112
işinin ciddi əlaqələndirilməsi və uyğunlaşdırılması sayəsində inteqrasiya
olunmuş nəqliyyat sistemləri yaradılmışdır. Qarışıq daşımaların xeyli inkişaf
etdiyini dəniz konteyner daşımalarının həcminin artması timsalında aydın
görmək olar: 2008-ci ildə bütün daşımaların 49,6%-i məhz onun payına
düşmüşdür.
Qarışıq daşımalar nəqliyyat şirkətlərini seqmentlər üzrə ayrılmanı
aradan qaldırmağa sövq edərək, bütün nəqliyyat sahəsində şaquli inteqrasiya
proseslərinə təkan verdi. Onlar başqa səbəblərlə birlikdə daşımalarla yanaşı
başqa əlaqədar əməliyyatların aparılması üzrə xidmətlər təklif edən
çoxnövlü, yaxud ümumi, total nəqliyyat şirkətlərinin yaranmasına gətirib
çıxardı. İndi bu şirkətlər regionaldan başlayaraq genişlənmiş coğrafi əsasda,
qlobal miqyasda fəaliyyət göstərir.
________________________________________________
Nəqliyyat sisteminin əsas cəhətləri
Nəqliyyatın bütün növləri və daşımalar prosesinin milli, beynəlxalq,
qitələrarası və dünya səviyyələrində bir-biri ilə qarşılıqlı əlaqədə olan bütün
həlqələri nəqliyyat sistemini təşkil edir. Amma nəzərə almaq lazımdır ki,
informasiya şəbəkəsi kimi, nəqliyyat şəbəkəsinin də qitələr və regionlar üzrə
fraqmentarlığı qalmaqdadır. Keçmişdə bu fraqmentarlıqdan ayrı-ayrı ölkələr
arasında "zəif" yerləri və aralanmaları saxlamaq vasitəsilə əsasən milli
maraqların qorunması üçün istifadə olunurdu. Qlobal nəqliyyat sistemi əsas
etibarilə sərnişin daşımalarının təsiri altında inkişaf edir.
Nəqliyyatın bəzi növlərində milli mülkiyyət və ondan istifadə
olunması üst-üstə düşmür. Bu xüsusiyyət dəniz nəqliyyatında daha geniş
təzahür olunur. Burada nəqliyyat vasitələri çox vaxt bayrağın qeydiyyatı
əsasında təsbit olunur. Belə hallarda dünya təsərrüfatının inkişaf etməkdə
olan ölkələri qrupuna aid edilən, qeydiyyat üçün açıq olan dövlətlər mühüm
mövqe tutur, inkişaf etmiş ölkələrin payı isə 28% təşkil edir. Qeydiyyatın
aparıldığı əsas ölkələr Liberiya, Panama, Baham adaları, habelə Bermud
adaları, Kipr, Maltadır.
"Rahat bayraq" altında daşımaların tonnajının xüsusi çəkisi də get-
gedə əhəmiyyətli dərəcədə artır: 1970-ci ildə - 21,6%, 1990-cı ildə 34% və
2002-ci ildə 48,5%. Açıq qeydiyyatdan sənaye ölkələrinin gəmi sahibləri
daha çox - onların ümumi tonnajının 72%-i həcmində - istifadə edirlər.
Kifayət qədər uzun müddət ərzində fraxt dərəcələrinin aşağı salınması və
işçi qüvvəsinin dəyərinin yüksəlməsi aparıcı Qərb dövlətlərində milli
donanmanın həcminin ixtisar olunması və gəmilərinin "rahat bayraq" altına
keçməsi ilə nəticələnmişdir. Donanmalarının "rahat bayraq" altında üzən
tonnajına görə ən iri faktiki sahiblər ABŞ və Yaponiyadır: müvafiq olaraq
71,4% və 55,6%. Bu tonnajdan xarici ticarətdə milli yüklərin daşınması
üçün istifadə olunur: Yaponiyada - 35%-dək, ABŞ-da 70%-dək.
113
Öz gəmilərini "rahat bayraq" altında qeydiyyatdan keçirən gəmi
sahibləri vergilərin və əmək haqlarının ödənilməsində qənaət hesabına
rəqabət mübarizəsində üstünlük qazanırlar. Lakin bu təcrübə inkişaf etmiş
ölkələrin başqa gəmi sahibləri üçün problemlər yaradır. Milli şirkətlərin
fəaliyyətinin səmərəliliyini dəstəkləmək məqsədilə bəzi ölkələr, məsələn,
Britaniyanın Men adaları, Aland adaları, Finlandiya və s. açıq zonaların
təşkil olunması yolunu seçmişlər.
Ümumilikdə isə, rəqabət, texniki və texnoloji təkmilləşdirmələr,
əmtəənin həyat dövrünün qısalması, istehlakçıların keyfiyyətə və qiymətlərə
münasibətdə tələbkarlığının güclənməsi istehsalçıları, nəqliyyat və
kommunikasiya şirkətlərini istehsal xərclərini aşağı salmağa sövq edir və
bunun nəticəsində qiymətlər ucuzlaşır. XXI əsrin əvvəlindən nəqliyyat və
kommunikasiya tarifləri real ifadədə 12 dəfədən çox aşağı düşmüşdür.
Beynəlmiləlləşmə prosesləri tarif maneələrini azaltmışdır. Bu proses
daşımaların qiymətinin aşağı salınması ilə bərabər daxili və xarici bazarlar
arasında "suayırıcısı"nı azaltmış, müəssisələrin istehsal xərcləri daha aşağı
olan rayonlarda yerləşdirilməsi üçün imkanlar açmışdır.
5.3. Rabitə və nəqliyyat sistemlərinin qarşılıqlı əlaqəsi
Dünya təsərrüfatı sistemi yalnız istehsal prosesinin bütün
elementlərindən qarşılıqlı əlaqədə istifadə olunduqda uğurla inkişaf edə
bilər. Təsərrüfat subyektləri səviyyəsində kommunikasiya sistemlərindən
qarşılıqlı əlaqələndirilmiş halda istifadə logistika çərçivəsində həyata
keçirilir.
İnkişaf etmiş ölkələrdə qablaşdırma, saxlanma, daşınma, ehtiyatlar,
inzibatçılıq və idarəçiliklə bağlı olan məsrəflər istehsal xərclərinin orta
hesabla 20%-ni təşkil edir. Adətən, logistika ilə bağlı xərclərin 1/4 hissəsi
daşınmanın, 1/5 hissəsi saxlamanın, 1/6 hissəsi uçotun payına düşür.
Nəqliyyat və rabitə vasitələrindən sıx əlaqədə istifadə olunması təsərrüfat
sistemlərinin, o cümlədən xarici iqtisadi əlaqələrin səmərəli fəaliyyətinin
əhəmiyyətli amillərindən birinə çevrilmişdir.
Logistika - bütün ölkələrdə rəqabət qabiliyyətinin mühüm tərkib
hissəsidir. O, nəqliyyat daşımalarının dəyərini və vaxtını ixtisar etməklə
yanaşı, istehsal xərclərini də azaldır. Sahələr səviyyəsində logistika vaxt
amilinin çox vacib olduğu elektronika və əczaçılıq məhsullarının, dəbli
paltarların satışında, avtomobil sənayesində mühüm təsir göstərir.
Kommunikasiya infrastrukturunun inkişafı və onun keyfiyyətinin
yüksəlməsi dünya iqtisadiyyatında milli təsərrüfatların vəziyyətinə ciddi
təsir göstərir. Keyfiyyətin pis olması əlavə xərclərin artmasına,
əməliyyatların aparılması vaxtının uzanmasına, istehsalçıların potensial