Magistrantların XVIII Respublika Elmi konfransı, 17-18 may 2018-ci il
400
demokrat yazıçı və görkəmli ictimai xadim Cəlil Məmmədquluzadənin redaktorluğu ilə iyirmi beş il ərzində
fəaliyyətini Tiflisdə, Təbrizdə və Bakıda davam etdirən məşhur “Molla Nəsrəddin” jurnalı ilə Azərbaycan
milli satirik mıtbuat və tənqidi-realist ədəbiyyatın əsası qoyulmuşdur. Geniş mənada türk –müsəlman
dünyasının birinci satirik jurnalı kimi “Molla Nəsrəddin” Şərq aləmində satirik mətbuatın və ədəbiyyatın
demokratik ictimai fikrin inkişafına ciddi təkan vermişdir. Şərq dünyasına satirk günəşi ilk dəfə “Molla
Nəsrəddindən” doğmuşdur. Şərqin oyanışı, dirçəlişi və istiqlalı uğrunda geniş, sistemli və ardıcıl mübarizə
bu jurnal vasitəsi ilə başlamışdır..
Azərbaycan ədəbiyyatının və mətbuatının tarixində “Molla Nəsrəddin” jurnalı xüsusi ədəbi məktəb
yaratmış ilk mətbuat orqanıdır. Digər ədəbi məktəblərdən fərqli olaraq “Molla Nəsrəddin” ədəbi məktəbi
əksər yaradıcıllıq istiqamətlərini və janrları ictimai fikri, hətta rəssamlıq sənətinidə özündə cəmləşdirir.
Özündən əvvəl və sonra yaranmış heç bir ədəbi məktəb “Molla Nəsrəddin” jurnalı qədər yazıçını, şairi və
rəssamı öz ətrafında birləşdirş bilməmişdir. Cəlil Məmmədquluzadənin ardıcıl və böyük səyi sayəsində XX
əsrrin əvvələrində Azərbaycan yaradıcı ziyalılarının “Molla Nəsrəddin” ordusu formalaşmışdır. Bu mübariz
demokratik ziyalı ordusunun başçısı görkəmli yazıçı, publisist Mirzə Cəlil Məmmədquluzadə idi. Böyük
mollanəsrrəddinçi Əbdülrəhin bəy Haqverdiyevin vaxtiylə etiraf etdiyi kimi, bu ədəbi cəbhədə təb və istedad
yaradıcı qüvvəni özlərinə məxsus olsa da, “mövzu verən və yol göstərən” Cəlil Məmmədquluzadə və “Molla
Nəsrəddin” jurnalı idi. Geniş mənada “Molla Nəsrəddin” jurnalı tənqidi-realist ədəbiyyatın möhkəm ədəbi
cəbhəsi , mollanəsrəddinçi ədiblərin əsərlərinin çoxcildli külliyətidir.
“Molla Nəsrəddin”in timsalında ilk dəfə idi ki, konkret bir mətbuat orqanın əsasında müstəqil ədəbi
məktəb formalaşmışdı. Bu, təkcə Azərbaycanın deyil, ümumən türk-müsəlman dünyasında ayrıca bir
mətbuat orqanının adı ilə əlaqədar olan birinci məktəb idi. “Molla Nəsrəddin” jurnalı “Füyuzat” ədəbi
məktəbinin də meydana çıxmasında ədəbiyyat və mətbuat dünyasındakı rəqabət zəmnində formalaşmışdır.
Heç şübhəsiz, “Molla Nəsrəddin” ədəbi məktəb mərhələsinə çatdırılması bu jurnalın yaradıcısı Cəlil
Məmmədquluzadənin təşkilatçılıq bacarığın və xüsusi ədəbi məharətin nəticəsində mümkün olmuşdur.
Əslində, Cəlil Məmmədquluzadə Azərbaycandakı Şərq yönlü milli inkişaf meyilləri ilə Qərb maarifçiliyini
sintez halında yeni tipli ədəbiyyat və mətbuat yaratmağa müvəffəq olmuşdur. Dahi sənətkar tez bir zamanda
ətrafına çoxlu istedadlı insanları cəm etmişdir.ilk növbədə böyük demokrat ədib Cəlil Məmmədquluzadə
“Molla Nəsrədin” jurnalın proqramını hazırlamaqla Azərbaycan ədəbiyyatının və mətbuatının konsepsiyasını
hazırlamışdır. “Molla Nəsrəddin” jurnalının ilk sayında gedən əsərlərin yeni ədəbi məktəbin əsas
prinsiplərini özündə cəmləşdirən proqram xarakterinə malik olan sənət örnəklərindir. Bu sayda baş məqalə
kimi təqdim olunan əsər “Sizi deyil gəlmişəm” , “Molla Nəsrəddin” ədəbi məktəbi üçün manifest olmuşdur.
Cəlil Məmmədquluzadə “həqiqi Molla Nəsrədddin” şairi axtarmaq üçün çap edirdiyi “Lisan bəlası” şeiri
sanki “Molla Nəsrəddin” şeir məktəbi üçün müsabiqə xarakterli elannamə idi. Vaxtilə, Cəlil
Məmmədquluzadənin yazdığı kimi “Lisan bəlası” şeiri “bir nümunə idi ki, bunu birinci nömrədə çap etməklə
bir həqiqi “Molla Nəsrəddin” şairini axtarırdıq. Biz Sabir və Məşədi Sicimqulu axtarırıdıq. Bir tərəfdən
birnci nömrəmizi şeir babətindən yarımçıq buraxmaq istəmirdik. Bir tərəfdəndə Sabir və Məşədi
Sicimqulunun dünyada varlığında xəbərdar deyildik.”
Jurnalın ümümillikdə karikaturalari ilə də məşhur idi və jurnalı digərlərindən fərqləndirən əsas
xüsusiyyətlərindən idi. Jurnalin ilk sayında Cəlil Məmmədqulluzadənin sifarişi ilə Oskar Şmerlinq tərəfindən
“Müsəlman dünyasının oyanışı” üçün çəkilmiş karikatura jurnala böyük bir uğur gətirmişdir. Ilk sayından
etibarən yol göstərmək, istiqamət vermək, təsvir etmək üçün düşünülüb tapılmış, kəşf edilmiş, “Molla
Nəsrəddin”in teleqramları, “atalar sözləri”, “poçt qutusu”, “bilməli xəbərlər” kimi yeni janrlar sonralar uzun
illər boyu mollanəsrəddinçi publisistikasının əsas,aparıcı janrlarına çevrilmişdir. Cəlil Məmmədquluzadənin
“Dəllək” adlı kiçik hekayəsi bir daha yeni nəsr modelinə örnək kimi diqqətə çatdırmışdır. Eyni zamanda
“Poçt qutusu” hekayəsi ilə Cəlil Məmmədquluzadə ədəbi qüvvələri yönləndirmişdir. Böyük ədib “Poçt
qutusu” yazılarında gələcək mollanəsrəddinçiləri yeni ədəbi nəslin müəllimi səviyyəsində çıxış edir. “Poçt
qutusu” bölməsində təlimat xarakterli tapşırıqlar və tövsiyələr “Molla Nəsrəddin” ədəbi məktəbinin ədəbi
dərsləridir. Müşahidə olunan cəhətlərdən biridə bundan ibarətdir ki, Cəlil Məmmədquluzadə
mollanəsrəddinçi ədəbiyyatın formalaşdırılması prosesində hətta tanınmış, təcrübəli yazıçılara, “Molla
Nəsrddinin” dostları və köməkçilərinə də güzəştə getməmiş,həmişə tələbkar münasibət bəsləmişdir. Jurnalın
“Poçt qutusu” mətnlərində adları çəkilən XX əsrin əvvəlləri Azərbaycan ədəbiyyatının tanınmış yaradıcılları
Əbülnasir Şeybani- Mirzə Ələkbər Sabir, Dabanıçatlaq-Əli Razi Şəmsizadə, Yetim cücə-Əli Məhzum,
Şairimiz-Əli Nəzmi, Cüvəllağı- Əliqulu Qəmküsar, Millət dostları-Əbdülrəhim bəy Haqverdiyev, Palanduz-
Salman Mümtaz, Yeni səlnaməçi-Məhəmmədəli Sabit idi.