123
amilidir. Əgər bir ölkədə ÜDM-in artması başqa ölkənin gəlirlərini 0,5%
çoxaldırsa, sonuncunun başçıları xaricdə tələbin artacağına arxalanaraq,
ölkə daxilində istehsalın stimullaşdırılması üçün xüsusi tədbirlər həyata
keçirməyə bilərlər.
İqtisadi artımın ötürülməsi, yaxud qarşılıqlı asılılığın effektinin
ölçüləri İƏİT tərəfindən beynəlxalq rabitənin ekonometrik modeli
əsasında hesablanmışdır (1979). Hesablamalar göstərmişdir ki, xərclərin
1% çoxalması daxili gəlirlərin ABŞ-da 1,47%, Almaniyada - 0,23%,
Yaponiyada - 0,25%, Kanadada - 0,68%, İƏİT ölkələrində isə ümumilik-
də 0,74% artmasına gətirib çıxarır. Sonuncu qiymətləndirmələr göstərir
ki, əsas ticarət tərəfdaşı olan ölkələrdə ÜDM-in 1% artması idxal edən
ölkənin daxili istehsalını 0,8% yüksəldə bilər.
Bunun əksi olan effekt də başqa ölkələrin iqtisadiyyatları üçün
mühüm nəticələrə səbəb ola bilər. Əgər bir ölkə faiz və vergi dərəcələrini
yüksəltməklə öz pul, kredit, yaxud vergi siyasətini sərtləşdirməyə
("sıxışdırmağa") doğru dəyişdirirsə, bunun aralıq nəticəsi gəlirlər və
məşğulluq səviyyələrinin aşağı düşməsi ilə əlaqədar, ölkə daxilində
istehsal edilən mallara və göstərilən xidmətlərə tələbin azalması
olacaqdır. Tələbin azalmasının bir hissəsinin xarici malların payına
düşməsi idxalın ixtisarı ilə nəticələnəcəkdir. Bu isə, öz növbəsində, başqa
ölkələrin iqtisadiyyatının inkişaf templərinin zəifləməsi, onların gös-
tərilən dövlətdən idxala olan ehtiyacının ixtisarı ilə nəticələnərək, onun
iqtisadiyyatının daha da məhdudlaşmasına səbəb olacaqdır. Növbəti
ixtisar idxalı daha da azaldacaq və başqa ölkələrin təsərrüfatında baş
verən tənəzzülü dərinləşdirəcəkdir.
Qarşılıqlı asılılıq bir çox hallarda milli iqtisadiyyatlar üçün çətin
problemlər yaradır. Belə ki, iqtisadiyyatın ixracyönümlü olması ölkəni
dünya bazarlarındakı rəqabətdən, orada qiymətlərin dəyişməsindən,
tələbin enib-qalxmasından asılı vəziyyətə salır. Bu, iqtisadiyyatı dar
ixtisaslaşmış kiçik ölkələr üçün xüsusilə təhlükəlidir. İdxaldan asılılıq da
çox təhlükəlidir. Dünya qiymətlərinin qalxması, ixracatçı ölkələrdə
xaricə mal göndərişlərinə məhdudiyyətlərin qoyulması idxalçı ölkəyə
arzuedilməz təsir göstərir.
Bu baxımdan ölkələrin iqtisadi qüdrətinə, iqtisadi inkişaf
səviyyəsinə, dünya iqtisadiyyatında oynadıqları rola görə fərqləndirilməsi
böyük əhəmiyyət kəsb edir. Dünya iqtisadi sisteminin mövcud vəziyyəti
aparıcı ölkələrə, yaxud ölkələr qrupuna birtərəfli üstünlüklər təmin edir.
Belə hesab edilir ki, çox zaman gəlirlərin səviyyəsinə ucuz işçi
qüvvəsindən, yeni texnologiyadan, yaxud səmərəli idarəetmədən daha
çox, iqtisadi qüdrətin olması təsir göstərir. Dünya iqtisadiyyatının
nisbətən zəif iştirakçıları öz maraqlarının müdafiəsini təmin edə
124
bilmirlər. Belə vəziyyətdə bütün ölkələrin bir-birindən asılılığından daha
çox, bir ölkənin daha güclü olan başqa ölkədən asılı olduğu hal yaranır.
___________________________________________________
İqtisadi təhlükəsizlik
Aparıcı dövlətlər özləri üçün uzunmüddətli iqtisadi strateji
üstünlüklər təmin edə bilir. Bunun üçün xarici iqtisadi müharibələrin,
milli infrastrukturların zəiflədilməsi, məqsədyönlü geosiyasi vəziy-
yətlərin yaradılması üsullarından istifadə olunur. Təkrar istehsal proses-
lərinin tempinə tab gətirə bilməyən ölkələr dünyada işgüzar fəallıqdan
kənarda qalır, köməkçi rol oynayır. Xarici iqtisadi əlaqələr vasitəsilə
nisbətən zəif ölkələrin milli sərvətləri dünyada təkrar istehsal prosesinin
təmin olunmasına yardım göstərsə də, özləri dünya gəlirlərinin
bölgüsündən kənarda qalır.
Müxtəlif ölkələrin qeyri-bərabər inkişafı və onların beynəlxalq
iqtisadi münasibətlərdə eyni hüquqla iştirak edə bilməməsi tərəflərin
tutduğu mövqelərdə fərqlərin əmələ gəlməsinə səbəb olur, təzyiq gös-
tərilməsi və hətta iqtisadi şantaj üçün imkanlar açır. Çox zaman "yoxsul"
və "varlı" ölkələrin beynəlxalq ticarət-iqtisadiyyat və valyuta-maliyyə
münasibətləri məhz belə tərzdə qurulur. Bütün bunlar isə dünyada
iqtisadi təhlükəsizliyin olmadığını göstərir.
Əvvəllər ölkələrdə təhlükəsizliyin bir-birindən aydın fərqlənən,
müxtəlif alətlər vasitəsilə təmin olunan iki sahəsi mövcud idi. XX əsrin
sonlarında bu sərhədlər silinməyə başladı. Əvvəllər daxili sabitliyə nail
olan ölkə özünü xaricdə qoruya bilirdi. İndi isə beynəlxalq sahə daxili
sahəyə çox güclü təsir göstərərək, onu laxladır.
İqtisadi təhlükəsizlik (beynəlxalq və milli) ümumdünya xarakteri
daşıyır və bütün dövlətlərin maraqlarına müxtəlif dərəcədə toxunur. İlkin
olaraq iqtisadi təhlükəsizlik problemi inkişaf etməkdə olan ölkələr
arasında qaldırılmışdı. Bu məsələ öz əksini kollektiv iqtisadi təhlükəsiz-
liyin Braziliya konsepsiyasında (1974) tapmışdır. 1984-cü ildə iqtisadi
təhlükəsizlik problemi QİYŞ üzvü olan ölkələrin iqtisadi müşavirəsi
tərəfindən qaldırılmış, 1985-ci ildə isə SSRİ ilk dəfə olaraq bu məsələni
BMT-nin gündəliyinə daxil edə bilmişdi.
Beynəlxalq iqtisadi təhlükəsizlik dedikdə, bir ölkənin başqa
ölkələrin maraqlarına bilərəkdən zərər vurmasını istisna edən qarşılıqlı
iqtisadi münasibətlərin qurulması başa düşülür. Bu, müvafiq beynəlxalq-
hüquqi mexanizmin yaradılmasını nəzərdə tutur.
İqtisadi təhlükəsizlik problemi daha çox Qərb-Cənub, Qərb-Şərq
münasibətlərində inkişaf etməkdə olan ölkələrin və Şərqi Avropa
dövlətlərinin maraqlarına toxunur. Dünya təcrübəsi göstərir ki, zərər
müxtəlif yollarla: beynəlxalq ticarətin normal vəziyyətinin pozulması