2.3. Azərbaycanda büdcə kəsirinin maliyyələşdirilməsi təcrübəsi.
Azərbaycanda büdcə kəsirinin maliyyələşdirilməsi mənbələri kimi daxili və xarici
maliyyələşdirmə mənbələri çıxış edir.
Büdcə kəsirini örtmək üçün dövlət həm daxili, həm də xarici maliyyə
mənbələrindən istifadə edir. Birinci halda dövlətin daxili borcu, ikinci halda isə xarici
borcu yaranır.
Büdcə kəsirini maliyyələşdirmək üçün dövlət istiqraz vərəqələrini buraxa bilər.
Istiqraz vərəqələrini buraxmaqla o əlavə maliyyə vəsaiti cəlb edir və büdcə xərclərini
maliyyələşdirir. Istiqrazlar əhali, banklar və ölkənin digər subyektləri tərəfindən alına
bilər. Beləliklə, daxili dövlət borcu dövlət istiqraz vərəqələrinin ölkə daxilində
yerləşdirilməsi zamanı yaranır. Istiqraz vərəqələrinə görə faizlər ödənilir. Qeyd edək
ki, dövlət istiqrazlan üzrə faiz dərəcəsi maliyyə bazarının vəziyyətinə təsir göstərən
mühüm amildir. Beləki, dövlət istiqraz vərəqələrinin buraxılması dövlətin pul
resurslarına olan tələbatını əks etdirir. Bu tələbat həddindən artıq böyük olduqda
dövlət buraxdığı istiqrazlara görə yüksək faiz dərəcəsi müəyyən etməklə onların
cazibədarlığını artırmağa çalışır. Son nəticədə dövlətin istiqrazlar üzrə faiz dərəcəsini
qaldırılmaqla daha çox pul resurslarını cəlb etmək cəhdi maliyyə bazarında faiz
dərəcəsinin yüksəlməsinə səbəb olur.
Ölkə daxilində borclanma ölkənin malik olduğu resursların iqtisadiyyatın
sektorları arasında yenidən bölgüsüdür. Daxili borclanmanın iqtisadiyyata təsiri
dövlət borclanması vəsaitinin xarakteri ilə müəyyən olunur. Əgər dövlət tərəfindən
cəlb edilən kredit resursları digər məqsədlərə yönəldilibsə, onda dövlət borclanması
iqtisadiyyatın digər sektorlarının ümumi xərclərinin həcmini azaldır və iqtisadiyyatda
ümumi tələbi artırmır. Digər halda isə əgər dövlət borclanması digər sektorların
xərclərinin həcmini azaltmırsa, onda dövlət borclanması iqtisadiyyatda məcmu
tələbin artımına səbəb olur. Dövlət borclanması dolayısı olaraq iqtisadi artımın
imkanlarını məhdudlaşdırır. Respublikamızda büdcə kəsirini daxili borclanma
hesabına örtmək, faktiki olaraq mümkün deyil. Əvvəla, ölkədə güclü maliyyə bazarı
formalaşmayıb. Ikincisi, fiziki və hüquqi şəxslər dövlətin qiymətli kağızlarla bağlı
verdiyi zəmanətin ciddiliyini qəbul etmirlər və nəhayət daxildə qiymətli kağızların
alınmasına yönəldilməli olan kifayət qədər vəsait yoxdur. Bütün bunlara baxmayaraq,
daxili borclanma hesabına büdcə kəsirinin örtülməsinə getmək lazımdır. Sadəcə
olaraq burada kəsirin hansı hissəsinin örtülməsindən söhbət gedə bilər.
Xarici borclanma hesabına kəsirin örütlməsi ölkəyə "başıucalığı" gətirən fakt
olmasa da dövlətlərin əksəriyyəti buna gedir.
Burada həmin borcların sonradan qaytarılması və ya faizlərin ödənilməsi
(borcların idarə edilməsi) ən mühüm məsələ olur. Yeri gəlmişkən bu borclar, "əbədi"
və dəqiq qaytarılma müddəti müəyyən olunmuş borclara ayrılır. Borcun çox hissəsini
uzunmüddətli və yalnız komisyon haqqı ödənilən kreditlər təşkil edir. (BVF-nin
nəzarətindəki qurumların 50 il müddətində illik faiz dərəcəsi 0,75 olan kreditlər).
Deməli, hökumət bundan istənilən vaxt bu məqsədlər üçün istifadə edə bilər. (təbii ki,
layihələr üzrə verilən kreditlər istisna olunmaqla). Ancaq dövlətin kreditləri bu
məqsəd üçün istifadə etməsi bütün hallarda arzuolunmazdır. Çünki, bu kreditləri
investisiya qoyuluşlarına xərcləyib, daha uğurlu nəticələr əldə etmək olar. Qeyd edək
ki, beynəlxalq maliyyə institutlarının elə kreditləri olur ki, onlar yalnız büdcə
kəsirinin örülməsinə istifadə edilə bilər.
Büdcə kəsirinin daxili maliyyələşdirmə mənbəyinin ümumi maliyyələşmədə
xüsusi çəkisini artırmaq üçün ilk növbədə ölkədə maliyyə sektorunda davamlı
islahatların aparılması mühüm əhəmiyyət kəsb edir. Maliyyə sektorunun islahatının
mühüm istiqamətlərindən biri də maliyyə bazarını inkişaf etdirməkdən ibarətdir.
Azərbaycanda maliyyə bazarının mühüm seqmenti olan qısamüddətli pul bazarı
(Qısamüddətli Dövlət Istiqraz Vərəqələri bazarı, qısamüddətli kreditlər bazarı,
banklararası kredit və depozit bazarı, valyuta bazarı) artıq mövcuddur.
Respublikamızda valyuta bazarı orada aparılan əməliyyatların həcminə və
onun tək Mərkəzi səviyyəsinə görə maliyyə bazarının ən inkişaf etmiş seqmentidir.
Xarici ticarətin liberallaşdırılması, manatın tam dönərliyinin təmin olunması, cari
əməliyyatlar üzrə məhdudiyyətlərin aradan götürülməsi nəticəsində valyuta bazarı
sürətlə inkişaf etmişdir.Əgər valyuta bazarının həcmi 1994-cü ildə 13 mln. dollar,
2005-ci ildə bu 2 mlrd. dollara, 2010-cu ildə 5 mlrd dollar idisə, 2013-cu ildə. Bu
rəqəm 7 mlrd dollara çatmışdır.
Son illər kredit və depozit bazarının inkişafı bankların iqtisadiyyatdakı rolunu
daha da artırmışdır. Əhalinin banklara inamını artırmaq üçün hazırda əmanətlərin
sığortalanması sisteminin formalaşdırılması istiqamətində işlər görülür.
Hələlik ləng olsa da korporativ qiymətli kağızlar bazarı da inkişaf etməkdədir.
1999-cu ilin iyul ayında Respublika Prezidenti yanında Dövlət Qiymətli Kağızlar
Komitəsinin yaradılması ilə qiymətli kağızlar bazarının dövlət tənzimlənməsi
mexanizminin formalaşdırılması istiqamətində mühüm addım atılmışdır. Bakı Fond
Birjasının fəaliyyətə başlaması maliyyə bazarının inkişafında mühüm addım kimi
qiymətləndirilir. Özəlləşdirmənin ikinci Proqramının reallaşdırılması korporativ
qiymətli kağızların inkişafına yeni təkan verəcəkdir.
1995-ci ildə kəsirin daxili maliyyələşdirmə mənbəyi kimi Mərkəzi Bankın
krediti çıxış edib. Ümumiyyətlə, büdcə kəsirinin örtülməsi üçün 1992-ci ildən
başlayaraq 1995-ci ilədək hər il Mərkəzi Bankdan alınmış olan kreditlər 317,2 mlrd
manat təşkil etməklə, faktiki daxili dövlət borcunun əsas hissəsini təşkil etmişdir.
Artıq 1996-cı ildən Ilkin antiinflyasiya tədbiri kimi dövlət büdcəsinin kəsirinin
Mərkəzi Bankın kreditləri hesabına maliyyələşdirilməsi praktikasına son qoyuldu.
Kəsirin maliyyələşdirilməsi əsasən, beynəlxalq maliyyə - kredit təşkilatlarından
alınan kreditlər və neft kontraktından əldə edilən bonus hesabına həyata keçirilmişdir.
1996-cı ildə daxili maliyyələşdirmə mənbəyi mənfi saldoya malik olmuşdur.
1997-ci ildə də kəsirin maliyyələşdirilməsi mənbəyi kimi xarici maliyyələşdirmə
üstünlük təşkil etmişdir.
Yalnız, 1998-ci ildən başlayaraq büdcə kəsirinin maliyyələşdirilməsində daxili
maliyyələşdirmə mənbəyindən də vəsait daxil olmuşdur. Bu vəsaitlər iki mənbədən -
dövlət əmlakının özəlləşdirilməsindən və qısamüddətli dövlət istiqraz
vərəqələrinin satışından daxil olmuşdur.
Dostları ilə paylaş: |