114
gəlirlərinin azalmasına səbəb olur. Aparılan qiymətləndirmələrə görə,
kommunikasiya sistemlərinin yaxşılaşdırılması MDM-i 4% artıra bilər.
Mövzu üzrə suallar:
1. Təsərrüfatın inkişafı, informasiyalaşdırma və nəq-
liyyatın səviyyələri arasındakı nisbətlər nə cürdür?
2. XX əsrin ikinci yarısında elektrik rabitəsinin hansı əsas
növləri yaranmışdır?
3. Təsərrüfatın inkişafında informasiyalaşdırmanın rolunu
səciyyələndirin.
4. Dünya nəqliyyat sisteminin səciyyəvi cəhətlərini izah
edin.
115
Fəsil 6
_____________________________________________________
İstehsalın və kapitalın qloballaşması
Dünya təsərrüfatının yaranması və inkişafı məhsuldar qüvvələrin,
istehsal amillərinin ayrı-ayrı dövlətlər çərçivəsindən kənara çıxmasını
nəzərdə tutur. İqtisadiyyat elmində bu proseslər müxtəlif, lakin bir-biri ilə
sıx bağlılığı olan, dünya təsərrüfatı sisteminin inkişafında müxtəlif
mərhələləri ifadə edən beynəlmiləlləşmə və qloballaşma məfhumları ilə
adlandırılır.
6.1. Təsərrüfat proseslərinin qloballaşması anlayışı və dərəcəsi
Milli təsərrüfatların beynəlmiləlləşməsi, ilk növbədə, beynəlxalq
bazarların inkişafı ilə bağlıdır. O, mübadilə və istehlakın beynəlxalq
sahəsini əhatə edərək, dövlətlərarası iqtisadi münasibətlərin bütün
formalarının inkişafının əsasını təşkil edir. Sahibkarlıq fəaliyyətinin
beynəlmiləlləşməsi - müxtəlif ölkələrin xarici iqtisadi əlaqələr sahəsində
qarşılıqlı əlaqələrinin güclənməsi prosesidir. Milli təsərrüfatların beynəl-
miləlləşməsi hələ sənaye inqilabı, əmtəənin ölkənin daxili ehtiyac-
larından artıq həcmdə istehsal edilməyə başlanması dövründən inkişaf
etməyə başlamışdır. Göstərilən proses beynəlxalq əmək bölgüsünü
dərinləşdirmiş, bu isə, öz növbəsində, milli təsərrüfatların qarşılıqlı
əlaqədə fəaliyyəti üçün zəmin yaratmışdır.
Mübadilə və istehlak sahələrinin inkişafı beynəlxalq iqtisadi infra-
strukturun, o cümlədən nəqliyyat şəbəkəsinin, rabitənin, informasiyanın
yaradılması ilə müşayiət olunurdu. Beynəlxalq ticarət əlaqələrinin
təşəkkül tapması ödəniş münasibətlərinin yaranmasına, ssuda kapitalının
beynəlxalq miqyasda hərəkətinə səbəb oldu. Maşın texnikasının, nəq-
liyyat vasitələrinin, rabitənin təkmilləşdirilməsi müxtəlif ölkələrdə təcrid
olunmuş istehsalları BƏB-in üstünlüklərinə uyğun olaraq yerləşdirməklə,
istehsal prosesini müxtəlif mərhələlərə ayırmağa imkan yaratdı. Bu,
sahibkarlıq kapitalının beynəlxalq miqyasda hərəkəti nəticəsində
mümkün oldu. İstehsal dünya, qlobal təsərrüfat üçün zəmin yaratmaqla,
bilavasitə beynəlmiləlləşdi.
Bu mövqedən yanaşıldıqda, milli təsərrüfatların qloballaşması
(dünya miqyasında yayılması) istehsal vasitələrindən beynəlxalq
məkanda istifadə olunduğu şəraitdə beynəlxalq məhsuldar qüvvələrin,
istehsal amillərinin yaradılması və istifadəsi başa kimi düşülməlidir.
Dünya miqyasında yayılma ayrı-ayrı şirkətlər tərəfindən başqa
116
dövlətlərdə sahibkarlıq obyektlərinin yaradılmasında və müxtəlif milli
təsərrüfatlar arasında istehsal əlaqələrinin dövlətlərüstü formalarının
inkişafında təzahür olunur. Bu halda dünya təsərrüfat sistemində
qarşılıqlı əlaqələr daimi, dayanıqlı və çoxtərəfli xarakter alır.
İqtisadi həyatda beynəlmiləlləşmə və qloballaşma prosesləri bir-
biri ilə qarşılıqlı əlaqədə baş verdiyinə görə, çox vaxt bu terminlər dəqiq
fərqləndirilmir və qloballaşma deyildikdə iqtisadi, yaxud dövlət
sərhədləri ilə bölünmüş bazarların məkan baxımından birləşməsi və ya
beynəlmiləlləşmənin müəyyən dövrdə ən yüksək dərəcəsi nəzərdə
tutulur. Başqa sözlə, qloballaşma - vahid dünya bazarının yaranması
prosesidir. Belə halda qloballaşmanın əsas xüsusiyyətləri beynəlxalq
ticarətin liberallaşdırılması, BXKQ-nın genişlənməsi və milli sərhədləri
aşıb keçən nəhəng maliyyə axınlarının meydana çıxması ilə
əlaqələndirilir. Qloballaşma, dünya miqyasında yayılma proseslərinin
təhlili dünya təsərrüfatı sisteminin vahidliyini, burada milli təsərrüfatların
rolunu, habelə bu prosesin milli təsərrüfatların vəziyyətinə göstərdiyi
təsiri müəyyənləşdirməyə imkan verir.
_____________________________________________________
Təsərrüfat proseslərinin qloballaşması, dünya miqyasında
yayılma dərəcəsi
Təsərrüfatçılığın qloballaşması prosesi təhlil olunarkən mütləq və
nisbi göstəricilərdən istifadə olunur. Bu göstəricilər ilk növbədə xarici
kapital tərəfindən nəzarət olunan müəssisələrdə sahibkarlıq, ssuda
kapitalının hərəkəti və istehsalla əlaqədardır. Qeyd olunmalıdır ki, dünya
təsərrüfatı bütövlükdə və onun tərkib hissələri dinamik, daim inkişaf
edən kateqoriya olduğuna görə, təhlil məqsədləri üçün istehsal
amillərinin (kapitalın, əmtəənin, işçi qüvvəsinin) beynəlxalq hərəkətinin
nisbi göstəriciləri daha münasibdir.
_____________________________________________________
Xarici birbaşa kapital qoyuluşlarının hərəkəti göstəriciləri
İstehsal amillərinin planetar miqyasda formalaşması prosesinin
əsasını
sahibkarlıq kapitalının (əsasən, birbaşa kapital qoyuluşlarının)
hərəkəti təşkil edir. 3-cü fəsildə qeyd etdiyimiz kimi, XX əsrin ikinci
yarısında kapitalın birbaşa investisiyalar formasında ixracı kəskin surətdə
(1960-1980-ci illərdə 7,6 dəfə, 1980-2000-ci illərdə 16,4 dəfə) artmış,
onların məcmu həcmi isə MDM-ə nisbətdə 1980-ci ildəki 6,5%-dən
2006-2008-ci ildəki 28,1%-dək yüksəlmişdir. XBKQ-nin əsas obyekti
inkişaf etmiş ölkələr (yığılan həcmin 70%-i) olmuşdur. Beynəlxalq
istehsal əsasən iki rayonda - Qərbi Avropada və Şimali Amerikada