37
Marketinq riski ─ yeni məhsulun bazara çıxarılması zamanı yaranacaq
riskləri nəzərdə tutur. Xüsusilə rəqabətin yüksək olduğu bazarlarda satışa
çıxarılacaq məhsullar üçün haqqında bəhs etdiyimiz marketinq riski məhsulun
dizayn edilməsi mərhələsindən etibarən nəzərə alınmalıdır. Bazar payı, tələbin
həcmi, həyata keçirələcək marketinq strategiyaları və s. bu riskə təsir edən
amillərdir.
Yuxarıda sadaladığımız bu risklərin qiymətləndirilməsi, onların hərtərəfli
təhlil edilməsi vençur maliyyələşdirmə zamanı uğurlu nəticələrin alınmasında
böyük rol oynayır. Yalnız bundan sonra vençur şirkətlər yaranacaq riskləri
azaltmaq istiqamətində həyata keçirəcəkləri strategiyaları müəyyənləşdirirlər.
Riskin azaldılması üçün ən çox istifadə olunan üsullar aşağıdakılardır:
Diversifikasiya. Diversifikasiya kapital resurslarının bir-biri ilə heç bir əlaqəsi
olmayan müxtəlif sahələrə yatırılmasıdır. Bu proses bir tərəfdən investisiya riskini
azaldır, digər tərəfdən çoxistiqamətli iqtisadi inkişafa şərait yaradır. Ancaq qeyd
etməliyik ki, diversifikasiya yalnız riskin bir hissəsindən yayınmağa imkan verir, o,
investisiya riskini sıfıra endirə bilməz.
Limitləmə. Bu, vençur şirkətlər tərəfindən limitin müəyyən olunmasıdır, yəni
xərclərin, satışın, investisiyanın və s. həcminin həddini müəyyən etməkdir.
Limitləmə riskin səviyyəsinin aşağı salınması zamanı vacib üsul hesab edilir və
banklar tərəfindən ssudanın verilməsi, overdraft müqavilələrin imzalanması
zamanı tətbiq edilir.
Hedc əməliyyatı (hedging strategy). Vençur şirkətlər tərəfindən bazardakı
qiymətlərin qeyri-müəyyənliyi zamanı alış və satışla bağlı olan maliyyə riskini
aşağı salınması üçün istifadə olunur. Hedc əməliyyatı ─ alıcı və satıcı tərəfindən
özlərinin bizneslərini, yaxud ödəniş vasitələrini bazarda qiymət (məzənnə)
dəyişməsi nəticəsində maliyyə itkisindən sığortalamaq (qorumaq) məqsədilə
aparılan forvard əməliyyatıdır. Bu zaman şirkət öz məhsullarını (kommersiya
krediti formasında) alıcıya göndərir. Sonra şirkət ödəniş günü alacağı xarici
valyutanın mümkün mübadilə məzənnəsi riskindən qorunmaq məqsədilə həmin
38
məbləği banka satır. Beləliklə, şirkət ilə bank arasında yaranan münasibət hedc
əməliyyatı adlanır.
Vençur maliyyələşdirmənin həyata keçirildiyi mərhələdən asılı olaraq risklər
də dəyişir. Belə ki, şirkətin erkən inkişaf mərhələlərində qoyulan investisiyalar
daha çox risk daşıdığı halda, gec mərhələdə qoyulan investisiyalar daha aşağı riskli
olur. İndi isə mərhələlər üzrə risk faktorunu aydınlaşdıraq:
1.
Ġdeya mərhələsi (Seed capital). Bu mərhələdə şirkət hələ qurulmamış
olur. İnnovatorun bir ideyası vardır, ancaq bu ideya hələ maddi formasını
almamışdır. Bu zaman vençur şirkətlərin funksiyası yeni ideyasını həyata keçirmək
istəyən innovatora maddi dəstək verməkdən ibarətdir. Bu layihənin reallaşması
sual altında olduğundan ən riskli investisiya növü hesab edilir.
2.
Start-up kapital (start-up capital). Vençur maliyyələşməsində ən
çox istifadə olunan investisiya növüdür. Start-up kapital vençur şirkətlər tərəfindən
yeni təsis edilmiş, ya da yeni yaranmasına baxmayaraq öz məhsul və ya
xidmətlərini
bazara çıxarmamış və ya çıxara bilməmiş şirkətlərin
maliyyələşdirilməsini nəzərdə tutur. Profesional vençur şirkətlər bu mərhələdə
biznes-planı diqqətlə nəzərdən keçirməli, bazarın vəziyyəti araşdırılmalı, şirkət
idarəçilərinin bilik və bacarıqları qiymətləndirilməli və s. işləri həyata keçirməlidir.
Bu mərhələdə qoyulan kapitalın miqdarı ideya mərhələsinə nisbətən daha çox
olduğu üçün, start-up investisya da yüksək risk daşıyır.
3.
Erkən mərhələ və keçid kapitalı (Early stage and gate financing).
Bu zaman şirkət artıq müəyyən inkişaf mərhələsində olur. Bazarda məhsul və ya
xidmətlə çıxış edir, ancaq rəqabət üstünlüyünə və ciddi bazar payına malik olmur.
Üstəlik idarəetmədə bəzi problemlərlə qarşılaşırlar. Vençur şirkətlərin maliyyə və
idarəçilik cəhətdən dəstəkləri bu maliyyələşdirmə növünün əsasını təşkil edir.
Keçid kapitalı isə, bir şirkətin ikinci dəfə vençur şirkətlərdən aldığı kapitalı ifadə
edir. Bu maliyyələşdirmə növü də yüksək riskli xarakter daşıyır.
4.
Böyümə kapitalı (Expansion investments). Fəaliyyətdə olan bir
şirkətin böyüməsi iki istiqamətdə ola bilər: orqanik böyümə və ələ keçirmə yolu lə
böyümə (growth acquisition). Orqanik böyümə ─ yeni və daha böyük zavod və
39
anbarları, yeni məhsulları, beynəlxalq bazarlara çıxışı xarakterizə edir. Ələ
keçirmədə isə bütün bu məqsədlərə mövcud şirkətin alınması ilə nail olunur. Hər
iki alternativdə də vençur şirkətlər üçün mövcud fəaliyyət və böyümənin gətirəcəyi
yeniliklər haqqında ətraflı məlumat verən bir inkişaf planının hazırlanması
vacibdir.
Ələ keçirmə məqsədi ilə kapital qoyuluşları bəzən vençur kapitalistlərin
maliyyələşdirdiyi şirkətlərə edilir. Alıcı bu zaman lazım olan kapitalın ödənilməsi
vençur şirkətlərdən maddi dəstək də alırlar. Vençur şirkətlər də öz növbəsində
istənilən performansı göstərməyən şirkətə yenidən əlavə kapital vermək yerinə,
yeni bir alıcı tapmağı daha məqsədəuyğun görür.
5.
Körpü
maliyyələĢdirməsi
(Bridge
finance).
Körpü
maliyyələşdirməsi əlavə vençur kapital əldə etmək istəyən ya da səhmlərini
bazarda satışa çıxarmaq istəyən şirkətlərə vençur kapitalistlərin verdiyi maliyyə
dəstəyini nəzərdə tutur. Bu investisiyanın əsas xüsusiyyətlərindən biri də
qısamüddətli (1-3 il) və daha az riskli olmasıdır.
6.
Xilasetmə kapitalı (Recovery or turnaround financing). Gec
mərhələ maliyyələşdirmə növlərindən biri olan xilasetmə kapitalından bu günlərdə
çox az istifadə olunur. Müxtəlif səbəblərdən uğur qazana bilməyən şirkətlər çox
vaxt ilkin kapitalistləri tərəfindən erkən mərhələlərdə xilas edilməyə (early-stage
turnarounds) çalışılır.
Şirkəti xilasetmə maliyyələşdirməsi üçün ilk öncə banklarla olan müqavilələr
yenilənir, kredit alma imkanları dəyərləndirilir. Sonra şirkətin idarə heyətində
dəyişikliklər edilir. Xilasetmə əməliyyatlarının çoxunda vençur kapitalistlər
tərəfindən qoyulan sərmayə miqdarı böyük olur, bu da şirkət kapitalında
üstünlüyün ələ keçirilməsinə və ya tamamilə alınmasına gətirib çıxarır.
Xilasetmə maliyyələşdirməsi uğurlu nəticələr verdiyi halda, vençur
kapitalistlər bu şirkəti eyni iqtisadi sektordan olan daha böyük şirkətlərə satırlar.
Beləliklə, əldə edilən gəlir qoyulan sərmayənin 2-3 qatı qədər ola bilir. Ancaq bir
çox xilasetmə maliyyələşdirməsi uğursuzluqla nəticələnmişdir.
Dostları ilə paylaş: |