri üçün, həmin ərazi Acıverən adı almışdır. Qa-
raməryəmdəki Acıdərə adı da həmin döyüşlə bağlıdır.
(Əliyev Eldar Soltan oğlunun nəvəsi Salehin söylədiklərini Ş.M. Saabov
adına Qaraməryəm kənd tam orta məktəbin tarix müəllimi Yusifov Qnyaz
yazılı təqdim etdi. )
Eyvaz Xəlil, Göyçay rayonunun Bığır kəndinin sakini: Ermə-
ni-müsəlman davası haqında söz düşəndə rəhmətlik qayınatam Xəlil
müəllim atası Eyvaz babadan eşitdiklərindən söhbət edirdi. O deyər-
di ki, atam söhbət edərdi: “Mən o vaxt türk qoşunlarının Bığıra necə
daxil olduqlarının canlı şahidiyəm”. Ermənilərin qərargahı İsmayıllı
rayonunun Qələyi kəndində idi. Ermənilər oradan gəlib Bığır kən-
dinə daxil olmuşdular. Onların qərargahı Qıraqbağında idi. Kəndi-
mizin camaatı o vaxt Hacı Nohuru adlanan yerə getmişdilər. Türklər
Ləkçılpaq kəndi tərəfdən Bığıra daxil oldular. Bu vaxt adamlar təşvişə
düşdü. Ancaq türk generalları “Qorxmayın, biz sizi müdafiə etməyə
gəlmişik!” deyərək əhalini sakitləşdirirdilər. Bunlar unudulmazdır.
88
Azərbaycan tarixinin qəhrəmanlıq səhifəsi
Bu vaxt ermənilər Qıraqbağında bir neçə bığırlını tutub evə salıb,
ağızlarını bağlamışlar. Evə od vurub onları yandırmaq istəyirdilər.
Bu davada Türk qoşunlarının tərkibində Hacı Şirin oğlu Əhəd,
Şamilov Paşa (atam Paşa) iştirak edirdilər. Paşa kişi yaralıları xəstəxa-
naya daşıyırdı. O deyirmiş ki, Əhəd kişi davada yaralanmışdı. Güllə
onun sinəsindən dəyib, kürəyindən çıxıbmış. Onu aparıb xəstəxana-
ya çatdırıb. Əhəd kişi sağalıb.
Türklər Bığıra daxil olanda, bir erməni çavuşunu tutub ermənilə-
rin yanına göndəriblər ki, tabe olunsunlar, onlara ərzaq, su və yemək
də verəcəklər. Çavuş gedib bu xəbəri ermənilərə çatdırsa da, onlar
tabe olmayıb. Bu vaxt türklər hücuma keçiblər. Vuruşmada türklər
ayaq üstə, sinələrini irəli verib gedirdilər. Onların ikisi mənim tanı-
dığım, bizim evin yuxarısında, dərədə həlak olmuşdu. İndi onlara
“Türk dağı” adlanan yerdə abidə qoyublar ki, hər yerdən görünür.
Türk əsgərlərini şəhid olduğu yerdə dəfn edirdilər.
Deyilənlərə görə ermənilərin bir dəstəsi Bığıra girəndə yuxarıdan
– indi abidə qoyulmuş Türk dağının aşağısındakı qəbiristanlıqda baş
ağaclarını görüb, türk qoşunları hesab edib qaçmışlar. Qıraqbağında
döyüşlərdə Qədir əfəndi Ləzgi dağı deyilən dağda şəhid olub. İndi
onun dəfn edildiyi yerdə abidə qoyulub. O, şəhid olmamışdan əv-
vəl, sağ ikən deyib ki, mənim qəbrimi ziyarət edənlər, mənim üstümə
gətirib su töksünlər. O vaxt qoşunlar susuzluqdan əziyyət çəkirlmiş.
Onun məzarını ziyarət edənlər indi də məzar üstünə su səpirlər.
Ermənilər Bığır kəndindən qovulduqdan sonra sakinlər Hacı No-
hurundan qayıdıb evlərinə gəlmişlər. Qayınatam Xəlil müəllim de-
yirdi: “Atam və anam deyirdilər ki, türklər Bığırı tərk edəndə hansı
evlərdə yaşamışdılarsa, oraya bolluca ərzaq, yemək-içmək qoyub get-
mişdilər”. Bəli, türk qardaşlarımız həmişə bizi dəstəkləyib, bizimlə
olmuşlar.
P.S. Türklər vaxtaşırı gəlib Bığırda qoyulmuş abidələri, şəhid mə-
zarlarını ziyarət edirlər. Bığır kənd sakini, ingilis dilindən dərs demiş
Dostları ilə paylaş: |