16
maliyyə qurumlarının kiçik şirkətlərə bu istiqamətdə yetəri qədər dəstək
verməməsi vençur fondlardan istifadənin əhəmiyyətini ortaya qoyur.
Vençur fondların iqtisadiyyata tətbiqinin uğurlu olması üçün 3 əsas amilin
birgə mövcudluğu vacibdir: fikir, insan və kapital.
İlk öncə qeyd olunmalıdır ki, ölkədə yetəri qədər kapitalın olması vacib
şərtdir. Fərqi yoxdur yerli və ya xarici kapital. Nəticədə vençur maliyyələşdirmə
kapital qoyuluşunun bir növüdür və uğurlu nəticə üçün maliyyə mənbələri vacib
rol oynayır.
Fikir isə birbaşa insanlarla, cəmiyyətlə bağlıdır. Belə ki, yeniliyə açıq,
mövcud şəraitə tez adaptasiya olan təşəbbüskar zehnin varlığı və asanlıqla yeni
investisiyalara yönələ bilən düşüncəli investorlara ehtiyac vardır. Digər tərəfdən,
yetəri qədər bacarıqlı insanların və sahibkarların olması vençur fondların fəaliyyəti
üçün əsas hərəkətverici qüvvələrdəndir.
Ümumiyyətlə, vençur maliyyələşdirmənin əsas xüsusiyyətləri aşağıdakılardır:
-
İnvestisiya layihəsi inkişafa açıq yeni texnologiyalar və məhsul istehsalı ilə
bağlı olmalı, yaradıcı, kiçik və ya orta böyüklükdə şirkətləri əhatə etməlidir. Bu cür
şirkətlər yaradıcı və innovativ olmalarına baxmayaraq, yetəri qədər imkanlara və
kapital ehtiyatlarına malik olmadıqları üçün yüksək gəlirlilik potensialı olan
layihələrini maliyyələşdirə bilmirlər. Beləliklə, vençur fondlar bu cür şirkətlər üçün
yeni bir kapital mənbəyinə çevrilir.
-
Vençur maliyyələşdirmə təkcə kapital qoyuluşundan ibarət deyil. Kapitalist
eyni zamanda idarəetmə sahəsindəki bilik və təcrübələrindən istifadə edərək
şirkətin texniki-iqtisadi əsaslandırmalarını həyata keçirməli, idarəetməsində aktiv
iştirak etməlidir. Bu iki səbəblə izah edilir. Birincisi, kiçik şirkətlərin idarəetmə
bacarıqlarının vençur şirkətlərə nisbətən daha az olur. Digər səbəb isə, vençur
şirkətlər riski azaltmaq şirkəti öz idarəetməsi altında tutmaq istəyidir.
-
Kapital qoyuluşu səhmlərin alınması ilə həyata keçirilir. Bu, kapitalist
üçün böyük risk daşısa da, layihənin hərtərəfli və diqqətlə araşdırılması bu riski
azalda bilər.
17
-
Vençur maliyyələşdirmə uzunmüddətli xarakter daşıyır (5-10 il). Vençur
kapitalist maliyyələşdirdiyi şirkətin inkişafı və uğur qazanması ilə ciddi bir gəlirin
əldə edilməsini hədəfləyir.
-
Vençur kapital qoyuluşu yüksək və ya aşağı texnologiyalar sahələrində,
eləcə də şirkətin inkişafının hər hansı bir mərhələsində həyata keçirilə bilər.
Texnoloji inkişaf iqtisadi böyümə və genişləmənin əsas hərəkətverici
qüvvələrindən biridir. Bunun həyata keçməsi üçün də yeni məhsul və istehsal
texnologiyalarının yaradılması gərəklidir. Texnoloji yeniliyin ilk mərhələsi olan
fikir mərhələsindən təcrübə zavodu (pilot plant) mərhələsinə qədər olan
mərhələlərindən bir və ya bir neçəsinin maliyyələşməsi üçün vençur fondlardan
istifadə olunur. Texnoloji inkişaf həm də sərmayə və əməyin məhsuldarlığını
artmasına səbəb olur. Beləliklə, vençur fondlar bir tərəfdən texnolji yenilikləri
maliyyələşdirərkən, digər tərəfdən məhsuldarlığın artırmasında böyük önəm kəsb
edir. Texnologiya, texnoloji inkişaf və texnoloji üstünlük bir şirkətin rəqabətdəki
ən güclü silahlarından biridir. Bu səbəblə, vençur fondlar xüsusilə beynəlxalq
rəqabətdə ən vacib funksiyalardan birini yerinə yetirir.
Vençur fondlar makroiqtisadi səviyyədə aşağıdakı funksiyaları həyata keçirir:
Vençur kapitaldan ən çox texnoloji yenilik sahəsində istifadə
olunduğu üçün ölkədəki texnoloji inkişaf səviyyəsinin sürətlə böyüməsində
mühüm rol oynayır. Beləliklə, vençur fondlar texnoloji sənayeləşmədə katalizator
funksiyasını yerinə yetirirlər.
Vençur fondların texnoloji inkişaf və yeniliklərə verdiyi dəstək yeni
məhsul və xidmətlərin iqtisadiyyata qazandırılmasına zəmin yaradır.
Vençur maliyyələşdirilməsindən çox vaxt dinamik, məhsuldar, gənc,
lakin yetəri qədər maliyyə ehtiyatlarına malik olmayan şirkətlərdə istifadə
olunduğu üçün, cəmiyyətdə pulu olmayan, innovativ fikirli hər kəsin iş qura
bilməsi fikri nəzəri olaraq yayılmağa başlayır. Bu səbəbdən yeni fikirlərin və
ixtiraların ortaya çıxması və inkişaf etdirilməsinə şərait yaranacaq və iqtisadiyyat
18
dinamizm qazanacaqdır. İqtisadiyyatın dinamizm qazanması da öz növbəsində
makroiqtisadi inkişafın təməl faktorlarından biri hesab olunur.
Vençur fondlarla çox vaxt yüksək texnologiyalar sahəsindəki şirkətlər
maliyyələşdirilir. Apple, Microsoft, Lotus, Genentech kimi şirkətləri bu siyahıya
aid etmək olar. Ancaq Staples, TCBY, Federal Express və s. kimi yüksək
texnologiyalar sahəsinə aid olmayan yüzlərlə şirkət vardır ki, onların da
qurulmasın vençur fondlardan istifadə edilmişdir. Bütün bu yuxarıda sadaladığımız
şirkətlərin bir ortaq cəhəti var ki, o da hamısının unikal fikir və ya məhsullarının
olmasıdır və bu, vençur şirkətlərin onlara kapital qoyması üçün yetərli səbəbdir.
Layihənin yüksək texnologiya ilə bağlı olub olmamasından asılı olmayaraq
vençur kapitalistlər aktiv investorlar olurlar. Onlar şirkətin inkişaf xəttini yaxından
izləyir, idarəetmədə iştirak edir, maliyyə cəhətdən irəliləyişlərinin əldə olunması
üçün kapitalın düzgün bölüşdürülməsi və idarə edilməsi ilə məşğul olurlar. Çox
vaxt vençur kapitalistlər hətta investisiya qoyduqları şirkətin idarə heyətinin
üzvlərinin kənarlaşdırılması, oraya peşəkar menecerlərin təyin olunması kimi bir
sıra hüquqlara malik olurlar. Bundan əlavə, vençur kapitalistlər şirkətlərin maliyyə
məsləhətçiləri, banklar və hüquqşünaslardan profesional dəstək almasında vasitəçi
rolunu oynayırlar.
1.2. Vençur fondların innovasiya inkiĢafında rolu.
Vençur maliyyələşdirməsində iştirak edən tərəflər aşağıdakılardır:
İxtraçılar. İxtira edən şəxslərdir. İxtira isə, yeni məhsul, yeni istifadə
metodu və ya yeni istehsal üsulu formalarında təzahür edən innovasiyanın
nəticəsidir. İxtiraçılar bəzən öz ixtiralarını bazara çıxararaq sahibkarlıq fəaliyyəti
ilə də məşğul olurlar.
Sahibkarlar. Sahibkar ─ yeni bazar, yeni tədarük və maliyyə
mənbələrindən istifadə edən, yeni məhsul ya da istehsal texnologiyaları,
Dostları ilə paylaş: |