28
vəziyyətdə durur. Kapital qoyulan layihənin inkişaf mərhələsindən asılı olaraq
vençur şirkətlər qoyduğu investisiyanın 5-10 misli qədər potensial gəlirin və
gələcəkdə əldə edilən bu gəlirin sığortalanması bir şərt kimi qoyulur. Hər halda
kapitaldan çıxış vençur şirkətlərin çatmaq istədiyi əsas hədəflərdən biridir.
Vençur şirkətlə sahibkar arasında razılaşdırılan müqavilədə yer alan ən əsas
elementlər bunlardır:
-
Şirkətin məqsədləri;
-
Şirkətin təşkilati quruluşu;
-
Əsas maliyyə mənbələri;
-
Fəaliyyətin tənzimlənməsi;
-
Planlaşdırma və nəzarət;
-
“Üçüncü” şirkətlərlə əlaqə;
-
Uğurun qiymətləndirilməsinin əsasları.
Müqavilədə yer alan digər bir element isə, investisiya sonrası alınacaq
öhdəliklərin müəyyən edilməsidir. Bu öhdəliklərin ən önəmlisi investisiya sonrası
idarəetmənin təşkilidir. Yeni yaradılan şirkətlər nadir hallarda müxtəlif maneələrlə
qarşılaşmadan və plana uyğun olaraq inkişaf edirlər. Buna görə də vençur şirkətlər
yaranacaq problemlərin aşkar edilməssində və onların yoluna qoyulmasında vacib
rol oynayırlar. Bu məqsədlə edilən yardımlar gələcəkdə qoyulan investisiyanın öz
dəyərini daha da artırmasına səbəb olur.
Bir çox hallarda vençur kapitalistlər investisiya qoyduqları şirkətin idarə
heyətində qeyri-icraçı direktor olaraq təmsil olunurlar. Qeyri-icraçı direktorların
olması, xüsusilə şirkətin çətin vaxtlarında idarəetmə məsələlərində həm zaman
sərfinə, həm də müəyyən dərəcədə mürəkkəb vəziyyətin yaranmasına səbəb olur.
Bununla belə, qeyri-icraçı direktor qismindəki vençur kapitalistlər yeni fəaliyyətə
başlamış və genişlənmə mərhələsində olan şirkətlər üçün fəaliyyətin davamlılığı
baxımından həyati önəm daşıyırlar. Vençur şirkətlərin qeyri-icraçı direktor olaraq
rolu aşağıdakılardır:
-
Strateji fürsətlərin dəyərləndirilməsi və şirkətin böyüməsinə dəstək olmaq;
29
-
Tez-tez şirkət fəaliyyətinin səmərəliliyinin ölçülməsi və maliyyə
hesabatlarının qiymətləndirilməsi (həftəlik və ya aylıq olaraq);
-
Bir menecer kimi problemlərin həllində rol oynamaq, uzunmüddətli
planlaşdırmada iştirak etmək, idarə heyətinə yeni üzvlərin seçilməsinə köməklik
etmək;
-
İdarə heyətində yer almayan ortaqların, investorların mənffəətlərini təmsil
etmək;
-
Riski bölüşdürməyi bacarmaq;
-
Müxtəlif istehsal sahələri və texnologiyaları haqqında informasiya sahibi
olmaq və ixtisaslaşmaq.
İnvestisiyanın həyata keçirilməsi. Kapital qoyuluşu 4 iqtisadi alətlə həyata
keçirilir:
Adi səhmlər (Common stock)
İmtiyazlı səhmlər (Preferred stock)
Səhmlə dəyişdirilə bilən borc kağızı (Convertible debenture)
Zəmanətli borc kağızı (Loan with warrants)
Vençur şirkətlərin investisiya qoymaq üçün ən çox istifadə etdiyi yol səhm
paketlərinin alınmasıdır. Gələcəkdə səhmlərin yüksək dəyər qazanması vençur
şirkətlərin əsas hədəfidir.
Vençur şirkətlərin fəaliyyətinin son mərhələsi investisiya qoyduqları şirkətin
kapitalından çıxmasıdır. Bununla da vençur şirkətlər öz mənfəətini əldə etmiş olur.
Vençur şirkətlərin mənfəəti dedikdə, vaxtilə innovativ şirkətlərə qoyduqları
kapitalın həcmi ilə bu şirkətin səhmlərinin satışından əldə edilən gəlir arasındakı
fərq başa düşülür. Səhmlərin dəyər qazana bilməsi üçün gərək innovativ şirkət
səmərəli şəkildə fəaliyyət göstərsin, texnoloji və iqtisadi inkişafını tamamlayıb
bazarda önəmli bir yerə sahib olsun. Vençur şirkətlərin sərmayə qoyduqları şirkətin
kapitalından elə zamanda və elə şəraitdə çıxmalıdır ki, bu onlara ən yüksək gəliri
gətirsin.
30
Şirkət kapitalından çıxış aşağıdakı yollarla həyata keçirilir:
Şirkət səhmlərinin satışa çıxarılması (IPO mərhələsi);
Başqa şirkətə satılması;
Səhmlərinin şirkətin özü tərərfindən alınması;
Şirkətin başqa investora satılması;
Şirkətin yenidən qurulması.
Vençur şirkətlərin kapital qoyduqları şirkətlərin səhmləri çox vaxt
birjadankənar bazarlarda (over the counter market) satılır. Çünki, bu innovativ
şirkətlər yeni yaradılmış və ya inkişafda olan şirkətlər olduğundan əsas fond
birjalarının listinq və kotirovka şərtlərini yerinə yetirə bilmirlər. İnkişaf etmiş
ölkələrdə bu cür şirkətlərin səhmlərinin satılması üçün ikinci dərəcəli fond birjaları
yaradılmışdır. Birjadankənar bazarlara misal olaraq, Kanadada Vankuver Birjası,
ABŞ-da Denver Birjası və NASDAQ, İngiltərədə USM (Unlisted Securities
Market) və s. göstərə bilərik.
1.3. Vençur fondların fəaliyyətinin tənzimlənməsi.
Yeni yaradılmış kiçik şirkətlər üçün maliyyə ehtiyatlarının tapılması qədər
önəmli olan digər bir məsələ düzgün idarəetmənin təşkilidir. Vençur kapital
qoyuluşlarında idarəetmədə iştirak vençur şirkətlər üçün böyük önəm kəsb edir.
Vençur kapitalistlə innovativ şirkət arasındakı qarşılıqlı əlaqəni “etibar etmə” və
“ortaq maraq” sözləri ilə ifadə etmək olar.
Ümumiyyətlə, vençur şirkətlər 3 idarəetmə metodlarından istifadə edir:
“hands-on” , “ hands-off ” və “ reaktiv” .
Vençur kapitalist üçün “hands-on” tipli idarəetmə metodunun əsas özəlliyi bu
sərmayədar tərəfindən investisiya fəaliyyətinin hər bir mərhələsinə sərf edilən
zaman və güclə bağlı olmasıdır. “Hands-on” tipli bir vençur kapitalist təkcə şirkət
Dostları ilə paylaş: |