404
İKİNCİ KİTAB
sibətlərini soyudurlar. Elçilərə müsbət cavabı verən tat, heç bir şe
yin bahasına, hətta arzusunda olduğu böyük məbləğdə «başluq»
xatirinə belə başqa elçilərə müsbət cavab verməz. Belə bir hal bizə
məlum deyildir.
Əgər bir nəfər öz qızını verməkdən peşiman olsa, həm də o,
peşmançılığı öz xeyrinə tutarlı dəlillərlə sübut edə bilməsə, o
zaman dinməz-söyləməz aldığı başlıq xərcini son dənəsinə qədər
oğlan evinə qaytarmalıdır. Lakin əgər oğlan atası və ya oğlan öz
fikrini dəyişib qız evi ilə qohum olmaqdan imtina etsələr, o zaman
qız evi aldığı başlığı qaytarmır. Başlıq qız atasının tutduğu vəzifə
dən, onun hörmətindən, nüfuzundan, qız nəslinin böyüklüyündən,
hətta qızın gözəlliyindən asılı olaraq çox və ya az ola bilər.
Cəsarətlə qeyd etmək olar ki, tatlar arasmda hətta 60-70 il
qabaq mövcud olmuş evlənmə m əsələlərində başlıqdan da böyük
və heç bir şeylə düyünü açılmayan əngəl olan təbəqə münasibətləri
(xan, bəy, kəndxuda nəsli, rəiyyət, aşağı təbəqə, muzdur və s.)
tamamilə ləğv olunmuşdur. İndi ölkədə sosializm prinsiplərinin
ləğvi ilə azad bazarın tələblərinə uyğun olaraq təbəqə münasibət
ləri yenidən bərpa olunacaqdır. Azərbaycanda sahibkar əmələ gə
lir, muzdurlar yaranır, varlı-kasıb təbəqəsi formalaşır. Hal-hazırda
belə misallara son dərəcə çox təsadüf olunur: böyük bir kolxozun
sədri öz qızını çobana, əkinçiyə, məktəb direktoru öz qızını
arıyabaxana, dülgərə, dəmirçiyə verir və s. Bunun əksini isə yaz
mağa dəyməz. Çünki həkim və ya müəllim öz oğluna kefi istədiyi
qızı (hətta ən adi bir kolxozçunun qızını) böyük ehtiramla alır.
Tatlar arasmda mövcud olmuş sinfi (və ya, daha doğrusu, təbəqəvi-
mənsəb-nəsilli) barışmazlıq, hörmətsizlik, ehtiramsızlıq köklü su
rətdə təbəqələrin yeni sosialist münasibətləri, qarşılıqlı ehtiram və
hörmətlə əvəz olunmuşdur. İndi daha bir vaxtlar «əsil-nəsəbli» tat
lar arasmda işlədilən «alçaq təbəqə» (bununla dəmirçi, dülgər,
dəllək, zurnaçı və s. sənət sahiblərini adlandırırdılar) ifadəsinə əsla
təsadüf olunmur.
İnqilaba qədər belə sənət sahibləri ilə qohum olmaq
nisbətən yaxşı ictimai mövqe tutanlar üçün son dərəcə nifrətə
səbəb olurdu. Belə sənət sahiblərinə həqarət gözü ilə baxmaq baş
TATLARININ TARİXİ-ETNOQRAFİK OÇERKİ
405
qa qədim xalqlarda da var idi. Belə ki, qədim yunanlar sənəti ilə pul
qazancı gətirən adamlara (Ksenefin fikrincə) məclislərə girməyi
qadağan etmişdilər. Aristotel isə onların vətəndaşlıq adı daşımağa belə
ixtiyarları olmadığmı qeyd etmişdi.
Oğlan evi ilə qız evi toy günü haqqında razılığa gələndən
sonra, oğlan evi öz öhdəsinə ağır yük götürmüş olur. O, bütün im
kanlarını, qohum-qardaşının köməyini işə salıb toya hazırlıq görür.
Oğlan evi hər şeyə dözməyə razıdır, ta ki, bu ağır imtahandan və
ağır yük altmdan qalib çıxsın, üzü ağ olsun. Toy etmək tatlar üçün
ən azı üç gün-üç gecə çalıb-oynamaq, yemək-içməkdir. Toya
gəlmək hamı üçün azaddır, hətta bir növ məcburidir. Biri o birisi
nin toyunda iştirak etməsə, ona «xeyirə-şərə yaramaz adam de
yirlər». Beləliklə, toya gəlməli olanların siyahısını toy sahibi tutur
(məsafənin uzaqlığının dəxli yoxdur, hətta Bakıdan, Quba, Dəvəçi,
Xızı və s. uzaq dağ kəndlərinə toya getməyi toy sahibi adi bir şey
hesab edir), toydan bir neçə gün qabaq, adətən 20-30 gün əvvəl oğ
lan atası qoyun kəsir, şam yeməyi hazırlayır, öz qohum-əqrəbasmın
ailə başçılarını (və ya nümayəndələrini) şama dəvət edir, xərclərini
hesablayır, toya çağırılan adamların siyahısını oturanlara elan edir.
Tatların arasmda bir sıra başqa etnik qrupa aid kəndlərin
əhalisindən fərqli olaraq gözəl bir adət vardır. O da budur ki,
qohum-əqrəba toy xərcini öz arasmda bölməyi özünə borc bilir,
yaxud h ər vasitə ilə olsa imkanı daxilində kömək edir. Biz toya
hazırlıq məclislərinin birində' olmuşuq. Bu məclisdə bütün otaq
boyu döşəkçələrin üstündə bardaş qurub oturmuş, mütəkkə və ya
yastığa söykənmiş qohumlar (burada bir neçə ailə tərəfindən
qadmlar da bərabər iştirak edirdilər. Ərləri bu və ya başqa səbəbə
görə gələ bilməmişdilər) bütün toy xərcini öz aralarında bölüşdü
rürlər. Hər kəs öz imkanma görə təklifini verir: kimsə əti (qoyun,
mal və s.), kimsə düyüsünü, başqası ununu, o biri qəndini, çayını
və s. öhdəsinə alır. Elə buradaca qonaqların atma kim baxacaq,
atların arpa-samanını, otunu kim verəcək, hansı tövlədə neçə at
bağlanacaq, qonaqlar hansı evlərdə yatacaq, toya çağırılanlara ю т
xəbər verəcək (tarixini göstərməklə) və s. kimi bütün toyla
əlaqədar m əsələlər müzakirə olunur, qərar qəbul olunur, hərə öz
406
İKİNCİ KİTAB
evinə gedib payma düşən vəzifəni yerinə yetirməyə başlayır.
Beləliklə də, əsl həqiqətdə toy sahibi üçün nisbətən az xərc qalır və işi
yüngülləşir. Tatların fikrincə, toyda belə köməklik göstərmək hamı
üçün vacibdir, çünki «dünyanın işi borca-borcdur, bu gün səninçün,
sabah mənimçün». Toya çağırılmış adamlar göstərilən vaxtda (bə ərsi
gal zərəgar - toy carçısının elan etdiyi tarixdə) hər tərəfdən bu kəndə
tərəf axışırlar (kimi piyada, kimi atda-eşşəkdə, kimi maşında).
Toy meydanı (mağar, toyxana) adətən toy olan evin yaxın
lığında bir rahat çəm ənlikdə qurulur, hava yağıntılı olarsa, evin
qabağmda böyük çadırlar salmır, buna «toyxana» deyirlər, dörd
bucaq şəkildə tirlər uzadılır, çalğıçılar üçün xüsusi yer ayrılır, onun
sağ və sol tərəfindən isə son illər daha əziz və hörmətli qonaqlar
üçün stullar qoyulur, üstünə döşəkcə salınır, gecə də toyun davam
etməsi üçün elektrik işığı olan kəndlərdə xüsusi güclü projektordan
istifadə olunur, elektrik işığı olmayan kəndlərdə isə qonum-
qonşudan lampa və fanar alınıb düzülüb, hazırlanır. Toya gələn
tatlar ən təzə paltarlarını
geyinir, bərbəzəyini taxır, qadınlar
əllərinə xına qoyur, bəzənib-keçinir, bir tərəfdə dövrə vurub
otururlar. Maraqlıdır ki, toy meydanında hamınm qarşısında kişi ilə
qadm oynadıqları halda h ər toyda cinslərin hərəsinin öz yeri vardır,
qadınların hamısı topa halmda üzü meydana tə rə f bir qədər
meydandan aralı, kişilər bir az qabaqda özlərinə yer tuturlar.
Deməliyəm ki, bu qaydaya indi də bir sıra tat kəndlərində riayət
olunur. Çox vaxt qadınların yeri oğlan evinin və ya qonşu damının
üstü seçilir. Rəngbərəng paltarlar geyinmiş, başlarına öz yaşmdan
asılı olaraq yaylıq və ya şal bağlamış əli hənalı, ənlikli-kirşanlı tat
qadmları və qızları bu toylarm yaraşığıdır.
Toya gələnlərin hamısı bir şey gətirməlidir ki, buna «töhfə»
deyirlər. Bu belinə m üxtəlif rənglər vurulmuş quzu və qoçdan
başlamış, şahin quşu kimi qol üstündə oturmuş rəngli xoruza qədər
(hətta parça, paltar, zinət və s.) ola bilər. Bundan əlavə, toyda
iştirak edənlər son illərdə əm ələ gəlmiş, özü də get-gedə azarkeş
oyunlarda məbləğ artan kimi çoxalan pullu toy tələblərinə əməl
edərək toyda pul xərcləməlidir. Toy sahibinin imkanından asılı
olaraq toyda yığılan pul ya çox, ya da az ola bilər. Toyun son
TATLARININ TARİXİ-ETNOQRAFİK OÇERKİ
407
günündə son dəfə yem ək yeyən dəstə-dəstə adamların qabağına
qırmızı örtüklə örtülmüş padnos və ya nimçə qoyulur. Bu nimçə
ə w ə l ən hörmətli adamm qabağında tutulur. Çünki o, öz
şəxsiyyətinə uyğun olaraq yəqin ki, pulu çox verəcək, beləliklə də
bir növ qalanlar üçün də verilən pulun miqdarı məlum olacaq.
Pul verən adamların siyahısı tutulur, verdiyi pulun miqdarı
yazılır, pullarla birlikdə toy sahibinə verilir. Həmin yığılan pul
onun öz şəxsi malıdır. Bizim ictimai ruhumuza yaraşmayıb şəxsi
varlanma kimi pis niyyətə xidmət edən son illər yaranmış bu qaydaya
qarşı mübarizə aparmaq hamınm borcudur.
Bəzi tat kəndlərində toy üçün çağırılan xanəndə və çalğıçılar
(bu əsasən zurnaçılar dəstəsindən ibarət olur, tatlar toy üçün zurna-
balabanı başqa musiqi növlərindən daha münasib hesab edirlər) toy
sahibinin göndərdiyi adamla zəhm ət haqları barəsində razılığa
gəlib əvvəlcədən şərt kəsməlidirlər. Bu şərt m üxtəlif şəkildə ola
bilər. Bu m əsələ ilə əlaqədar olaraq əvvəl başqa bir şeyi qeyd
edək. Toyda oynayan adamlara oynayanların qohum-qardaşı, dostu
və ümumiyyətlə h ər kim istəyirsə, meydana çıxıb əlinə pul verə
bilər. Bu verilən pula tatlar «şabaş» deyirlər.
Doğrudan da, əgər bir toyda oynayan adama heç kəs şabaş
verməsə, o adam çox pərt olur, utanır. Çünki heç kəs ona sevinc və
ya şad (tatca şar) olmaq arzusu əlaməti olan şabaş vermədi.
Oynayan adam kefi istədiyi, qədər oynaya bilər və o, meydandan
çıxmadıqca musiqini kəsməyə hətta çalğıçıların da ixtiyarı yoxdur.
Bu, böyük narazılığa səbəb ola bilər. Belə hal xüsusilə oynayan
adamın tərəfdarlarının heysiyyətinə toxunar, onlar bunu nəinki oy
nayanın, həm də özlərinin ünvanına pis münasibət nümunəsi kimi
qiymətləndirərlər. Çalğıçılar yorulub tər töksələr də ya həmin
oyun havasını dəfələrlə təzədən təkrar edir, ya da oyun havalarını
tez-tez dəyişir, lakin musiqini kəsmirlər. Bu sətirlərin müəllifi keç
miş Qonaqkənd rayonunun (indiki Quba rayonu) tat kəndlərinin
birində bir qız ilə oğlanm bir saat qırx beş dəqiqə meydanda süz
düklərini müşahidə etmişdir ki, bu müddət ərzində zurnaçılar
dəstəsi göz-qaş işarələri ilə kənardan kömək istəsələr də, musiqini
kəsməmiş, tərləri axsa da çalmaqda davam etmişlər.
Dostları ilə paylaş: |