40
II FƏSĠL. VENÇUR FONDLARIN FƏALĠYYƏTĠNĠN XARĠCĠ
TƏCRÜBƏSĠ.
2.1. Vençur fondların fəaliyyətinin ABġ təcrübəsi
Müasir maliyyə alətlərindən biri olan vençur fondlardan ilk dəfə ABŞ-da
istifadə olunmuşdur. Vençur fondlar ilkin formada, ABŞ-a müxtəlif zaman
aralığında köçmüş insanların iş qurmaq məqsədilə banklardan aldıqları
uzunmüddətli investisiya sərmayəsi nəticəsində fəaliyyət göstərmişdir. XVIII və
XIX əsrlərdə Avropadan Amerikaya kütləvi köç olan vaxtda, yeni qitədə iş qurma
məqsədilə bu üsuldan çox istifadə edilmişdir.
II Dünya Müharibəsi sonrası amerikan iş adamı Lovrens Rokfellerin öz əsgər
yoldaşlarına müharibədən qayıtdıqdan sonra onlara iş qurmaqda dəstək olacağına
söz verməsi və bu sözü yerinə yetirməsi ilə vençur fondlar müasir məzmununu
almışdır. L.Rokfeller bu maliyyə dəstəyini kömək və ya borc olaraq
dəyərləndirməmiş, əksinə vençur kapital vasitəsilə dostlarının qurduqları
şirkətlərin səhmlərini alaraq onlara ortaq olmuşdu.
Tarixdə ilk vençur şirkət məhz ABŞ-da yaradımışdır. Bu, K.Kompton,
M.Qrisvold, R.Flanders və C.F.Doriot tərəfindən 1946-cı ildə əsası qoyulmuş “
American Research and Development - ARD)” şirkətidir.
ARD şirkətinin prezidenti olmuş, Harvard Biznes Məktəbinin professoru
Corc F.Doriot “ vençur kapitalın atası “ adlandırılır. C.Doriot təkcə şirkətlərin
maliyyələşməsində deyil, həm də həmin şirkətlərin dəyər qazanmasında maraqlı
idi. C. Doriotun rəhbərliyi altında ARD şirkətinin işçi heyəti şirkətlərə idarəetmədə
və digər işlərdə köməklik göstərməklə böyük nailiyyətlər əldə olunmuşdur.
ARD tərəfindən ilk investisiya 1947-ci ildə Yüksək Gərginlik Texnikası
(High Voltage Engineering) şirkətinə qoyulmuşdur. 1955-ci ildə bu şirkətin
səhmləri ilk dəfə bazara çıxarılanda 200 min dollar dəyəri olan investisiya 8 il
ərzində dəyərlənərək 1.8 milyon dollar olmuşdur.
41
1958-ci ildə Federal hökumət kiçik şirkətlərin maliyyələşməsində və kiçik
sahibkarlığın inkişafında aktiv rol oynamağa qərar verdi. Bunun üçün Kiçik Biznes
İdarəsinin ( Small Business Administration ) dəstəyi ilə yeni kiçik investisiya
şirkətləri quruldu. Bu investisiya şirkətləri müxtəlif sahələrdə olan şirkətlərə
kapital qoyuluşunu həyata keçirməyə başladılar. Artıq 1960-cı illərdə yeni
yaradılmış 700 investisiya şirkəti ABŞ-da riskli kapitalın qoyuluşunda önəmli yer
tuturdular. ARD-dən fərqli olaraq, bu investisiya şirkətləri daha kiçik məbləğdə
kapital qoyuluşu həyata keçirirdilər, həm də onların sənaye və idarəetmə tərübələri
az olduğundan pul yatırdıqları şirkətin informasiya təminatında, peşəkar dəstəyin
verilməsində maraqlı olmurdular. Bundan başqa onlar daha az riskli layihələrə
kapital qoyuluşu etdiyindən qazancları da az olurdu. Bu kimi səbəblər getdikcə
vençur şirkətlərin artmasına, onların maliyyə sektorunda özünə məxsus yer
tutmasına şərait yaratdı.
XX əsrin 70-ci illərindən sonra vençur fondlardan istifadə daha da
genişlənmişdir. Belə ki, informasiya texnologiyalarının inkişafı şəraitində dinamik
və innovativ fikirlərin, layhələrin sayı sürətlə çoxalmış və bu sahədə vençur kapital
qoyuluşu yüksək səviyyələrə qalxmışdır.
1971-ci ildə ABŞ-da inkişafda olan və yeni qurulmuş şirkətlər üçün birja ─
NASDAQ (National Association of Securities Dealers Automated Quotations )
qurulmuş, bunun nəticəsində kiçik və orta şirkətlərin maliyyə ehtiyacları ilə bağlı
problemlərin həlli istiqamətində addım atılmışdır. Kapital sahibi investorlar bu
birja vasitəsilə səhmlərin alış-satışını həyata keçirərkən şirkətlər haqqında daha
dolğun və etibarlı informasiya əldə etməyə imkan tapır, eyni zamanda vençur
kapitalla böyüyən şirkətlər də burada listinq, kotirovka şərtlərini asanlıqla ödəyir
və özlərinin səhm satışlarını həyata keçirirlər. NASDAQ, hal-hazırda yerinə
yetirdiyi əməliyyatların sayı və həcminə görə dünyanın ən böyük fond
birjalarından biri hesab olunur.
ABŞ 1978-ci ildən sonra çıxardığı qanunlarla vençur investisiya sahəsində
gəlir vergisindən azad olmaları artırmışdır. Bu da öz növbəsində sosial-müdafiə
fondlarının böyük hissəsinin vençur maliyyələşdirmə üçün ayrılmasını təşviq
42
etmişdir. 1980-ci ilə kimi 1.2 milyard dollar həcmində vençur fondlardan istifadə
olunurdusa, bu rəqəm 2000-ci ildə artıq 105 milyard dollardan çox olmuşdur.
Vençur fondlardan illər üzrə istifadə səviyyəsi aşağıdakı cədvəldə göstərilmişdir:
Cədvəl 2.1.
ABġ-da vençur fondlardan istifadə göstəriciləri
İllər
Müqavilə
sayı
İllik dəyişmə
( % )
Vençur fondların
həcmi
( mlrd. $)
İllik dəyişmə
( % )
1999
5606
-
54,9
-
2000
8042
43,4
105
91,2
2001
4595
-42,8
40,9
-61
2002
3217
-29,9
22,1
-45,9
2003
3036
-5,9
19,6
-11,3
2004
3236
6,5
22,8
16,3
2005
3300
1,9
23,2
1,7
2006
3890
17,8
27,6
18,9
2007
4224
8,5
31,9
15,5
2008
4178
-1
29,9
-6,2
2009
3149
-24.6
20,3
-32,4
2010
3640
15,5
23,4
15,1
2011
3991
9,6
29,8
27,1
2012
3826
-4,1
27,5
-8,5
2013
4238
10,7
30
10,7
2014
4361
2,9
49,3
64,3
2015
4380
0,4
58,8
19,2
Mənbə:
Pricewaterhouse
Coopers/National
Venture
Capital
Association
MoneyTree™ Report, Data: Thomson Reuters (2015).
Cədvəldən də göründüyü kimi, ABŞ-da vençur maliyyələşdirmə 2000-ci ildə
ən yüksək səviyəyə ─ 105 mlrd. dollara qalxmışdır. Buna səbəb isə həmin illərdə
dünyada, o cümlədən ABŞ-da baş vermiş “texnoloji bum” (tech boom) olmuşdur.
Ancaq sonradan vençur maliyyələşmə həcmi getdikcə azalmış, yalnız son 2-3 il
ərzində bu sahədə canlanma yaranmışdır.