Burada bu strukturların resursları hesabına maliyyələşdirilən layihələrin həyata
keçirilməsi
istiqamətində
qarşılıqlı
münasibətlərin
təşkilati
təminatının
təkmilləşdirilməsi tələb olunur.
Bəzən hökumət investisiya layihələri və digər məqsədlər üçün büdcədən
vəsaitlərin xərclənməsinə məhdudiyyət tətbiq edir. Bu məhdudiyyət beynəlxalq
təşkilatlardan borc vəsaitlərinin cəlb edilməsinə də tətbiq edilir və burada əsas kimi
büdcə kəsirinin maliyyələşdirilməsinə borc vəsaitlərinin az cəlb edilməsi qəbul edilir.
Hətta bir çox hallarda beynəlxalq maliyyə təşkilatlarından alınan kreditlərin, borc
vəsaitlərinin ölkənin xarici borclarının ümumi strukturunda xüsusi çəkisinin
azaldılması tövsiyə edilir və lazım gələrsə bu vəsaitlərdən imtina edilməsi də belə
istisna olunmur. Hazırda bir çox inkişaf etmiş ölkələr Beynəlxal İnkişaf və
Yenidənqurma
Bankının
kreditlərindən
istifadədən
imtina
edirlər.
Onun
kreditlərindən yalnız Mərkəzi Asiya və Avropa regionunda olan MDB ölkələri və
Şərqi Avropanın ölkələri (postsosialist ölkələri) fəal şəkildə istifadə edirlər
1
. Bu
beynəlxalq maliyyə institutları və təşkilatları ilə qarşılıqlı münasibətlərin digər bir
özəl cəhəti də vardır. Belə ki, beynəlxalq maliyyə təşkilatlarından cəlb edilən kredit,
borc resurslarının dəyəri o qədər də yüksək olmasa da, bu proseslə bağlı dolayı
xərclər nisbətən yüksək olur. Bu xərclər sırasında konsultasiya xidmətləri, layihələrin
həyata keçirilməsi üçün qrup xərcləri, öhdəliklər üzrə kommisiya xərcləri və s.
daxildir. Bir sıra hallarda layihələrlə bağlı, o cümlədən regional layihələrlə bağlı
konsultasiya xidmətləri üzrə xərclərin məbləği layihənin dəyərinin 5-10%-i həddində
olur. Eyni zamanda layihələrlə bağlı keçirilən tenderlər layihə çərçivəsində görülən
işlərin, xidmətlərin dəyərini artırır. Nəticədə bu da layihələrin bahalaşmasına səbəb
olur. Ona görə də bu təşkilatlarla borc münasibətlərinin qurulmasında əsas xərc kimi
həmin strukturlardan alınan borcların qaytarılması götürülməlidir.
Bu mənada xarici mənbələrdən cəlb edilən borc vəsaitlərinin faydalılığının
əsaslandırılması, ilkin qiymətləndirilməsi zəruridir. Borc vəsaitləri ilə yanaşı
investisiya layihələrin də səmərəliliyinin qiymətləndirilməsi xüsusi əhəmiyyət
daşıyır. Burada layihələrin maliyyə, büdcə və iqtisadi səmərəlilik baxımından
qiymətləndirilməsi həyata keçirilir. Fikrimizcə, bu qiymətləndirmə hər cəhətdən
əhəmiyyət kəsb edir. Çünki dövlət borcu vəsaitləri hesabına həyata keçirilən
layihələrin səmərəliliyinin müəyyən edilməsi milli iqtisadiyyat, eləcə də sosial-
iqtisadi
inkişaf
istiqamətində
qeyri-prioritet
layihələrin
bu
vəsaitlərlə
maliyyələşdirilməsinin qarşısını almaq, onun həm cəmiyyət, həm iqtisadi sistem üçün
mənfi nəticələrinin təsirindən yayınmaq olar. Eyni zamanda çalışmaq lazımdır ki, bu
istiqamətdə real iqtisadi sektorun inkişafı ilə bağlı layihələrə üstünlük verilsin.
Ölkənin dövlət borcu resurslarının, vəsaitlərinin cəlb edilməsi şərtlərinin
optimallaşdırılması və onun beynəlxalq borc kapitalı bazarında mövqeyinin
normallaşdırılması, bu bazara daxil olma imkanlarının asanlaşdırılması üçün xarici
investorlarla normal qarşılıqlı münasibətlər yaratması, bu münasibətlərin institusional
strukturunun təkmilləşdirilməsi də əhəmiyyətli rol oynayır. Bu istiqamətdə
aşağıdakıların həyata keçirilməsi vacib hesab oluna bilər:
1. Ölkənin iqtisadi-maliyyə barəsində xarici investorlara və reytinq
agentliklərinə vaxtlı-vaxtında və dəqiq, düzgün informasiyanın çatdırılması üçün
sadə, çevik mexanizmin yaradılması:
2. Xarici kreditorlarla, investorlarla qarşılıqlı münasibətlərin formalaşması
məsələləri ilə bağlı eləcə də bu münasibətlərin tənzimlənməsi, nizamlanması
məsələlərində fəaliyyətin əlaqələndirilməsi funksiyasının yaradılması:
3. Dövlət orqanlarının və idarələrinin birgə fəaliyyətinin əlaqələndirilməsi
mexanizminin formalaşdırılması:
Dövlət borcu siyasətinin həyata keçirilməsində yuxarıda qeyd etdiyimiz
məsələlərə
diqqət
yetirilməsi
ölkənin
beynəlxalq
miqyasda
mövqeyinin
möhkəmləndirilməsinə, borc strukturunun optimallaşdırılmasına, dövlət büdcəsi üçün
borc yükünün təsirinin yüngülləşdirilməsinə müsbət təsir edə bilər. Söz yox ki,
burada qanunverici bazanın təkmilləşdirilməsinə, müvafiq qanunverici aktlarda
dəyişikliklərin həyata keçirilməsinə, eləcə də xarici borcun idarə edilməsilə bağlı
məsələlərin təkmilləşdirilməsinə ehtiyac vardır.
Xarici borcun strukturunda xarici valyutanın nominal həcminin üstünlük təşkil
etməsi bu borc resursları ilə bağlı risk amilinin təsirini bir qədər də artırır. Bu isə
xarici borcun idarə edilməsində valyuta siyasətindən və tədiyə balansının
vəziyyətindən asılılığını daha da sərtləşdirir. Belə olan halda bəzən xarici borcun
tədricən daxili borca dəyişdirilməsi siyasəti həyata keçirilə bilir. Yəni dövlətin
borclanmasının həyata keçirilməsi zamanı uzunmüddətli daxili borclanmaya üstünlük
verilməsi ümumi proiritetlərdən hesab olunur. Tədricən daxili və xarci borclanma
nisbətlərinin bir-birinə yaxınlaşdırılması, bunlar arasında tarazlığın yaradılması
imkanı reallaşır. Dövlət borcu resurslarının cəlb edilməsinin səmərəliliyi ölkədə
həyata keçirilən pul-kredit siyasəti və valyuta kursu siyasətindən də əhəmiyyətli
dərəcə də asılıdır. Bu vəsaitlərin dəyəri, qiyməti isə investorların bu ölkəyə verilən
riskin qiymətindən asılı olur.
Dövlət həm daxili, həm də dövlət borcu siyasətinin həyata keçirilməsində
səmərəliliyin artırılması və nəzarətin təmin edilməsi istiqamətində aşağıdakıların
həyata keçirilməsi, onların əsas götürülməsi əhəmiyyətli hesab olunmalıdır.
1. Dövlət borclarının həcmi qaytarılmalı olan dövlət borcunun həcmini ötüb
keçməməlidir, ondan çox olmamalıdır.
2. Dövlət borcunun həcmi və strukturu imkan verməlidir ki, hökumət bu
borcların qaytarılması və onlara xidmət üzrə öhdəliklərini təminatlı şəkildə yerinə
yetirə bilsin. Bu, həm də dövlət büdcəsinin imkanlarından və konkret dövr üçün
xarici iqtisadi konyukturanın dəyişməsindən asılı olmayaraq borcun yenidən
maliyyələşdirilməsi imkanını təmin etməlidir.
3. Dövlətin ümumilikdə borc siyasəti onun həm daxili, həm də xarici
bazarlardan borc resurslarının cəlb edilməsi ilə bağlı şəraitin dəyişməsinə qarşı çevik
olmalıdır.
4. Borc siyasi müəyyən dövr üçün borc vəsaitlərinin cəlb olunması mənbələri,
formaları və vasitələrinin, alətlərinin seçilməsində əlverişli imkanlardan istifadəni
təmin etməlidir.
Dostları ilə paylaş: |