119
əhalisinin 10%-i).
Dünya təsərrüfatının formalaşması mərhələsində əhalinin
Avropadan Şimali Amerikaya və Avstraliyaya irimiqyaslı miqrasiyası, 60
milyon nəfər baş vermişdir. Miqrantların sayı bəzi Avropa ölkələrinin
əhalisinin 5-7%-nə bərabər idi. Planetimizin cənub rayonlarında da
əhalinin irimiqyaslı hərəkəti müşahidə olunurdu. Bəzi ehtimallara görə,
sıx məskunlaşmış Çin və Hindistandan əhalinin sıxlığı nisbətən az olan
qonşu ərazilərə köçməsi də təqribən yuxarıdakı göstərici kimi olmuşdur.
Göstərilənlər 1870-1913-cü illərdə dünya əhalisinin 10%-ə yaxın
hissəsinin beynəlxalq miqyasda hərəkət etməsi barədə fikir söyləməyə
əsas verir.
XX əsrin ikinci yarısında ölkələr işçi qüvvəsinin beynəlxalq
miqrasiyası sahəsində siyasətdə məhdudiyyətlər tətbiq etməyə başladı.
Nəticədə işçi qüvvəsinin hərəkət miqyası kapital və əmtəə axınlarından
geri qaldı. İndi dünya əhalisinin yalnız 3%-i doğulduğu ölkədən kənarda
yaşayır, dünya üzrə əmtəə ixracının həcmi isə AQP üzrə hesablamalara
görə, MDM-in 30%-nə yaxınlaşmışdır (2008-ci ildə - 28,4%).
Planetar miqyasda vahid istehsal prosesinin formalaşması barədə
məlumatların təhlili göstərir ki, sahibkarlıq fəaliyyətinin qloballaşması,
dünya miqyasında yayılması ümumilikdə bir meyil kimi təzahür edir.
Ötən əsr ərzində bu proses qeyri-bərabər, ehtimal ki, dalğavari şəkildə
getmişdir. 1920-1930-cu illərdə avtargiya meyilləri üstünlük təşkil edirdi,
İkinci Dünya müharibəsi isə təsərrüfat münasibətlərini tamamilə
pozmuşdu. Əsrin ikinci yarısında beynəlxalq istehsalın regionlar
çərçivəsində inkişaf etməsi meyilləri üstünlük təşkil edirdi və bu
istiqamət dövriyyə sahəsində də nəzərə çarpırdı. Beləliklə, demək olar ki,
milli sahibkarlıq sisteminin xırdalanması nəticəsində təsərrüfatların
inkişafında qloballaşmadan (dünya miqyasında yayılmadan) daha çox
regionlaşma prosesləri baş vermişdir.
Dünya təsərrüfatı sisteminin bütövləşmə prosesi hələ başa çatma-
mışdır. Bunu hətta inkişaf etmiş ölkələr altsistemində belə, təsərrüfatların
inkişafının dalğa fazalarının vaxt etibarilə üst-üstə düşməməsi, daxili və
beynəlxalq qiymətlərin səviyyələri arasındakı fərq (2:1) göstərir. Müasir
dövrdə milli təsərrüfatlar istehsalın, bölgünün, mübadilənin və istehlakın
təşkilinin əsas mərkəzləri kimi qalmaqdadır. Onlar milli, dövlət sər-
hədləri hüdudlarında məhsul istehsalının və istehsal münasibətlərinin
tarixən formalaşmış sistemlərini təmsil edirlər. BƏB-in miqyası və
dərəcəsi də milli təsərrüfatların inkişafının səviyyəsindən, onların sahə və
ərazi strukturunun, daxili əmək bölgüsünün xarakterindən asılıdır.
120
6.2. Qloballaşma prosesləri və milli təsərrüfatların vəziyyəti
Nəzəriyyəyə görə, tam rəqabət, şərtlərin eyni olduğu şəraitdə
sahibkarlıq fəaliyyətinin qloballaşması ayrı-ayrı ölkələrin iqtisadiyyatının
inkişafına müsbət təsir göstərir. Belə hesab olunur ki, bu proses
sayəsində miqyas hesabına qənaət əldə olunur, istehsal amilləri dünyada
daha səmərəli yerləşdirilir, elm və texnikanın nailiyyətlərindən istifadə
etmək imkanları artır. 1980-1990-cı illərin təcrübəsi isə göstərdi ki,
dünya təsərrüfatının qloballaşmasından faydalanan ilk növbədə TMK-
dan alət kimi istifadə edən inkişaf etmiş aparıcı ölkələrdir. ÜTT-nin ya-
ratdığı komissiyanın 2004-cü ildəki məruzəsində qloballaşmadan həddən
az insanın bəhrələndiyi, əksəriyyətin onun inkişaf prosesində səs hüququ-
na malik olmadığı və gedişinə təsir göstərə bilmədiyi qeyd olunmuşdur.
Bu cür müddəalar Stolpner-Samuelson teoremi və istehsal amilləri
qiymətinin tarazlaşması teoremi ilə də müəyyən olunmuşdur. Bu teorem-
lər açıq ticarət şəraitində istehsalçıların ayrı-ayrı qruplarının vəziyyətinin
pisləşdiyini nəzərdə tutur. Qısamüddətli dövrdə nisbi üstünlüklərə malik
olmayan sahələrdə istifadə edilən xüsusi istehsal amillərinin sahibləri
zərər çəkirlər. Uzunmüddətli dövrdə isə həmin sahələrdə intensiv istifadə
olunan bütün növ amillərin sahibləri də bu qrupla birləşirlər.
Məhsuldar qüvvələrin qloballaşması şəraitində aparıcı dövlətlərin
TMK-nı öz aktivlərini daha səmərəli yerləşdirə bilir. İstehsalın
sənayeləşməsinin əvvəlki mərhələlərində istehsal xərclərinin ixtisarı ilə
yanaşı, istehsalın miqyasının artmasından və beynəlxalq əmək
bölgüsündən əlavə fayda əldə etmək səyləri ilə əlaqədar olaraq ötürülmə,
üstəlik, tranzaksiya xərcləri nisbətən az da olsa, artırdı. Gələcəkdə TMK-
nın beynəlxalq əməliyyatlarının səmərəliliyinin artması üçün malların və
xidmətlərin şəbəkə strukturları çərçivəsində hərəkəti qarşısında mövcud
olan milli, sahə və korporativ maneələrin aradan qaldırılması tələb olunur
(Kouz teoremi). Bu prosesdə müvəffəqiyyət öz kapitalı ilə əməliyyat
aparmaq sərbəstliyi və bu əməliyyatları idarə edə bilən müvafiq
mərkəzlər yaratmaqla əldə oluna bilər.
Təəccüblü deyil ki, qloballaşma konsepsiyası açıq-aydın Qərb
mənşəli, yönümünə görə Amerika-mərkəzçi xarakterdədir. Siyasi
baxımdan o, iqtisadiyyatı inkişaf etmiş ölkələrin dünyada öz dominant
mövqeyini möhkəmləndirmək üçün istifadə etdikləri alətdir. Konsep-
siyada qlobal miqyasda hərəkət edə bilən və bütün vacib sahələrdə
özünün dünya maraqları olan yeganə dövlətin mövcudluğu da öz əksini
tapmışdır.
Son onilliklər ərzində kommunikasiyalar sahəsində baş vermiş
texniki irəliləyişlərin təsiri altında beynəlxalq rəqabət istehsalçılara və