Göyçayın Bığır kəndində
türk məzarı
90
Azərbaycan tarixinin qəhrəmanlıq səhifəsi
sabiq maarif işçisi Xanlar Soltan oğlu Məmmədov deyir ki, 2002-ci
ildə Bığır başında Bakı-Qazax şose yolu kənarında qoyulmuş abidə-
nin açılışında mən də iştirak edirdim. Bu açılışda mən “Millətim mə-
nim” şeirimlə çıxış etdim. Tədbirdə iştirak edən, danışanlar- Ənvər
Arslan, Necdət Tunc, Ərcümət Türkman mənim oxuduğum şeiri Tür-
kiyədə dərc etdirib öz imzaları ilə mənə göndərdilər.
Xanlar müəllim qeyd etdi ki, hər anım günündə bu abidələri zi-
yarət edirlər. Hətta bir dəfə 2014 -cü ildə Balabəy dayısının qızı Təb-
rizdə müəllimə işlədiyi kollecdən tələbələri gətirib abidəni ziyarət
etmişlər. Xanlar müəllimin şeirində deyildiyi kimi:
Bu abidə olsun qan yaddaşımız,
Xatırlayaq, nələr çəkmiş başımız.
Gəlib bərk ayaqda türk qardaşlarımız,
Xilas olunubdur millətim mənim,
Göyçayın Bığır kəndində türk məzarı
91
Göyçay döyüşləri (iyun-iyul 1918-ci il)
Soyköküm, məzhəbim, ümmətim mənim.
Qan yaddaşı olsun bizim abidə,
Yaddan çıxarmayaq türkləri bir də.
Unudub düşməni, düşməsin dərdə,
Deyirəm bir daha millətim mənim
Soyköküm, məzhəbim, ümmətim mənim.
(Qayınatası Xəlil Eyvaz oğlu Hacıyevdən eşitdiklərini Bığır kənd 1№-li
tam orta məktəbin müəllimi Həqiqət Qüdrət qızı Əzizova təqdim edib)
Nəsir Abdullayev: İsmayıllı rayonu Hacıhətəmli kənd sakini 93
yaşlı Nəsir Abdullayev atası Abış kişinin ona danışdıqlarını xatır-
layaraq deyir: “Ermənilər gecə ikən kəndi mühasirəyə alıb və dinc
əhalini atəşə tuturdular. Gecə olan kimi bəzi əşyaları uzunqulağa, ata
yükləyib yola düşdük. Qalan bütün əşyalar qaldı. Nə çörək bişirmək
üçün bir sac apara bildik, nə bir dörd ayaq, nə bir qazan. Gün ba-
tan kimi canımızı götürüb qaçdıq Göyçaya, Çıraqdərəyə. Qadınların,
uşaqların hamısının başın kəsib, asıb, vururdular ki, görək kim nişan
ala biləcək. ”
Hər zaman ermənilər müsəlmanlara zülm edib, indi də deyirlər ki,
müsəlmanlardı günahkar. Müsəlman bir erməni öldürməyib, əksinə
erməniyə çörək verib.
Nəsir Abdullayev atasının danışdıqlarından türk könüllülərinin
kəndə gəlməsini belə xatırlayır. “Erməni qoşunu gəlib burada qaro-
vul saxlayırmış, ona görə ki, eşitmişdilər türk ordusu yola düşüb
gəlir. Türklər çətinliklə gəlib Azərbaycana. Gəlib görüblər ki, kəndlər
yandırılıb, camaat çıxarılıb” (https://www.youtube.com/watch?v=-
697b1gTqXsQ )
92
Azərbaycan tarixinin qəhrəmanlıq səhifəsi
QƏHRƏMAN TÜRK ƏSGƏRLƏRININ
MƏZARLARI
Azərbaycan xalqına köməyə gələn Qafqaz İslam Ordusu 1140
nəfər şəhid verib. (4,s.8) Rayonun Bığır, Qaraməryəm, Müskürlü,
Cəyirli, Potu və Qarabaqqal kəndlərində türk əsgərlərinin məzarları
1918-ci ilin mart-iyun aylarındakı qanlı hadisələrin tarixi nişanəsidir.
Azərbaycana köməyə gəlmiş, Göyçay-Bakı istiqamətində gedən
döyüşlərdə qəhrəmanlıqlar göstərmiş türk hərbçilərinə yerli əhali
arasında daim rəğbət və məhəbbət olmuşdur. Hətta sovet dövrünün
qadağalarına baxmayaraq 1918-ci ilin iyun-iyul döyüşlərində həlak
olmuş türk əsgərlərinin qəbirləri müqəddəs yerlər kimi əhali tərəfin-
dən ziyarət edilmişdir.
1918-ci ildə dinc əhalini erməni, bolşevik soyqırımından xilas et-
mək uğrunda canlarından keçmiş Azərbaycan və türk əsgərlərini
yaddaşlardan silmək üçün geniş kampaniya aparılmış, hətta onla-
rın məzarlarının bərpasına cəhd edən şəxslər ciddi cəzalandırılmış-
dı. Məsələn, Şamaxı-Mərəzə arasında Acıdərə deyilən yerdə 1918-ci
il iyul döyüşlərində şəhid olmuş türk zabiti, mayor İzzət Əfəndinin
tənha qəbrinə münasibət deyilənləri sübut edir. Baş daşını qoyduran
Şamaxı qəsəbəsi valisi 1928-ci ildə öldürülmüş, bu tənha məzar dağı-
dılmışdır. Sonrakı illərdə Məhəmməd və bir qədər sonra isə Babaxan
Rzaxanov adlı Şamaxı sakinləri tərəfindən məzar bərpa edilmişdir.
Məhz buna görə Babaxan Rzaxanov 1964-cü ildə həbs olunmuşdur.
Nəhayət, 1993-ci ilin yazında qəbir təmir olunmuş, 2000-ci il mayın
10-da isə burada 1918-ci il Qafqaz hərəkatında şəhid olan qəhrəman
türk əsgərininin xatirəsinə abidə ucaldılmışdır. Xalq şairi Bəxtiyar
Vahabzadə “Tənha məzar”, Qabil “Türkün qəbri” adlı şeirlərini hə-
min məzarda uyuyan türk əsgərinə ittihaf etmişlər. (44,s.6)
İşğal altında olan Azərbaycan ərazilərində əhalinin vəziyyəti çox
acınacaqlı idi. Abdulla Şaiq “Niyə belə gecikdin” adlı şerində xalqın
93
Göyçay döyüşləri (iyun-iyul 1918-ci il)
Türk ordusunu səbirsiliklə gözlədiyini belə izah edir:
Başqasını istəməm də, Ey Türk, tez ol sən gəl, sən
Gözləməkdən yoruldum, ah, axı gecikdin nədən?
Bəxtiyar Vahabzadə “Tənha məzar” şeirində yazır:
Yolun kənarında tənha bir məzar
Üstündə nə adı, nə soyadı var
Ey yolçu, maşını əylə bir yerdə
Soruş, kimdir yatan qəbirdə?
... O məzar önündə sən təzim eylə
Səcdə qıl, dua ver onun ruhuna
Ayaq basdığın yer borcludur ona.
Qabil “Türkün qəbri” adlı şeirində yazır:
Türkün qəbri, Qədim Şirvan yollarının üstündədir.
Azərbaycan torpağının, altında yox, sinəsində,
Köksündədir, qollarının üstündədir.
T.e.d.,prof. Məşədixanım Nemətin 1992-ci ildə nəşr olunmuş
“Azərbaycanda pirlər” kitabında adları çəkilən müqəddəs pirlərdən
biri “Şəhid türk zabitinin məzarı ziyarətgahı” adlanır. Kitabda qeyd
olunur ki, Bakı-Şamaxı yolunun yüz kilometrliyində Açıdərə çayının
kənarında, təpənin üstündə, üzərində əhəngdaşından sənduqə for-
malı abidə qoyulmuş (1,25x0,55x0,37 m) tək bir məzar vardır. Sən-
duqənin ayaq tərəfində “Allah, Məhəmməd”, baş tərəfində ay-ulduz,
yan tərəflərində nəsx xətti ilə ərəbcə, azərbaycanca, türkcə kitabələr
həkk olunub:
“Bir Türk oğlu qəhrəmanındır bu məzar,
Dostları ilə paylaş: |